Ka Nupepa Kuokoa, Volume LXI, Number 20, 18 May 1922 — KE HOONIONI MAU IA NEI KA PAHU WAI HELU 1 O KAHUKU AINA LEWA. [ARTICLE]

KE HOONIONI MAU IA NEI KA PAHU WAI HELU 1 O KAHUKU AINA LEWA.

Mr. Lunahooponopono, Aloha oe: —Mamuli o ko'u ninau ana i kekahi wiliki o kekahi paumawai i loaa mai ai na hoike oiaio, o ia ka piha pono o keia pahu, e hiki ai ke hoolawa i ke kulanakauhale iloko wale no o 4 hora pau, 4 hora no hoi pauma, i ka po ame ke ao, a pela no hoi na pauma 4 mawaho ae o keia e huki ana no ka mahiko holookoa. Aole he manawa e ikeia aku ana e emi iho ana ka wai o Kahuku aina ilalo, a oiai no hoi he mau pukawai nunui no hoi kekahi mawaho aina, e huai ae ana me 'ka ikaika iluna, e holo ana me ka ikaika malalō me he halulu waikahe la. He aina lewa o Kahuku ma kona hikina hema (o polou pukawai hohonu) ma kona ' aoao komohana akau, (o Kalou) he pukawai hohonu 3 mile ko laua kaawale, o keia na huka i louia ai o Kahuku a paa. Nolaila, ua huli hoi aku la oe e ke keiki o ke ahi o Wailuku, ka ihupani pii pali o lao, o na hua Ua'u nepue o ka wai hoihoi la'i o Eleile, a oni na hono a auhea pu ih'o me ia keonimana o hookaukailuna ke ao kokolo o na lua olohe neepapa o Kula a kokolo mai ka ohu la he ino. Ke ike mai la olua ia Kahuku i paiaalewa iluna a loaa ka wahine e lewaia nei e ka makani o ke Kool.iuwahine, o Nawaiuolewa, elike no hoi mo ka wahine lewa o Hopoe a maluna ae keia o ke alanui holopuni e kau mau ana i Kalaeokahipa o ka aina lewa mai o Kanehunamoku i like me Kamanuaniho, ke kae'ae'a o Tahiki mai, maloko o ka umeke pohue mai, a pae ma Maui, holo mai i Molokai Nui a Hina. Nolaila, mai Tahiki mai ke Akua a hanau mai ke kanaka ame ke alii 0 ka mea o hoole i ka ke lii hoole 1 ka ke Akua. Owai ka aina i hoolanaia e ka wai, hiki ole e pau me kona kaupoku kuahiwi ole, a loaa o Kahuku aina lewa iuka, a lewa i kai? O Nawaiuolewa, elike pu no me ka puu o Haupu i Kauai, kona pii mau ana iluna ilalo, a ua kaomiia e ke keiki a Ku ame Hina a hoopaaia kona pii mau ank. E hoomauia aku ana ma ka pule hope o «keia mahina, no ka ono o ka poe e heluhelu ana i ka nupepa. Ma Laie, Sabati 7, ka la o na makuakane, a ma ke Sabati elua mai 14 o Mei, ka la o na makuahine, i hapaiia na haawina e hoike ana i ka nui o na pomaikai mailoko mai o na makuahine ka loaa ana o ka olioli mau loa mailoko mai o na ehaeha he nui. Ua hanaia na haawina nani ma' ke Kula Sabati, na haiolelo ma ka hora pule, a pela no na pua poni moi keokeo, he mau hana maikai keia a na hoomana e hoomanao mau ia nei apuni ke ao ka la no hoi o na makuakane i elemakule, ka loaa ana o na makana i kauohaia e houluuluia lakou ma kahi hookahi. E ikeia ke aloha o ke A'kua mai na haiolelo mai. E hoomanao mau ia ana i kela ame keia makahiki he kauoha ia iloko o ka Ekalesia o lesu Kristo. J. A. KAHIONA,