Ka Nupepa Kuokoa, Volume LXI, Number 25, 22 June 1922 — LOAA AKU HE KINO NO KEKAHI LUINA ILOKO O KE KAI. [ARTICLE]

LOAA AKU HE KINO NO KEKAHI LUINA ILOKO O KE KAI.

He kino no kekahi luina i maopopo ole ka inoa ka i loaa aku c lafta mai ana iluna o ka ilikai ma ka auwina la o ka Poakahi nei maloko ae nei o ke awa, a laweia ac i ka hale waiho kino make o ka Papa Ola Teritore. Na A. Hutchinson ame M. Dudoit, he mau kanaka e hana ana ma ka Uwapo 8 i ike mua aku i ke kino o ua luina la e lana mai ana a na laua i hoike ae i kekahi poe. Ua manaoia o kela kanaka i mkke ai oia ka luina i nalowale ai mailuna mai o ka moku King Cyrus eha la i hala toku ka mea, aole oia i loaa iki. Ma ka hora 1 o ka auwina la Poakahi nei ka holo ana aku o ia mokukuna no ka Puget Sound. Aole i noho ka aha nieniele a ke koronero no ke kumu o ka make ana o kela kanaka, aka, e noho aku ana paha ma keia mau la iho. — .♦« HONGKONG, lune 19.—Ua hoea aku i Mow Hlng maloko o ka okana aina Kwongtung i keia la na pualikoa o Sun Yet Sen ,no lakou ka nui he 30,000 malalo o ke alakai ame ke kokua mai a na pualikoa o na mokukaua ke hoomakaukau mai la e lele kaua aku maluna o na pualikoa kipi i hoakoakoaia ma Canton malalo o ka hoomalu ana a ke Kenerala Chen Chiungming.