Ka Nupepa Kuokoa, Volume LXI, Number 17, 28 April 1922 — Haawi Manakaia Mai e na Ma'i o Molokai [ARTICLE]

Haawi Manakaia Mai e na Ma'i o Molokai

Ma o ka Lunanui la o ko kahua ma'i ma Molokai, Mr. J. D. McVeigh, i haawi mai ai na ma°i he makana i ke Kalapu Hookani Pila a John Waipa, (Waipa Twiutett) kela kalapu himeni a hookani pila, i kaahele pu ai rae ka Elele H. A. Baldwin, ia Molokai, ma kana hana hooikaika baloka aku nei i hala, a ma ka Poakahi iho nei, i hooko ae ai ka Lunanui J. D. McVeigh i ka hana, i hookauia mai maluna ona, ma ka hoea kino ana aku imua 0 Mr. John Waipa, a haawi aku la 1 kela niakana, he huina dala, i luluia e na nia'i o Molokai.

He ekolu no poo ilpko o kela Kalapu Hookani Pila, oia o Mr. John Waipa, MrB. Waipa ame Miss Flora a no ka piha hauoli a hoohihi maoli o na ma'i o Molokai, i keia kalapu, i hoike okoa mai ai lakou ma ka hoouna ana mai i kela makana; he makana hoi } i apoia aku e Mr. John Waipa ame kona ohana, me na manao maikai, me ko lakou hoopihaia me ka ilihia, no ka mea a na ma'i i hana mai la no lakou.

No kela maleana kilakila, a na ma'i o Kalawao ame Kalaupapa i haawi mai ai i ke kalapu himeni a Mr. Waipa, ie haawi aku nei oia ame kona onana, i ija hoomaikai palena ole ia lakou apau,. me ka nonoi pu aku i ka poe na lakou kela makana, e lawe aku ia hoomaikai, me ka hoomanao mau,-c lilo ana ka lakou makana, i kiahoomanao iloko o ko lakou ola ana;

Ke haawi pu aku nei no hoi lakou, i ka hoomaikai nui, i ka Lunanui J. D. McVeigh, no na hookipa pumehana i paholaia mai imua o lakou, oiai ma ke kahua ma'i ma Molokai; a maluna ae o na me4 apau, na ke Akua, e haawi nvai i na hoomaikai oi ao mailuna mai.