Ka Nupepa Kuokoa, Volume LXI, Number 36, 7 September 1922 — NUI KA HANA A NA MAKAI MA AALA MA KA POAKAHI NEI [ARTICLE]

NUI KA HANA A NA MAKAI MA AALA MA KA POAKAHI NEI

O ka Poakahi iho nei leekahi la hana nui a na makai, elua mau kaa otomobilo i hoikeia ae i ka oihana makai ua aihueia i huliia aku a'loaa i hookui aku i kekahi keiki Kepani a hina ilalo, a no ka eha o ia hooku'iia ana aku i laweia ae ai i ka halema'i o na poino ulia; hookuiia aku he kaa oto e ke kaa uwila a nahaha kekahi wahi o ke kaa oto; ku ka wawae o kekahi keiki ma ke ano ulia i ka poka i ka manawa e paani ana kekahi poe keiki ma ke alanui Emma, no keia mau ulia lehulehu aole hiki ke olelo ae he la maluhia loa ka Poakahi nei o ke- | kahi ia o na la haawina pakalaki loa. 0 ka mea mua loa ma ke kakahiaka Poakahi i hoike ae i ka oihana makai no ka aihueia ana o kona kaa oto oia o Leslie Wishard o ka Union Mill Company o Kohala; ua kukulu oia i kona kaa nona ka helu 3188 ma ke Alanui Bihopa, a i kona oili ana mai me ka manao e holo no kekahi wahi ua lilo i kekahi kololie. O ka lua o na kaa oto i hoikeia ae i ka oihana makai no ka aihueia ana oia ke kaa Helu 5016, mai ke kihi aku o na alanui Moi ame Liliha ka laweia ana. Ua loaa aku nae keia kaa i na makai he manawa pokole mahope mai, laki n5. O keia ae la na kaa mua loa i aihueia maloko x o ekolu pule. Na Ulia ma ia La Ko ke ku hikiwawe loa ana iho 0 ke kaa oto o Chong Quong me ka haawi ole aku i kekahi hoailona, 1 hookuiia mai ai kona kaa e ke kaa e kalaiwaia ana e J. W. Akana, a eha like laua. Ia W. D. Jamca o holo ana ma ko alanui Kalakaua mo ka nanea,

o ka manawa ia o kekahi keiki Kepani o ka oili emoole loa ana ae mai kekahi alanui ololi ae, a kaa pono mamua o kahi e holo aku ana ka oto, a hina ia keiki ilalo, a no ka eha ana i laweia ae ai i ka halema 'i o na poino ulia. O kahi wale no i laki ai, elike me ka hoakalea a na makai e holo malie loa ana ko James kaa i kela manawa i hooku'i

ai. Ia Williain OrneIlas e holo ana maluna o kona oto ma ke alanui Beritania ua pakika mai la kona kaa maluna o ke alanui hao kaa uwila a ua hiki ke hookaawalo koke ia aku i ka īnanawa kupono mamua o kona hooku'iia ana aku e ke kaa uwila o Kapunahou. O ka oto ka i mauuheu. Aole mea i hopuia. He keiki uuku o Emil Ruthig ka i ku i ka poka' ma ka wawae i ka pu a kekahi keiki o Joe Mecleiro8 ka inoa. He nui o na keiki ke paani ana ma ke kii kokoke i ka laina kaauwila o ke Alanui Emma i ka wa i ku ai.