Ka Nupepa Kuokoa, Volume LIX, Number 6, 11 February 1921 — Page 7

Ka Nupepa Kuokoa

KE KILOHANA POOKELA NO KA LAHUI HAWAII.

He Moolelo no

LEOLA DALE

a i ole

Mai ke Kulana Nele a i ka Waiwai-Na

Aloha Elua i ka Ipo Hookahi.

 

         " Pehea hoi e hiki ai iaʻu ke alo, no ka mea owau ka mea nana i hoopakele ae ia oe mai ka make mai, ma ka hii ana iloko o kuu mau lima ; a oiai au e nana iho ana maluna o kou helehelena haikea, ua hiki hou ole iho iaʻu ke uumi i koʻu aloha nou, o koʻu kulou iho la no ia e honi ma ko ihu, me ka hoopuka okoa ana ae hoi i na olelo e hoike ana i ka meahuna iloko o kuu puuwai."

         "Ua lohe ae au i kou kapa ana iho iaʻu he ipo aloha nau, pela hoi ka maʻu ana iho o kuu ihu, a holo ae la ka hauoli apuni kuu kino, no kou hana ana mai iaʻu pela ; a no ka manawa mua loa no hoi, akahi au a hoomaopopo maoli iho i ka nui maoli o kuu aloha nou e Kikila. Ina paha aole oe i aloha mai iaʻu, pehea la aa@e olelo ae ai no ke ano o koʻu ola ana aku."

         Aole e hiki ia Kikila ke pane aku, oiai ua ika okoa aku la oia i ka nui o ko Leola aloha nona, koe wale no nae kona hoomaopopo ana iho, me he mea la aia oia imua o kekahi wahi hoano loa kahi i ku ai ; aia hoi kona mau lima ke hamohamo wale la no ma ka lae o Leola, a no ko lana lohe anaaku i ka nakeke mai o kekahi mea maloko o ka hale, akahi no o Leola a pane mai :

         "Ea, ua aumoe loa keia manawa a kaua e ala nei, e hookuu au ia oe e kuu aloha e hoi no kou hale, ua lawa ae la keia mau minuke no koa hoohanini ana i ko kaua mau aloha. He keu aku maoli keia a ka po malie maikai, me he mea la, ua apono mai ka po, no keia huaʻi pau ana o kaua i ko kaua mau aloha.

         "O ka huʻikoni o ka makani e pa aheahe mai nei, aole oʻu ike aku ia mea, o ka pumehana wale no kaʻu e hoomaopopo nei, me he mea la, ua lawe pu mai anei na mea hanuola apau iloko o ka hauoli like ana me kaua?  Ua lohe au i ka oleloia e kekahi poe, o ke aloha ka elike me koʻu nei, aole ia he aloha mau, e hoea mai ana no i ka manawa e mokuhia ai he mea pololei anei ia e kuu Kikila?"

"Aole oʻu manaoio i ka mea a na kanaka i kamailio mai ai, no ka mea e malama no au me ka hiipoi i ko aloha e kuu ipo, elike me ka loihi o kuu ola ana, a mai hopohopo iki oe, no ka lilo o ko kaua mau aloha i mea ole ma keia mua aku," i hoolana aku ai o Kikila i ka manao o Leola.

         "Nani ka piha o kuu puuwai i ka hauoli no kena mau olelo au e Kikila, a ma keia mua aku, aole oe e kaawale ana mai iaʻu aku, pela hoi au mai ia oe mai, aka e pili mau aua kaua i ke ao ame ka po.  Ma kau mau wahi apau e hele ai, owau pu no kekahi, mai haalele hookahi mai oe iaʻu, elike me koʻu ano o na wa ae nei i hala, o ka make wale no ka mea nana e hookaawale ia kaua.

         "O ka iini hookahi a kuu puuwai e noho aku la.  o ia no ko kaua hoolilo koke ia ae i hookahi in a no ia ma ka la apopo ; a e hoike aku no au imua o ke ao holookoa, o oe wale no ke kanaka a'u i aloha ai, ka mea a'u i lawe mai ai i hoa kaunu, a i kokoolua no keia noho honua ana.  O e Kikila, e hoem@a iho anei kou aloha no'u, ke hoike aku au, ua hele keia puuwai e noho aku la a piha me ka haaheo no kou lilo mai na'u?"

         "Ua haaheo i'o anei oe no ko'u lilo aku nau?" wahi a Kikila me ka maikai ole mai la o kona noonoo, no keia makemake loa o Leola e hoolilo koke ia laua i hookahi iloko o ka berita o ka mar.

         "Ae, ua hele au a piha me ka manao haaheo loa, e hoohakalia ole iho ai ko'u hoike ana aku imua o ke ao holookoa, no ka hookoia ana o ka iini a kuu puuwai."

         "O kaua like no ilk o ia manna haheo, aka nae, e nonoi aku aua au ia oe, e ae ana anei oe e hoomanawanui iki, me ka hunakele ana i keia meahuna mawaena o kaua wale iho no, no kekahi manawa pokole?"

         Nana mai la o Leola me ke kahaha ia Kikila, a ninau mai la@  "Aia anei kekahi mau kumu ano nui, e hiki ole ai ke looko koke ia ka mare mawaena o kaua?"

         "Aia i'o kekahi mau kumu ano nui a'u i manao ai, e hoopapee iki ko kaua mare ana no kekahi mau la kakaikahi wale no : oiai aohe a'u mea i koe e hopohopo iho ai nou, a pela no hoi au e hooia aku nei imua ou, aole au mea e hopohopo ai no'u, ua paa ko kaua mau aloha i ke silaia i keia po, aohe mea nana e mawehe ae. O ka mea oiaio no ea, ke makemake nei au e hunakeleia ka hauoli o kuu ola ana no kekahi manawa pokole, elike no me ia a'u i hoike mua aku nei ia oe, aia kekahi mau kumu ano nui loa ma ko'u aoao."

         "Elike me kau i makemake ai e kuu aloha, ke haawi aku nei au i ko'u ae." wahi a Leola me kona hilinai piha maluna o Kikila.

         "Ke ike nei au, ua hooia mai oe i ka nui o kou aloha ia'u, ma kou maliu ana mai la i ko'u leo uwalo imua ou ; nolaila aole e ho@mi ia iho ko kaua aloha, mamuli o keia hunakele ana a kaua i keia meahuna imua o ko ke ao nei. Ina nae he wahi kanalua iki kekahi iloko ou no'u nei, e kiloi loa aku ia kanalua, a e haawi mai i kou hilinai piha ana maluna o'u i na wa apau."

         "Ke hilinai aku nei au ia oe me kuu ola nei, aole loa he wahi kanalua iki iloko o'u nou." wahi a Leola me ke kulou ana mai no hoi o Kikila imua, a i mai la :

         "Ua lilo loa kaua i ke kamailio ana no ko kaua mau aloha, aole oe i ninau iki mai nei i na mea e pili ana i ko'u ano, mamua o ko'u hoi ana mai a noho hana aku malalo ou.  Me ia noho pouliuli no ou no ko'u ola ana, ke haawi mai nei anei oe ia oe iho, ame kau hilinai ana maluna o'u?"

         "Ae, me kuu naau apau, he hookahi wale no a'u mea i iini nui ai, o ia kou pana'i mai i kou aloha, kela aloha oiaio mailoko mai o ka puuwai, pela hoi kela hilinai pilia no kou mau ano maikai he nui."

         "No kena pane au e kuu aloha ea, ke kalokalo ae nei au ma ka inoa o na lani, e hooko no au i na mea apau a kou puuwai i iini ai."

         "Ua aumoe loa keia manawa, e hookuu aku au ia oe e Kikila e hoi."

         "Ae, ua lawa iho la keia hui ana o kaua, aka ke hauoli nei nae au, e oili mai ana ka malamalama o ka la i ke kakahiaka me ke ola hou iloko o kaua pakahi.  E hoea mai ana au no ke kakela nei ma ke kakahiaka o ka la apopo, a hele like aku kaua i ka holoholo maloko o ka paka, a ma kekahi mau wahi kaawale loa, e ike ole ia mai ai e ka maka o na kanaka.  O ke aloha no kou e kuu ipo aloha, a hui hou aku kaua i ka la apopo," alaila kulou mai la ua o Kikila imua, me ka honi ana aku ia Leola.

Ma ka aoao hoi o ke kaikamahine opio, hopu mai la kona mau lima a elua ma na poohiwi o Kikila a huki aku la i kona poo, i hiki ai iaia ke honi mai, a i ke kaawale ana ae o na mau ipo aloha nei, hookuu aku la o Leola ia Kikila e hoi, me ka peapeahi ana aku o kekahi lima.

I kela hoea ana aku o Kikila nolalo o ka honua paa, huli mai la oia e nana ia Leola, e ku aku no kana aloha me

ka haawi ana aku i ka minoaka hoohie iaia, o ke komo loa aku la no ia o Leola iloko o ka hale, a pani mai la no hoi i ka puka a paa, a pau aku la ka ike ana a Kikila iaia, me he mea la, ua alaiia ae ka malamalama o ka mahina e kekahi au panopano eleele.

         Elike me ka mea i hoopihaia kona uhane me na hoomaikai he nui, @ oka hookoia ana o kekahi mea ano nui loa a kona puuwai i li'a mau ai, pela iho la ko Kikila ano iloko o kela manawa ana e ku hookahi la mawaho o ke kakela, me ka nana ana aku iluna o ka lewa i na ho-ku, me he mea la e haawi a@ uana i kan amau hoomaikai kiekie ana, i kela mau mea leo ole, no ke kokua ana mai iaia nei, no ka hookoia ana o kona, iini.

         No ka nui palena ole nae o kona olioli, ua aneane e hiki ole iaia ke manaoio, he meakino maoli ka i halawai me ia ma keia po, alaila hoomanao mai la oia no ka pua rose a Leola o ka haawi ana mai iaia i kona ike ana iho i ke kau ma kona kuka, ua hoauhee loa ia aku na manao kanalua apau mai iaia aku, unuhi ae la oia i ka pua rose a paa iloko o kona lima, o kona kaha aku la no ia hele ma ke alanui e hoea aku ai no kahi i ku ai kona home.

         O ka hele no hoi ia a hoea oia no ka pukapa, e komo aku ai no kona hale, lohe aku la oia i ke kani ana mai o ka uwaki, eia ka, o ka ho@a umi-kumamakahi ia, ua aumoe maoli keia manawa o ka hoi ana aku. eia nae, aohe ana nana no ia aumoe, no ka mea ua ukaliia ka huakai a ka lawai'a o kela po, me na haawina pomaikai, ua loaa ka i'a nui, he ulua.

         Iloko nae o kela hele a aumoe, aole o Mrs. Tibeta i hoi e hiamoe, e ala mai ana no na wahine nei, no ke kakali no o ka hoi aku o Kikila, oiai ua hopohopo loa oia, i ka hele o Kikila a aneane e ao ka po, i ka ike ana mai nae i ke kanaka opio, akahi no a hoomamaia ae kona noonoo, me ka i ana mai:

         "Eia no au ke kakali aku nei ia oe e Mr. Kinikela, ua makaukau no na meaai, aia no ke supa ke mahanahana mai la, e kii ae au i mau meaai nau!  Ea, he keu ka hoi ka hoihoi maoli o kou helehelena, heaha mai nei keia e Mr. Kinikele?"

         "He o ia mau no ko'u ano i na wa apau," i pane aku ai no hoi o Kikila, me ka noke pu ana ae i ka akaaka, eia nae ke imoimo la kona mau maka e hoike aku ana, aia kekahi mea ano nui nana i hoike okoa ae i kona kulana hoihoi ma kon@ mau maka.  "Ua ike no oe, aole he manawa i loaa ai ia'u ka nawaliwali ma ko'u kino, he maikai mau ko'u ola kino i na wa apau loa."

         "Ua hakilo mau au i kou ano, a ua hiki ia'u ke ike aku i ka like ole maoli o kou helehelena i keia po, me ko na la ae nei i hala," me ka waiho ana iho o Mrs. Tibeta i ke supa imua o Kikila.  "Ua like loa oe me Leola, ma kela manawa o ka loaa ana mai iaia o ka nuhou hauoli, no kona lilo ana i haku no ke Kakela Lome.  Ea, he nuhou ano nui anei kau i lohe ai i keia po, no kou pomaikai?"

         "O, ke kalokalo ae nei au ma ka inoa o na lani, e hooka@ mai i na hoopomaikai ana maluna o kela kaikamahine opio," i pane aku ai o Kikila me ke kui'o, ka mea hoi nana i kono aku ia Mrs. Tibeta, e hoohanini mai'i na kulu waimaka mai kona mau lihilihi mai.

         "Aole he mau olelo i oi aku ke kupono e kapaia aku maluna o kela kaikamahine, elike me kau i kamailio mai la e Mr. Kinikele.  Ma ka'u ike, o ka anela ka hoa e kohu ai ke hoohalike ae me Leola, ka maemae, ka oiaio ame ko aloha."

         "Ua kulike, loa ko'u manao me kou e Mrs. Tibeta, aole he wahine opio maemae hookahi a'u i ike ai elike me ia."

         "O ke kanaka e lilo mai ai o Leola i wahine mare hana, o ke kanaka hauoli hookahi ia a'u e olelo ae ai i hanauia mai malalo iho o ka malamalama o ka la."

         "Ae, o kela i'o ke kanaka hauoli loa,"  alaila ku ae la o Kikila mai kona noho mai, me ke kau ana aku o kona lima akau ma ka poohiwi o Mrs. Tibeta, me ka hooluliluli ana aku i ua wahine nei, ma ke ano hoopaani, me ka noke pu ana no hoi i ka akaaka me ka leo nui ia manawa hookahi.

         "Ea, heahe mai nei hoi keia ano ou i keia po, ua hele maoli oe a piha me ka hoihoi," i pane mai ai o Mrs. Tibeta me kona papale ana mai i ka lima o Kikila.

         "Mai noke mai oe i ka niele ia'u, e kii aku oe i kuu ipupaka a haawi mai. O oe kekahi o na wahine maikai loa a'u i ike ai e Mrs. Tibeta, a in a no paha he nui kau mai karaimi i hana ai, aole no ia he inea e hapa mai ai ko'u aloha ia oe, no kou oluolu maoli no, me ka makee pu i ko ha'i pono.  "E kii aku hoi paha oe i kuu ipupaka, alaila hoi e hiamoe, ke hele nei keia i ka hora umi-kumamalua!"

         "He keu aku kou ano e loa e Mr. Kinikele i keia po, aole pela oe mamua a'u i ike ai iloko o keia mau mahina o ko kakou noho pu ana.  He leka ka hoi kekahi nau, o ka hoea ana mai nei no ia ma ke kaa o keia ahiahi iho nei, a ua kakauia mawaho o ka wa-hi, ke huaolelo 'wikiwiki'.  Ua palaka pu maoli ko'u noonoo no kela leka, pehea hoi e nele ole ai ka palaka, i kou noke maoli no i ke kamailio," alailkii aku la ua wahine nei i ka leka a Kikila.

         I ka loaa ana mai i ke kanaka opio, haawi aku la o Kikila i kona aloha ia Mrs. Tibeta, o kona hoi aku la no ia noloko o kona @umi ma ka hale maluna me ka wehe ole ae e nana i kela leka.

         Laia nae i ho-a ae ai i ke kukui o kona rumi me ka noho ana iho ma ka aoao o ke pakaukau, akahi no oia a wehe ae i ua leka nei, me ka heluhelu ana iho i na manao maloko o kela leka, me ka halii koke ana iho nae o ke kaumaha ma kona mau maka, alaila waiho aku la i ka leka maluna o ke pakaukau, hele loa aku la oia no kahi o ka puka aniani, a uu ae la i ka puka aniani iluna, me ke ku ana iho no hoi malaila, puhi i kona ipupaka.

         Aia iloko o ua o Kikila kekahi mea ano nui loa, o ke kumu ia o kona ku ma kele puka aniani no ka noonoo ana, i kana mau mea i ike ai maloko o ka leka, iloko nae o kona puiwa hikilele, ua pa mai la kekahi mea ma kona poowihi, me ka haule ana iho iluna o ka papahele.

         I kinohi, ua manao maoli no oia, he pinao paha a i ole he pulelehua kela mea o ka hooku'u ana mai iaia, i kona nana ana iho nae iluna o ka papahele, he mea keokeo ke waiho ana, nolaila kulou okoa iho la oia ilalo, a i kona nana ana ae, eia ka he leka i hoopaaia me kakahi pohaku.  He leka keia i kakauia me ka hoike ole o ka mea nana ua leka nei i kona inoa malalo, a penei iho ka manao i kakauia maloko:

         "E, Mr. Kikila Kinikele:  Ina he makemake loa kou e loaa aku na ike e pili ana no kela mea o ka hoea ana i ke Kakela Lome, he mau po aku nei i hala, alaila e loaa no ia @e na hoike ke hele koke oe i keia po me ka hakalia ole no ka helu 13, ma ke alanui Sufoka, Kinilana. Mai hoohakalia oe i ka hele ana ilaila, o keia ke a'o a ka mea e kapa nei iaia iho he hoaloha noi.  Ma ke kaahi o keia aumoe oe e kai ai, no kau misiona.

         "O ka mea nana e kakau nei i keia leka, mamuli o kona manaoio, ke hoouna aku nei oia i keia leka i kekahi kanaka hoopono, he manaoio kona, e ae mai ana no oe, e haehae koke i keia leka a i ole puhi aku i ke ahi, i ka wa e pau ai o kau heluhelu ana."

         He mau manawa lehulehu ka Kikila o ka noke ana i ka heluhelu i kela leka@ me kona piha maoli i ke pohihihi, aia hoi kona noonoo ke hana la iloko o kela manawa no kana hana pono e hooko aku ai, a iloko no hoi o ia manawa hookahi@ ke noonoo la oia i ka mea nana i hoouna mai i kela leka iaia.

         O ke kakaulima maloko o kela leka, he kakaulima ia no kekahi wahine, alaila hoomanao ae la oia @@ kona ike ana i kekahi limakakau o kela ano maluna o ka buke himeni a Cicile, a malolo no hoi o kana buke ala@ama, nolaila o ka

mea mua loa i oili ae iloko on a, o Cicile ka mea nana kela leka i hoouna mai.

         O ka pololei nae ame ka pololei ole o kana mea e koho nei, he ninau okoa loa ia, aole he manawa no ka hoohakalia ana, ke hele ae la i ka hapalua o ka hora umi-kumama-kahi, he hapalua hoo@a wale no i koe alaila ku mai ke kaaahi i ka hale hoolulu.

         Oiai no na noon like ole e hakoko ana iloko on a, hooholo iho la oia, e hooko aku elike me ke kauoha a kela leka aia, o kona lalau aku la no ia i kona kuka koloka, lalau aku la no hoi i kana eke dala, o kona haalele iho la no ia ialoko o kona rumi, me ka hoopoina ana ae i na mea apau, he hookahi hana o ka hooko aku i ka misiona i kanohaia mai ai iaia.

 

MOKUNA XXVII

 

         Me ka hoohakalia hou ole iho, oili aku la o Kikila iwaho, i iloko o na sekona helu wale no, aia oia mawaho o ka hale kahi i hele ai, me kona ku ele iho e nana, o kona ikeia mai, o kona hoomaka aku la no ia e holo, aia ka pono o ka hoea aku no ka hale hoolulu kaaahi, i ka wa kupono, mamua ae o ke ku ana mai o ke kaa ma kela po.

         Oiai no oia e holo la ke noonoo pu la no oia, ina paha he hana naauao nana ka hooko ana aku elike me kana e hana nei i na mea i hoakakaia maloko o ka leka i kakau ole ia ka inoa o ka mea nana i hoouna mai malalo.

         Ua oili ae no kekahi mau manao kanalua iloko on a, no ka pololei o keia hele ana e hooko i kekahi hana pohihihi, o ka mea wale no nae nana i hoauhee aku na manao kanalua apau, o ia no kona ike ana iho i ke kulike o ka limakakau maloko o kela leka, me kana i ike ai ma na buke a Cicile.

         "Ina no hoi paha i loaa mua mai keia palapala ia'u, ma keia ahiahi iho nei, in a ua loaa he manawa nui kupono no'u e hoakaka aku ai imua o Leola no ia mea?  Ua aumoe loa ia keia manawa, a he hana pohihihi na'u ka hoouna ana aku i kekahi mea, no ka hoike ana aku iaia, no ka'u wahi e hele nei.  Heaha ana la kona manao, ke ike iho, aole au i hoea aku no ke kakela, elike me ka maua i kukakuka ai ma keia po?"

         Ua aneane loa no ua o Kikila e huli hoi mai, no ke kakali ana a kekahi la ae, alaila oia hele aku e hooko i kana misiono pohihihi aka nae iaia no hoi i noonoo ae ai, aole ana no e lele ko Leola oili nona, ke hooina mai oia i kekahi leka mai Ladana mai, ma kekahi la  ae, he mea hoomama aku ia i ka manao o kana ipo aloha.

         "E hookolo ana au mahope o na mea i hoakakaia maloko o keia leka, ahiki i ka hopena, a mai Ladana mai auanei e hoouna mai ai au i ka'u leka hooipoipo mua loa ia Leola," alaila awiawi loa aku la oia, aia ka pono o ka hoea aku i ka hale hoolulu kaaahi.

         Ua hoea e oia i ka hale hoolulu kaaahi, i ka wa kupono loa, a hakalia no nae a loaa kona kikiki, kani ana no ke oeoe o ke kaaahi, a iloko o na minuke helu wale no, hoopaa ana ka holo mamua pono o ka halekuai tikitki, me ka hele koke ana aku o ua o Kikila e kau iluna o ke paa.

         Iaia nae e aneane aku ana e kau ma na anuu o ke alapii, ike aku la oia i ka maalo ana iho o kekahi wahine, i paa kona helehelena i ka uhiia, aka nae ma kona mau ano mawaho ke nana aku, ua hoohalike loa aku la oia, me kekahi mea ana i kamaaina ai, aole nae kela he wa no ka huli  ana aku i ka mea oiaio, oiai kekani mai la ka hele, no ka hoomakaukau ana e haalele iho ke kaaahi.

         I ko Kikila komo ana aku maloko o kona kaaahi, aole he poe ohua oloko, oia hookahi wale @ oka ohua, aole no hoi on a ike ana i ka nui o na ohua, ma kekahi mau kaa okoa aku.

         Aole he nui o na ohua i kau mai ma kela kaaahi o ke aumoe, a no ka hoohala ana i kona manawa o ka po, wehe ae la o Kikila i kona ipupaka, lalau aku la no hoi i kana mai nupepa me na leka elua i loaa mai ai iaia, a hoomaka iho la e heluhelu hou:

         "Ea, o keia anei ka limakakau o Cicile, aole paha?" i namunamu wale iho ai no ua o Kikila iaia iho.  "Aole o'u kanalua, oia maoli no ka mea nana keia leka, ua manao oia he mea hilahila paha nona, ke kamailio ana mai ia'u, pela iho la i hoike mai ai maloko o keia leka, a o kekahi no hoi, ua huna oia i kona inoa, no kona makemake ole e hoohuikau wale iaia, me keia hana ano pohihihi."

         "Ke noonoo ae hoi ma kekahi ano, o Leola hookalu wale no ka mea i kamaaina loa ia'u, ke kanalua nei nae au, aole oia ka mea i kamaaina loa ia'u, ke kanalua nei nae au, aole oia ka mea nana keia leka, aole e hiki iaia ke kakau me ka hikiwawe loa a hoouna mai ia'u iloko o ka wa pokole.  Aole no na Mrs. Wekela, a ua paa loa kuu manao o Cicile wale no ka mea nana i hoouna mai i keia Jeka, mahope iho o ka loaa ana aku o ka ike iaia, no kekahi mea, a no ka pono o kela kaikamahine, ke hooko nei au i kana kauoha, ma ka haehae ana i keia leka iloko o na apaapana liilii, a hoopuehu aku i ka makani," o kona haehae ae la no ia i ka leka a liilii, alaila kiola aku la mawaho o ka puka aniani o ke kaaahi ana e kau la.

         Mahope iho nae o kela haehae ana ae a ua o Kikila i ka leka, a kiola aku la hoi iwaho o ka puka aniani, akahi no oia a mihi iho, no kona pupuahulu loa ma ka hooko ana aku elike me ke kauoha maloko o ua leka nei, malia paha aole i'o na Cicile kela leka, nolaila aole he hoike nui ma kona aoao, e hiki ai iaia ke hoakaka ae i ke kumu o keia holo ana on a i ka poeleele, i ka wa e ala mai ai na kumu hoohuoi no ke ano o kana misiona.

         Aia no ke kaahi ke holo la me ka puahia nui, me ke ku ana aku ma na hale hoolulu lehulehu, a oiai aohe mea nana e hoonioni mai iaia, ua nui maoli kona manawa e hooluolu ai i kona mau maka, a i puiwa oia i ka leo kahea o ke kanaka oluna o ke kaaahi, i na ohua, no ka hoea ana o ke kaaahi i Ladana.

         "He paiki no anei kekahi ou?" i ninau mai ai ke kanaka lawelawe oluna o ke kaaahi, i na o Kikila i hele aku ai a ku mawaho o ke kaa@

         "Aole o'u paiki," wahi ana me ka nalu ana iho iloko on a, i kana wahi e hele nei me ke ano o kana misiona i kela manawa nae, i ike aku au oia i ka wahine opio me ka uhimaka mano'ano'a, ana no i iki mua ai, i ke kau pu ana mai maluna o ke kaaahi hookahi me ia, i ke kaalo ana ae, a hui pu aku la me kekahi wahine okoa aku, e kakali mai ana iaia, o ko laua kau aku la no ia maluna o kekahi kaa, a pau aku la ko ia nei ike ana.

         He nui na kaa e ku mai ana no ke kakali ana i na ohua, nolaila hele aku la oia a loaa ke kalaiwa o ke kaa mua loa a hoike aku la i kona makemake, e laweia no kekahi hale ma ka helu 13, ma ke alanui Sufoka; o ka hoohuli aku la no ia o ke kalaiwa i ka lio o kona kaa, ma kahi o ke alanui e moe ana, no ka hale i makemakeia.

         Eia kela i na hora o ke aumoe eia nae, ua ala kahiko na kanaka mai ko lakou hiamoe mai, he hele la kekahi poe ma ka lakou mau hana, o na kanaka lawe wa@@ keia ke holo la ko lakou mau kaa, no ka hali@ali ana i na omole waiu, ma na kauhale.

         Aia keia wahi a Kikila e makemake nei e ike, mawaho loa o ke kulanakauhale, ua ma'u maoli no keia wahi o ko laua holo ana aku, ia wa i huli mai ai ke kalaiwa ia Kikila a ninau mai la :

         "He helu 13 ko kela hale, e ku kaua ma ke kihi o ke alanui," wahi a Kikila me ke kiei ana aku iwaho.

         "Ua hoea mai la kaua i kahi au i makemake ai, aka nae he keu ku keia a kahi ano ole loa, me ke poho o kou holo ana mai nei i keia wahi i ka po."

         Aohe o Kikila pane aku no kela mau olelo a ke k@ aka lele aku la oia mailuna aku o ke kaa, me ka i ana ke kaliwa:

         "E kakli malie oe, ahiki i kuu hoi hou ana mai, a e lo'ihi loa," alaila hele aku la oia ma ke alanui, me k@ ana i ka helu o ka puka-pa.  Ke alaalawa la oia m@ ame keia aoao o ke alanui, he lehulehu wale na k@ e ku mai ana, aole ona ike aku i ka a mai o na kukui, ke mai ana kela nanaina, ua pau loa ka poe no lako mau home i ka hiamoe.

I kona hoea ana aku nae ma ka puka-pa e kau ana @ 13, nana aku la oia i ka hale, ua like @o me na hale @ pouliuli wale no oloko,  me he mea la aole he nohoi, kahi kanaka, komo aku la nae oia ahiki i ka lanai, @ mea o ka ike ana aku, he papa hoolaha, me na hua kakauia, e olelo ana, @e mau rumi hoolimalima.

         Ke ku malie la o Kikila mawaho o kela hale, me @ noo ana, in a paha he hana pono nana, ke @ikeke au, ka puka o kela hale, a ninau aku i ka mea e e hele @ e wehe i ka puka, in a ua maopopo iaia, na me@ e pi@ ke komo aihueia ana o ke Kakela Lome ; aka nae, iho o kona ku ana no kekahi mau minuke, ike iho kana hana pono loa e hooko aku au, o ia no ka huli aku no ka hokele, a ma ke kakahiaka ae o kekahi la hele hou mai ai oia, oiai ua loaa iho la no kela hale.

         I ka hoea hou ana aku o Kikila no kahi o ke ka mai ana kauoha aku la oia i ke kalaiwa e hoihoi @ no kekahi hokele, ua lilo keia i mea e hookomoia aku manao hoohuoi iloko o oke kalaiwa kaa, malia oha naka hana karaima keia, oiai aole he hana maop@ ana i iki mai ai i keia kanaka, aole no kela he mau ka hoole ana mai i ke kauoha, o kona hoohuli aku la ke poo o kona lio, a holo pololei aku la no kahi o ka hokele.

         Mahope iho o ka uau ana aku i ke kalaiwa, i @ kona kaa ma kela po, hoi aku la na o Kikila malo@ hokele, a ma kahi o kona hoi koke ana e hiamoe la oia e kakau i kekahi leka na Leola, no ka hoika aku i na kumu, e hoea aole aku ai oia ma ke kakahia kekahi la mai, elike me ka laua i hooholo mua ai.

         He leka pokole wale no kela, e hoike aku ana a kila no kona konoia ana aku e holo mai me ka awe no Ladana, no kekahi hana ano nui, he hala ai iaia mau la, me kona hoakaka ole aku nae i ke ano o ke@ koe wale no kona hooia ana aku, aia mau iloko on a e huli hoi koke aku oia no ka ike ana i na maka aloha.

         I ka hookomo ana iho o ua o Kikila i kana leka o ka wa-hi leka, o kona hoi aku la no ia e hiamoe koena aku o kela po, a i kona puoho ana mai ma kakahiaka ana ae o kekahi la mai, ua oluolu maikai ma@ ano, a mahope o ka paina kakahiaka, kau aku la oia o kekahi kaa, a holo aku la no ke keena o kekahi ma ka inoa Suke ame Suke.

         Ma ko ia nei kulana, he lunanui no kekahi aina holoholona, aole keia i nanaia mai me he mea haa aka ua hookipaia aku keia e kela mau lolo, ma ke kanaka nui a hanohano loa oia, me he mea la, o o na kanaka kuonoono oloko o kela kulanakauhale.

         I ka nanaaku nae, he hana nui maoli ka Kikila i make ai i kela hui loio, no ka mea, ua lawe loa i@ oia maloko o ke keena huna o ua mau loio nei, a lakou kahi i noke ai i ke kamailio no kekahi mau l@ ka hoea ana i ka hora umi-kumamalua o kela la, ai a oili mai ua o Kikila iwaho o ke keena loio, me ana aku maluna o kekahi kaa, a holo pololei loa aku ka hale ana i hele mua ai e ike ma ka po aku i l@ia.

         Hoea aku la ua o Kikila no kela hale, aole no he w@ e ae, mai ke kulana mai o ua hale nei, ana i ike ma nana la oia ma kela ame keia aoao, o ua hale nei, na puka ame na puka aniani apau, e hoike mai ana he kanaka oloko o kela hale, he popoki hookahi ike aku i ka noho mai ma ke kikina o kekahi puka.

         Holoholo wale iho la no oia mawaho o ke ala ka maopopo ole o kana mea e hana aku ai, in a pah@ hele ku e kikeke ma ka puka, a i ole, e haalele loa i kela manao e komo aku maloko o ua hale nei.  N@ mau manawa lehulehu nae kona hele holoholo ma kona komo aku la no ia iloko o ka pa, me ka pii a nolua o ka lanai mamua, a kikeke aku la maka @@.

         Ma kana kikeke mua ana aku, aole he mea i p@ maloko, aka i ka elua o ka manawa o kona kekeke a@ akahi no oia a lohe aku i ka nakeke mai o kekahi maloko, me he mea la, mailalo ae o kela hale, e pii ae ka papahele ana e ku nei.

         Aole no hoi i loihi iho kona kakali ana, lohe ana i ka nakeke mai o ke kaulahao maloko, me ka weh@ mai o ka puka e kekahi wahine aoo a ua o Kikila hoomaopopo koke ana iho, ua ike mau oia i kela wahi aku nae kona hooiaio ana iho i kana wahi i ike @@a.

         Mahope iho o ka nana ana mai o kela wahine @@ no kekahi mau sekona, ia wa i ninau mau ai:

         "Heaha kau mea i makemake ai?  He mau rumi h@ lumi nae paha ea?"

         "Ae, he makemake i'o ko'u i mau rumi,"  i wikiw@ ai o Kikila ma ka pana ana, me kona mihi ana iho, noonoo mua ole ana, o kana kumu ia e hoike aku kona hoea an aaku i kela hale.

         No keia pane ma ko Kikila aoao, wehe ae la ka aoo i ka puka a akea, me ke komo ana aku no hoi o iloko, ke au wale la no kona mau maka ma o a maa olohelohe wale no oloko o kela keena, a i ka ike a o ka wahine aoo i ke kunana o Kikila, pane mai la i ana mai:

         "Aole i hoolakoia na rumi o keia hale, me he me@ kaa aku ia i ka hoolimalimaia e kekahi keonimana, mea he leka ka i hoea mai nei i keia kakahiaka."

         "Ua maopopo no anei ia oe ka inoa e kau ana n@ o ka wahi-leka?"

         "Eia no ua leka nei ia'u kahi i paa ai," alaila u@ la ua wahine nei i ka leka, mailoko ae o ka pakeke lole, a haawi mai la ia Kikila, he oiaio o Kikila ka m@ kela leka, oiai o kona inoa ke kau ana mawaho, n@ kakaulima hookahi no, elike me kela leka mua i lo@ ai iaia, a i haehaeia ai hoi, oiai oia maluna o ke k@aa.

         "Ae, owau ka mea nana kena leka," wahi a Kikila lalau ana aku i ka leka, a hele aku la ma kekahi malanialama, me ka uhae koke ana ae i ka wa-hi helu iho la i ka manao o ka leka maloko, a penei ka o ua leka la:

         "Ua pono kou hooko ana elike me ka'u mau mea kauoha aku ai ia oe.  E lawe aku oe i na rumi o ke@ a e noho aku ma Lauana, a hale kekahi mau la, a i ol@ hou aku paha oe, i kekahi mau mea ano nui mai ia'i:

         O kela ae la na manao o kela leka, aole no i kakaui@ a malalo loa, e hoakaka mai ana ka mea nana ka haehae ae i ua leka nei, i ka wa e pau ai ka Kikila he ana.

         I ka loaa ana aku o ka ike ia Kikila, no ka manao leka, ia wa i huli mai ai oia i ka wahine aoo, a nin@ la:  "Eia ihea na rumi hoolimalima o keia hale?"

         "Aia ma ka papahele elua, he mau rumi nae kela ole me na pono hale," me ke alakai koke ana aku wahine aoo, ia Kikila noloko o na rumi, a mahope Kikila nana ana ae ia loko o kela mau rumi, me k@@ loa i ke kahaha, ia wa i huli mai ai oia imua o ka @@ pane mai la: