Ka Nupepa Kuokoa, Volume LVIII, Number 53, 31 December 1920 — Page 3

Ka Nupepa Kuokoa

KE KILOHANA POOKELA NO KA LAHUI HAWAII

 

HE MOOLELO NO

 

Elese, ka U'i Nohea i Liliia

 

A I OLE

 

Ka Ipo Aloha a ke Kanaka Waiwai

 

Ua kaumaha loa ko Hale noonoo ia manawa, no ka mea, aole e holopono ana kona manao me ko Mabela noho mai. Ua lohe mau oia mamua aku hookahi wale no mea makau a Harison oia kana kaikamahine, eia nae, aole oia i hooiaio no ia lohe ahiki iho la i nei manawa ana e lohe popo nei.

"Aohe a'u hane e ae i hoea mai la ianei i keia manawa o keia wale no, no ke kamailio pu ana no ia me oe no ka pono o kuu makuakane. Ua maopopo is oe kana mea i hana ai, nolaila, o kou manao ka'u e upu aku nei e lohe," i hoike koke aku ai o Hale me kali ole aku.

"Oia kona hoohana ana i kuu inoa me kuu ae ole aku, ea?" i pane mai ai ka elemakule.

"Ae, no ke kanalima kaukani @ala, pela ko'u manaoio. I hele mai la au no ke noi ana aku ia oe no ka haawi ana aku i kona kuleana a pau i ka hui nou, aole hoi oe e huai ae ia hewa ana i hana ai imua o ke akea. He manaoio ko'u in a no ka hoomaopopoia o kon kuleana apau i ka hui e hiki aku ana no i kela huina, mahope o ka hookaaia ana aku o kona mau aie apau. Aole anei oe e oluolu mai ana e lawe aku i kona mau mahele apau iloko o ka hui a olua a e haawi aku iaia i na palapala?"

"Na'u e pane aku ma ko papa aoao - aole !" i hooho mai ai o Mabela, a ma kona mau maka ke nana aku e hoike mai ana ia i kona lanakila maluna o Hale, a Hale hoi e ukiuki wale aku ana no.

"E noi hou aku ana au ia oe, e Mr. Harisona, me ka haahaa loa, o ke kulana o kuu makuakane i keia manawa he kulana ia e hiki ole ai iaia ke ola loihi aku. I keia manawa ua hoike mai oia ia'u i kona manaolana poho no ka hiki iaia ke hoomau aku i keia ola ana, nolaila au e noi aku nei ia oe e hoopau koke mai oe i kei pilikia on a mamua o kona haalele ana mai i keia ola ana. Aole hiki i kona hilahila ke uhiia e ke kanawai, e ike iho oe ia mea nou iho."

Alaila huli ae la ka elemakule e nana ia Mabela ma kahi o kona nana mai ia Hale, a oia ka Mabela o ka pane kikoola ana mai:

"Waiho aku na ke kanawai e hana mai. E make ko makuakane iloko o ka halepaahao e pono ai, elike me kana hewa @ hana ai, o kou inoa hoi, e Hale, e kau mau aku ana ka hilahila e hiki ole ai i ko wahine, kela wahi kaikamahine hookano, ke lawe aku ia oe i kane nana."

Makona keia mau olelo a Mabela e nele ole ai no ka eha o kekahi mea e lohe aku ana, aka, haikea wale ae la no nae ko Hale helehelena no kona manao no e pane mai ana ka elemakule he mea okoa mawaho ae o ko Mabela manao a no ka pane koke ole mai o Harisona i hou aku la:

"No kuu makuakane ua noho pu oia ma kou aoao no na makahiki lehulehu ma ke ano o kou hoahui ia ma ka hana. E ae ana anei oe iaia e make, ma ke ano he kanaka hana karaima i huikala ole ia?"

"Heaha auanei ka mea hiki ia'u ke hana aku in a no ua hoole ae la o Mabela? E pono oe e ike iho nou in a oe e noi mai ana no ka pono o kou makuakane, alaila he kuleana no hoi ko Mabela e pane aku ai, ma ko'u aoao. No ka mea hoi e pili ana ia Elese Beranadona, kahi kaikamahine -"

"Ea, ua oki kau kamailio ana mai i kekahi mea e pili ana no kela kaikamahine. Aohe ou kuleana e hoahewa aku ai i kela kaikamahine ma o'u nei. Ua maopopo ia oe a ua oi aku no hoi kou ike nona mamua o kekahi poe e ae, i ka nui o kona maikai ame kona maemae.

"Aole au e hoahewa aku ana ia oe no kou hoao ana e hoohaumia iaia, a no ka mea, owau kekahi i komo pu is hewa hookahi, aka nae ua hoahewa loa au ia'u iho no ko'u hoao ana e hoowalewale iaia, a ua hooholo iho nae au i ko'u manao ma keia mua aku e hoolilo ana au i@u iho i mea hoopakele iaia mai ka poe mai apau e hoao ana e hoopoino iaia."

"Keiki maikai maoli ka hoi oe!" wahi a Mr. Harisona o ka pane ana mai, me ka minoaka ana iho.

Ke uumi loa la o Hale i kona inaina ia manawa, no ka mea he hana maikai ole nana ka hoao ana aku e hoopoino i ka elemakule a i ole i kana kaikamahine paha. Alaila wehe mai la oia i ka puka a i aku la:

"E oluolu ana anei oe e hoike mai ia'u pehea ana la ka loihi o ka manawa e loaa ana ia maua mamua o ka hooko ana mai o ke kanawai i kona mana?"

"Aneane hookahi pule; aole mamua ae."

"A, mahalo ia oe no ka nui o kela manawa lokomaikai!" wahi a Hale. Ia pau ana no o ka laua kamailio ana o ko Hale oili aku la no ia a hoi pololei aku la no ka hale.

 

MOKUNA XLV - Ka Mare Ana o na Mea Manaoino.

 

"Ua haawi mai nei oia hookahi pule mamua o ka hoo komo ana aku i ka hoopii," wahi a Hale o ka pane ana aku i ka makuakane; o kana hoike ia o ka ha'i ana mai mahope o ko laua kukakuka ana me Harisona. Alaila nana ae la o Mr. Venona i ka lani a nui iho la ka hanu me he mea la e ha'uha'u uwe iho ana, a i mai la:

"Malia paha i haawi mai la oia ia manawa no'u e holo mahuka aku ai, aka, aole, loa au e hoao aku ana e hana i kekahi mea o ia ano, a no ka mea aole au e ola loihi aku ana, e Hale, in a no no ko'u lanakila mai keia hihia mai a lanakila ole paha. E hana koke ana au ia hana i keia manawa me ka manao maikai, a no ka mea, he pomaikai ke loaa mai ana me ka maha o ka noonoo, ua hoea mai ka pilikia ko'iko'i loa a ua hiki ole nae ia pilikia ke ku loihi no kekahi manawa."

"Oiai oe e hooponopono ana i kau mau hana apau e haawi aku ana au i ke kokua ia oe elike me ka hiki ia'u," a elike me ia ana o ka hoike ana aku ua hoao io iho la oia ahiki i kona ike ana ua pau na mea apau i ka hanaia me ka maikai. Aohe ana nana hou ana aku ia Mokana, no ka mea, ma kana mau olelo a ma kona helehelena o ka hoike ana mai aia he mau manao maikai ole iloko on a nona; aole oia wale, he mau hana e ae no kekahi a Mokana i hoolala ai e hookomo loa aku ia Hale iloko o ka pilikia.

Iloko o ia manawa mahope mai, ua ike oia aia ka hilinai nui o kona noonoo maluna o Mabela, nolaila ua kula iho la oia iaia iho i mea e hoike ole aku ai oia i kana meahuna iaia oiai ia meahuna e paanaau mau ana iloko o kona lolo, a oiai oia e noonoo ana no ia mea, iho mai la o Mabela i ka rumi ana e noho ana me ka helehelena hoihoi.

Oiai o Hale e kokua ana i ka makuakane ma ka hooponopono ana i na hana apau, he manawa ia no ko Mokana noonoo i piha me ka manaoino ame ka maalea e hoolala mai la no ka hooko ana aku i ka Mabela mau mea i makemake ai no ke kauia aku o kekahi hoopa'i maluna o Elese, ke kaikamahine a Mabela i inaina ai, aole oia wale, aka, ua hoolala pu oia i kekahi hana e kailiia mai ai o Elese mai kona home mai.

"I ka manawa e lilo mai ai o Elese e haawi ana au i ka'u makaala loa ana maluna on a i ole ai oia e holo mahuka hou, elike me ia ana o ka holo ana me ka ike ole ia mamua aku nei. Aole no ko ka elemakule Harisona pono wale no e kailiia mai ai o Elese, aka no ko'u pono pu kekahi.

"O, he hana maalahi loa kela ke hanaia. He mea nani loa ka lilo ana mai o Mabela i wahinemare na'u a o Elese hoi i wahine lawelawe no'u!" wahi a ua o Mokana o ka namunamu wale ana iho no iaia iho.

"A, he ipo aloha oe elike me ka ko'u puuwai i makemake ai!" wahi a Mabela i ka manawa a Mokana i apo mai ai iaia a hoopili mai la i kona umauma. Pehea ua hana aku anei oe i ka mea a'u i makemake ai, oia ka panai ana aku i ka ino maluna o kuu mau enemi, elike me ka laua i hana mai ai ia'u?"

Nee ae la o Mokana i ka akaaka me kela ano debolo on a a i ae la: "Ina ua lilo ia hana a'u i hana aku ai i mea nou e hauoli ai, alaila ua hauoli pu me a'u, e kuu aloha! Ua hooh@oi au e hoao mai ana o Hale e hana i kekahi mea e hoaloia ae ai ka pilikia mai a laua ae, eia nae, aole aui maopopo loa i kana mau mea o kahana ana, o e paha ka i maopopo."

Alaila hoakaka iho la o Mabela i ko laua hui ana me Hale a kamailio no ka mea e pili ana i ko laua mare a hoole aku ai oia iaia, a pela hoi me ka hele ana aku o Hale e hui me ka elemakule Harisona; no ko Hale hoohokaia ana, nee ae la laua i ka akaaka hoohenehene.

"Hookahi pule a papa i haawi aku ai ia laua," wahi a Mabela o ke kamailio ana iho me ka akaaka. "Aka nae, mahope iho o kona hoi ana aku kamilio mai o papa ia'u iloko o ia manawa he manawa ia nona e hoomakaukau ai no ko Mr. Venona hopuia aku."

"Kahaha! Pehea in a e holo mahuka aku ana o Mr. Venona?" wahi a Mokana.

Nee hou ae la o Mabela i ka akaaka a i mai la:

"Ua hoolimalimaia kekahi makaikiu e kiai mau iaia i na manawa apau iloko o ia manawa, me ka haawi ole i manawa no Mr. Venona e kaawale aku ai i kekahi wahi mamao."

"Alaila ua paa loa ka manao o ko makuakane no ka hopu ana ia Mr. Venona, oia anei?" i ninau ae ai o Mokana, me ka anaanai ana iho i kona mau lima.

"Ae, o kona manaopaa maoli ia. Ua manao hoi au e paipai mau aku iaia e hoomau oia ia manao o@a, eia nae ua ike iho au he mea makehewa ka hookikina ana aku no ia mea, no kamea, ua ike oia i kana mea e hana ai. Wahi ana ia'u, he makemake oia e hoopa'iia ka hoahui on a me ke koikoi loa elike me ka hoopa'i koikoi loa a ke kanawai i hoakaka ai no na hewa o kela ano; ua maopopo ia oe kona ano ame kona manao, i kona manawa e hooholo ai i kona mano no ka hookoia ana aku o kekahi mea, aole oia e kuemi hope ana," wahi a Mabela.

"Pela no. He enemi ino loa oia a he hoaloha maikai loa no hoi no kekahi kanaka e hana mai ana i ka maikai iaia. Oia wale no ke kanaka a'u e hiki ai ke kapa aku he mea kiekie loa maluna ae o'u, aole kakahi poe e ae, oia hoi, make akamai a ma ka maalea. Pehea, ua kamailio mai nae paha oia ia oe no kekahi mea e pili ana no ko kaua mare?"

"Ae; ua kamailio mai oia me ka nee pu ana iho nae i ka akaaka. O, mai kanalua oe nona, aole oia e ku-e mai anaa, oiai owau ka mea e mare ana, aole oia, nolaila @ elike me ka'u i makemake ai he hooko wale mai no kana."

"A pehe@ ua kupono anei au nau elike me kou makemake?" i ninau ae ai o Mokana.

"O sure keel! Heaha kau mea i hana aku ai o kela wahi kaikamahine?"

"Ua hoolala au e kaili hou mai iaia mai kona home mai i kei po a i ole i ka la apopo. Ua hokai wale mai oe i ka'u apana hana, a mai kanalua hoi no ko'u hooko ole aku ia hana. Ua ike au he pono ia'u ke kaili hou mai i kela wahi kaikamahine no ka haawi ana aku i ko makuakane in a o kou makemake ia. Pehea ia la, i kou manao?"

O keia kekahi o na manao hewa loa a kekahi kane hoopalau e kamailio aku ai i kana wahine hoopalau, eia nae, oiai o Mabela he kaikamahine i hihia malalo o na alakai hewa a Mokana, a o kona makemake no hoi ia o ka ike mai ua haulehia kona enemi i ka hewa, aohe on a pane mai.

"E pii kaua iluna no ka ike ana aku i kuu makuakane," i pane iho ai o Mabela. "ua makemake oia e ike ia oe i ko wa ihoea mai nei, he mea kana i makemake ai e kamailio mai ia oe, heaha la ia mea, aole i maopopo ia'u. aka, e lohe aku ana no nae oe ke hiki aku kaua imua on a."

Ma ka laua mau mea a kamailio ana me he mea la he mau mea laua i hoohuiia e ku-e aku ana i ke ao holookoa aole hoi ma ke ano he mau mea hoopalau.

He nanaina haaheo a haakei ko Mabela, a no ia ike aku o Mokana ia mau ano maikai ole on a ua komo koke iho la ka manao iloko o Mokana elike no me ka Mabela i hana aku ai i kona makuakane, pela ana no oia e hoao mai ai e hana i ka mea like me ia i kana kane. Ua maopopo i ua o Mokana keia mau ano apau o Mabela, eia nae, no ke ake loa i ka waiwai ame ka hanohano, ua kapae loa ae la oia ia mau ano ino a maikai ole apau o Mabela a hooholo iho la i kona manao e mare me Mabela.

Eia nae, ua maopopo iaia keia mea, ke olelo wale iho la no nae oia iaia iho aia no he like ole nui mawaena o ke kane ame ka makuakane, nolaila, ua hiki no iaia ke hoomalu i na manao kiekie apau o kana wahine i kona manawa e noho mana ai maluna on a, oia hoi, i kona manawa e lilo ai i hoahui no Harisona, a i ka manawa hoi e lilo ai oia i kanaka waiwai a hanohano.

Hopu hou aku la oia i na lima o Mabela a hoopili mai la iaia i kona alo mamua o ko laua pii ana aku no ka rumi e moe mai ana o kam makuakane, me ka nee mau ana iho i ka honihoni ame ka milikaa ia Mabela.

Ia manawa, ua like loa o Mabela me kahi keiki uuku loa, a ua lilo maoli hoi oia i mea paani na Mokana ia manawa, me ka hoopouliuli loa ia o kona naau. Elike me ka Mokana mea i makemake ai ua haawipio maoli aku oia ia mau makemake o Mokana; pehea auanei e nele ai kona haawipio iaia iho o ka maikai auanei kela o na olelo ono elike me ka waimeli ka momona i na pepeiao o ua o Mabela, ahiki i ka poina loa ana o Mabela iaia iho, e puni ole ai?

Kuiee ae la laua a pii like aku la noluna o ka rumi a Paulo Harisona e moe mai ana.

"A, o olua mai la ka ia; he mau ipo aloha ea!" i pane mai ai ka elemakule.

"Ae; o mau keia, a ke manao nei au aole no hoi paha oe e ku-e mai ana no ko maua hoohuiia ae ma ka mare," wahi a Mokana.

"Aohe a'u ku-e ana aku, he u'i oia a he waiwai pu no hoi. Aole anei e Mr. Mokana?"

"He mea oiaio ia au i olelo mai la, aka, he waiwai no hoi au, he waiwai i lawa loa no maua ea elua, a o ka mea i nani loa ai he naauao oia a he hiki iaia ke malama i ka waiwai me ka uhaai ole. Aole e poino ana ka hui a Harisona. in a owau ka mea nana e hookele na hana." i pane aku ai o Mokana.

"Ua pololei ia mau olelo au, a i mea e hiki ai iaia ke lawe koke aku i ka hoeuli o ka hana iloko o ka manawa pokole, e hoike aku ana au i ko'u manao ia olua e mare koke olua me ka hoohakalia ole."

"Pehea?" i hobo like aku ai laua.

"E mare koke olua! Aohe mea nana e keakea mai i ko olua mare ana. No Hale, ko kane hoopalau mua au i hoole aku ai, aole e mare me ia, e hookahahaia aku ana oia, nolaila, mahope iho o ko olua mare ana, e waiho aku ana au i na hana apau iloko o na lima o Mokana nei, a nana e hookele aku i na hana apau o ka hui. Heaha ka olua pane?'

"O, aole no ka hoi i ka hikiwawe i kana mai; aole no hoi e hiki ke hoopanee iki aku a kekahi manawa kupono?" i ninau mai ai o Mabela, oiai nae o kona olu loa ia.

"Aole; e mare koke olua, a i keia po no, in a he makemake olua e mare. Ua hiki ia olua ke hele no kekahi wahi no kekahi mau la no ka hoohala ana i ko olua mahinameli, a e hoi mai nae olua mamua o kuu hookomo ana aku i ka hoopii no Mr. Venona. E oluolu ae ana au ma ka la apopo, nolaila aohe a olua kumu e hiki ole ai ke hoohuiia ae ma ka mare elike me ia a'u i hoike aku nei ia olua."

No ko Mokana makemake loa e lilo koke iaia ka hookele ana i na hana o ka hui, a e lilo hoi oia ke poo o ka hui, a ia manawa hookahi e kaa mai ai o Mabela malalo o kona malu, hawanawan iho la oia ia Mabela malalo o kona malu, hawanwana iho la oia ia Mabela i ka i ana iho: "Ae aku oe, i hoohauoli koke ia mai ai au." "A ehea ana o Elese?" i ninau ae ai o Mabela me ka huhu. "O, mai nana aku oe nona, e kaa mai ana oia malalo o ko'u mana i keia po me ka kanalua ole," wahi a Mokana. "O, in a pela, ke haawi aku nei au i ko'u ae."

 

Mokuna LXVI - Ko Hale Lanakila Ana i ka Manawa Hope

 

He ano haikai ole i ka Mabela noonoo iho, a ua hoomahuahua loa ia iho ia kahaha iloko ona, oia hoi kona mareia o ka ohana wale iho no ke ike, oiai o kana i moeuhane mua ai e mareia oia me ka hanohano loa a imua hoi o kekahi anaina kanaka nui e hele mai ana e hoohanohano i kona mare ana, ka mea ana i lia mau ai pela ana oia e mareia ai.

Eia nae he nui na mea i ala ae iloko o kona ola ana maloko o na la kakaikahi i hala aku, ua hanaia kekahi hana mahope o kekahi me ka hikiwawe loa, a i ka manawa a kona makuakane i hoolala mai ai iaia no ka mare koke ana ua ae koke aku la oia, me kona noonoo ole i ka hopena o ia ae koke ana.

Ua kauoha koke ia aku la kona kahunapule, ke kahu o kona ekalesia e hele mau ai, me kekahi o kona mau hoaloha pili kokoke mai no ka hele ana mai e ike i ko laua mareia ana ma ia po iho.

Ma ia koena manawa ua puahi na hana i hoomakaukauia no keia mare, na Godina, ke kanaka lawelawe o Harisona i hookomo i ko Harisona lole, i hiki iaia ke iho iho i ka hale malalo no ke ikemaka ana i ka mare o kana kaikamahine me ka luna nui o ka hui ana.

No Mokana hoi me ka awiwi wale no oia o ka holoke ana i o a ianei no ka hoopau pono ana i kana hana mamua ae o ka manawa kupono, a iaia i hele ae ai no ka hale o Harisona, ua hoolaunaia aku la oia imua o na hoaloha o Mabela i akoakoa mai ia manawa, me ka hoakaka pu aku o Mabela i ke kumu o ka hikiwawe loa o ko laua hoohuiia ae ma ka mare, a ma kahi malu nae i hoike aku ai ua o Mabela i kekahi o kona mau hoaloha, o ke kumu o ka hikiwawe loa o ko laua hoohuiia ae no ka hoohoka ana aku no ia ia Hale, ka mea ana i hoolilo aku ai i hoapaani wale no a he mea hookahaha aku no nae ia i ka hapanui o kona mau hoaloha, oiai ua hauwawa loa ia ae ko laua hoopalau ana me Hale, a eia nae, i ka mare ana o Mokana aku la ka hoi kana kane e hoohuiia ae ai.

Aohe i manaoio kekahi o ko ua o Mabela mau hoaloha no kana moolelo, a ua hookahahaia aku no hoi lakou ma o aku o ka palena kupono no kona koho ana ia Mokana oia kana kane, a haalele hoi ia Hale Venona, ke kanaka opio a ko Nu Ioka holookoa i mahalo mai ai i ke kanaka u'i, ka naauao ame ke kupono maoli no i kane na ua o Mabela.

Eia nae, ma ia po ua malamaia ke anaina mare me ka holopono, he mea hookahaha no nae i ka noonoo o ka poe apau e noho mai ana nana i kela mareia ana ke kulike ole o ko Mabela opio a u'i no hoi, me ko Mokana.

Iloko o kela manawa holookoa e lawelaweia ana o na hana mare aia mau ma na maka o Mr. D. Harisona he minoaka, a i ka pau ana o ka mare, a hele ae la hoi kela ame keia o na hoaloha e ike i ka paamare, elike me ke ano mau, aia mau maluna o ko Paulo Harisona helehelena ka hoihoi me he mea la e akaaka mai ana, he mea kupanaha loa hoi i ka nana mai a ka lehulehu o na hoaloha e akokoa mai ana ia manawa.

No Harisona hoi ka akaaka hookahi ka akaaka like ana o ka lehulehu, aole nae ma kahi e ike mai ai o Mabela ia mau ano o lakou, no ka mea ua hoouluhuaia kona noonoo mamuli o na olelo a kona makuakane.

"Heaha hoi kela hana a ko makuakane?" i ninau ae ai kekahi o na hoaloha ia Mabela, me ka maikai ole o kona noonoo. "Aohe o'u makemake i ke ano o kana kamaillio ana."

"O, e pani koke aku ana au i kona waha i ka manawa e pau aku ai o keia poe i ka hoi," i pane aku ai ua o Mabela i ka mea i kamailio mai ai iaia, me ka piha loa i ka huhu.

A he mea oiaio ia a ua o Mabela o ka olelo ana aku, mahope o ka pau ana o ka aha inu waina, ua hoi aku la na malihini apau a koe kakaikahi wale iho la no lakou. He mau hana anoe wale no ka Mr. Harisona iloko o kela manawa e ai ana lakou i ka aina ahiahi, no ia kumu, ua piha loa o Mabela i ka inaina, a huli koke aku la e kamailio i ka makuakane, i ka manawa i hoi aku ai ka malihini hope loa.

"No keaha oe i hana ai elike me kekahi kanaka hupo loa, a i ole elike paha me kekahi mea i piha i na manao hehena?" He makemake anei oe e hoohilahila ia'u mamua o kuu mau hoaloha? He makemake anei oe e loaa aku ka manao iloko o lakou, malia, aole o Mokana nei kau kane i makemake ai na'u? Aole o'u makemake iki i kou hana ana pela, he mau hana ku maoli kau i ka hilahila!"

Ma key manawa he kanaka like ole loa o Harisona me keel elemakule o na hora mamua aku, oia wale no ame Mabela ame Mokana ke noho ana ia manawa.

"Auhea oe, e kuu kaikamahine, o ko'u manawa hope loa no hoi keia e ike mai ai oe ia mau ano hana. Mai huhu mai oe ia'u. Ahe olua la holo no ko olua mahinameli? A ihea olua e holo aku ai?"

"Ina no ko maua holo nei na Mokana nei e koho ia wahi a maua e holo aku ai," i pane pakike aku ai o Mabela.

"E holo aku ana maua i Bokekona," i pane aku ai o Mokana. "Ma ke kakahiaka o ka la apopo maua e holo aku ai," wahi hou a Mokana.

"Ahe, a eia ka'u ia olua, e hoi mai olua i kekahi la no o okeia pule, mai noho hou aku olua."

"Ua makemake au ia olua ia manawa, no ka mea, aia a hoi mai olua, alaila hoomakaukau kakou no ka hookomo ana aku i ka hoopii no Mr. Venona ame ke keiki ana."

"Ku ae la oia a hele hikaka aku la, me ka aka haaloulou iloko on a, me ke kohu kamalii loa ia manawa, a ua lilo ia hana ana i mea hookaumaha i ko Mokana noonoo, me he mea la aia oia ia manawa mamua o kekahi kanaka i uluhiaia e ke kaimonio.

"O e hoike aku ana au iaia no ka mea e pili ana i ke kii ana aku ia Elese a lawe mai imua on a," i hawanawana mai ai oia ia Mabela.

"E kii mua aku oe iaia," wahi a ka Mabela pane. "manao au ua nui loa kana @waina o ka inu ana iho nei. Aole au i ike i kona hana elike me keia mamua, o keia iho la ka makamua o ko'u ike ana."

Nolaila kiai aku la o Mokana me ka noho malie i ka pii o Harisona ma ke alanuipii no ka hale maluna me ka hoke ole ae i kona manao; i kona ike ana ua kau loa aku ka elemakule iluna loa e hiki ole ai iaia ke lohe mai i ka laua mau mea e kamailio ai, hopu aku la oia ia Mabela a apo mai la i kona alo no ka hoonana ana i ko Mabela inaina mamuli o na olelo ana o ka lohe ana aku i ka makuakane.

"E Mokana, mai hoopau wale oe i kou manawa me ke kii ole aku i kela wahi kaikamahine a kaili mai iaia mai kona makuahine mai. Ina no kona lilo mai ia oe, hoopaa aku iaia maloko o kekahi rumi a laka aku i ka puka a paa, alaila hoi hou mai hoi paha oe e hana mai maluna o'u i na hana au e hoike mai ai i kou aloha ia'u."

Uumi wale iho la no o Mokana i kona inaina no nei hookikina aku a Mabela iaia e kii ia Elese a lawe mai iaia mai kona hale mai, a hoopaa aku iaia ma kahi paaloa e hiki ole ai iaia ke holo mahuka hou aku, a eia nae, hopu aku la oia i ka lima o Mabela a honi iho la me ka pane ana aku:

"Ua pololei oe, e kuu moiwahine; e hele koke aku ana au i nei manawa."

O kona ku ae la no ia a hele aku la me ka namunanau no ko Mabela ano haakei, a oia kana o ka olelo wale ana iho iaia iho, ma ia mua aku, in a no ko laua hoomau aku i ka noho pu ana, e a'o aku ana oia ia Mabela i ka hoohaahaa ana iaia iho, aole hoi oia e lilo mai i poo nona, a o kana mau mea apau e kauoha aku ai iaia o ka ua o Mabela ia e hooko mai ai i na manawa apau.

"A, e lao pu iho ana ka ike iaia no kekahi manawa." wahi ana o ka namunamu ana iho, "o Elese Beranadona ana ko'u wahine lawelawe. E lilo ana ia i mea nana e wili iho ai i ka ehaeha ame ka piha i ka inaina, aka, nana ia e wi@ iho, aohe a'u nana ana aku iaia."

Ia oili ana aku a ua o Mokana iwaho hele mua aku la oia i ka hale kahi o Elese i hoopaaia ai no elua manawa, no ka nana ana in a he hale paa ia no Elese e hoopaaia aku ai. I ka ike ana mai o ka wahine nona ka hale iaia, hookipaia aku la oia me ke ohaoha, aole nae oia i laweia aku imua o Paulo.

"Ina au e lawe mai ana i kela kaikamahine ia Elese Beranadona ia nei," wahi ana o ke kamailio ana aku me ka pokole loa i ka wahine luahine, "manao anei oe e hiki ana no ia oe ke paa iaia maanei?"

Hulili ae la na maka o ka wahine a i mai la:

"E hoao mai paha oe ia'u no ka hiki a hiki ole ke paa iaia maanei. O ka'u hana ea, i mea nona e holo mahuka hou ole ai, oia ko'u moe ma ka puka o ka rumi kahi on a e hoopaaia aku ai, a o Sera, ka wahine Paele, ke noho pu me ia ma ka rumi hookahi ana e noho ana. Ke hoohiki aku nei au imua ou aole loa oia e holo mahuka hou ana in a no kou lawe hou mai iaia ianei. Pehea ia la i kou manao?"

"Aole paha ia i kupono in a no ka haawiia aku o kela kaikamahine ia Harisona, kela elemakule kohu ole," i pane aku ai o Mokana.

"Ina pela, ua hiki ia'u ame Sera ke moe mawaho aku o ka puka o ka rumi, i holo mai ai ia o ua wahi kaikamahine la ea, ua paa ia maua ka puka, aole hiki iaia ke holo aku."

"A pehea, in a e hiki ole ana ia olua ke paa iaia, a i ole i kona manawa paha e puka mai ai ua kaia loa ia olua i ka hiamoe? Ina e hiki ole ana ia olua ke hooko i keia kauoha a'u e nele ana olua i kekahi uku mai a'u aku, a i ole mai a Harisona aku. Loh aku la oe?"

"O, mai kanalua iki oe. Aole loa maua e hoohemahema iki ana i ka makaala ana i kela wahi kaikamahine. Waiho mai oe ia hana na maua e hana aku. Lawe mai paha oe iaia ianei," wahi a ka wahine luahine o ka hooia ana mai.

No kei ike ana iho la o Mokana e makaale i'o ana na wahine ke laweia mai o Elese no ia hale, hoi aku lo oia me ka noonoo maikai. Aole ua o Mokana i manao he mea pono ka hoike ana aku ia Harisona no keia mea ana i hana ai no ko Harisona pono, aka nae, olelo wale aku la no ia i ka i ana aku:

"Ke makemake nei au ia oe e hoomakaukau ia oe iho no ka hele pu ana aku me a'u iwaho. Makemake au ia oe e komo mai i kou mau aahu maikai loa e nanaia mai ai oe he kanaka hanohano a waiwai, a he kanaka lawelawe oihana kalepa hoi, in a e hiki ana ia ia oe."

"O, ua pono kela, e Mr. Mokana."

Oili hou aku la ua o Mokana a hoi aku la no kona hale no ke komo ana mai i paalole hou nona, a ia makukau ana on a, noho iho la kakali no ka makaukau mai o ka elemakule Harisona no ko laua hele pu aku no kela hale o na wahine.

Oiai oia e noho hoolai ana ke au wale ala no kona mau maka ma o a maanei o ka rumi o ka elemakule Harisona me ka ulu mau ae o ka manao kuko iloko on a he la no e hiki mai ana oia ana ka on a o ia hale, mahope o kona hookiekieia ana ae ma ke kulana kiekie e paaia ana e Harisona ia manawa, a me ia noho nanea nae on a, kan@ ana no ka bele. Mahope o ko Harisona komo ana mai i paalole hou, iho mai la oia ilalo, a na kela bele o ka hookani ana mai ia Mokana e hoike mai ana ua makukau oia no ko laua hele pu aku.

"E Rose!" wahi a Mokana o ka pane ana aku.

"Ae; a i ke aha la? I ko'u nana aku i kou helehelena aohe ou hoihoi ke ike mai ia'u, heaha la?" wahi a Rose o ka pane ana mai me ka leo liilii loa, oiai oia e pani mai ana i ka puka mahope on a.

"O, aole au e kamailio nui aku ana no ia ninau au," i pane aku ai o Mokana. O ke kumu no ua lilo o Rose i mea poina loa i ka noonoo o Mokana, aole oia wale, ua pau no kona hoihoi ame ka makemake iaia.

"Ua maopopo mua no ia'u aohe ou hoihoi ia'u," i pane mai ai o Rose, me ka leo kalakala.

"O, mai walaau ae oe a nui, Heaha kou makemake la, e ka lede opio? E hele aku ana au i ka holoholo, nolaila, in a he mea kekahi au i makemake ai hoike mai."

"Aohe a'u mea i makemake ai, aka he makemake wale no ko'u e hoomanao aku ia oe no kekahi mau mea liilii. Ka mea mua, e oluolu oe e hoomanao iho ua haawi aku au ia oe i na mea apau i loaa ia'u ma keia ao, oia hoi kuu inoa maikai ame kuu hanohano," wahi a Rose o ka pane ana mai me ka maka'u ole.

"O, ke hoomanao nei no au ia mea, ka i no paha he mea okoa ae kau i makemake ai."

"O, i hoike aku la hoi paha au ia oe i keia mea no kou hoohiki ana mai e mare mai ana oe ia'u, a eia nae, o ka'u hoi ia o ke kakali ana no kou hoomaopopo mai, aole nae hoi la. Ke hoomanao la no anei oe ia olelo au ia'u a'u e poina ole nei?"

"Oia mau ka paanaau ame na hoomanao poina ole ana iloko o'u no ia mea, aka nae, i hoike aku au ia oe ua manao au aole e malama i ka'u hoohiki, o kela ame keia kaikamahine i haawipio wale mai no i kona inona maikai ame kon hanohano no ia hoohiki, he hupo haalele loa ia e hiki ole ai ke manaoioia."

Hulili ae la na maka o Rose no nei mau olelo a ka elemakule nana i pauaka iaia, a hoomaka iho la e uwe, a oiai no oia e ha'uha'u uwe ana i mai la: "Alaila o kou manaoio maoli ma ia kamailio ana mai la au aole oe e mare mai ana ia'u ea?"

"Ae; o ko'u manaoio maoli ia, a no ka mea, aole e hiki ia'u ke mare aku ia oe. Ua mare au i nei manawa, e kuu dear. Aka in a he kaikamahine piha noonoo oe aole no e hewa in a no oe e mare aku ana. E haawi aku ana au i kulana hana maikai nou me ka loaa @ uaku ia oe he ukuhana maikai."

"Ia wai oe i mare ai?" i ninau hou mai ai o Rose.

Ia Mabela Harisona. Ma ia ano e ike mai oe he hiki no ia'u ke hana aku elike me ko'u makemake. O ke aloha no kou. e kuu hoaloha i haaleleia. Ua loaa ia kaua kekahi manawa hauoli loa mamua, aka i nei manawa he mea okoa ka i kuleana ia'u."

(Aole i pau).