Ka Nupepa Kuokoa, Volume LIX, Number 34, 26 August 1921 — Page 8
This text was transcribed by: | Kamehameha Schools Gift To Dr. Chun |
This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
KUOKOA. HONOLULU, T. H. POALIMA, AUGATE 26, 1921.
HE PUOLO WAIMAKA NO KUU KA NE HELE LOA.
Ua wehe i ka pili hookoo a loko a ua moku hoi ke kaula gula maemae a ke aloha, auwe luuluu wale hoi au.
Ma ke Kulanakauhale o Honolulu nei, lune 30, i haalele mai ai kuu haku kane ia'u, kana wahine aloha, a he mau lei aloha a maua he mau keiki, a he mau lei moopuna, a hele kohana aku la oia i ka home la'i ma o, ka aina hooilina hoi o na mea ola uhane apau.
Ua loihi no ka hoomailo ana a ka ma'i iaia, a ua huli aku na keiki a maua iloko o na kauka akamai, a iloko pu hoi o ka mea i, reviia, he kauwa na ke Akua, aole loa he mea hiki i ke akamai o na keiki a kauaka, ke ku-e-aku, i ka ke Akua i hoopaa ai no kana kauwa, a no ka mea ua pau kana hana ma keiu ao.
Ua hanauia kuu haku kane aloha na Puna, i ka paia ala i ka hala me ka hinano. ma Malamauka i ka hau anu o Puulena, a o kona hanaiia'ana a nui, ma Pualaa i ka ulu hoonoho i ka papa.
O Kekonakupuohi Heiheimalie kona luaui makuahine, a o Kalaiwaa no hoi kona luaui makuakane, he mui no ko lakou hanauia ana, a ua pau aku no lakou hanauia ana, a ua pau aku no lakou i ka hala mua moa. A oia aku la no hoi ia alahele hookahi, a koe iho la ko lakou haku kaikuaana, e hoho mai la i ke anu o ka ua Kipuupuu o Waimea.
I ka 1861. la 23 o Okatoba kona oili ana mai i keia ao malamalama, a i kona mui ana. ua hele no oia i ke kula o Pohoiki o Mr. Kaluahine ke kumu, a mahope ua hoi aku i ke kula o Kapoho, malalo o ke a'o ana a kona hanaumua, oiai e noho kumu kula ana ke kaikuaana ia wa.
Mailaila mai a i Honolulu nei, ua komo i ke Kula ma Kaumakapili Kahiko. malalo o ka a'o ana a Mr. Kihe, a o kana kula hope i hele ai, o ia no ke kula hanai o Hilo.. i ka 1878 kona komo ana, a puka mai i ka 1882, me ka loaa o kona palepala hoomaikai, mai kana kumu a'o mai Mr. Oleson, a ua hoi ae no i ke onehanau. me ka manao o ke kula kahunapule kana kula i koe e hele hou aku ai, eia nae ua hibia ae la na makau a ka lawai'a, i Wailua, a ua hoao hooipo ae la na ao opua i Haupu. ia makahiki no maua i mareia ai, e Rev. Kaaia i Novemaba 26, a ua piha ia maua na makahiki he 38 me na mahina keu iloko o ka berita maemae oka mare.
Elua makahiki mahope mai, ua hoolilo iho la oia iaia i kauwa paahana na kona Haku aloha, ma o kona kono ana i luna ekalesia no na ekalesia huiia o Kalapana, Opihikao me Pohoiki, a ua hoouna aku kona mau haku ma ka hana iaia, ma na aha mokupuni ame na aha paeaina, o kona mau la opio no ia manawa o ke koko lana o ke kanaka, e uilani ai ka manao, eia nae nona aole, ua hoopaa iho oia iaia no Kristo, a o ia mau kona kulana a moe wale aku la i ka moe kapu o Niolopua.
Ua paio aku oia iwaena o ka poe haipule no ka pono ame ka oiaio o ka hana a kona Haku aloha, ana i hininai ai.
I kekahi mau makahiki mahope mai, ua kohoia oia i komite huli dala, oiai ka halepule o Pohoiki ua hio, i ka makani, a loaa he l@ dala aole nae he hoohana hou ia o ia kumuhana mahope mai, a i ko maua hele ana mai no Kona, ua hoihoi aku oia i na mau dala la i kekahi o kona mau hoa luna, aole nae he ae e paa i kela mau dala, aohe hiki ke malama he maka'u, o ia ka pane i loaa mai iaia, o Maluo ka haiolelo ia wa ua lawe pu mai no oia i kela mau dala ma kana huakai hele no Kona kaiopua i ka la'i, a i ka noho ana ae o Rev. Kaiwi, i kahu no ia mau ekalesia hui ia, ua hoihoi aku oia nana e paa, ae malama i ka waiwai a ke Akua.
Ua hoole mai la no hoi neia kahunapule a hoi pu mai la no me ia. I ka wa a Mr. Rev. Kamoku e noho komite ana no na Hilo Paliku ame Puna, ua lawe hou aku no oia no ka elua o ka manawa, a he mau kau noho no hoi keia o ka aha mokupuni. ua lawe o Kamoku, o ka mea apiki nae, i kahi kau hou aku no a ka aha i noho ai. ua hoihoi hou aiai la no ua Rev. Kamoku nei i ua mau dala nei, a i mai la iaia nei, aohe manaolana e loaa hou ana he halepule no P@hoiki, ua pau ka hale i ka wawahiia, a ua kuaiia ka papa.
Nolaila hoihoi hou mai la no au i na dala nau no e paa, a i ole, ai aku oe nau ia dala, o ka ia nei pane hoi mai a'o hewa mai oe ia'u e ke kahunapule. o oe ka mea i kupono e ai i neia dala. aole owau, ua waiho loa mai la no hoi ua Mr. Kamoku nei@a hoihoi hou mai la no loi keia i ua mau dala nei.
Wahi ana, no kuu malama loihi ana i neia dala, ke waiho nei au i hookahi daka no ia waihona dala, o kea waihona, aneane paha e kanakolu na makahiki ana i malama, he enemi hoi nona ka mea hoopunipuni ane ka mea hana kolohe.
Nolail@@e hoomanao oukou na haipule o ke Akua, aia malalo o ko'u malu kela mau dala kahi i paa ai, ia oe e Rev. Kama ke kahu o ia mau Ekalesia huiia o Kalapana me Opihikao, o oe ka i kuleana e paa aku a malama i kei waiwai. aia a huli hoi au i ka home, hoike aku au ia oe ma ka leta no ia mea.
He kakaikahi loa na kanaka i loaa ke kulana ame ke kalena maemae elike me kuu haku kane, ka noho no i Puna ka nani me ka maikai, he hale kipa ia na ke ala me ke onaona.
Nolaila o kuu haku kane i moe aku la i ka moe kau, moe hooi@, @e ;kane aloha wahine. a he makuakane aloha keiki, a he makua makee hoi i ka nohona maemae o ka home. Ehia kanaka i helu pu ia m@ ia ka malama i ka nohona maluhia o ka@o@aua ame ke ki ano nui o ko @e ka@a@a@ola ana iwaena hoi o ka haneri wahine, ehia o lakou i helu pu ia me a'u, ka nohona oluolu ka hauoli ame ke!aloha ia pili paluaia. Aole hoi na @ea hanaue hoouluhua i ka manao, aue ho@noe hoi i ka noonoo, oiai ua kapu@lok@lani na'u hookahi.
I ko maua mau la mua no'o ka@noho hauoli ana, ua kuk@ni paa iho la no ke aloha ia maua e aloha ana kekahi i kekahi,, a ua noho aku no hoi au kana wahine aloha, malalo o kona malu me ka oluolu, a ua ono hoi kona hua i kuu ai ana.
Ua pili aloha ia e maua na kuahiwi, na kualono o ka ainahanau o maua, me kuu aloha, kuu haku kane, mai ke pili hulili enaena nopu i ka la o napueuwai. me ka nalu uina nakolo i na pali o Kalehuawehe, e wehe mai ana ka oe i ka pili hemo ole a kaua.
Aloha Poonahoahoa me Kela au i ke kai. Kai kuehu mai @una o Kalaehala, ua hala ke aloha ua naue pu no me ka anoi e, kuu haku mai ka i'a a ke kualau i lawe mai, me ka makani malanai anu o ka aina, aloha wale ka ua loku hala o Puna me ka pahoehoe ula i ka lehua o Malama. Ke malama ae nei no au i ko aloha i koolua no'u, no kahi mehameha, aloha ae au o na lehua i Kuokala, a ka manu e kikikou ana i ka wai ono o ia pua oni ana Lamaula i ke kai, e pili me Kapuaoalakai, mai alakai oe i@'u o ke aloha o naue ko'u kino i no@e mal@e.
Aloha au o ka luna i Kakii me ka milo holu i Waiakea, mai na ale hulilua o Kumukahi, hookahi kuu kino e alo nei i ke kula o ka Auana, auana ka manao i kahi e ike aku ai, o kuu haku kane i ka hikina a ka le e, owau ka ka ke aloha e, luwaiele, ua kuo'e hele i ke ala me ka waimaka.
Kuu hoahele i ka uluhala o Kookoolau me na lehua popohe i Hopoe, me ka wai koolihilihi me ka wahine haalewa, lewa i ke kai, kau mai o Keaau mamua, me ke Akua uwalo i Haena, kuu hoa i na ohia loloa o Panaewa i ka wi a ka manu, aloha ae au ia Hiiakai ka poli o Pele, i uwe aku ai ia Lohiauipo, kuu kane mai ka la loehana o na pali o Kalau ke hele ia, aohe kane he hoa kaunu no ka waenakonu po loloa o ka hooilo, ke moe ia.
Kuu haku mai ka ua Kahilehua o Hilo, ke kipehi ae la i@na hala i Upeloa. Aloha ka nuku o ka ma@@ me ke one wali o Ohele, aloha Makaoku, kou Mokuola i ke kai, kai papani i ke alo o Paikaka, hoakaka kaha o Eleoa, hamo ka nuku aohe pua@ leo, aohe ualo mai e o oe ia.
Kuu aloha i ka hua o Holei, ke lei mauu ae nei no au i ko aloha. Kuu hoa pili i ka ua awa anu o Kamauna, me ke ahi a ka Wahine i Kilanea, moe aku kaua o ke anu, me ke ko'eko'e, aohe kapa e mehana ai aloha wale Puukoae e alo la i ka makani, i ka pa hookina ia e ka uahi o ka lua, aloha ke one o Kahualoa, aohe loa i ka ihu o ka lio.
Aloha na lihilihi kehua i Keamoku me ka holu nape a ka lau o ka mamane i ka Nukupili, i pili aloha ia e kaua ka makani kuehu lepo o Kau, i Punaluu i ke kai kauhaa a ka malihihi me ka wai hu o ka uwila, ia wai lomi lima a kuu aloha.
Aloha ka luna i Makanau, nau no hoi au i i mai e kui, e lei i ko aloha, kii haku kane mai ka wai kau mai i ka maka o ka opua. Ke auamo ae la i na aumaka wai a Kanea. Ke hookohu ae la iluna o Alanapo@ke kipehi ae la ka ua i ka nahele. Aloha ka ua hehi mai iluna o ke kope, kuu haku i ka wai pukaiki o Helani, me Waikuaaala, noho mai i ka mal@ a ka lau o ka niu, moe ka home aloha o kaua i Keahialoa.
Kuu aloha e, hoi mai uo kaua e pili! Aloha ino o Puanoni e alo la i ka ehu a ke kai, o ia i lu'a i ka ili o kuu aloha, me ka wai ha'i iniki anu o Waiokapo, moe aku kaua hoolono, o ka hone a ka leo o ke kai i ka po la'i, aloha ka lae o Hiiaka au i ke kai, ke kuehu ae la ke ehu a ke kai i ka pali, pale oe, pale au, pale kaua.
Aloha ia aina hookamaa kaua i noho ai a kupa, mamuli o @a hiki ole ia'u ke hoomaha ae i ka @kana a ke aloha, e loku hala ole ana i na lihilihi kuku o Aipo. me loko hana nu@i hele a kupouli ke aloha e Kanehoa aohe eu @ ka hau e ke anu, pela i ulolohi ai ka'u hoike ana ae i na mea e pili ana no ka'a mea aloha.
E huikala mai oukou ia'u e na makamaka. ame na hoaloha o maua me kuu haku kane oiai, ko aukou aloha kuio no ka'u mea aloha. mao ko oukou hoouna ana mai i ko oukou aloha @oko o na leta he lehulehu, ame ka hoalohaloha: ua loaa mai la'u, ma ka @elu 1265 Pua Lane, a ua lawe mai au i ko oukou aloha, a hiipoi ihe iloko o kuu poli, ame kuu puuwai i hele a luhi oiai aole oia e hoi hou mai ana i o kakou nei. O kakou ke hele aku ana i on a la.
Ke waiho aku nei au i ka'u inau hoomaikai ia oukou. a he'e@anaolana ko'u e ike koke ia oukou, a @hui @u hoi ke alo. a he alo, a e ka@ilio pu hoi, he waha he waha. Aloha oukou!
E hoomakaiia ka moa e @enova @ na ka@a, Nana no i haawi mai. a Nana no i lawe aku.
Owau iho no me ka maau luuluu.
MRS. MARY P. KALAIWAA,
Honolulu, Aug. 15, 1921.
IKE LA PUNA PAEA ALA I KA HALA.
Soloman Hanohano, Aloha kaua:— E oluolu oe e hookomo iho ma kahi kaawale o kau nupepa i keia wahi meahou a'u.
Ma ka la 15 o keia mahina i koa@ ai ia'u ame ka'u wahine he wahi, manawa e holo kaa ai, a o ia ko maua holo ana ma Puna holookoa, a ke mea hou iho la ia i ka ike hou ana ia Puna no kekahi manawa loihi loa.
Ua ku na hale u'i o Puna i keia wa, a he nani maoli no ke nana aku ia Puna me na ululaau u'i like ole.
O ka awa, o ia kekahi mea nui loa ma Puna, aole walaau ana malaila, ina ua ike oe i kahi o ka awa, hele no oe e kii a lawe paha, elike me ka nui e hiki ai ia oe, a ina aole, he noho iho no malaila e mama ai a lawa.
Ka makamua keia o ko'u ike maka ana i ka ulu nui o ka awa elike me ko Puna nei. O Kapoho ko maua wahi i ku ai e makaikai, a mailaila aku no Pahoa o ia wahi nani no ia.
Ma Pahoa ia la he paina nui ka kekahi poe e noke nui ana i ka hoohanoli me he mea la he paina piha makahiki ao kekahi bebe uuku.
Nui ka põe hoaloha i piha aku no kela paina, a no na meaai, o ke ala wale no o ka puaa kalua ka'u i honi aku i ke ala mai, kakahe iho la no hoi ka haae o ko'u wahi waha.
Haalele iho la maua ia Pahoa holo loa aku la maua i Opihikao, o ia wahi u'i no hoi ia, ua ku na halekuai, me na hale u'i, a e uluia ana no hoi, e na ululaau like ole.
Ilaila loaa ka maua wahi opelu maloo, he umi opelu i ka 25e he emi maoli no. Ma na makeke o Hilo, he lua wale no opelu e loaa ai ia oe i ka 25e.
Keia loaa ana o ka maua wahi i'a, o ko mana huli hoi mai la no ia a ku ana i kauhale. Ma keia huakai hookahi i mono pu mai ai kuu auakala Manuel Perreira o Papaaloa, o kona ku ana mai no ia ma ke kaa o ia kakahiaka, a holo kaa ana i Puna.
Nui @@ ua o Hilo i keia mau la iho la, me ka hu'ihui, oiai ua ano paa mau ka hau o Maunakea, eia kakou ke ne@ nei i ka wa anu.
Ike iho la i ka hoolaha a k@a papa, e ha'i mai ana i na meaono o Koloa. Ke hooki nei me ka mahalo a nui loa ia oe e Mr. Solomon Hanohano ame na keiki oniuhua o kou papapa'i ko'u adeu.
Owan no me ka mahalo.
PETER KAMANO JR.
Waikea, Homestead, Hilo, Hawaii.
UA MOE AKU I KA MOE KAU A MOE HOOILO.
He u, he minamina he hoomanao poina ole ia oe a.
He lihaliha, he paumako, he kumakena nou e ku hoa.
He kanaenae hoomaha i ka manawa @ kupouli.
I helo hoi a eha ka uka opua i ka leku hala ole a ka ino—e,
Ae; ino loko ua mo ka piko kaawale e, anoai wale?
I ka Lunahooponopono o ke Kilohana Pookela ka Nupepa Kuokoa, Anoai kaua:—E noiia aku ana kou oluolu ma keia, ke loaa hoi he kowa kaawale o ka elele wahaole a kalahui, e hookau aku hoi i nei wahi puolo waimaka nui ma ka oneki o ke Kuokoa, i ike mai ai hoi ma kini makamaka ame na hoaloha o ka mea i aloha nui ia, a i haalele mai i keia ola m@uleule ana, o Joseph Kalauli Kalana, kekahi hoi o ka'u keiki ponoi, ua pauaho ma, oia i keia ola ana, mahope o kona kaa ana i ka ma'i, no na makahiki loihi.
Ua nui no ka huli ana a kona aunty i loaa mai ke ola o kana keiki, ua imiia iwaena o ka poe ike aole na@ i lanakila mai, oiai ua oi aku ka ikaika o ka ma'i mamua o ka ike o ke kanaka.
Nolaila, e hoonaniia ka inoa, o ke Akua, a no ka mea Nana no i haawi mai, a Nana no i lawe aku, a no ka mea he mahu ke ola o ke kanaka i pua ae a nalo aku.
Ua hanauia oia ma Kainalu, Molokai, mai ka puhaka mai o Julia Kalana me Joseph Kalana, he hookahi no keiki, a make kona makuahine, a mailoko mai o ka'u keiki, he ekolu moopuna e ola nei, hookahi eia me a'u a he elua aia no me ka wahine.
Aole no au i ike i ka make ana o ka'u keiki, oiai eia au i Maui nei, aia hoi oia i ka huikau o ke kaona, me kona aunty, me ia no oia a waiho na iwi ilaila.
Ma ke aiai o ke kanana au i ike iho ai ua haalele mai o Joseph Kalauli Kalana i keia ola ana, nolaila ua hookahe mai na kulu pakaua mai ko'u mau lihilihi mai no kuu ike ole i ka'u keiki. No laila ke nonoi ae nei au i ka Makua mana loa e lawe ae i na luuluu mai ia makou apau, o ia ka'u pule ma ka inoa o Iesu, Amene.
JOSEPH KALANA.
Olowalu, Maui.
————————————————
T O MURATA FURNITURE STORE
(Na noho hoolimalima me lako pa maapei.)
Na Lake Rale Hon me Kahiko
Hoolimalima me Kuai Hoolilo
715 Alauni Hema, Honolulu, T B
Kalepona 1695.
————————————————
TERITORE O HAWAII.
Keena o ka Puuku, Honolulu, Oahu
Ma ka hana e hoopau ana i ke KEMOO LAND COMPANY, LIMITED.
OIAI, o ke KEMOO LAND COMPANY, LIMITED, he hui ia i kukuluia a e ku ana malalo a ma ka mana o ka kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, eike me ia i koiia ai ma ke kanawai.
NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na ku-e ana no ka aeia aku o ka palapala noi i oleloia maloko o keia keena, mamua ae o ka hora 12 awakea o ka la 10 o Okatoba, 1921, a o kela ame keia mea e makemake ana e hooloheia aku maluna o ia mea, he pono e koea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, ina he kumu kekahi, i wahi e ae ole ia aku ai ka palapala noi i oleloia.
DELBERT E. METZGER,
Puuku, Teritore o Hawaii.
Honolulu, Augate 3, 1921.
6463—Aug. 5, 12, 19, 26; Sept. 2, 9, 16, 23, 30; Oct. 7.
TERITORE O HAWAII.
Keena o ka Pu, uku, Honolulu, Oahu
Ma ka hana e hoopau ana i ka HELEMANO LAND COMPANY, LIMITED.
OIAI, o ka HELEMANO LAND COMPANY, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.
NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua me kekahi ano iloko o ka hui i oleloia, e pono e waiho mai i na ku-e ana no ka aeia aku o ka palapala noi i oleloia maloko o keia keena, mamua ae o ka hora 12 awakea o ka la 10 o Okatoba, 1921, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana hooko, Honolulu, ma ka hora 12 awakea o ka la i oleloia, a e hoike mai i ke kumu, ina he kumu kekahi, i wahi e ae ole ia aku ai ka palapala noi i oleloia.
DELBERT E. METZGER.
Puuku, Teritore o Hawaii.
Honolulu, Augate 8, 1921.
6463—Aug. 5,12,19,26; Sept. 2, 9,16, 23, 30; Oct. 7.
HOOLAHA HALAWAI
E malamaia ana ka halawai makahiki o ka Hui Kuai Aina o Wainiha, ma kona keena hana ma Wainiha, Kalana o Kauai, Teritore o Hawaii, ma ka Peaha, hora 10 a. m., o ka la 1 o Sepatemaba, M. H .1921.
WM. HYDE RICE,
Hope Peresidena, Hai Kuai Aina o Wainiha.
6463—Aug. 5, 12, 19, 26.
HOOLAHA HALAWAI.
E malamaia ana ka halawai makahiki o ka Hui Kuai Aina o Haena, ma ka Haena Hall, ma Haena. Kalana o Kauai, ma ka Poalima, hora 10 a. m., o ka la 2 o Sepatemaba, M. H. 1921.
A. MENEFOGLIO,
Lunanui, Hui Kuai Aina o Haena.
6463—Aug. 5, 12, 19, 26.
HALAWAI O KA AHAHUI EUANE. LIO AME KA AHAHUI C. E. O NA MOKUPUNI O MAUI, MOLOKAI AME LANAI.
E noho ana ka Ahahui Euanelio Ahahuina o na mokupuni i hoikeia ae la maluna ma ka luakini o Wainee, Lahaina, Kalana o Maui, ma ke kakahiaka Poaha o ka la 15 o Sept. A. D. 1921, a o ka Ahahui C. E. ma ka auwina la. E oluolu na lala o keia mau aha e hele mai me ka makaukau me ka lakou mau hoike, i mea e hooneemuaia ai na hana me ka hikiwawe.
O na dala malama ola no na @@@@ ka aha, e hoouna pololei ae ia Philip Pali ka puuku o ka ekalesia; he ekolu dala ($3.00) no ka ekalesia, a he ekolu no hoi no ka Ahahui C. E., mawahe ae keia o na dala kumau elua o ka aha.
He eha dala ($4.00) ka mahele o kela ame keia ahahui C. E., no ke alahele o ka peresidena nui e hele ai i ka ahahui nui o na C. E., ma Amerika, a e haawiia mai hoi keia mau dala ma ka lima o ka poe e hele mai ana i ka aha ma keia kau.
No na haawina a na ahahui C. E. o ka la hoike Kula Sabati ame C. E., aia no ia ma ka mahina like me ko na haawina o ke Kula Sabati.
Owau iho no me ka oiaio,
L. B. KAUMEHEIWA,
Lunahoomalu, Aha Makua, Hope Peresidena Nui, Ahahui C. E.
NA LUNANUI O KE KULA SARATI O KAUPO
E Mr. Lunahooponopono o ke K@okoa:—Oluolu oe e hookomo iho i na lunanui o ko makou Kula Sabati:
Henry Gibson, Kahu Kula Sabati Apana. Joseph Keawe. hope; Mrs. J. W. Kawaakoa, puuku; Samuel Apo, kakauolelo; M. K. Reuter, hope; Mrs. E. S. Kalohelani Jr., alakai himeni: Rev. P. Kalohelani, hoakuka.
M. K. REUTER,
Hope K. K. O.
Kaupo, Maui, Aug. 17,1921.
TERITORE O HAWAII.
Keena o ka Puuku, Honolulu, Oahu
Ma ka hana e hoopau ana i ke KAWAILOA LAND COMPANY, LIMITED.
OIAI, o ke KAWAINLOA LAND COMPANY, LIMITED, he hui ia i kukuluia a e ku ana malalo a me ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleioia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.
NOLAILA, ma keia ke haawiia aku nei ka hoolaha i kekahi mea, a i ua kauaka apau, he mau keleana mamua a e kuleana nei paha i keia mauawa me kekahi ano iloko o ka hui i oleloia, e pono e waiho mai i na ku-e ana no ka aeia aku o ka palapala noi i oleloia maloko o keia keena, mamua ae o ka hora 12 awakea o ka la 10 o Okatoba, 1921, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, in a he kumu kekahi, i wahi e ae ole ia aku ai ka palapala noi i oleloia.
DELBERT E. METZGER.
Puuku, Teritore o Hawaii.
Honolulu, Augate 3.1921.
6463—Aug. 5, 12, 19,26; Sept. 2, 9, 16, 23, 30; Oct. 7.
TERITORE O HAWAII.
Keena o ka Puuku Honolulu Oahu.
Ma ka hana e hoopau ana i ke KOHALA LAND COMPANY LIMITED.
OIAI, o ke KOHALA LAND COMPANY, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.
NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia e pono e waiho mai i na ku-e ana no ka aeia aku o ka palapala nei i oleloia maloko o keia keena, mamua ae o ka hora 12 awakea o ka la 10 o Okatoba, 1921, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea noua ka inoa malalo iho maloko o ka Hale Mana Hooke, Honolulu, ma ka hora 12 awakea o ka la i oleloia, e hoike mai i ke kumu, iua he kumu kekahi i wahi e ae ole ia @ku ai ka palapala noi i oleloia.
DELBERT E. METZGER.
Puuku, Teritore o Hawaii.
Honolulu, Iulai 30.1921.
6463—Aug. 5, 12, 19, 26; Sept. 2, 9, 16, 23, 30; Oct. 7.
TERITORE O HAWAII.
Keena o ka Puuku Honolulu Oahu.
Ma ka hana e hoopau ana i ke E. C. RHODES, LIMITED.
OIAI, o ka E. C. RHODES, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kauawai.
NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa, ma kekahi ano iloko o ka hui i oleloia, e pono e waiho mai i na ku-e ana no ka aeia aku o ka palapala noi i oleloia maloko o keia keena mamua ae o ka hora 12 awakea o ka la 10 o Okatoba, 1921, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, ina he kumu kekahi i wahi e ae ole ia aku ai ka palapala noi i oleloia.
DELBERT E. METZGER.
Honolulu, Iulai 30.1921.
6463—Aug. 5, 12, 19, 26; Sept. 2, 9, 16, 23, 30; Oct. 7.
TERITORE O HAWAII.
Keena o ka Puuku, Honolulu, Oahu
Ma ka hana e hoopau ana i ka ANAHULU LAND COMPANY, LIMITED,
Oiai o ka ANAHULU LAND COMPANY, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.
NOLAILA, ma keia ke haawiia aku nei ka hoolaha i kekahi mea, a i na kanaka apau, he paha i keia manawa ma kekahi ano iloko o ka hui i oleloia, e pono e waiho mai i na ku-e ana no ka aeia aku o ka palapala noi i oleloia maloko o keia keena, mamua ae o ka hora 12 awakea o ka la 10 o Okatoba, 1921, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea noua ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, in a he kumu kekahi, i wahi e ae ole ia aku ai ka palapala noi i oleloia.
DELBERT E. METZGER.
Puuku, Teritore o Hawaii,
Honolulu, Augate 3, 1921.
6163—Aug. 5, 12, 19, 26; Sept. 2, 9, 16, 23, 30; Oct. 7.
——————————————————
HOOMAKAUKAU NO MUA AKU NEI
EHoao e Hoomakaulii Ano… E Malama i ke Dala e wehe i Buke Banako Hoahu me ke
CHINESE-AMERICAN BANK
A NANA AKU I KA ULU O KAU DALA
NA PAHU DALA
ao ka hoolimalima
$1.00 no ka Wehe
Ana i ka Hoahu
Kihi o ke Alanui
Moi me Nuuanu
——————————————————
LUAU
Na PA, NOHO, PAKAUKAU ame na HALELOLE
no ka Hoolimalima.
PEOPLEʻS HARDWARE STORE.
453 Alanui Moi Akau, Kokoke'i Palama Settlement.
KELEPONA 2670.
——————————————————
TERITORE O HAWAII.
OIAI, o ka ANAHULU LAND
Keena o ka Puuku, Honolulu, Oahu
Ma ka hana e hoopau ana i ke KA ALA LAND COMPANY, LIMITED.
OIAI, o ke KAALA LAND COMPANY, LIMITED, he hui ia i kukuluia a e ku ana malalo a ma ka mana o na kauawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua wahoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.
NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na ku-e ana no ka aeia aku o ka palapala noi i oleloia maloko o keia keena, mamua ae o ka hora 12 awakea o ka la 10 o Okatoba, 1921, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, in a he kumu kekahi, i wahi e ae ole ia aku ai ka palapala noi i oleloia.
DELBERT E. METZGER,
Puuku, Teritore o Hawaii.
Honolulu, Augate 3, 1921.
6463—Aug. 5, 12, 19, 26; Sept. 2, 9, 16, 23, 30; Oct. 7.
TERITORE O HAWAII.
Keena o na Puuku, Honolulu, Oahu
Ma ka hana e hoopau ana i ka AALA DRY GOODS COMPANY, LIMITED.
OIAI, o ka AALA DRY GOODS COMPAY, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia aano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.
NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kulean nei paha i keia manawa, ma kekahi ano iloko o ka hui i oleloia, e pono e waiho mai i na ku-e ana no ka aeia aku o ka palapala noi i oleloia maloko o keia keena, mamua ae o ka hora 12 awakea o ka la 31 o Augate, 1921, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, in a he humu kekahi i wahi e ae ole ia aku ai ka palapala noi i oleloia.
DELBERT E. METZGER
Puuku, Teritore o Hawaii,
Honolulu, Iune 22, 1921.
6457—Iune 24; Iulai 1, 8, 15, 22, 29; Aug. 5, 12, 19, 26.
TERITORE O HAWAII.
Keena o ka Puuku, Honolulu, Oahu
Ma ka hana e hoopau ana i ke KAHEE KA PINEAPPLE COMPANY, LIMITED.
OIAI, o ke KAHEEKA PINEAPPLE COMPANY, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.
NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa, ma kekahi ano iloko o ka hui i oleloia, e pono e waiho mai i na ku-e ana no ka aeia aku o ka palapala noi i ololoia maloko o keia keena mamua ae o ka hora 12 awakea o ka la 10 o Okatoba, 1921, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, ina he kumu kekahi i wahi e ae ole ia aku ai ka palapala noi i oleloia.
DERBERT E. METZGER,
Honolulu, Iulai 30, 1921.
6463—Aug. 5, 12, 19, 26; Sept. 2, 9, 16, 23, 30; Oct. 7.
—————————————————
Hui Kukulu Hale o na Opio Hawaii
(Hawaiian Mutual Building Association, Ltd.)
Helu 71 Alanui Pauahi, Kelepona 3023 Lawe Aelike KUKULU HALE. HOONEE, PAKUʻI, HANA HOU.
Hana PAIPU, UWILA, PUNA, PENA, a pela wale aku.
Ehele mai e kuka pu me makou!
—————————————————
Kakelamekuke
(KAUPALEWAIA.)
Poe Kalepa ma ke Komisina
A HE
Poe Agena no na Mahiko Lehulehu
—————————————————
Mau Apana Aina Kuai
$450—Apana 50x200 Alanui 9, Pa lolo. Aole pohaku. $20.00 uku mua. $10.00 o ka mahina.
$750—3 Apana kihi Cook St. ame Diamond Head Ave., kokoke Alanui 12, 16,730 kapuai kuea. Oluolu keia wahi. $50.00 uku mua. $15.00 o ka mahina.
$250—Apana 50x200 Alanui Kinau, kokoke Alanui 19, Palolo. $20.00 ukumua. $10.00 o ka mahina.
$900—Apana 55x100, Kihi Alanui Puunui ame Maui, Puunui. $50.00 ukumua. $20.00 o ka mahina.
PAULO KALAUKA
(P. E. R. STRAUCH)
ALANUI MOI, HELU 74.
—————————————————
Kela Laau Kaulana
B.B.C.
He laau i hoohuiia o na launahale, laau e hana pu ana me ka hana a ke Akua, hehoomaemae a hooikaika ae i na mea paahana holookoa o ke kimo, e kipeku ana i ka ma'i kino ame na ma'i ili wale mai, e haawi ana i ke kino i ka ikaika, ke ola ame ka mana i na aalolo.
E hoopiha ana ka B. B. C. i ke kino me ka ikaika hao o ke ola a me ka ikaika o na la opio. Ua hoolaia na poe nawaliwali ma na manawa lehulehu mahope o ka inu ana he mau pule wale no. Ua aponoia e na kauka kaulana he nui ame na kanaka iloko o ke ola lahui ana. O ka B. B. C. ka laau kamahao loa ma ke ao.
KAUIIA MA NA WAHI APAU.
Keena Kuai Laau B. B. C., 161 Alanui Mai, Honolulu, Hawaii.
—————————————————
MAKEMAKEIA I MAU KANAKA KUPAKAKO ELEU A OLA KINO MAIKAI
O ka makou manaohai he ku i ha mahalo a ke'ake'a ole ia. a ua hookoia aku hoi ua koi ana apau a na kanawai kuloko.
Ke loaa nei i na kupakako i nei manawa mai ka $250 a i ke $1000 no ka mahina.
He 2 a 3 mau wahi hamama a makou no kekahi mau kanaka mikimiki a eleu he poe e hiki ana e hookupono no na hana i hiki la lakou ke hana i kaupalenaia. O ka hana koke ka mea kupono oiai aole e weheia ana ke kulana hana me ka maopopo loa o ka manawa.
Ka ukuhana me ka uku komisina.
E noi ae ia R. W. Watts, Rumi 202 Hale Campbell, Honolulu.
6462—if.
HOOLAHA HALAWAI.
E @@@@@@@ ia @@@ @@ hulawai o na Lahainaluna ma Kapalama, ma ka Poakahi, Sepatemaba 5, 1921, hora 1:30 p. m., no ka noonoo ana i kekahi mao ala no ka pomaikai o na Hawaii.
Ua makemakeia na Lahainaluna apau e hiki mai ma ia halewai.
W. C. ACHI,
J. BROWN, JR.,
W. K. HUSSEY,
JOS. L. KUKAHI,
Komite Kahea Halawai.
Iulai 29; Aug. 12, 19, 26; Sept. 2.
—————————————————
NUPEPA KUOKOA
No ka makahiki (one year)……@@.00
No eon mahina (six months)…. 1.00
O na Dala âme na Hoolaha Apaa @ hoouna pololei mai i ka ADVERTISER PUBLISHING COMPANY, LTD., wale no. P. O. Box 208, Honolulu, T. H.
817 Alanui Moi, ma ke keena o ka Nupeua Advertiser.
Entered at the Post Office at Honolulu, T. H., as Second Class Ma@@@@.
CHARLES S. ORANE LUNA HUI