Ka Nupepa Kuokoa, Volume LXI, Number 20, 18 May 1922 — Loaa ka Ukuhoomau i Kekahi Mau Limahana [ARTICLE]

Loaa ka Ukuhoomau i Kekahi Mau Limahana

He ekolu poe i hoomahaia e ka papa ukuhoomau, me ka loaa ana ia lakou o ia uku, e hoomaka ana mai lune 1 aku, wahi a David Kalauokalani i hoike ae ai ma ka Poaha o ka pule aku nei i hala, mamuli o ko lakou hana loihi ana malalo o ke aupuni, a i kulike ai me ka manao o kekahi kanawai i hooholoia no ia mea. O ka poe i loaa keia pomaikai, o ia no o H. A. Victor, he limahana no'ka hale kinaiahi, a i noho iloko o ia oihana no na makahiki he 14 a oi; L. Salmanaea, he mea puhiohe, no ka bana Hawaii, a i noho iloko o ia oihai\a no na makahiki he 32 a oi, ame David Kaahanui, he makai, a he 15 makahiki ka loihi o kona noho makai ana.