Ka Nupepa Kuokoa, Volume LIX, Number 26, 1 July 1921 — Page 7

Ka Nupepa Kuokoa

KE KILOHANA POOKELA NO KA LAHUI HAWAII.

He Moolelo no

Konaradi Kenekona

a i ole

Ka Hiena o na Awawa Kuhoho ame Demonaka Lio Eleele Kupaianaha

            He mau apala kana o ka lawe pu ana mai me ia, haawi aku la oia he mau apala ia Demona, ke ai la hoi ua No nei, me ka hoihoi loa, aole he wahi makau iki iloko ona, elike me ke ano o na lio ahiu; a iloko no hoi o kela manawa hookahi ke hoomalielie la ua o Konaradi me ka kamailio mau ana aku ia Demona.

            Ma ka po ana iho o kela la, i ka i ka wa a Konaradi i hoi aku ai noloko o kona rumi ala hou mai la kona noonoo na olelo ao a kona makuahine iaia, ki aku la oia i ka puka o kona rumi a paa, no ka manawa mua loa ka mea ana i hana ole ai pela mamua aku.

            Mamuli o kona luhi, me ka nui no hoi o ka eha o kona kino, i kela ahaiia ana on a, i hakalia no a kau koma poo i ka uluna, o kona pauhia aku la no ia i ka hiamoe. He nui na moeuhane hoopihoihoi noonoo i loaa iaia, he ma moeuhane ku kekahi i ka hooweliweli a he mau manawa ka hoi kana o ka lele ana i ka pali, maluna no o Demona a haule iloko o ke kahawai, ma kela wahi no a ka lio eleele i lele ai i ka wa ao, a aea ae ai laua mailoko mai o ka wai me ka poino ole,

            Ma kela po no hoi, iloko o kona pauhia loa i ka moe kulipolipo, ua puoho honua wale ae la no ola, me ka maopopo ole iaia o ke kumu a ma kana hoomaopopo maoli iho no, me he mea la, aia kekahi uhane lapu o ka po, e hoohalua mai ana i kona ola.

            Ka pa pono mai la ka malamalama o ka mahina ma ka puke aniani o kona rumi, aia no hoi ua o Konaradi ke hiamoe la maluna o kona moe, heaha la ia kaakaa ana ue o kona mau maka, aia hoi ike aku la oia i ke kino o helehelena, aka ke au la ke poo o ua kanaka nei mao a maanei me he mea la e hoolohe mai ana a e nana mai ana no hoi i ka mea e hiamoe ana maloko o kela rumi.

Mokuna VI

            Kaakaa loa ae la na maka o Konaadi, me kona moe hoololo no nae maluna o kona moe; he hookahi hana o ia ka hakilo loa ana i ke kana ma waho o ka puka aniani. He manao no kona e ala ae iluna a ninau mai i ka ntea maaohele o ka po, o kona nana iho nae, aole ana meaeha maloko o kona rumi, nolaila he mea makehewa wale no kona hoao ana mai e hoopuiwa i ke kolohe, malia paha ua lako keia kanaka i ka pu panapana a me ka phai, o ko ia nei pono no ia.

            No kekahi manawa loihi, ka pili maile ana o ke kolohe mawaho mai o ka puka aniani, alaila emr liilii iho la kona kino ilalo o ka wa no ia i kunu iho ai o Konaradi a ioko o ka manawa pokole loa, ua nalowale aku ua mea eleele nei mai ka puka aniani aku.

            Me ha eleu loa no hoi, ua ala koke ae la o Konaradi iluna lalau aku la i kekahi laau hauhau popo o kona ribi helo mai la no ia no kahi o ka puka aniani, e hamama ana me koria manao e oili hou ae ana ke poo o ke kolohe iluns aole @ on a no he ikeia aku o kekahi kino kanaka.

            Ea, ua like pu ka hoi ka palamino o kela kanaka me na eheu o kou ike koke ana mai nei no hoi ia i ka iho and iho o kona poo ilalo o ka nalowale honua no ka ike.

            He oiaio maoli no ka mea a ka moeuhane i hoike mai ai a ke hauoli loa nei au i kou puoho e ana i ka we pono e hookau ole mai ai kela kanaka i kana mau hana hoopoino maluna o kou kino.

            Ua kohu manu me na eheu, maoli ke ano o ka nalowale and o kela kanaka no ka mea ke nana la oia o ka ike aku i kekahi alapii, aole loa he mea o ia ano, nolaila he hookah wale no alahele e hoea ai kela kanaka iluna o kona rumi mamuli no ia o kona lele ana me ha manu la a me ia ano hookahi no hoi i nalowale aku ai oia me ka hikiwawae loa.

            No ka pau ole o ko Konaradi pohihihi no ka mea ana o ka ike ana ma ka puka anianai nolaila kii okoa aku la oia i kekahi noho, a uwai mai la a kokoke i ka puka aniani me ka noho ana iho malaila, me kona akahele loa ana nae, o ikeia mai auanei oia e kekahi mea maiaho mai, aka oia ke ike aku i ka mea e maalo ae ana mawaho o ke kahua manienie.

            No kekahi manawa loihi kela noho malie ana o konaradi hakilo o ka ike aku i kekahi mea me kona hele maoli a huihui me ka makehiamoe pu a e  hoomakaukau ana oia e hoi hou aku e hiamoe heaha la ia nana ana aku ana iwaho aia hoi ike aku la oia i ka oili ana ae o kekahi mea mailoko ae o kahi e uluia ana e na laau hihi a nalowale aku la iwaena o na kumulaau liilii e ulu mai ana.

            Ua palamimo loa kela oili ana ae o ke kino kanaka a nalowale aku la me ka hikiwawe loa ma kekahi aoao aole e hiki ia Konaradi ke ike maopopo aku i kela kanaka aka nae aia no kekahi mau hiohiona maluna o ua kanaka nei e hiki ole ai iaia ke hoohewahewa aku a o ia kana o ka namunamu ana iho

            "Aole au i kuhihewa ma kau mea e koho nei o Felipe maoli no kela aia he papale kekahi ma kona poo aohe wahi lilo iki o Felipe i kela kanaka."

            Kakali hou aku la ua o Konaradi no kekahi manawa loihi aole on a ike hou aku i ka maaloalo ae o kekahi me a aole no hoi he hoao hou mai e pii ma kona puka aniani nolaila pani iho la oia i ka puka aniani a paa o kona laoi aku la no ia e hiamoe me kona hoopilikia ole ia e na moehuane like ole ku i ka hoomakaukau o ka po.

            I ka puoho ana ae o Konaradi ma kekahi kakahiaka mai hele aku la oia e holoi i kona maka komo mai la ao hei i kona mau lole a ke nana i hoopilikia aku i kona noonoo aka mae iaia i hoomanao mai ai no Demona ka lioeleele ame ke kaa ana o ka lanakila ma kon aoao ia wa i hooho ae ai oia i ka i wale ana iho no iaia iho

            "E hoolilo aku ana au i kela lio i lio waiwai nui no kuu makuakane a ke manaoio nei au he hana maalahi loa ke ao ana aku i kela lio e hana mai ai oia i na mea apau e amkemakeia aku ai."

            Iaia i hoea aku ai no ka haleaina aole i aa mai kona makuahine nolaila ai hookahi iho la no oia i knoa aina kakahiaka ma ke ano pupuahulu oiai aia no kona noonoo nui maluna o Demona.

            Iaia nae i haalele aku ai i ka hale no ka hele ana e nana i ka lio eleele hoomanao mai la oia no ke kanaka ana i ike ai e hoonalua ana i kona ola ma ka pinana aua mawaho mai o kona puka aniani nolaila hoolalau wale iku la no oia i kana hele ana ao kahi e ulu ana o na laauhihi me ka nana mua ana iho nae in a he moali kapuai wawae kekahi mawaho pono mai o kona puka aniani.

            Ua okiokila ka mauu a pokopoko aka nae ua hiki no iaia ke ike iho no ka hoea ana o kekahi mea ma keia wahi a me ka uile pomaikai no hoi ike iho la oia i ka maka o kekahi mau kamaa.

            Mai kela wahi mai i hele loa aku ai oia no kahi i uluia e na laauhihi a loko o kona pihoihoi aia hoi loaa aku la iaia kekahi alapii loihi ua hoopilia aku ma ka aoao o ka uale akahi no a hoopauia ae kona pohihihi ma kela alapii ka mea hoohalua o ka po i hoea ai no kona puka aniani aole hoi ma kekahi ano e ae.

            He alapii kela a ke kauwa Paele e pii mau ai iluna o kekahi mau wahi kiekie no ka ako ana i na pia a no ka okioki ana no hoi i na laau hihi o ka mea nae nana i lawe a kukulu malalo ae o kona puka aniani ua maopopo loa iaia na ke kanaka kolohe no ia.

            E makaukau ana nae ua o Konaradi e oili aku iwaho o kahi nui o na laauhihi e ulu ana  aia hoi e ku mai ana mamua o kona alo o Felipe e owiliwili ana ua hapa ili kini nei i kona paka kikalika me ka pane ana mai  iaia nei

            "O ke aloha kakahiaka no kou e Konaradi!" wahi a ua kanaka nei me ka hoao ana mai e minoaka.

            Ma kahi o ka panai ana aku i ke aloha kakahiaka ku wale aku la no o Konaradi nana ia Felipe e kilohi pono ana hoi mai ke poo mai o ua kanaka nei ahiki aku ilalo o  kona mau wawae alaila i aku la

            "Auhe oe e Felipe in a he makemake kou e ike iau i kekahi manawa e hele ao oe ma ka puka i hoomakukauia  no ka

mea aole ou maa i ka hookipa mai i kau poe malihini ma ka puke aniani wahi a ke kanaka opio me kona hoomaka ana aku e hele no kahi e ku mai ana o ka halelio.

            Ua piha nae o Felipe me ka inaina no kela mau olelo a Konaradi nolaila alualu mai la oia ia Konaradi  me ke ku pono ana ae mamua mai o kahi o Kanardai e hele aku ana a pae mai la.

            "Ke makemake nei au e hoakaka pono  mai oe i ka manao o kau mau olelo i kamailio mai nei."

            "Ua maopopo no ia oe ka manao o kela mau olelo mai heao oe e hoole mai me ke kuhikuhi ana mai o kekahi manamanalima o ua o Konaradi ia Felipe.

            Ua like pu oe me na Kamalii liilii naaupo ka maopopo ole o kau mea e kamailio mai nei. Manao au la i ka ui ana o kou kino ua kanaka makua oe na kau mau olelo nau ame kau hana i hoike mai he kamalii koy hoa e kohu ai. O na wale ai eia nae aole loa he oiaio iki iloko o kekahi o ia mau mea i pane aku ai o Felipe me ke koe aua ae i ke kukae pele no ka hoa ana i kona paka kikalika.

            Ua hoopiia aku no ko Konaradi wahi kai no keia pane a Felipe ua uumi hoomanawanui no nae oia i kona huhu me kona haalele koke ana iho i kela wahi a laua e ku la a hele aku la no ka halelio no ka ike ana i ka lio eleele.

            I kela ike ana niai o Demona i ke kanaka opio ua hoike okoa mai la kona mau ano i ka hoihoi me ka hele ana aku o Konaradi a hamohamo ma ka ai o ua lio nei me ka paipai ana ma na wahi apau o kona kino alaila hanai hoii aku la i ua lio nei i na apala ana o ka lawe pu ana mai a ke ai la no hoi o Demona me ka hoonuu maoli aole loa he wahi helehelna iki o ka pienaena o ua lio nei me he mea la he lio laka maoli kela.

            No kekahi manawa kela hoomalimali ana a Konaradi ia Demona kahea okoa aku la oia i ua lio nei e hele mai iwaho mai kona keena mai i hoopaaia ai ua hoolohe loa mai la no ua lio nei i ke kauoha a ke kanaka opio aka ma kahi aku nae o ka hookomo ana i ke kaulawaha aole ia he hana maalahi no ka mea ua hoomaopopo o Demona ma ka la aku i hala o kela kekahi o na mea ino loe malkoko o kona waha.

            Ua hala okoa kekahi manawa loihi o kela hoao ana o Konaradi e hookomo  i ke kaulawaha iloko o ka waha o Demona a mamuli o ka piha maalea me ka akamai i holopono ai ia hapao ana me ka eena no nae o ka lio eleele e hoao mau ana e hemo aku ka hao mailoko mai o kona waha.

            Aole ua o Konaradi i kii i kona noho no ka hookau ana ae ma ke kua o Demona no kona manao he hana hooi wale aku no ia i ka piena o kela lio nolaila i kona wa i ike ai ua nanea ua lio nei o kona lele ae la no ia a kau ana iluna o ke kua me ka noke ana no hoi o Demona i ka owala me ka lele ana ihina e ake ana e kiola aku i kela mea kaumaha mai luna aku o kona kua eia nae ua lilo ia mau hooikaika ana e Demona i mea ole oiai he wahi ke kua o ka lio na Konaradi i hele a kamaaina o ia no oe o ka mea i hauhoaia i ke kaula a paa e haule ole ai ilalo.

            Iloko o kela pienaena o Demona e lele ana iluna a e owala ana no hoi aia mau no o Konaradi ko noke la i ke kamailio me ka hoomalielie ana ke puliki la no hoi kona mau lima i  ke kaula kaohi a iloko o ka manawa pokole ua akakuu mai la ka pienaena ana o ua lio nei me ka holo pokaakaa wale ana iho no maloko o ka halelio a i ka hoea ana ma kekahi wahi a Konaradi i ike aku ai ua hiki iaia ke lele mailuna aku o ka lio me ka malahi kaohi mai la oia ia Demona o kona lele aku la no ia a haule ana ilalo.

            Mailalo mai i lele hou mai ai oia a kau ana iluna o ke kua o ka lio a lele hou aku ana ilalo pela iho la kona hoomaamaa ana no kekahi mau manawa lehulehu ahiki i ka maa maoli ana o Demona aole wahi mea a puiwaiwa hou a hoao paha ma kekahi ano e kiola ia Konaradi miluna aku o kona kua.

            Ua hoopiha loa ia o Konaradi me ka hoihoi ame ka hauoli pu no ka hikiwawe maoli o ka laka o kela lio me ka hoolohe hoi iaia a no ka lilo loa o kona noonoo maluna wale @@ o Demona aole ona nana i ka manawa a iaia i hoomaopopo ae ai eia ka ua awakea maoli ke hele ae la i ka hora umikumamalua.

            E hoomakaukau ana nae oia e hoi mai no ka hale ike aku la oia ia Pita ke Paele e hookomo ana i na lio iloko o ke kaa a o ia kana i ninau aku ai.

            "E hele aku ana au no ka hale hoolulu kaaahi no ka hoihoi ana mai i kuu haku ma ke kaaahi o ka hora umikumamalua e huli hoi mai ai oia mai ke kulanakauhale mai."

            "E holo aku ana ka hoi au no ka hale hoolulu maluna o Demona" i hooho ae ai ua o Konaradi me ka kau koke ana ae maluna o ka lio eleele  aia hoi ka manao iloko on a e hoohauoli loa ia aku ana kona makuakane ke ike mai iaia maluna o kela lio ka mea hiki ole ia Felipe ke hoolakalaka.

            Aole he wahi puiwaiwa iki o Demona iaia e hel la ma ke alanui akea aka ma na wahi apau a Konaradi e makemake ai e hele malaila aku la kela lio a i ke kaalo pono ana ae o ua o Konaradi mawaho o ka home o Kakeo Wilikona ike aku la oia i ka noho mai c ke keiki a ke kanaka waiwai aole no nae oia nei hana wale aku aka ke hoomau la no oia i ka hele aia ka pahuhopu o kana huakai ma kela la no ka hale hoolulu kaaahi.

            "Auwe no ka hoi e" i hooho ae ai o Kakeo i kona wa i ike mai ai ia Konaradi maluna o Demona "O ka lio eleele ka pha kela a Kanekona o ka hoihoi ana mai Amerika Hema mai Ua lohe au i kela mau la aku nei o kela kekahi o na lio ahiu loa me ka hiki ole ke hoolakalakaia me he mea la na ela hana Ilikini o ka hele pu ana mai nei me Mr. Kenekona hoolakalka i kela o ahiki i ke kau ana o Konaradi iluna.

            "E oi loa mai ana hoi ka hooio o Konaradi ma keia mua aku me ka hookila ana maluna o kela lio hou! Ua ma nao paha kela keiki kanaka akamai loa oia i ke kau lio he hana hiki wale no i na mea apau Ua oi ae kou hihie i ke kaulio mamu kela keiki hooio"

            I ka hoeo ana aku o ua Konaradi no na alanui o ke kuanakauhale ua hooholo mao aku la oia ia Demona me kona ike maoli iho no i ka hiehie maoli o kela ho a o kaa mea e maopopo la aia na mea apau maluna on a kahi i nana mai ai ka mea hoi nana i hookomo mai i na manao haaheo iloko ona.

            Iaia i kaalo ae ai mawaho o ka haleleka haawi aku la oia i kana kunou ana ia Zora Kakona ke kaikamahine a ka luna leka me ka panai  ana mai no hoi o ua kaikamahine nei ma ke ani ana mai o kona mau lima me ka haawi pu ana mai ka minoaka iaia nei.

            Ke hookikaha la ua o Konaradi i kona lio hou ma na ala nui a i ka wa i kani mai ai ke oeoe o ke kaaahi holo pololei loa aku la oia no ka hale hoolulu me kona lio i mea na ka lehulehu e makaikai mai ai.

            I ka wa i hoea mai ai ke kaaahi ua ui ka puiwaiwa o Demona e oni ana i o a ianei e lele ana no hoi iluna eia nae he mea ole wale no ia ia Konaradi ke hookokoke mau la no ua kanaka opio nei i kahi o na kaa ohua e nakeke la i ke alahao no kona makemake e hoomaa i kona lio i ke kaahi a no ka hiehie o on a kulana pela hoi ka noho mana ana maluna o kela lio ua noke okoa mai na kanaka i ka huro me ka nui o ko lakou mahalo no keia keiki opio a ke akamai nui wal i ke kaulio hou.

            Mahope iho nae o ka puiwaiwa ana o Demona no kekahi manawa ua akakau mai la ka hiena o ua lio nei me ka hiki ana hoi ia Konaradi ke hoohele mai ia Demona ahiki i keku na ma ka aoao o ke kaa o Pita e kakali aku ana o ka hele mai o Mr Kenekona mailuna mai o ke kaaahi.

            I ua keiki opio nei no nae ka ike i ka hele mai o kona makuakane no kani o ke kaa kahea aku la oia me ka leo nui i ua i ana aku.

            I ua keiki opio nei no nae ka ike i ka hele mai o kona makuakane no kahi o ke kaa kahea aku la oia me ka leo nui i ka i ana aku.

            "Halo papa" wahi ana me ka hoomalielie ana iho ia Demona oiai ua lio nei e noke ana no i ka oni i o a ianei.

            I ka wa i lohe mai ai o Mr. Kenekona i ka leo o Konaradi nana mai la oia a ike i ke kau aku o ke keiki opio iluna o Demona ua hoopiha loa ia aku oia me ke kahaha me kona kuemi hou na aku ihope a haule aku a hoi kana paiki paalima mai iaia aku no ka mea o kela ka manawa mua loa ana i ike mai ai i ka hiki ana i kekahi mea ke kau maluna o Demona me kona noonoo mua ole o kana keiki ana ka mea nana e noho mana maluna o kela lio.

 

Mokuna VII

            Ua hookahaha loa ia aku ko Konaradi manao iaia i ike mai u i ka pihoihoi maoli o kona makuakane me ka piha i ka makau a no kekahi mau sekona loihi aole e hiki i ka makuakane ke pane mai i hookahi huaolelo aka nae me ka hooikaika wale no i uka mai ai kana mea i makemake ai e ka wahi ana me ka leo haalulu me kek ulou ana iho ilalo e hopu mailio mai i ka i ana mai.

            "O oe no anei keia o Onaradi a i ole he uhane paha" ai i kaua paiki paalima aia hoi kona mau maka ke nana la maluna o Demona me ka piha i ka makau.

            "Owau no keia o kau keiki a o Demona no hoi keia" wahi a Konaradi no ka hoomama ana aku i ka manao o kona mano o kona makuakane a no ka hoopau ana aku no hoi i ka pohihihi o kona makuakane.

            "Ma ke ano hea a ma ka mana hea i hiki ai ia oe ke kau maluna o Demona e kuu keiki i wahi a MrKenekona me ke kahaha nui iloko on a Ua hoike mai o Felipe iau in a no kou aa e komo maloho o ka pa i hoopaaia ai o Demona e lilo ana oe i kanaka make imua o kena diabolo.

            He oiaio ua kamailio mua aku o Felipe ia Mr Kanekona no ka paakiki loa o Konaradi e kom oe  hoolaklaka ia Demona uolaila ma kela hele ana a ua kanaka nei no Nu Ioka a hoi wai aia iloko on a ka manao o ke kino make o Konaradi ke loaa mai ana iaia eia ka aole ka ua lilo o Konaradi i haku maluna o Demona.

            Ua piha mai la kela wahi a Konaradi ame kona makuakane e kamailio nei i na kanaka o kekahi kumu paha hoi no ko lako uike ana mai i ka lio eleele i ka pienaena maoli me ka haule ole o ka kanaka opio alaila me na huaolelo pokole hoakaka aku ai o Konaradi i ke ano i noho mana ai oia ma luna o kela lo e kamilio ana hoi aole ma ke ano kaena iaia iho aka na ke ano malie no me kona ike ole nae aia iwaena o kela poe kanaka e hoolohe mai ana i kana mau olelo kekahi mea kakau nupepa ke hoolohe pono loa la oia i na olelo apau e puka aku ana mai ka waha aku o Konaradi.

            Ma kekahi ano nae a Konaradi i hoomaopopo mai ai i ke ano o kona makuakane ua piha ka hoonaukiuki iloko on a ua kaokoa loa ae ko Kenekona mau ano mai ke ano mai o ka makuakane i kana keiki nolaila i kela haalele ana aku o ke kaa o Kenekona i ka hale hoolulu kaaahi aole o Konaradi i noho pu aku ma ka aoao o ke kaa e kamailio ai me kona makua aka ua holo e aku la no oia mamua me ka hoea e ana aku no ka home he hapalua hora okoa mamua o ka oili ana aku o ke kaa.

            Elke no me ka Konaradi hana mau mahope iho o kona hele ana ma kekahi wahi loihi ke kuwakuwai ana i ka hulu o ka lio me ka palaki me ke kawele ana i ka hou me kekahi welu maloo pela no oia i hana aku ai ia Demona o ka pau ana ae no nae ia o kana miliapa an i ua lio nei hoea aku la ke kaa o kona makuakane i ka hale.

            Haalele aku la ka poio i ka halelio a huli hoi mai la i ka hale aia hoi e kakali aku ana kona makuakane iaia mawaho o ka alanai me ke ku ana ae o Mr. Kenekona iluna a pane mai la.

            "Auvea oe e kuu keiki aloha" wahi ana me ka hopu ana mai i kekahi lima o Konaradi a kau mai la hoi kekahi lima maluna o ka poohiwi o kana keiki a hoomau hou mai la i ke kamailio aina.

            "Aole paha i maopopo ia oe e kuu keiki ka nui haaheo ma oli o kou makuakane nei i hui pu ia no ho me ke kahaha i kuu wa i ike mai ai ia oe i ke taona i keia la maluna o Demona Ina aohe oe he keiki pouo nau in a ua lilo au i mea mua loa e haawi aku i kau mau mahalo ia oe aka aole au i makemake e ikeia mai e kaena ana ia oe e kuu keiki i ka mea oiaio loa ua hele au a piha maoli me ka haaheo no ka hiki ana ia oe ke noho mana maluna o kela lio."

            Ina he mau manao nonohua kekahi iloko o Konaradi no kona makuakane ua auhee loa aku ia mai iaia aku i kela wa i lohe aku ai i na olelo a Mr Kenekona no ka mea o kela ka manawa mua loa ana i lohe ai i na olelo oluolu mai kona makuakane aku ka mea hoi ana i kaaahi loa ai no ka loli ano e loa o kona makua mai na ano i kamaaina iaia.

            Aole nae a Konaradi mau mea e pane aku ai ma kona aoao no kela mau olelo a kona makuakane iaia a no ka noho kukule loa hoi o ke keiki ua hoomau hou mai la no o Mr Kenekona i ke kamailio ana.

            "Aole loa au i apono iki no kela hele ana au noloko o ka pa i hoopaaia ai o Demona a ua lilo no hoi i mea kaumaha nou kou kakali ana a hala au no ke kulanakauhale o kou wa iho la ia e hoao ai e hookokoke imua o kela lio oiai ua maopopo no oe aole ou apono iki i kou hoao ana e hoolakalaka i kela lio.

            "Aole keia he nuku aku ia oe a huhu aku paha aka mamuli wale mai no ia o ka nui makee iloko ou nou elike me ka makua i kana keiki i aloha ai He mea oiaio ua loli loa kou mau ano mawaho ke nanaia mai mamuli o ka loihi o kou mau makahiki i hoohala ai ma Amerika Hema aka he o ia mau no nae oloko ou aia ke aloha ame ka makee nui iloko ou nou e kuu keiki."

            Ke mihi la o Konaradi no kana mau ahewa wale ana aku maluna o kona makuakane a ua hilahila maoli no oia me ka hoao ana e pane aku i kekahi mau huaolelo e hoakaka pono ana i kona mau manao aole nae he hiki alaila apo mai la kekahi lima o Mr. Kenkona ma ka a i o Konaradi a u komo like aku la noloko o ke keena e noho mai ana o ka wahine mai.

            Ua hoohauoli loa ia aku ua wahine nei i ka ike ana mai i kela komo ana aku o ka makuakane ame ke keiki me ka hoihoi ma ko laua mau helehelena a ia lakou i noho like aku ai e ai me ho mea la o kela ka manawa mua loa a Mr Kenkona i hoikeike mai ai i kona mau ano oluolu a piha hoihoi nohoi na ia ano o ua kanaka nei i hooluolu loa aku i ka manao o kana wahine a lamalama mai la no hoi kona mau papalina.

            I ke kaawale ana aku nae o Mr. Kekona mailoko aku o kela keena a koe kokoolua wale iho la no ka makuahine me ke keiki ia wa i pane mai ai o Mrs. Kekona.

            "Pehea kau hoomaopopo aku i ke ano o kou makuakane iaia i ike mai ai ia oe ma ka hale hoolulu kaaahi i keia la?"

            "O kau mea i hoomaopopo aku nona me he mea la ua piha loa oia me ka makau ame ka puiwa no ka mea ua pahemo wale aku no kana paliki mai kona lima aku a ua nana mai hoi oia iau me he akua lapu la"

            No kela mau hoakaka a ke keiki ua loli koke ae la kela helehelena ulumahiehie o kona makuahine a i ke kulana kaumaha a mihi loa iho la o Konaradi i kona hoike ana aku i ka mea oiaio loa elike me kana i ike ai a o ia ka ka makuahine o ka pane hou ana mai.

            "Aole e hiki iau ke hoomaopopo i na ano apau e pili ana iaia" me ka hoike koke ana mai o kona helehelena i ke kaumaha ame ka ehaeha. "Mamuli o keia mau ano i hookomoia mai na manao kanalu iloko ou  he kanaka okoa loa paha keia Ua okoa loa kana mau hana ma na ano apau eia nae aole e hiki ia kaua ke alo ae o kau kane no ia a kou makuakane no hoi e Konaradi."

            No ka ike aku o ke keiki ua hele maoli kona makuahine a piha me ke kaumaha i hui pu ia me ka pihoihoi hoomalielie aku la oia ma ke kamailio ana aku i na huaolelo oluolu ahiki i ke akakuu ana mai o na ano maikai ole o ua makuahine nei ona.

            He hora okoa kela noho pu ana o ke keiki me kona makuahine alaila haalele iho la o Konaradi i kela rumi a iaia i hemo mai ai iwah oo ka hale hele pololei loa aku la oia no ka halelio no ka nana ana no i ka lio eleele.

            Iaia nae e hookokoke aku ana i ka halelio ike aku la oia i ke ku mai o on a makuakane me Felipe me ka hookahaha loa ia mai o kona noonoo ana e koho aku la he mau ohu muhumu ka kela mau kanak ae kamailio ana oiai he uuku loa ko laua leo a e alawa mau ana no hoi ka laua nana ana no kahi o ka lio eleele i hoopaaia ai.

            I ka ike ana mai nae o ua kanaka nei i ke kanaka opio hooki iho la laua i ke kamailio ana a maopopo iho la no ia Konaradi nona na mea a kela mau kanaka e kamailio ana Hele pololei loa aku la o Konaradi a ku iho la ma ka puka o ke keena i hoopaaia ai ka lio eleele alaila huli papu aku la imua o Felipe a i aku la.

            "Ke manzo nei au aole oe e hoomakaukau ana e hoikeike i kou loea kaulio mahope iho o kou hoike ana mai i kou ano hohewale i nehinei ma ka aa ole ana e komo pu me au iloko o ka pa i hoopaaia ai o Demona."

            Ua pii maoli ke kai o ka hapa Ilikini ke pupuu la kona mau lima a elua me he mea la e hoomakaukau ana e holo mai imua e hopu i ke kania i o ke keiki opio o ka mea wale no hae nana i kaohi aku i ua kanaka nei mai ka hoopilikia ana mai ia Konaradi o ia no ka luliluli ana ae o ke poo o Kenekona he hailona e hoike aku ana i kona apono ole i kekahi hana hoohakaka a me ka pane ole mai o Felipe o ke kaha aku la no ia o ua kanaka nei hele me ka noke ana aku i ka namunamu liilii me ka lohe ole ia aku nae o ka manao o kana mau mea e kamailio la koe wale no ke koho ana aku o Konaradi e namunamu ana nona me ka hoopuka ana i na olelo hailiili.

            Ua piha loa o Konaradi me ka hoonaukiuki no ka pane ole ana mai o Felipe iaia nolaila huli aku la ua keiki opio nei imua o kona makuakane a i aku la me ka leo kuoo.

            "Heaha ke kumu o kou makemake ana e malama i kela kanaka ma keia wahi? O kela kekahi o na kanaka lapuwale me ka piha loa i ka epa!"

            "Ua hana hewa loa aku oe e Konaradi ma kou kainailio ana aku nei iaia me na olelo hoonaukiuki!" i pane mai ai o Kenekona ma ke ano hoolalau aole hoi he kamaiho polollei mai elike me ka ninau a kana keiki iaia Ke hopohopo loa nei au ua hoolilo aku oe ia Felipe i enemi ino nou.

            Ma kela wahi i hoakaka aku ai o Konaradi i ka aa ana aku o Felipe iaia e komo like laua noloko o ka pa i hoopaaia ai o Demona me ka olelo pu ana aku o kela kekahi o na kanaka lapuwale loa ho ka mea ma kahi o kona hooko ana i ka laua olelo hoopaa ua lilo oia i mea uhaki i kela aelike ma ka noho ana no mawaho o ka pa me ke pani ana aku i ka puka pa a paa oiai ua o Konaradi maloko o ka pa me Demona.

            Hoakaka pu aku la oia me na mea ana i ike ai ma ka po aku i hala i ka pinana ana mai o kekahi mea ma ka puka aniani o kona rumi nolaila ma ka houluulu ana ae i kela mau mea a elua ua lawa loa na hooiaio no ke ino ame ka lapuwale maoli o kela kanaka hapa ililkini.

            "E hiki ana anei ia oe ke hooiaio mai o Felipe kela mea o ka pinana ana aku ma kou puka aniani ma ka po i hala?"

            "Aole e hiki iau ke hoohiki aku oia io kela kanaka aka ole loa he wahi kanalua iki iloko ou oia maoli no kela."

            "Ke manzo nei au ua kuhihewa oe e kuu keiki Aole o Felipe i kamailio iki mai no keia mea hope au ke keiki hoike mai nei aka no na mea e pili ana i ko olua hele ana imua a Demona ma kana olelo mai iau o oe ka mea i aa aku imua ona aole o Felipe.

            No ke kumu hoi o kona komo pu ole ana aku me oe iloko o ka pa o kana i hoakaka mai ai mamuli o ka loaa ana iaia o kekahi ulia o ia ka pakiki ana o kona wawae a hina oia i ka pukapa pela iho la i upa aku ai ka puka pa a paa oia mawaho me ka hiki ole ke komo pu aku me oe iloko.

            Alaila e manaoio anei oe he pololei kela mau oleo

            Mai kou manawa mai i kamaaina ai me Felipe ahiki i keia manawa aole loa he manawa i hoao mai ai oia e hoopunipuni iau.

            Ina o ka mea oiaio kena ea alaila mamuli o kona piha i ka maalea ame ke akamai i lanakila mau ai kana mau hana hoopunipuni maluna ou Auhea oe e kuu makuakane in a he makee kou ho kuu palekana alaila o ka pono e kipaku koke oe i kela kanaka a e pau kona noho hou ana mai maanei nei Ina aole oe e naliu mai ana i keia mau olelo au alaila e ala mai ana kekahi pilikia mawaena o kela kanaka ame au maukeia mua aku

            Aole he hoihoi iki o Mr Kenekona no keia mau olelo a Konaradi me ka hele hoi a pii ka ula ma na papalina o ua kanaka nei e hoike mai ana i kona piha i ka huhu eia nae ua uumi malie oia i kela huhu on a me ka hoike ole mai ma kona mau ano a ma kana mau olelo paha aka hooia mai la nae oia e noonoo oia no kana mea pono e hana mai ai.

            No kela ae koke ole aku nae o Mr Kenekona i ka manao o Konaradi ua hoi hou mai la no kela ano hilinai ole o Konaradi no kela kanaka komo hou iho la no hoi ka manao kanalua iloko on a aole no kela o kona makuakane no ka mea in a o kona makuakane oipio loa kela alaa apono ole mai i ka manao o kana keiki.

(Aole i pau)