Ka Nupepa Kuokoa, Volume LXI, Number 36, 7 September 1922 — Page 5
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
Nupepa Kuokoa Honolulu, T. H., Poaha, Sepatemaba 7, 1922.
He Moolelo Walohia
Ko Vekinia Waiwai Hooilina
Hoopuhiliia na Hana a ka Mea Manao
Ino---Kau i ke Aki i ka
Manawa Hope
_______
Ua pili kaumaha loe ke kaikunana, a ua manao oia he hana hewa loa kana o ka hana ana, oia hoi kona haalele ana aku i kana wahine i America no kekahi mau mahina loihi i hala, a @ ka mea hoi, ua ikeia ka pii mau au o ka maikai o ke ola o ka makuahine o laua, a e poino ole ana no hoi oia in a no kona holo i Amerika e kii i ka wahine ame ka bebe a hoi koke mai, @ ka loaa mai no o ka makuahine o laua e ola aba e ola ana no me ka maikai, hoike aku la oia i kona makemake e holo koke me ke kahiole.
Kauoha aku la ke Sa Wiliama i ke kaikuahi in a e hoea @ aku ana ke Kauka Ranadela e hoike koke ia aku iaia ua hiki mai oia, i hiki ai iaia ke kamailio aku i ke kauka e hookuu mai iaia no ka hoolo ana i Amerika. Eia nae, he manao no keia on a i hoohokaia, no ka mea, ua komo mua na olelo a ke kaikuahine i ke Kauka Renedale, in a no ke noi aku o Sa Wiliama iaia e hookuu iaia e holo i Amerika, e hooole mai ke kauka, o kana kumu wale no e hoike mai ai, e lilo ana knoa holo aku i mea hoopioloke i ka manao o ka makuahine e oi hou ae ai paha kona ma'i a e hoohikiwaweia aku ai oia i ka lua kupapau, no laila mamauli o nei hana maalea a ke kaikuahine ua hala ae la he mau pule mamua o ka hiki ana ia Sa Wiliama ke hooko i kona manao holo i Amerika.
He oiaio, ua haawi ke Sa Wiliama he nota dala o hookahi haneri paona i ke kaikuahine no ka haawi ana aku nae o ke kaikuahine na kekahi kaikamahine ilihune i haki ka wawae mamuli o kekahi ulia kaaahi eia nae, i ke kaikuahine hoi keia hoounaia mai na Vekinia, me ka manao e lilo ia mau hala i mea hooluolu mai i ko Vekinia manao. O keia mau hana epa apau a ka Lede Linetona ua ahuwale i ka manawa hope loa.
Mokuna XVIII - "E Hooiaio Aku Ana Au ia Mea"
O ka laki ma ko Vekinia aoao i keia manawa, he bebe kana in a aole ia ua like me he mea waiwai ole ke ola ana, aka nae, iloko no o ia ike on a he bebe a he hoike mai hoi ma kona aoao, eia nae, aole no i nele ka hooluuluu kuhohnu loa ia o kona uhane no keia mau hana hoohoka iaia.
No elua hora loihi mahope o kona heluhelu ana i ka leka ame ka nupepa e hoakaka ana no ka mare ana o Wiliama Hita me Makaleka Sanahope kona moe hoololo ana maluna kahi @ me ka aneane e make loa kona manaolana, me kona manaoio pu o kana kane i haawi mai i kona aloha nui nona, a pela hoi oia nona, ua lilo aku i ka wahine e. Iaia e moe ana me he mea la he mea oia ua make i ka ua mea o ka oni ole, koe wale no kela hanu mai on a, me ka loli mau o kona helehelena i kela ame keia manawa, ke ano o ka mea ola.
Aka nae, ma kona kulana he makuahine no ka bebe a maluna hoi o kana bebe ka hilinai nui o kona aloha anae kona noonoo, ma hoalaia ae kona mau manao koa apau i kona manawa i lohe aku ai i ka uwe ana mai o ka bebe maloko aku o kekahi rumi, eia nae, ua like ia leo uwe i kana noonoo iho ia manawa me he pahi oilua la i houia mai i kona puuwai, no ka mea ulu koke ae la no na hoomanao ana iloko on a no ka makuakane o ia bebe, in a ho oiaio na mea apau i hoakakaia maloko o ka nupepa ana o ka heluhelu ana, e lilo ana ke ola ana o ia bebe ma ia mua aku i mea hoohenehene ia mai, he bebe oia ia haalele ia e kona makuakane, a o kona makuahine he wahine i hainaia, a he bebe inoa ole hoi ia. Koikoi keia mau mea hookaumaha i kona uhane ia manawa.
"O, e na lani hoi, aole pono e lilo keia mau mea hoehaeha mai i kuu noonoo i mau mea oiaio, e lilo oe i mea hoopakele a i kokoua hoi no'u e hookoia aku ai ka mea nui a'u e iini nei ka manawa hope!" ke puliki la oia i kona mau lima maluna ae o kona noonoo hoi e auwana ana i hope i kela manawa on a i hoohuiia ai oia me Sa Wiliama maloko o kela home kuaaina o laua me kona makuakane i haalele mai iaia, me ka ulu, ai la o na hoomanao ana no na mea apau i hanaia mai iaia mai ka manawa mai i halawai mua ai oia me Sa Wiliama, ahiki ia mau minuke ana e auwe ana ia manawa.
Ahiki mai ia manawa aia mau no maluna o Sa Wiliama kona iini, kona hilinai, kona aloha, a ua manaoio oia, he kanaka oiaio o Sa Wiliama mai mua mai ahiki no ia manawa e hoopunipuni ole mai ai iaia. Ia laua e noho pu ana ua ike oia ko Sa Wiliama haawi pau mai i kona aloha iaia, me kona lilo i mea nui loa iaia, a he hauoli mau no hoi ko laua noho ana me ka loaa ole o kekahi kumu hoopaapaa mawaena o laua, a ua hauoli mau no hoi kana kane iaia no kona lilo ma ia mua aku i haku wahine no ka Hitadela, elike me ia ana e kamailio mau mai ai iaia.
O kana i manaolana mau ai e loaa i keikikane na laua, i lilo ai oia i hooilina no ma Hitadela a no na waiwai hoi apau, aka nae, i ka hoikeia ana aku iaia he kaikamahine ka i hanau mai, ua lilo no ia malihini hou i mea hauoli nana, a ua hoike mai oia pela maloko o kana leka i loaa pono mai ai ia Vekinia, a no @ malihini hou i haawi mai ai oia i kana inoa o Mei, he inoa no kekahi kaikuahine on a.
Ua uluhua maoli o Sa Wiliama me ka hoa hewa ou iaia iho no kona haalele loihi ana iia Vekinia oia wale no, a ua hoohiki no hoi oia e hoi hou mai oia e kii iaia, i ka manawa ana e ike ai i ke kupono e haalele aku ai i kona makuahine, ke oi @ ole aku ka ma'i.
No keia manao o Sa Wiliama i kakau mai ai ia Vekinaia i hiki ole ai ia Vekinaia ke manaoio i na olelo hoonuinui maloko o ka leka, a peka hoi na olelo hoopunipuni i kona noonoo no ko Sa Wililama mare ana me Makaleka Sanahope, aka nae iloko no nae o ka nui o ia manaoio on a no ka paa o ka manao aloha o kana kane iaia ua nui no na mea hookuihe mai i kona noonoo, aka, aole nae i hoopau i kona manaolana ana no ka hookoia o kona makemake i ka manawa hope loa, eia nae, i kana nana iho ma na mea ana o ka heluhelu ana aneane loa no oia e hooiaio iho ia mau mea, me ia paa no o kona manao no ke aloha ame kahilinai o kana kane iaia.
Aole oai i moeuhane iki he mau hana hoopilikia wale no keia no ka hoohoka ana mai iaia, no ka mea, iaia i ha-lo iho ai ma kona mau aoao apau aohe on a ike iho i kekahi kumu no kona ku-eia ana mai e kupono ai la hoi ka hoimihala ana mai i mea e hoopuhiliia ai kona mau manaolana apau; o ka mai i mea e hoopuhiliia ai kona mau manaolana apau; o mea haohao wale no iloko on a ia manawa oia ka loaa ole ana mai o kekahi leka iaia, mahope o kona kakau ana a kakau ana aku me ka loaa ole mai o kekahi pane, he mau leka hoi ana o ke kakau ana e noi aku ana e hoike mai ke kane i hookahi hua olelo no ke kumu o ka loaa ole ana aku o kana leka, a e hoike pu mai ana hoi no kona holo mai e kii iaia ame ka laua bebe ame ka ole.
Ua mai oia no ka hoopalau ana o Makaleka Sanahope ame ka mare ana ma ka Hitdela, mai ka Lede Linetona mai, (END COLUMN START NEW COLUMN)
he mea i maopopo ole loa i kekahi mea e pili ana iaia, a i kona lawe ana a noonoo i keia mau mea, me kona ike pu ana i ka hoolaha maloko o ka nupepa no ka mareia ana o William Hita me Makaleka Sanahope aneane loa e hooiaio iho oia ia mau mea i hoikeia mai ai he oiaio a ua hana mai o Sa Wiliama i kekahi hana hoopunipuni ino loa me ka haalele loa mai iaia.
Iloko no nae o keia mau mea ana o ka ike ana he oiaio aole no oia i hoopau wale i kona manaolana ana aku he kuleana no kona i na waiwai apau o Sa Wiliama mamuli o kona lilo ana he whaine i mareia malalo o ke kanawai, a o kana kaikamahine ia manawa ka hooilina o ka Hitadela ame na waiwai apau o Sa Wiliama, o ka pilikia nui nae ana e nalu ana oia ka hiki ole iaia ke hooiaio aia wale no a loaa kekahi mau hoike i ike maka i ko laua mareia ana.
"Hooiaio ia mareia ana o'u me Sa Wiliama! O, e hooiaio aku ana au ia mea!" wahi ana iaia iho me ka manaopaa, a ia manawa ku ae la oia a hele aku la noloko o ka rumi ana o ka lohe ana aku i ka leo uwe o kana bebe, me kela mau huaolelo e paa ana ma kona mau lehelehe a i kakauia hoi ma kona puuwai.
I ka ike ana mai o ka wahine hhiikekii hoike mai la oia i kona kahaha no ka haikea loa o ko Vekinia helehelena ia manawa, he hoihiona hoi ana i ike mau ole ai ia Vekinia elike me ia mamua aku, i ka i ana mai.
"He ma'i anei kou? Akahi ka hoi ka haikea maoli o kou helehelena a'u e ike aku nei, e ka madame. Hoi hou aku e hooluolu, aole pilikia o ka bebe, ua hiki ia'u ke hoonana ae iaia."
"Aohe o'u ma'i," i pane aku ai o Vekinia. "Makemake au ia oe e hele aku a ka puka o ka rumi o Mrs. Fanamu, a olelo aku iaia he makemake au e kamailio me ia no kekahi mau minuke."
Aohe hoolohe hoe ana iho o ka wahine hiikeiki; o kona ku ae la no ia a hele aku la me ka namunaumu ana iho nae iloko on a:
"He keu aku ka lahui Pelekane a ka poe lapuwale o ka lawe mai i na mea hoehaeha a hookaumaha i ka noonoo o ko'u hakuwahine, me ia maikai no a miomio o na olelo a kela wahine Pelekane e kamailio mai ai e manaoia aku ai he wahine maikai a he lede oiaio hoi; makemake loa au ia lakou e hookaawale koke aku ma kahi e, he mau wahine imihala a hoopilikia maoli keia i ko'u hakuwahine; aohe kumu e ae o kona ano e ana, o na olelo hoouluhua wale no a kela wahine,
"O ke kane no hoi kekahi a kuuhakuwahine, heaha la kona manao ma o kona haakeke ana mai i kana wahine e noho hookahi ianei a e noho mai oia i kahi e me ka kau wahi leka ole mai e hoike mai ana i kona aloha i kana wahine, a in a aole hoi i ka whaine, i ke kaikamahine la hoi, he mea pohihihi loa keia i ka'u noonoo ana."
I kona hooki ana iho i kana kamailio ana hoea aku la oia i ka puka o ka rumi o Mrs. Fanamu, a hoike aku la i ka Vekinia mea i kauoha aku ai iaia, a ua hooloheia mai no hoi ia noi a Vekinia e Mrs. Fanamu, aole nae me ka manao maikai, aka me kahi ano hoihoi ole no iloko on a, aole hoi e hihi o ke noi, pela wale no oia i hooko mai ai.
Iaia i komo ai i ka rumi ua hopuiwa koke ia aku kona noonoo i koa ike ana mai i ka helehelena ano e loa o Vekinia, no ka ahilena a nananakea o kona helehelena, a ua komo koke ka maka'u iloko on a no ka lilo ana o kana hana i mea hoopilikia i ke ola kino o ka lede opio.
Ia ike ana mai a Vekinia ia komo ana aku on a, ku ae la oia iluna, me kana bebe e paa ana iloko o kona mau lima, a haawi mai la i ka leka a ka lede Fenamu i haawi aku ai iaia e heluhelu me ka i pu ana mai:
"Eia mai ko leka, e Mrs. Fanamu, a e loaa pu iho ana no ia oe ka nota maloko olaila i hoouna pu ia mai ai. E oluolu oe e hoihoi hou i ka mea nana i hoouna mai ia oe, a e olelo pu aku oe aole au i nele i ke dala, aohe no o'u makemake e lawe mai i kena maunu ekaeka i mea hoopuniheiia mai ai ko'u noonoo, a e hoolakoia mai ai paha ko'u hune, a i ole he nota paha kena i hoounaia mai ai no ka hoohamau ana i ko leo a e pani mai ai i kuu waha, i ole ai au e oni aku. Hoike aku oe i ka mea nana kena nota i hoouna mai ai aole loa he mea nana e keakea mai i kuu alahele e oni aku ai i ko'i pono ame ka pono o kuu kaikamahine nei."
"Aole anei ou makemake ia no ka hoopau ana ae i kou mau pilikia, e Mrs. Hita?" wahi a ka madame o ka ninau ana mai me kona manao mua aole la e hoihoi hou aku ana oia ia nota.
"He hana hoohaahaa hiki ole loa ia e huikalaia ka manao ana iho e haawi mai i kena nota ia'u me ka maopopo ole o ke kumu o'ia haawi ana mai, he mea hoimihala mai ia'u, pela ko'u manao, no ia kumu e lawe aku oe, in a he makemake oe i kenanota lawe aku oe nau, no'u iho aole o'u makemake e hawahawa ko'u lima i kena waiwai i haawiia mai me ka manao pono ole i mea e imihala mai ai ia'u mahope.
"Ke maopopo olle nei nei ia'u ke kumu o kela poe o ka hoouna ana mai i kena nota ia oe no kahaawi ana mai ia'u, aole lakou i aie ia'u, aole au i nele a noi aku no ke ahi kokua mai ia lakou mai a ma ou la e loaa mai ai ia mea ia'u.
"Ina na Sa Wiliama ponoi i hana mai i kena hana hewa loa hiki ole ia'u ke huikala aku heaha no hoi kona hana ole mai me kona kauka'i ole aku a na hai o hana mai i keia hane hewa loa e hoopilikia mai ai ia'u, aole hoi o ka hoolimalima ae i kekahi wahine ma ke anu he elele nana, a na ia elele e lawe mai a haawi ia'u. Lawe aku oe, a e oluolu oe e haalele koke mai keia rumi."
Mea kau ia kiipaku okoa ia ana akua o keia wahine a ku ae la a helle me ka hilihili, ahole noho mai no, a pane mai la:
"A ua poina paha oe i kekahi mea!"
"Aohe a'u mea i poina," i pane aku ai o Vekinia; "Manao anei oe e hiki ana ia'u ke hoopoina ia mea? O, aole loa; mai oi loa aku ka pono in a aole i hoouniaia mai keai nota ia oe no ka haawi ana mai ia'u, i lilo ole ai keia nota i mea hoomahuahua mai i ka inaina iloko o'u, no ka mea heaha auanei ka nui o keia wahi haneri paona ke hoohalikeia ae me ka'u mau haneri kaukani dala e paaia mai la e Sa Wiliama i nei manawa?" "He mau haneri kaukani? Auwe! ua manao au he whaine la oe i nele ia mea he dala, aka ke ike nei au i ko'u kuhihewa loa," i namunamu liilii iho ai ka lede aoo me ka helehelena o ka mea i hoka a i hilihili pu ia manawa.
"Ae; ma ka manawa i make ai kuu makuakane ua haalele iho oia nai'u he mau haneri kaukani dala, no ko'u pono; ua ili mai ia waiwai apau maluna o'u ma ko mau manawa i mareia ai, aka nae aia ia mau dala apau ma ka lima o Sa Wiliama, a ua hoahuia aku he elima kaukani dala o ia hunia iloko o ka banako no ko'o maumau hoolilo o ka noho ana maanei, in a manawa apau a'u e makemake ai i ke dala o ka'u hana wale no o ia ke kikoo ana aku i ka banako i kona manawa e kaawale ana, o ke koena aku o ia mau dala ma ko'u inoa ponoi ia apua loa, no laila e ike mai oe aole au he wahine nele i ke dala e manao aku ai o kena mau haneri paona ka mea e pono ai ko'u ola ana ma keia wahim aole no hoi au i manao o kena mau dala hoowalewale ia'u i mea no;u e noho hamau loa ai me ka oni ole aku i ko'u pono iloko o na waiwai apau o Sa Wiliama, kuu kane oia iho la ko'u mea e oni ole aku ai, O, aole loa!" i hoakaka aku ai o Vekinia.
"Ke manzo nei au o keia haneri paona i hoounaia mai ai nau ia a ua hoounaia mai ia me ka manao maikai a aloha ia oe, nolaila, e pono oe e lawe aku," wahi a ka lede, alaila huki ae la i ak nota mailoko ae o ka wahi leka no ka haawi hou ana mai ia Vekinia.
Eeke aku la o Vekinia ihope me he la ua lilo ia nota iaia he akua lapu a i ole kekahi mea ana i maka'u loa ai, a pane mai la:
(Aole i pau.)
O KE OKUKUU WALE AE NO A KO KAHUKU MAU AU WAE LENA, AKAHI KA ONI
______
Mr. Lunahooponopono, Aloha oe ame kou mau keiki o ke ku'i hao a ku'i aiana mokuhi, o na kaula holo lio i Haleauaua he ma pu maoli no i ka hanu aala vabine.
Auhea hou mai oe e Mr. Lunahooponopono, mamuli no o kou ahonui mai, e hiki mai ai ka hauoli pau ole, a oiai, ma ka hora i manao ole ia ka hoi ana mai o ka manaolana o ke kuikahi, a ma ka p. m. Poakahi, la 7 o Augate nei, i akoakoa hou ae ai na lunanui ame na lala o kekahi wahi hui hoahu, ma ko lakou wahi mau iloko o 8 mahina i ku ai keia hui, ua i keia ka holomua ana, i ke komo ana aku i ka 9 o ka mahina o ko oki ana ia. Hoi aku la ka peresidena a lunahoohana no Laie, pau loa iho la kona oni ana.
Aole halawai hoahu hou aole na lulu, aole na mea kuai, aole na aie hou, mehameha iho la ka hale, aole na hamumu ana, oni aku la ka oeresidena i kona pikaneki, a kukulu i kana wili a wiliwili poi.
Hamau iho la ke koena i koe iho no 8 mahina hou, me he la ua komo pau loa iloko o ka lua popoki, i ka pua mauu e oni ana, puuku, lunahooia a kakau olelolo, na lala, ua hoomaha loa, aole na hoohuoi ana, me he la aole he mea i hanaia. Hamau iho la ka honua aole loa kona oni ana, a i ka piha pono ana o ka 8 mahina, a i ka eiwa mai o ka mahina, akahi no a loaa ka oni ana; kupaianaha maoli o na kupaianaha.
I ka noho ana o ka halawai o keia hui, ua ku mai la ka Peresidena J. W. Keau Makahanohano a hoomaikai i ke Akua. Ua hoolohe na lala i ke ano o kana pule ana. Ua mokumooku liilii ia ae la na kupikipiki o ame na u iloko o na lala, a hui iho la ka nani o ke Aku. Hamau poipo iho la ke aloha a hoomaaliliia iho la i na hewa he nui, wahi a Solomona.
I ka pau ana, ua kaheaia na inoa o na lala apau e ke kakauolelo o keia wahi okumu ahahui, ahoike pu ia mai na huina lulu ame na lala i noho aie, Ua ku ae kapuuku, Mose Kaaipuaa, a hoikeike mai la i na lala o keia qahi hui i kekahi eke opealio loihi, a pane mai la ua makaukau loa au me keia eke kalena i na dala o keia ahahui, e maheleia i keia po, me na pakeneka oi aku, oiai, o ka hui ka inohowale, o ke dala he o ia mau ka hoohanaia ma luna iho ke dala o ke dala.
E ike ana oukou i na pakeneka oi aku imua, ia manawa i hoopauia ai ke pioioi o na maka o na lala, no ka mea ewaku wale no mahine i ku ai keia hui, ewalu no hoi mahina i noho hamau ekemu ole ai ka hui, a i ka eiwa o ak mahina, ua pane e aku ka'u wahi lulu imua ponoi o ka peresidena:
"Ea, pehea ana ka hui hoahu a kakou"
Pane koke mai ka peresidena,
"Apopo, Poakahi, la 31 o Iulai nei e noho ai ka ahahui, e ha'iia aku ana i ke kaukolelo. Ua hoopaneenee hou ia aku a p. m. o ka Pokahi, la 74 o Augate nei, a no ka poe e hookaa ole mai ana'i ko lakou mau aie, e pono no e laweia ma ko lakou mau kumupaa, a e pau ana kekahi, a o loa aku ka aie o kekahi mau lala.
Ua maikai na kuka kamailio ana, oiai no hoi, he poe wale no i lena na auwae kahi i ulu mai ai na papaiho, he poe i lawe pu i na kikiki o ke aupuni o ke Akua i uhiia e na mauna hau o Helemona, a ua ku hou ao ka Peresidena J. W. Keau Makahanohano a olelo ae e ku hou no keia hui, a hoonee hou aku imua oiai, eia na HAwaii ke oni nei imua i keia manwa, ma na wahi apau loa, na hui, na hoahu hala ana, a ma ka hoolaha a ka Banako Chinese-American o na Hawaii ka oi aku o na hoahu dala ana a e hoomau aku i keia hui i kona ku ana, a hoopaneeia na hoike mahele, no keia mahine e pau ana, a hookuuia ma ka pule a mesaka Kauaulaalena o Pooholo o Maui no e ka oi.
Ke oni mau nei o Kahukumokupohakulewa, a oni alapine me Kahukuainalewa i ka hoonaueue mau ia e na kipu paealo mau a na Amerika ua hele o Kaliuwaa a nakahaalulu na paia pohaku paa, a Kamapuaa i kalai ai i mau waa no na kupuna on a, a haalulu i na pu kanialapine a ka Amerika e noho mai la i ka nani o Kaliuwaa.
Aia no na Akua pohaku keokeo o Kamapuaa ke kau makaala loa mai la i ka lakou mau pu pohaku no keia poe koa, a he manao no ko'u, aia no he manwa e pa mai ai i ka pohaku kaa a lele mai, oiai, ua hele a alahula na wahi apau i ke one-a!
JOELL L. APUKEHAU
Kahuku a ke kupaianaha nui.
_______•º•_______
KE EMI MAI NEI KA POI I KEIA WA.
____
E hoomaka ana @ Poalima iho, Sept. 1, e kuai mai ana ka hale kuai poi o Hee Wo, ma ka Helu 1209, i ka poi, ma ka 24 paona i ke dala, no ka poe keia e kii maoili ana i ka lakou poi e kuai malaila, a in a no ka lawe maoli ia aku i na kauhale, alaila he 20 paona no ka dala. (END COLUMN START NEW COLUMN)
Ma ka hoike i loaa mai i keia keena, o keia ka hale kuai poi, paakiki o ka poi, a ke kii mau nei kekahi poe Hawaii i ak lakou poi malaila, aole no ka makepono wale no, aka no ka paakiki kekahim i like ole aku me ka poi o na wahi e ae e kuai mai nei.
Ua manaoia, elike me ka pii hou ae o ka nui o na paona poi i ke dala hookahi ma kela hale kuai poi, e ukali like mai ana na wahi kuai poi apau o Honolulu nei, ma ke kuai ana i hookahi kumukuai.
_______•º•_______
WAKINEKONA, Aug. 25.--Ua hoike ae ka Lunahoomalu A. B. Cummins ma ka po nei, ke komire o ka oihana kalepa o ke senate, e lawe mai ana keia ahaolelo ae i na ninau piili i ka hui uniona, no ko lakou kuleana e noho ai ma Amerika a i keia au malamalama.
_______•º•_______
MEXICO CITY, Aug. 25--Ua hookahuliia ka noho aupuni ana o ka Presidena Orellana e na Uniona maloko o Guatemala, a ua holo mahuka aku, i kulike ai me ka hoike i loaa mai ke kulanakauhale Guaremala mai. Us kohoia ka Peresidena mua Zelaya i peresidena kuikawa.
______________________________________________________________________
T. O. MURATA
FURNITURE STORE
(Na noho hoolimalima me lako pa maanei.) Na Lako Hale Hou me Kahiko Hoolimalima me Kuai Hoolilo. 715 Alanui Hema, Honolulu, T.H. Kelpona 1695
KOPA MOI KEOKEO NO KA MIKINI HOLOI
_______
He Kopa maikai loa i hiki ke hoohanaia no na ano hana apau i pili i ka home. Hiki ke holoi i na loloe nahenahe loa me ka pilikia ole. O kona oi loa aku o ka maikai no na mikini holoi--No ka holoi i na pa ame holoi hale.
_______
KUAI I PUOLO MAI KOU HALEKUAI MEAAI
MAI
_______
T. H. DAVIES & CO., LTD.
Na Akena Wale no no ka Paeaina Hawaii
Hoao i ke Kope Kona Kamehameha
Ke kope maloko olaila kona mau ano maikai kumu apau, i hoomo'aia me ke akahele loa, i wahi e moani ai ke ala, a hookomoia aku iloko o na puolo ame na kini, e komo ole ai ke ea iloko olaila-- o ke Kope Kona Kamehameha ia.
E nana i ka hoailona melemele. He ono a mikomiko a hoailona Kamehameha i kupono i na Hawaii. Hiki ke loaa ia oe ma na puolo o 1-paona a i ole ma na kini o 5-paona.
AMERICAN FACTORS, LIMITED.
O KE KANAKA KUAI I NA LAKO HANA MAIKAI U LANAKILA E NO OIA I KA HAPA O KA HAKAKA
Aole hiki ia oe ke lawelawe i na hana maikai me na meahana inoino. O kekanaka e hoao ana e hana me na meahana inoino, e hoea mai ana i kona wa e koila a, a kuai i na mea kupono, in a he noonoo oia. Aka nae ua phoh wale ka manawa ame ke dala ma ka hana ana pela. Ke kuai nei o Lewers & Cooke, Ltd., i na lako hana maikai wale no.
KE MALAMA NEI MAKO HE AHUA PIHA PONO LAULA O NA
LAKO MAHIAI AME NA LAKO KUKULU HALE
He Makemake Paha Kou i
KO'I, KIPIKUA, KOPALA, HO, HAMARE, PAHIOLO, KO'I LIILII, NA LAKO KAMANA PIHA PONO, HOANA HOOKALA, PAKEKE.
Papa o Kela âme Keia Ano, na Lako Hao, Pena, Aniani
Kakau mai a i ole kipa mai no na hoakaka, E hookoia no na kauoha apau ma ka leka me ke akahele ame ka hikiwawe loa.
LEWER'S & COOKE, LIMITED
HONOLULU
Na I'o Pipi Momona Waeia Mai na Aina Hanai Pipi Like Ole Mai O Hawaii Nei
O keia i'o pipi momona, ka papa maikai hookahi ma ka makeke, a ke kuai hoolilo nei makou, mma ke mumukuai haahaa, me ka hoopono maoli.
Eia keia mau kumukuai malalo lo iho o ko na makeke e ae, a hui pu iho me na kulana maemae e hoohanaia nei e makou ma ka lawelawe ame ka hoahu ana i na i'o pipi, he mea pono e lilo ko makou makeke i makeke nou.
Pipi Ku Mokupuni………………………………………..15 c o ka lb.
Kulana Aoao o ka Pipi…………………………………… 15 c o ka lb.
Ku'eku'e Pipi…….…………………………………… 12 1/2 c o ka lb.
Pipi Palai Iwi Hoehoe …………………………………… 15 c o ka lb.
Pipi Palai Uha …………………………………… 15 c o ka lb.
Kulana Aoao Koala…………………………………… 15 1/2 c o ka lb.
I'o Hipa Ku …………………………………… 10 c o ka lb.
I'o Umauma o ka Hipa…………………………………… 10 c o ka lb.
I'o Hoehoe Palupalu…………………………………… 12 1/2 c o ka lb.
WAIUBAKA MAILE…………………………………… 50 c o ka lb.
METROPOLITAN MEAT MARKET
E ninau no LUI: he oluolhu na kuka'i ana ma ka kaua olelo makuahine hele main mai hilahila!