Ka Nupepa Kuokoa, Volume LXI, Number 36, 7 September 1922 — Nuhou Kuloko [ARTICLE]

Nuhou Kuloko

Ma keia Poakahi ae, ka la 11 o keia mahina, e hoomaka ai na kula, mahope iho o ka pau ana o na mahina hoomaha no ke kau wela. He $840, i ohiia ae maloko o ka aha hoomalu. ma ka Poalua nei, ma ke ano he mau dala bela, i haaleleia e ka poe piliwaiwai o ka hopuia ana e na makai. Ma ka Poaono, ka la 16 o keia mahina, e malainaia ae ai na heihei waapa maloko o ke awa ae nei, elike me ka mau, i malamaia i kela keia makahiki i kaahope *aku. No ka hele o ka nupepa a piha loa i keia pule, ua hoopaneeia ka hoopuka ana aku i kekahi mau palapala a na makamaka, o ka hoouna ana mai a loaa ka wa kupono. Ma ka hora 12 o keia po, e pau ai ka waiho ana ae i na.palapala noi holo moho, no ke koho baloka wae moho e hoea mai ana, maloko o ke keena o ke kakauolelo o ke Terito re. Ua hala aku o Senatoa Charles E. King, ma ka hana hooikaika kalaiaina, no ka Mōkupuni o Molokai, a ma ke kakahiaka o keia Sabati iho, e huli hoi mai ai oia no ke kulanakauhale nei. | He waapa no J. Namaielua, i pena omaomaoia, ka i a aihueia paha, ma kahi hoopaa, ma ke I alahuki moku ae nei, e loaa no ka ukumakana, i ka mea e hoihoi ae ;.na i kela waapa, i ka ona nona ka waiwai. | 0 William Hoopii ke kumupoo o ke kula o Kahuli Maui, ka mea i haawi ae i kekahi mau hinemi HaAvaii ma kona hiuioni pu ana ma ke keena o ka Radio kelepona a ka Advcrtiscr ma ka po Poalua nei a ua | nui kona ohohiaia. I Ahiki aku la i nehinei, lie elila mau moho wahine, i hookomo ae | i ko laua palapala noi holo moho, nolako o ka hale o na lunamakaainana, oia o Mrs. Nellie Carlsmith | o Hilo, ame Mrs. Bosalie Keliinoi o Kapaa Kauai. Hooku'i ke kaa kalaka a ka Papa Ola me ka otomobile 9033 ma ke kihi o na alanui Lpnalilo ame Piikoi ma ka hora 8 o ke kakahiaka Poalua nei o ka oto ka i poino a kolo maoli ia ae i ka halekaa. Maloko o ke Poola Hall, ma ka liora ekahi o ka auwina la o keia Sabati iho Sept. 10, e malamaia ae ai ka halawai hooponopono a ka papa hooko o ka Ahahui Pa Ilina o Kalaepohaku; ua makemakeia toa lala j apau e hoea»ae, me ka paa pu ana ,ao i na likiki hookaa.

Eia o Senatoa John H. Wise ke waiho mai nei iloko o ka Halema'i Moiwahine i keia mau la, a ua kanalua loa ia kona hookuu koke ia mai, no ka hele ana aku e hooikaika kalaiaina i keia mau pule, mamua ae o ke koho baloka wae nioho.

He mau la helu wale no koe e hamama ai ka buke hoopaainoa, o ka poo kupono i ke koho baloka, o k6 Kulanakauhale a Kalana o Honolulu nei. E pau 'ana ka hoopaa ana i na inoa, ma ka la 19 o keia mahina, a aole e wehe hou ia, a mahope aku o ka pau ana o ke koho baloka wae moho. Ma ka halawai a ka Ahahui Pa Ilina o Kalaepohaku, e malama ana ma keia Sabati iho, maloko o ke Poola Hall, e hoea ae ana kekahi poe loea kanawai, no ka' pane ana i na ninau kanawai, apau e waihoia aku ana imua o lakou, elike me na mea i hoikeia mai i keia keena. O ka hui uuiona o na kanaka kamana, ame na kanaka kaa uwila, ka i komo ae iloko o na hoomanao ana i ka La,o na Limahana ma ka Poakahi nei, ma ke kaihuakai hookahakaha ana ma keia # O ka Meia Wilaon, ka mea haiolelo ano nui ma ia la. Ma ka noho ana o ka halawai a ka papa o na lunakiai, ma ka po o ka Poalua iho nei, i noiia aku ai ka loio kalana, e 'waiho mai'i manao kanawai, e pili ana i ka rula ana, a ka loio kuhina, no ka hiki ole i na luna oihana o ke kalana, ke holo moho no ka ahaolelo kuloko. He hookahi moho Kepani, e holo ana noloko o ka hale o na lunanamakaainana, mai Kauai mai, ma keia kau wae moho; nona ka ieoa o James T. Hampda, aoka mua loa hol o >na Kepani, i makemake, e lilo i hoa nolōko o kā ahaolelo kuloko, ma ka moolelo o ke koho baloka, ma Hawali noi.