Ka Nupepa Kuokoa, Volume LIX, Number 22, 3 June 1921 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

He Moolelo no

KONARADI KENEKONA

a i ole

Ka Hiena o na Awa Kuhoho ame Demo-

Na ka Lio Eleele Kupaianaha.

            “O oe kekahi o na keiki hohewale! Aole loa e hala kaʻu poka, e lele ana ia a ku pololei i ka apala, no ka mea he hana keia naʻu i aʻo a ailolo. E hele koke oe e ku ma ka aoao o kela kumulaau!

”No ka piha loa o ke keiki lolo i ka makaʻu ua hooikaika wale ae la no oia e ku iluna, a hina hou aku la ilalo ; aka ua lalau okoa aku la o Kakeo Wilikona iaia, me ka lawe ana aku a kukulu ma ka aoao o ke kumulaau, me ka pane ana aku :

“E ku malie oe malaila, a mai hoao oe e onioni! Aohe au mea e makaʻu ai no kou ku@aku i ka poka," me ke kuemi hope malie ana mai o Kakeo, aia no hoi ke paa la kana pu panapana iloko o kona lima.

No ka piha loa o Dike me ka makaʻu, upoʻi oka iho la kona mau maka; he manao no kona e uwalo hou mai imua o Kakeo, eia nae aole e hiki i kona leo ke puka ae, nolaila ua ahona kona noho hamau ana, a kakali aku o ke kani mai o ka pu panapana.

Mahope iho o ka nee ana mai ihope no kekahi mau ka-puai lehulehu, ku iho la o Kakeo i kahi hookahi. me ka hapai ana ae i kona lima e paa ana i ka pupanapana iluna.

Aole he manao maoli o kela keiki e ki i ka apala, no ka mea ua maopopo mua no iaia, aole e ku kela apala i kana poka, o kona noonoo, o ia ke ki ana maluna ae o ke poo o Dike, no kona manao, he hauna lealea wale no kela iaia.

"Ua makaukau anei oe e Dike?" i poha aku ai ka leo o Kakeo Wilikona, aia no hoi kana pu panapana ke kau polo-lei la imua.

Ua hele ke keiki oopa a phia me ka haalulu ke naka wale la no kona mau kuli, me ka aneane e hiki pono ole iaia ke ku iluna.

Mamua n@e o ke kani aa aku o ka pu panapana a Ka-keo Wilikona. o ka wa ia i oili mai ai o Konaradi maluna o kona lio, a iaia i ike mai ai i ka hulali o ka pu panapana ioko o ka lima o Kakeo aku, me ka hopu ana mai i ka pu panapana a kailiia aku la ea, me ka pane ana mai:

"He keu oe e Kakeo Wilikona, o ka hilahila ole, o ka ma-noa ana e hoopilikia aku i kekahi o kou mau hoaloha," pakeke mahope o kona lolewawae.

MOKUNA III.

            I kela kailiia ana aku o ka pu panapana e Konaradi, ku-emi hope aku la o Kekeo. no kona piha loa meke kahaha ame ka puiwa pu, no ke kahamahaia ana o kekahi o kana mau hana lealea i ma@ao ai ma kela la, me ka hiki ole nae iaia ke pane koke mai.

No ka lohe ana mai hoi i ka halulu o na kapuai waewae lio, kaakaa ae la na maka o Dike, a i kona ike ana mai i a mea nana i hoopakele i kona ola, ua hehee oka iho la oia a noho ana ma ke kumulaau, me ka nana pono ana mai i ke ku aku o Kakeo me ka hoka.

"Ke makemake nei au e ninau aku ia oe e@ Kakeo Wilikona, ua phia anei keia pu panapana i na poka?" wahi Konaradi, iaia i unuhi ae ai i ka pu panapana a paa ae la iloko o kona lima.

"Me he mea la@ ua auhee koke aku la ke kahaha mai ia Kakeo Wilikona aku. i ka lohe ana mai i kela ninau a Ko-naradi iaia, o kona wa no ia i pane mai ai ma ke ano pakike:

"Ua piha kena pu i na poka; heaha kou kuleana e komo hokai wale mai ai no ma kaʻu mau mea i manao ai e hana? E haawi mai oe i kuu pu!"

"Ina o kou makemake ia ea, e kii mai i keia mana-wa ano!" i pane aku ai o Konaradi, me ka hoopololei ana aku i ka waha o ka pu imua o Kakeo, me ka aa ola hoi o ua keiki nei a ke kanaka waiwai e nee mai imua i hoo-kahi in@@@ mai kana wahi e ku ana.

"E kau aku oe i ka waha o ka pu i kahi e mai hoopololei mai imua oʻu o kani hewa mai auanei, o koʻu ku no ia i ka poka," i wikiwiki mai ai ua o Kakeo i ke kamailio, aia hoi ma ke ano o kona leo e kamailio mai la, e hoike mai ana i kona hele a piha loa i ka makaʻu.

"Auwe! Heaha iho la hoi ke kumu o kou makaʻu ana o Kakeo? He minuke wale ae nei no i hala. o oe kekahi o na keiki koa loa me ka makaʻu ole, maka aa ana aku e ki i ka apala ma ke poo o Dike; eia nae ke hoike okoa mai nei oe i kou makaʻu wale."

"Heaha iho la ka pili o ia hana i keia mea aʻu e kama-ilio aku nei ia oe?"

Ke makemake nei au e nanau hou aku ia oe e Kakeo; ua manao maoli no anei oe e ki i kela apala?"

"Aohe ou kuleana ma ia mea e kena keiki hookano!" i pakike mai ai ka Kakeo pane ana.

Aaki iho ia na kuʻi o Konaradi no kela pane pakike a Kakeo iaia, a o ia kana o ka pane pakike a Kakeo iaia, a o ia kana o ka pane ana aku me ka lea kuoo; "Ke manao nei au, he kuleana koʻu ma keia hana au: no ka mea in a i ki aku  nei oe i keia pu i ka apala, a ku hewa aku ka poka ia Kike, e lilio ana oe i mea pepehikanaka; o ka mea wale no nana i hoopakele ae ia oe, a ia Dike hoi, o ia koʻu hoea ana mai nei i ka manawa kupono loa. Aole he pololei iki o keia mea au i manao ai e hana, no ka mea ua hele o Dike a piha loa i ka makaʻu!"

"No ka nele maoli no o kela keiki me na manao koa, ke kumu o kona makaʻu wale ana, aohe no he hana i nele i kona makaʻu!"

            Ua ku paha hoi kau olelo i ke kaa ia ha’i, noalila, ke makemake nei au e hoi aku oe ma ko Dike wahi, a na’u e ki aku i ka apala maluna o ko poo, pehea ia i kou manao?”

 "Ua noke mai la o Kakeo i ke ku-e i kela manao. eia nae@ aole ia he mea no Konaradi e haawipio ai, koi paakiki aku la no ota e ku o Kakeo me kona kua i kahi o ke kumulaauu@ a e huli papu mai kona alo imua o ua o Konaradi, me ke kauia hoi o ka apala maluna o ke poo o Kakeo.

"Heaha iho la hoi ka ma o ka makaʻu ana e Kakeo! E hoikeike mai i kou manao koa a wiwoole, a i ae ole oe i o oe kekahi o na keiki hohewale maka honua nei."

"Aole koʻu he ku@e maoli i ke ku ana ma kela kumulaau. me ka apala ma kuu poo. aka he kanalua loa koʻu no ka hiki kahi mea ka ae wale ana aku no i kau koi paakiki me ka maopopo mua ole o kou akamai i ke ki pu pololei. Aole no oʻu manao e ki i ka apala, no koʻu manao no. aole e ku iaʻu aka ma kahi he elua a ekolu kapuai maluna ae o ke poo o Dike."

"O kau paha kena e kamailio mai nei, aole nae e hiki iau ke manaoio aku. no ko ike, ua hoka maoli oe, @ela iho keiki koa oe, oiai nae, o ka mea oiaio maoli, o oe ka oi o na keiki makaʻu wale."

"Alaila e kapa mai ana anei oe iaʻu i ka hoopu@@ipuni?" wahi a Kakeo me ka hele pii ka ula ma na papalina.

NUPEPA KUOKOA, HONOLULU @. @ POALIMA, JUNE 3, 1921

"O, heaha hou aku auanei ka olelo kupono e ae e kama-ilio aku ai, o kela wale no! E akahele loa oe e Kakeo, mai hoao e nee mai imua i hookahi iniha, no ka mea ke a e hoikei@@ aku ana a@ imua ou, i ke ano o kau ki ana i ka pu panapana, mamua o ka loaa ana aku o keia pu ia oe."

Ua hiki hou ole aku l@ i ke keiki a ke kanaka waiwai ke ku ma@@e nolaila hoao mai la oia e nee imua, eia nae, kau aku la o Konaradi i ka pu panapana imua on a, uwoki oe i ua keiki nei e pipika ana, me ka palulu okoa ana ae i na @ma ma kona mau maka.

Ua hoi pono mai la ko Dike noonoo maikai, me ka nana ana mai, me na manao mahalo ia Konaradi, i ke koa maoli ana mai, me na manao mahalo ia Konaradi, i ke koa maoli o ka hoao ana e hoohoka aku ia Kakeo ka mea hiki ole i kekahi o na keiki o ke kulanakauhale, ke hoaano mai imua on a.

Ke noke mai la hoi o Kakeo o i ke kamailio, e hoinoino ana ia Konaradi. ma ka olelo ana, in a nei no kona ae e ku ma ka aoao o ke kumulaau, aole ana e nele ke ki aku o Konaradi iaia a ku i ka poka: alaila kaena ae la ua keiki nei a ke kanaka waiwai, ua hiki iaia ke ki i ka apala a ku, he l@ua manawa me na poka ekolu o ka pu panapana.

Aole e hiki ia Konaradi ke @@mi iho i kona akaaka, a o ia kana o ka pane ana aku: "Ke hele hoi a ku ka apala ia oe e Kakeo, alaila mamuli wale no ia o ka ulia lako, aole no kou akamai maoli.

"Ua aa au e pili me oe e Konaradi, aole e hiki ia oe ke ki a ku kekahi pani puka, e kukuluia ana ma kahi he umi kapuai ka mamao."

"Aohe oʻu makemake e hoonui wale i na kamailio ana maluna o keia ninau maalahi loa; ma ka hana wale no e ikeia ai ka oiaio o kekahi mea. E nana aku oe e Kakeo i kela mea keokeo, he ili laau maloo, ma ka aoao e kela ku-mulaau keokeo e ku mai la."me ke kuhikuhi ana aku o Konaradi me ke pu panapana. "he elua iniha kuea ka nui o kela ili laau, ke hooia aku nei au imua ou, a imua o kou mau hoaloha, ua hiki loa iaʻu ke ki i ka poka mua loa o keia pu panapana a ku kela ili laau keokeo."

"Aole loa e hiki ia oe ke ki a ku kela mea keokeo," wahi a Kakeo, a mamua nae o ka pau ana o kana mau lelo i ke kamilioia mai, ua kani e aku la ka pu a Konaradi.

Aia no Dike ke noho malie la ma ke kumulaau, aka no na keiki e ae ekolu, holo like aku la lakou no kahi o ka ili laau keokeo, a loheia aku la ko lakou mau leo i ka hooho like ana mai: "Ua ku pono ka poka iwaenakonu o ke kuea."

"Ma ka ulia laki wale no i ku aku la kela poka," i kahea ae ai o Kakeo me ka lea nui, me ka piha kuaki no ka polo-lei loa o kela ki ana aku a Konaradi a ku ka ili laau keokeo.

Aia no o Konaradi ke ku malie la, me ka pane leo ole ae, aka haawi aku la oia i ka hoailona i na keiki ekou, e hoo-kaawale ae ma kahi e , o ka wa no ia i kani aku ai ka pupanapana, no elima manawa, me ke koe ole o kekahi pokailoko o ka pu.

"E haawi no au i hookahi @ala no kela ame keia poka i ku ole i ka ili laau keokeo," wahi ana i hooho ae ai, oiai no keiki ekolu e hele ae ana e nana i kahi a Konaradi i ki aku ai i ka pu.

Holo hou aku la na keiki ekolu, no ka nana ana, i@a paha ua ku aku kekahi o na poki i kahi keo o ka ili laau, a hookahi o ua poe keiki nei i pane mai, me ka lea nui, i ka hooho ana ae:

"Ua pau loa kela mau poka apau i ke ku ma kahi hoo-kahi," wahi ana me ka hookahaha  loa ia aku o ka manao o Kakeo Wilikona, no ka pololei o ka Konaradi @ ana i ka pu panapana me ka hiki ole nae i ua keiki nei a ke kana-ka waiwai ke kamailio mai, oiai ua ku maoli oia i kahi o ka hoka.

"Aole e hiki ia oe e Kakeo ke olelo mai, ma ka ulia laki wale no i ku pololei aki nei na poka apau i kahi hookahi," wahi a Konaradi me ka hoopinana ana ae o kona mau lehe-lehe. "Aole au i maa ika lawe ana i ka pu panapna me aʻu, i mea hoomakaʻukaʻu i na keiki, elika me oe, ka ano mau iho la no ia o na keiki@makau wale elike me oe. Hila-hila maoli au ia oe e Kakeo, mai manao oe he hana lealea wale no keia; o kaʻu aʻo wale no ia oe, mai hoao hoi e lawe-lawe i keia hana naaupo. Eia mai ko pu, aole oʻu make-make e kaili i keia pu mai ia oe mai." alaila kiloi aki la oia i ka pu panapana, ma na waewae o Kakeo.

Ua hoopiha loa ia aku o Kakeo me ka huhu, no kona ku maoli i ka hoka, a ua hoopihaia hoi me ka hoonaukiuki no na olelo a Kanoradi i kamailio mai ai iaia e ku a hilahila maoli ai oia, i kona mau hoa, nolaila wehe ae la oia i kona kuka me ka wiliwili ana ma ii na lima o kona palule, a pane mai la me ka leo okalakala;

Ua hoohaahaa loa mai oe iaʻu e Konaradi i keia la, no-laila e kau aku ana au i kekahi hoopaʻi kupono loa maluna ou."

"E aha mai ana oe e Kakeo?" wah ia Konaradi, me he mea la. aole loa he wahi hopohopo iki iloko on a, no kela keiki opio.

"Ke makemake nei au e pepehi aku ia oe a cha loa, no kau mau hana hoohilahila iau imua o ko'u mau hoa-loha."

Akaaka ae la o Konaradi me ka leo nui, alaila kamailio mai la me ka leo i phia ole me pe kihoihoi:

"Mai wehe oe i ko kuka e Kakeo, no ka mea aole o'u makemake e hakaka me oe, o ka leo o ke ola ea, e hoopau loa kela manao ana ou. e hoeha mai ia'u."

"Ina aole oe i makemake e hakaka ea, alaila e haaei aku ana au i kekahi pa'i mahanahana loa ma kou mau papalina. i mea nou e ike iho ai, aole he hana maalahi ka hele ana mai o kekahi keiki hooio elike me oe e Konaradi, a hokaiwale  mai ma kekahi hana i kuleana ole ai oe."

"O ka leo o ke ola ea. o ia no kou hoopau loa ana i kela manao hakaka, malia o oe aku ana no ke eha, aole owau, elike me kou manao kuhihewa."

"Ua a'o au i ka pelepele a makaukau, nolaila e kaa ma kou aoao e Konaradi ke kupale ana nou iho," o ka hemo ae la no ia o ke kuku o Kakeo. a kiola aku la ilalo me kana pu panapana, a iloko no hoi o ia manawa hookahi, i hoo-kuene pono iho ai o Lonaradi iaia iho, me ka haka pono ana aku o kona mau maka, maluna o kona hoa paio.

Me ka hele hoi o na maka a hulili i ka inaina, ua holo mai la o Kakeo imua me ka hoopololei ana mai i kana puu-puu. ma ke poo o Konaradi, me ka manao o ua keiki nei e loaa pono mai ana o Konaradi i kana puupuu a hina ilalo, ua alo ae la nae o Konaradi, a hala aku la ka puupuuu ma kekahi aoao, ia wa i huli hou mai ai o Kakeo, a hoomau mai la i ke ku'i ana no kekahi mau manawa lehulehu, aole nae e noho mau aku ana o Konaradi me ka makaukau i na manawa apau, nolaila, aole he hookahi o na puupuu ikaika a Kakeo i ku'i mai ai, i ku kekahi wahi o ke kino o Konaradi.

@a Konaradi nae ka ike ua hele maoli o Kakeo a piha loa i ke kuaki. no ke ku ole aku o kekahi o kana mau puu-puu i kona hoa paio, o ka manawa no ia a Konaradi i hapai ae ai i kona lima hema, a ku'i aku la me ka ikaika, ma ka papa auwae o Kakeo, uwoki oe i ua keiki nei a ke kanaka waiwai. e hikaka ana a hina aku la ilalo o ka honua.

Ua ikaika maoli kela ku'i ana aku a Konaradi i Kakeo, no ka mea i ua keiki nei i hina aku ai ilalo, o kana mea e hoomaopopo loa ana. me he mea @a he lapalapa ahi ke a ana mamua o kona mau maka.

(Aole i pau.)

He Moolelo no LE@OLA DALE a i ole

Mai ke Kulana Nele a i ka Waiwai----Na

Aloha Elua i ka Ipo Hookahi.

I kela ike ana mai hoi o Pilipo Daika i ke komo ana aku o Kikila, ua kuemi aku la oia ihope, aka nae no Mr. Foda

hoi, i kona wa i ike mai ai i ke kokoolua o Kikila, ua hele koke mai la oia imua, me ka hooho ana ae:

"Auwe; o oe ka keia e Mr. Kaluka!" me ka haawi pu ana mai i kona lima imua o ka malihini no ke aloha ana.

"Ae, owau no keia, a pehea oe e Mr. Foda?" i pane aku ai ka malihini me ka hopu ana aku no hoi i ka lima o Mr. Foda, no ke aloha ana.

Ke puliki la o Mr. Foda i ka lima o Mr. Kaluka, no ka mea he mau kahiko @ laua, me ke kamaaina loa o kekahi i kekahi, a ke nana mai la hoi ma na maka o ua hoaloha nei on a me na manao kahaha, no ka hana nui o kona hoea ana aku me Kikila no ke kakela.

Aia hoi o Kikila ke kalele la na lima maluna o na poo-hiki o Mrs. Wekela, me ke kamailio ana aku i no olelo e hoomalielie ana i na manao pioloke iloko o kela wahine.

No ka hoomaopopo ana aku o ke kanaka malihini aia ilo-ko o Mr. Foda ke kahaaha nui loa no kona hoea ana aku ma kela kakela, i hoomaka aku ai oia i ke kamailio ana me kiea mau olelo :

"Ke ike aku nei au. ua hookahaha loa ia aku kouo n@@nao e Mr. Foda no keia hoea ana mai la oʻu, aka no ka hooka-maaina ana aku ia oe, no ke ano o kaʻu misiona he, loio au no Mr. Kinikele, ma ia ano i ukali mai ai au mahope on a i keia kakahiaka."

"Ua hookahaha iʻo ia mai au no keia hoea ana mai la ou e Mr. Kaluka, aka nae akahi a hoopauia ae ia kahaha iloko oʻu@ ua hoakaka pono mai la oe i kou kulana." wahi a Mr. Foda me kona noho ana iho maluna o kekahi noho.

Aia no hoi o Pilipo Daika ke ku malie mai la hoolohe i na olelo e kamailioia ana mawaena o Mr. Foda ame ke kanaka malihini, a i kona lohe ana mai, he loio kela kanaka no Mr. Kinikele, a hoopiia aku ka piena iloko on a, me ka pane ana mai:

"Ma ka mana @ea i loaa ai ke kuleana ia Kikila Kinikele ame oe e ka malihini, e komo mai ai ma@oko nei o keia kakela. me ka loaa mua ole o ke ae mai kekahi mea aku i kuleana i keia kakela?" wahi ana me ka hele o na maka a hulili.

pahola ae la ka minoaka ma na papalina o Mr. Kaluka a pane ae la: "Ke ole au e kuhihewa, o Mr. Daika kou inoa e ke keonimana."

"Ae, o koʻu inoa ia." wahi a Pilipo, me ka uumi ana iho i kona mau manao  inaina.

"Ua lohe au i kou inoa, akahi no nae a loaa iaʻu ka hano-hano o ka hui kino ana me oe i keia kakahiaka: a me he mea la, aole no paha oe i lohe mua noʻu, aka ke hoolauna aku nei nae au iaʻu iho imua ou, owau keia o Mr. Kaluka o ka hui loio o Kaluka ame Kaluka, o Ladana."

"Aole i lilo kena mau mea au e hoakaka mai la i mea ano nui i koʻu noonoo!

Heaha kau hana o ka hoea ana mai nei ma keia kakela, ke makemake nei au e ike?"

"No keia manawa, ua hoea mai la au, make ano he ma-lihini na Miss Dale o ke Kakela Lome," wahi a Mr. Ka-luka, me ka pahola hou ana ae o ke minoaka ma kona mau papalina.

"O kena aunei ka mea oiaio e Mr. Kaluka?" i pane mai ai o Mr. Foda me ke ku okoa ana mai iluna. "Eia o Leola ihea, ua ike anei oe iaia?"

"Eia no au." i poha mai ai ka leo o Leola a komo ana no iloko o ke kakela, me kona hele pololei ana mai a ku iho la mawaena o Kikila ame Mrs. Wekela.

Ku ino ae la o Pilipo iluna. me ka manao e nee mai imua. no ke apo ana aku ia Leol@ me ka hoopuka ana aku i keia mau olelo:

"O e kuu leola aloha, ihea oe i nalawale iho nei?" e ane-he aku ana nae oia e hele no kahi a Leola e ku mai ana, kau e mai la o Kikila i kona lima iluna. na ia mea i kono aku ia Pilipo e kuemi mai ihope.

:E ku malie aku oe malaila e Pilipo!" i kauoha mai ai o Mr. Kinikele, me ke kau pu ana mai hoi i kona lima iluna, aia hoi kona mau maka, ke haka pono loa la maluna o kona enemi.

Ua komo aku ke kahaha iloko o Mr. Foda no kela mau mea ana e ike mai la,nalaila ku ino ae la ua loio nei iluna, a ninau mai la ia Leola, i ka i ana mai:

"Heaha ke ano o keia mea e Miss Dale? Ma k@ ano hea i hoea mai ai keia mau keonimana iloko o keia manawa? Ma kaʻu nana aku. aia kekahi mau mea pohihi loa, i hiki ole iaʻu ke maopopo," alaila kuhikuhi ae la oia ia Kikila ame Mr. Kaluka.

Aia na mea apau ke nana la maluna o Leola no kana pane, i kela mau ninau a Mr. Foda.

"Aole he pohihi ma keia mau mea au e ike mai la e Mr. Foda, oiai ua kamaai@a no oe ia Mr. Kinikele"; i pane aku ai o Leola.

"Pela iʻo no, aka nae, heaha kona kuleana o ka hoea ana mai nei, a heaha hoi kana hana maloko nei o ke ka-kela?"

"Owau ponoi no ka mea nana e pane aku i kau ninau e Mr. Foda," i poha hou mai ai ka leo o Kikila. "O ke kule-ana o koʻu hoea ana mai nei ma keia kakela ma ke ano no ia he malihini na Miss Dale, a ma ke ano no hoi, owau aku ana kana kane mare."

No keia pane a Kikila, ua noho hou iho la o Mr. Foda ilalo. aia hoi ma kona mau maka ke kaumaha, aka nae ua loheia aku la ka hehe o ka aka a Pilpo Daika, me ke ka-mailio pu ana ae:

"Ea, o keia kekahi o na nuhou ano nui loa, eia ka he kane aku ana o Mr. Kinikele na Miss Dale," me ka huliana ae o ua o Pilipo imua o Leola, a i hou aku la : "Ke haawi aku nei au i kaʻu mahalo kiekie, ana ia oe. no kou koho ana i ke ano o ke kanaka au e lawe mai ana i kane nau! Ke lohe mai la anei oe e Mr. Foda i ka pane a Miss Dale?"

“Aole he maopopo iki ia’u o keia mea.” i pane mai ai o Mr. Foda. “He oiaio ane e Miss Dale, o Mr. Kinikele aku ana kau make e mare ai?”

“Ae, he mea oiaio loa ia aole he kanalua ana.”

“Pehea keia moolelo no ka holo mahuka ana o Mr. Kinikele, me kekahi kaikamahine okoa?” i mau aku ai no ke kamailio ana a Mr. Foda.

"Aole loa he oiaio iloko o ia moolelo!" i pane aku ai o Kikila me ka leo okalakala.

"He moolelo oiaio loa kela!" wahi a Pilipo Daika me ke ku okoa ana ae iluna, no ka mea aia no ua kanaka nei, ke hooikaika mau mai la no kona pono. "Heaha nae ko ka-kou kuleana hou e kamilio ai no kela moolelo, in a ua paa ko Miss Dale manao. o Mr. Kinikele kana kane e mare aku ai. o kona kuleana no ia, a ua nui na hoike maloko nei, i lohe i kana mau olelo i kamailio mua mai nei, a me he mea la, aole he loihi o ka manawa a kakou e kakali aku ai, e hoea mai ana no o Pole Madena maloko nei, no ka hooiaio ana i ka moolelo e pili ana, no ka holo mahuka ana o Mr. Kinikele me ia."

Ua aneane e hiki ole ia Kikila ke hoomanawanui iho i kona inaina, no kela mau olelo hoohaahaa i kamailioia mai e Pilipo, nolaila anehe mai la oia e hele imua, no ka haawi ana aku ia Pilipo Daika, i kekahi paʻi mahanahana ma ke kumu pepeiao, ua huki e ia aku la nae kona lima ihope e Leola, aka pane mai la ne o Pilipo, me ka hoopinana  ana ae i kona mau lehelehe:

"I kamailio aku nei au, no ka hoea mai o Pole Madena maloko nei, no ka hooiaio ana i na mea i loheia e pili ana nona ame Mr. Kinikele. Aole loa he kanaka kupono nana e hoike ae i kela kaikamahine, o Mr. Kinikele wale no."

"Aole no oia i mamao loa aku mai ia oe mai!" i pa-e mai ai kekahi leo maiwaho mai o ka lani o ke kakela, a komo ana no ka Haku Baumona me kona ku malie ana no ma ka puka.

Ua hoohikele loa ia mai ko Pilipo manao i ka lohe ana aku i kela leo, me ka huli ino ana aku no kahi o ka puka. a ike i ke ku mai o ka Haku Baumona, me kona manao, o Pole Madena pu kekahi, aole nae on a ike aku, no ka mea o ka haku opio wale no ka i hele mai, a pani aku la ka Haku Baumona i ka puka a paa.

"Mamuli o kekahi hiona aʻu e ike aku nei e Miss Dale, ke hopohopo loa nei au, malia paha ua lohi loa ka nuhou aʻu i lawe mai la no ka hoike ana aku ia oe ; aka nae e lilo no i mea hoohauoli mai iaʻu ka noho ana maloko nei, a hoauhee ae i na kikohukohu i hapala wale ia aku maluna o ka inoa o koʻu hoaloha," i pane aku ai ua haku opio nei. me ke u ana ae o kana nana ana ma o a maanei, ahiki i ka ike ana aku ia Pilipo, hoomaka hou aku la oia e kama-ilio:

"Ua maopopo ia oukou apau, ua hookauia aku na ahewa ana maluna o Mr. Kinikele, no kekahi hewa koʻikoʻi loa. @iai nae o ka mea oiaio, aole loa he wahi kiko eleele i kau aku maluna on a. Owau nei ka mea i huli aku i ka oiaio. a pela au i hoea mai la, no ka hoike ana ae i ke akea, ua kaawale loa o Kilika mai na mea a kakou i koho wale ai i kinohi. Eia o Pole Madena i keia manawa, ma ka home o kona makuakane kahi i noho ai, ua loaa aku oia iaʻu ma ke kulanakauhale ma Ladana, a mai kona mau lehelehe po-noi mai, i hoike mai ai oia i ka mea oiaio, a ua makaukau au e hoikeike aku i ka palapala ana i kakauinoa ai, in a i makemake oe e Pilipo Daika e ike i ka pololei o kaʻu mau mea e kamalio aku nei, no ka pono o ka ino maikai o kuu hoaloha."

"Heaha auanei koʻu pomaikai, ma kau mau mea e kama-ilio mai nei. nolaila o oe no ke kuleana e hoike mai ai i na mea i loaa ia oe, aka o kou hoaloha paha ka i makemake i kena mau ano kamailio au," wahi a Pilipo m ke ano hoo-kekee.

"O kau paha kena e kamailio mai nei, no ka pulapu ana mai i ka poe maloko nei o keia rumi, aole he wahi lihi iki o na hoohuoi o ka hewa i kau aku maluna ou e Pilipo, aka nae e hoolohe mai oe i ka oiaio. Ua maopopo loa iaʻu e hoole mai ana oe, aole o oe ka mea nana i hookikina ia Pole Madena e haalele iho i ka home o kona mkuakane, a holo aku no Ladena, me ka noho ana aku malalo o ka malu o kekahi wahine au i hoolimalima ai, no ka hooko ana mai i kekahi o kau mau hana ekaeka."

"Ina aia kekahi wahi lihi o ka oiaio iloko o kena mau mea au e kamailio mai nei, in a ua makepono koʻu hoole ana aku ; aka he hana hoopau manawa wale no ka noonoo ana aku i na mea e pili ana no Mr. Kinikele a no Pole Madena paha. He hana ano nui loa ka i makemake koke ia i keia manawa, he hana i pili ole aku ia haʻi, e kulean ole ai no hoi kekahi poe e ae e noho mai maloko nei."

Kulou aku la ka Haku Baumona imua. a i aku la ma ke ano paa rula : "Ina ua lilo keia hoea ana mai nei oʻu i ko-mohewa, alaila ke nonoi aku nei au, e huikalaia mai, me koʻu makaukau, e haalele iho ialoko nei o keia rumi."

"Aole au i ike i kekahi kumu kupono nou e haalele mai ai ialoko nei o keia keena, aka e noho mai no oe pela e ka Haku Baumona." i pane mai ai o Leola.

Ua hooman@aia ae ka manao o ka haku Baumona, ma muli o kela mau olelo a Leola, me kona haawi ana aku i kana kunou ana imua o ka lede opio. me ka hele ana mai no hoi, a ku iho la ma ka aoao o Kilikla.

Hoomakuʻe iho la na kuʻemaka o Pilipo Daika, no kela kamailio ana ae a Leola, e noho iho no ka Haku Baumona iloko, a o ia ka ua kanaka nei o ka pane ana mai:

"Ke kaumaha nei au, i ke kamailio maoli ana aku ia oe e kuu haku, e ponno oe e haalele mai ialoko nei o keia keena i keia manawa!"

Anehe mai la ka Haku Baumona e nee imua. me ka ma-nao e hopu aku ia Pilipo. no ka haawi ana aku iaia i kekahi puupuuu mahanahana ma ke kumu pepeiao, ua paa e mai la nae oia i ke hopuia e Kikila, a o ia ka ua haku nei o ka pane ana mai:

"Ma ka mana hea i loaa ai ia oe e Pilipo Daika ke kuleana e kipaku mai ai iaʻu, e ku a hele mailoko aku nei o keia kakela?" me kona nana ana aku hoi ia Leola.

"Aole loa he wahi iihi kuleana iki o keia kanaka e kau-oha mai ai ia oe e kuu hoaloha. e ku a hele mailoko aku nei o keia kakela," i pane mai ai o Kikila.

"Uwaki!" i pane mai ai o Mr. Foda, me kona ku okoa ana ae iluna. "Aole oʻu makemake e hoomauia aku keia mau ano olelo i keia manawa," me ke kau ana aku o kekahi lima maluna o ka poohiwi o Pilipo.

Hilinai aku la o Pilipo Daika ihope o kona noho, me ka pane ana mai nae: "he hana hiki ole loa ke kaohi hou ana mai i ka mea i makaukau loa e hookoia aku. Eia iloko o kuu noonoo. ka makee e hoopakeleia ae o Leola mai ke-kahi hana maikaiole, aka nae, ua komo mai nei keia poe iloko nei me ke kuleana ole."

Haalele aku la o Mr. Foda i kona wahi e ku ana, a hele mai la imua o Leola, a kamailio aku la me ka leo oluolu "Auhea oe e Miss Dale, ke nonoi aku nei au i kou oluolu e haalele mai i keia rumi, no ka mea he hana ano nui loa ka maua i makemake ai e lawelawe, he hana hoi, i konoia mai ai au e noi aku ia oe e hookaawale aku."

Nana mai la o Leola ia Kikila, me kona manao e hooko aku elike me ke noi a Mr. Foda iaia, aka nae, lalau aku la o Kikila i kona lima, a kaohi hou iho la iaia,  aole e haalele i kela rumi.

Ua ike mai o Pilipo i kela hopu ana aku a Kikila i ka lima o Leola, a kaohi iho i kela kaikamahine, aole e hooko elike me ke kauoha a Mr.Foda iaia , alaila puoho mai la ua kanaka nei me ke kamailio ana amai i na oleolo hookikina

"Aole oʻu makemake ia oe e Mr. Kinikele, e noho mai maloko nei, e ku koke oe a hele mailoko aku o keiia rumi me ka hakalia ole!"

Ku ino ae la o Leola iluna, hele mai la oia a piha i ka inaina, no kela mau olelo a Pilipo, aka nae, ua kaa e aku la ma ka aoao o Mr. Foda ke kamailio ana mai iaia

"Auhea oe e Miss Dale, e noho malie, o keia kaʻu lea uwalo imua ou, no kou ponoʻ ʻalaila huli ae la imua o Ki-kila, a i aku la : "E oluolu mai oe e Mr. Kikikele, e haa-lelel mai no keia manawa, ialoko nei o keia rumi!"

Ma kahi o ko Kikila hooko aku i ke noi a Mr. Foda, pa-hola ae la ka minoaka ma kona mau papalina, a pane mai la: "Ke makemake nei au e ike, ma ke kuleana hea i loaa ai ia Pilipo ka mana maluna o keia kakela?"

"Ina o kou makemake ia ea. alaila ke kauoha aku nei au ia oe, e ku koke a hele mailoko aku nei no ka mea owau ka haku ame ka on a nona keia kakela." wahi a Pilipo me ka leo kuoo o ka mea hookohukohu.

(Aole i pau.)