Ka Nupepa Kuokoa, Volume LXI, Number 44, 2 November 1922 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

 

He Moolelo Walohia

Ko Vekinia Waiwai Hooilina

Hoopuhiliia na Hana a ka Mea Manao

Ino---Kau i ke Aki i ka

Manawa Hope

 

Mokuna XXI

O ka Make Wale No ka Mea e Kaawale Ai

            I ka loaa ana o keia mau ike a pau iaia, hoi pololei loa aku @ ke Sa Wiliama no Nu Ioka me ka hoolalapaia ae la o ka manaolana iloko ona no ka loaa aku o ka wahine, mamuli o ka ke Kauka Konarona mau hoakaka.

            O kana wahi hope i hooholo ai oia ka huli ana aku i ka papa noa o na ohua ma ke keenahana o na mokuahi like ole me ka manao e loaa ana iaia ka inoa o na ohua. @ i hiki au i Nu Ioka a komo aku la iloko o na keena hana na mokuahi, na wahi e loaa ai na inoa o ka wahine maloko na buke, nolaila i maopopo ai iaia ia manawa aohe i holo o Kekinia. a i ole, aohe no paha he manai iloko o Vekinia e holo @ ke i Enelani ia manawa, no ia nele no ekolu pule kona huli a ninaninau hele ana ma o a maanei no ka wahine, he ole nae ka mea i loaa iaia.

            Ma ka manawa hope oia mau pule, a no ka pau o ka manao lana no ka loaa o ka wahine iaia, kelekalapa aku la i ke kaikuahine i Enelani; o keia malalo nei ka manao:

            "Aole ai i halawai me kuu wahine, malia ua hala mua aku paha oia no Enelani. Ina e hoea aku ana oia i ka Hitadela, e oluolu oe e hoike koke mau ia'u ma ke kelekalapa"

            I ka loaa ana aku o keia kelekalapa i ka Lede Linetona ua hoopuiwaia ae la kona noonoo no ka loaa ana aku o keia kele kalapa iaia, no ke kumu, ike koke iho la oia he kumu ka ke kaikunane o ka noonoo ana, malia ua holo aku o Vekinia no ka Hitadela, a iaia e hoomanao ana no ka Mrs. Fanamu mea i hoike aku ai iaia no na olelo a Vekinia e hoea aku ana oia i ka Hitadela i kekahi la no ke koi ana i kona kuleana ia home ma ke ano he wahine mare na Sa Wiliama, hoomaka koke ka uluo ka makau

iloko on a mamuli o kana mau hana ku-e ia Vekinia, a e hoea aku ana o Vekinia ilaila ma kekahi manawa, a koi aku i kona kuleana ma ke ano oia ka haku wahine o

ia home.

            Ina no ka hoea i'o aku o Vekinia ilaila ua ike oia me ka maopopo e nui ana na paio ana mawena o laua, aka, elike me ka loihi o ko ke kaikunane kaawale ma Amerika, ehoao ana no oia e hana me kana i ike ai he pono me ka haawi mai i wahi no Vekinia e noho ai ma ia home ahiki i ka hoi ana aku o ke kaikunane.

            Mahope iho o kela kelekalapa ana a Sa Wiliama i ke kaikuahine a loaa mai ka ke kaikuahina pane e hoole mai ana i koVekinia hoea aku ilaila, alaila holo kou aku la ke Sa Wiliama no kela aoao o Amerika, ma ke kapakai Pakipika, me ka manaolana e loaa aku ana kahi Pake kuke, o Chi Lui, iaia a mai iaia mai la e loaa ai ka ike iaia no ka Vekinia wahi e noho ana ia manawa a o ka pau ana no hoi ia o kona hooluhi mau ia i ka huli.

            He mau pule lehulehu kana o ka hoohala ana maloko o ke Kulanakauhale o Kapalakiko, me ka manao o ka poe ana e huli ana. malia i kekahi la e hele ae ana lakou ma na wahi akea mawaena o na kanaka lehulehu a loaa lakou iaia, a i ole o kekahi paha o lakou, a na ia mea e kuhikuhi mai iaia i kahi o Vekinia e noho ana ia manawa.

            Ua pono ia manao ana ona, in a i maopopo mua ia mea iaia, @ ina no hoi i hoomanawanui hou alu, ina la ua holopono kana ninaninau ana, aka oiai oia ua luhi maoli aua pauaho i ka huli ua hoopokole oia i kona mau la o ka noho ana malaila.

            Ua pauka hapanui o na mokuaina o Amerika i ka heleia, mai ka akau a ka hema, a mai ka Hikina a ke Komohana, a ua @ a pauaho maoli oia. Ua nui kona mau lilo ma keia huli ana me ka auwana ana ma o a maanei, hookahi wale no nae mea i loaa iaia o ka hoka ame ka hoouluku mau ia o ka noonoo.

            Iaia ma Nu Ioka ua loaa hou mai la he kelekalapa iaia mai ke kaikuahine i ka ma'i, e kauoha mai ana e hoi aku, ua loaa hou ka makuahine i ka ma'i lolo ikaika; ma ka naau kaumaha, me he mea la ua huli ku-e mai na mea apau o ke ao nei iaia, a o kona @ holookoa ua poino, hoi hou aku la oia no ka home me ke kaumaha o ka noonoo, alua mau mea hookaumaha iaia.

            He mau la kakaikahi wale no ko ka makuahine, Mrs. Hita, @ ke ola ana mahope iho o kela hoi elua ana aku a ke keiki a haalele mai la oia i keia ao.

            U hoea aku ke keiki i ka Hitadela i ka manawa e aneane loa ana na one hope o kona ola ana e haalele mai a e upoi @ hoi i kona mau lihilihi maka no ka manawa hope loa no kahiamoe ana aku no ka manawa pau ole.

            Ua hoomoe pu ia aku kona kino me kana kane maloko o ka luapao o ka ohana i hala mua ma kela ao, a ia hala ana aku o ka mea nana e kaohi mau iaia i ka home ua hoomama loa ia ko Sa Wiliama noonoo ma kekahi ano, no ka mea, ua hiki iaia ke hele ma o a maanei elike me kona makemake.

            "Aole paha oe e holo hou ana i Amerika in a no ia hele hou aku ou?" wahi a ke kaikuahine, me ka makemake ole iloko @ no ka hele hou aku o ke kaikunana."

            " Aole no hoi i lawa iho la ia makemake hele ou?" wahi hou a ke kaikuahine.

            Ka, in a o ia holo aku o'u i Amerika he hana ia e loaa ai kuu  wahine, e holo aku ana au ina no hookahi kaukani manawa ia.

            O aia no la hoi mahea kahi a kuu aloha i huna ai iaia iho? Hiki anei ia oe, e Miriama, ke hoakaka mai i kahi mea no ke kumu i ala ai ka manao kuhihewa iloko o kuu wahine? Owai ka mea nana i paa ka maua mu leka? I ka noonoo iho he hana apuwale haahaa loa kekahi i hanaia i mea e kaawale ai maua."

            Haikea ae la ka helehelena o ka Lede Linetona a aneane oia

@ lilo i wahine ma'i a e maule iho ana, no ka maka'u mai keia @ loaa i ke kaikunane kekahi ike a i ole ua hoalaia ae la na @ hoohuoi iloko on a nana i haehae ka laua mau leka; eia @ i ka loaa ana o ka manao iaia aohe mea nana e hoike mai @ mea ana i hana ai me ka ma-lu loa, ua maha ae la kona noo-noo.

            "Heaha ana la ka'u e hoakaka a e pane aku ai ia oe no kau ninae?" Ua maopopo ia oe aohe a'u mea i ike e pili ana i kela wahine nana i kaili aku i kou aloha ame kou naau mai a makou aku koe wale no kau mea o ka hoike ana mai ia maua.

            "Malia paha he aloha okoa aku no kekahi ana e hoao mai la @ panai mai i ka hoka ia oe elike me kona hoohokaia ana, a ke hoao mai la ia kanaka e hookaawale ia olua i mea nou e hoka ai i lilo ka wahine a olua iaia la, ua ikeia aku; ua hookomo ia kanaka i na olelo ku-e iloko o kela wahine nou, a malia, ua huli hou ka noonoo o ka wahine a olua ia kanaka." Akamai keia mau olelo pale a hoopii inaina ma ka aoao o ke kaikuahine.

            "He manao naaupo loa kena ou, e Miriama, ke ike aku nei au i ka liilii loa o kou me ka hoomaopopo i ka maemae ame ke kupaa o ka manaoo ka wahine a'u i mare ai!"

            "He oiaio, aole oe i ikemake iaia; aka, in a no kou ike nei iaia hookahi au nana ana ua lawa loa ia e hooiaio mai ai ia oe he wahine opio mae mae kupaa loa oia e hiki ole ai i kekahi ke hoowalewale iaia."

            Hapai ae la ka Lede Linetona i kona mau mau poohiwi ma ke ano me he mea la e i mai ana aohe on a manaoio.

            "No kau mau leka, ina ua manaoio oe ua hunaia a i @ haehaeia paha ma keia aoao o ka Atelanika, ke a'o aku nei au ia oe e ninau aku oe ia Robata, no ka mea, oia ka mea nana e malama i kau mau leka apau maliaua ike paha oia."

            "Pela i'o no, o Robata ka mea kupono e nianu aku ai, aole o @! E hele aku ana au e ninau iaia; oiai aohe no he mea e ae @ loaa ke ki o ka ekeleka owau wale no," wahi a Sa Wiliama.

            Maha loa ae la ko ka Lede Linetona noonoo ia manawa no ia mau olelo @ ke kaikunane, no ka mea ua maopopo iaia ia manawa  aole i hoohuoi ke kaikunane nana i wehe i ka ekeleka, a pane mai la:

            "No Robaka, he kanaka oia i hana me kakou no na makahiki lehulehu i kaahope e hiki ole ai ia kaua ke hoohuoi iho nana i wehe i na leka a olua no ka mea, he kanaka hoopono oia ua maopopo ia oe ia mea."

            "A nawai la ka auanei, no ka mea, ke nana iho au ma ko'u mau aoao apau aole o'u enemi. O, he manao pilihua loa keia i hiki ole ia'u ke hoomanawanui, ua like keia me kekahi laau-make e hoomake ana ia'u oiai ua nui loa kuu aloha i kuu wahine ame kuu leiki!" i pane aku ai ka Sa Wiliama me kona eu koke ana ae a ku iluna a hoomaka iho la ka holoholo ana maluna o ka papahele.

            "He mea oiaio ia au i olelo mai, he hana hoao koikoi loa io no keia ia oe, aka, heaha auanei ka mea hiki ia kaua ke hana aku o ka hoao wale iho no i ka hoomanawanui." i pane mai ai ke kaikuahine ma ke ano uhiuhi lau mamae.

            " He hana hoao! Eia nae, ia'u e nana aku nei ia oe, e Miriama, me he mea la aohe ia mea he aloha a he kaumaha iloko ou no'u ; ua like kou ano me he mea la e hoike okoa mai ana no aohe ou noonoo nui no ka'u wahine ame kau keiki."

            "Ina ua ike mai la oe ia ano iloko o'u, hookahi no kumu aole au i apono i kou mare ana i kela wahine haahaa a ilihune. He puupuu ikaika loa ia'u a ia mama pu ka hoike ma kau leka ua mare oe i kekahi wahine Amerika kuaaina haahaa loa i kulike ole me kou kulana.

            "No ia kumu aole au mea e ae e ike iho ana o ka hoehaeha a hoonaukiuki wale ia no o ko maua mau noonoo no ia mare ana ou ; nolaila no ka malowale ana o ko wahine ma ke ano maopopo ole aole i lilo ana ia i mea no'u e hookaumahaia ai, in a no Sede Fanamu ia nalawale ana ka wahine au i makemake ai nau, e loaa ana ia manao ia'u."

            "Ea, e oluolu oe mau kamailio hou mai ia'u i kekahi mea e pili ana no Sede Fanamu ; o kou lohe keia aole o'u make-make e mare iaia no na kumu lehulehu no a'u i ike ai i kona kupono ole e lilo i hakuwahine no keia home," wahi a Sa Wiliama o ka pane ana aku me ka pii o ka ula ma kona mau papalina.

            "He mea kaumaha no ia ke noonoo ; ina o kau wahine ia o ka mare ana elike ana ko'u aloha iaia me he kaikaina ponoi la no'u, aka," wahi ana mahope o ka noonoo ana, i ka nana aku me he la ke huli mai la ko wahine i mau hoike nona no ka hooiaio ana i kana koi he wahine oia i mareia me oe me ka manao e holo mai i nei a koi mai i kona kuleana i keia home. Ina nae o kana papahana ia i hoolala ai, aohe kanalua ke olelo ae eia oia ia nei he mau pule aku nei i hala.

            "Pela no, aka aohe maopopo o ia mea ia'u ; ei wale no ka'u e olelo ae, ina e maopopo ana ia'u ka mea a mau mea na laua i hana keia hewa pohihihi, a i lilo ai hoi i mea no'u ame kuu wahine e hooluhi a e hoopilihuaia ai ko maua mau noonoo no keia manawa loihi, e lilo ana i la kaumaha loa no ia mea hana hewa ka la e maopopo ai nana i hana keia hewa!" wahi a ka baroneta opio  me ka piha loa i ka inaina.

            I ka lohe maopopo ana aku o ka Lede Linetona i keia mau olelo ikaika a ke kaikunana, a i mea e ike ole ia mai kona he-lehelena e ke kaikunane ia manawa, lalau iho la i kekahi poo-moku lopi e ka'u ana i kona lole, a ia aea ana ae ana iluna ua like ka ula o kona mau papalina, me kekahi apana lolo ula i hoopiliia aku ma kona mau papalina, ke ano o ka mea o ka meae hoike okoa mai ana i kona hewa.

            "Ua hookaumahaia au i ka ike aku i kou kaumaha, e Wiliama, a manao au malia, mahope o kou hoololi ana i kou wahi e noho ai no kekahi manawa, a oia hoi ka hana maikai loa au e hana ai, e loaa ana no ka maha i kou noonoo. Heaha kau hana i hoolala ai la?" wahi a ka Lede Linetona me ka oluolu loa o ia kamailio ana mai ana i like ole me na manawa mamua aku.

            "Aohe a'u hana i hoolala ai, O ka'u wale no e makemake nei oia ko'u komo kino aku i kekahi hana hoohauoli, i uhiia ae na manao ame na noonoo kaumaha no kekahi manawa, a poina ka hoomanao mau ana i kuu wahine.

            "O ka'u e noonoo nei e holo i Kina a i ole i Iapana, i ke-kahi o na aupuni mamao loa i ka hikina ; in a aole ia mau au-puni alaila i Aigupita a i ole i Palesetina, kekahi o na aupuni mamao loa a i ole i kahi wahi e kaawale aku ai ka noonoo mau ana no ka noho mehameha," wahi a Sa Wiliama me ka huli ino ana kau i kahi e.

            "A hea oe hele? Ua hooholo anei oe no kekahi manawa maopopo?

            "Mamua o ka pau ana o keia pule, in a nae e hiki ana ia'u ke hooponopono a maopopo ke alahele."

            "He mau olelo kauoha anei kekahi au e haawi mai ana ia'u no ko'u hooko ana aku oiai oe e kaawale ana?"

            "Aole ; koe wale no e  noho mau iho no oe maanei elike me ka mau, in a e makemake ana oe, a in a no ka loaa mai o ke-kahi lono mai kuu mau mea aloha mai e auwana mai la ma Amerika, kauoha koke oe ia'u e hoi mai me ke kali ole."

            "Ua pono ia. Ua hooholo no anei oe i kau manao no ka loihi o kou manawa e hele ai? "Aole au i noonoo no ia mea. Ma ko'u manao  nae in a no ko'u halawai ole me kekahi uila e hoi mai ana no au maloko o ka mahina ; malia paha e noho aku ana au no umi makahiki ma na aina e, na ka maikai nae ia o ko'u ola kino loihi ka hoohala manawa ana aku."

            "E Wiliama, makemake au ia oe e hooikaika a e hookaawale aku i kena mau manao kaumaha mai ia oe aku , a e hoohauoli ia oe iho ma na ano apau," i pane mai ai ke kai-kuahine. "Aole o'u makemake e hoehaeha aku ia oe, ma ka mea oiaio, i kou noonoo iho me he mea la ua pili ka hewa i ko wahine no kona haalele ana ame ka pee ana ia oe, a ke ma-naoio nei au aia no ma kekahi ano ke noonoo iho he nui ka hauoli e loaa ana ia oe in a no kou okiia a kaawale mai iaia mai, alaila, no ke pani ana ma kona hakahaka hoihoi mai i kekahi wahine maikai a oluolu o ke kulana lede ianei, i haku-wahine no keia home, e lilo ai ka home nei i wahi oluolu a hauoli o ka noho ana," wahi a ka Lede Linetona.

            O keia iho la ka manawa mua loa i loaa ai ka manao koa iaia a hoolala mai kana mea i upu ia, eia nae, aole oia i hoo-makaukau iaia iho no na olelo ikaika e panaiia aku ana e ke kaikunane.

(Aole i pau)

 

HE LEI HOOMANAO NO KUU KAIKUAHINE SARAH AINA

 

MRS. SARAH AINA

 

            Ia op e Mr. Solomon Hanohano ; Lunahooponopono o ka Nupepa Kuokoa: Aloha oe: E oluolu mai hoi oe i kekahi kolamu kaawale o kau Nupepa Kuokoa, e hookomo iho i kela huaolelo e kau ae la maluna a nana hoi ia e lawe hele aku i ka moana ka aleale o ka hikina mai Hawaii, Maui Kauai, i ike mai na ohana o ka ainae noho mai nei, ame na hoaloha o kuu kaikuahine hele loa, ua hoi aku i ka home maha mau, oia o Mrs. Sarah Aina.

            Ua haalele mai kuu kaikuahine i keia ola ana, i ke ahiahi Poakahi o ka mahina i kaa hope aku la ; Sept. 18,1922 i ka hora 5:15, a ua haalele pu mai no hoi oia i kana kane aloha Mr. Charles Aina e noho hana nei i ka Mutual Telephone Co., me na keiki he ewalu (8) ka nui.

            HE elua keikikane ame eono kaikamahine. Ua hanauia o Mrs. Sarah Aina ma Kawaloa, Hana, Maui, iloko o ka mahina o Mei, 24, A.D 1881, a ua hoi hou aku no hoi oia i ka puhaka aloha o kona Mama lani, no ka manawa pauole, ka mea a kakou e ike mau nei.

            Owau o kona kaikunane ka i mua a Kaemfw @ tao shrd mfooa piha i ke kaumaha, ka hua mua a ka makua i haalele mua mai ia makou i keia ola ana oia o Sarah Keaupuni Kahookele, o kona mama oia no o Mrs. Mary Keaupuni.

            Ua hoonaauaoia oia ma ke kula hele la o Haou, Hana, Maui, i kona wa kamalii. Mailoko mai o ia kula i ka makahiki 1896 ua au hele aku oia me kona muli iho o Miss Emily Keaupuni i ke kula o Maunalou Seminary kahiko, a iloko o na makahiki elua o ko laua noho ana ia kula, ua pakele mai ko laua ola, mai ka pauahi nui mai o ko lakou hale kula kahiko, a hoi wale mai me ka lole ole, i ka home o ko laua makua.

            Ea! ua pau ka holoholo ana i na kahawai aloha o la aina, no ka lawai'a opae i Makokoko, ka pii ana i iwa, lauhala, ma na kuahiwi, ka ohi ana i na laulii o ka Maile.

            He makua kou i kamaaina i ka lehulehu o ke kaona nei, oa hana he kalewa iwa, ohe, maia eleele, iwaiwa, lauhala, ame na mea e ae.

            E Kuahine, i ka wa hea no la kauoha ae oe e kuu kaikunane e holo mai.

            Ua haalele mai oe ia'u me ka leka ole ae e noho mai ana i ka aina, ua ike aku au i kou ka pa lua a ma Puea oe e hoomaha mau loa ai, ame ke aloha pauole.

            He lala o Mrs. Sarah Aina no ka Ekalesia o Hana, Maui, ame ka Ekalesia o Kaumakapili.

            Ke haawi aku nei au i ko'u hoomaikai a nui loa ia Mrs. Bertelman, no ka lulu ana me ka puuwai aloha, a i kuu ohana, ame na hoaloha pu i akoakoa ae i kela po Poakahi, Sept. 18, A. D. 19922 ma 1836 Kahanu St., Kalihi-kai.

            Na ka Makua Mana Loa e kiai ia kakou i keia ao a i kela ao mau loa.

Amene!

            Me ka lunahooponopono o ka Nupepa Kuokoa, kou welina hope ame na keiki lima hei o ka papapa'i.

            Owau iho no me ke kaumaha, kona kaikunane hookahi.

                        SOLOMON KEAUPUNI

            1143 School St., Honolulu

 

E Kuai i Kou Mau

PONO HALE

ma ka

Hawaiian Furniture Co.

Helu 469 Alanui Moi,

koko i ke kihi o ke Alanui Liliha

He oluolu na kuai olelo ana

 

HE MANAO HOOMAIKAI

            I kuu mau haku makaainana koho baloka mai Maika Waipo ahiki aku i ka niu moe o Kalapana, ka poe hoi i hoomohala lokomaikai mai i ko lakou mau baloka, no'u ma ka la 7 o Okatoba, 1922, no oukou au i aie mui ai, a aole au e poina ana ia oukou ahiki i ko'u hooluolu ana.

            Ua haule au elike me ka'u i hoike ai, hanohano no nae au, ua loaa i ka'u moho Elele ka lanakila ma ka mokupuni o Hawaii, a o ka elua o ka'u mau manao hoomaikai, no Mr. Filler (Pila) ka hoaloha oiaio o ka poe ilihune, i wehe hamama mai i kona puuwai no'u ma keia hana nui he kalaiaina, keia ke kanaka kupono, e lilo i alakai no ka lahui.

            Nolaila, ma ka la koho nui e hiki mai ana i Novemaba ae nei, ke uwalo aku nei au mai poina ia Mr. Filler (Pila) e haawi iaia i na kakoo ana i makua no kakou i ka ahaolelo e hiki mai ana.

            Owau no me ka oiaio

                              JOS. N. KOOMOA

            Hilo, Hawaii, Oct. 9, 1922

           

            BOSTON, Mass., Oct. 22 Ua hoohui ae ka poe hopuhopu iole ia lakou iho ma kekahi hui uniona a olohani ae la a haalele i ka hana. Ua makemake lakou e hoopokoleia mai na hora hana o ka po. Oiai lakou e olohani ana he manawa ia no na iole e haumanona ai.

 

Kopa Moi Keokeo No Ka Mikini Holoi

 

He Kopa maikai loa i hiki ke hoohanaia

no na ano hana apau i pili i ka home.

Hiki ke holoi i na lolenahenahe loa me

ka pilikia ole. O kona oi loa aku o ka

maikai no na mikini holoi No ka holoi

i na pa âme holoi hale.

 

KUAI I PUOLO MAI KOU HALEKUAI MEAAI

MAI

 

T.H. Davies & Co., Ltd.

 

Na Akena Wale no no ka Paeaina Hawaii

 

 

Hoao i ke Kope Kona Kamehameha

Ke kope maloko olaila kona mau ano

maikai kumu apau, i hoomo'aia me ke

akahele loa, i wahi e moani ai ke ala,

a hookomoia aku iloko o na puolo ame

na kini, e komo ole ai ke ea iloko olaila

o ke Kope Kona Kamehameha

 

E nana i ka hoailona melemele. He

ono a mikomiko ka hoailona Kamehameha

i kupono i na Hawaii. Hiki ke

loaa ia oe ma na puolo o 1 paona a i

ole ma na kini 5 paona.

AMERICAN FACTORS, LIMITED.

 

 

O ke Kanaka Kuai i na Lako Hana Maikai ua Lanakila

e no Oia i ka Hapa o ka Hakaka

 

Aole hiki ia oe ke lawelawe i na hana maikai  me na meahana inoino.

O ke kanaka e hoao ana e hana me na  meahana inoino, e hoea

mai ana i kona wa e kiola ai, a kuai i na mea kupono, in a he noonoo

oia. Aka nae ua poho wale ka manawa ame ke dala maka hana ana pela.

Ke kuai nei o Lewers & Cooke, Ltd., i na lako hana maikai wale no.

 

KE MALAMA NEI MAKOU HE AHUA PIHA PONO LAULA O NA

LAKO MAHIAI AME NA LAKO KUKULU HALE

 

He Makemake Paha Kou i

 

KOʻI, KIPIKUA, KOPALA, HO, HAMARE, PAHIOLO, KOʻI, LIILII, NA

 LAKO KAMANA PIHA PONO, HOANA HOOKALA, PAKEKE.

 

Papa o Keia ame Keia Ano, na Lako Hao, Pena, Aniani

 

Kakau mai a i ole kipa mai no na hoakaka. E hookoia no na

kauoha apau ma ka leka me ka akahele ame ka hikiwawe loa.

 

LEWERS & COOKE, LIMITED

HONOLULU

 

Na I'o Pipi Momona Waeia Mai na Aina Hanai

Pipi Like Ole Mai o Hawaii Nei

            O keia I'o pipi momona, ka papa maikai hookahi ma ka makeke, a ke kuai

hoolilo mei manou, ma ke kumukuai haahaa, me ka hoopono maoli.

            Eia keia mau kumukuai malalo loa iho o ko na makele e ae, a hui pu iho

me na kulana maemae e hoohanaia nei e makou ma ka lawelawe ame ka hoahu

ana i na i'o pipi, he mea pono e lilo ko makou makele i makeke nou.

 

Pipi Ku Mokupuni……………. 15c o ka lb.

Kulana Aoao o ka Pipi…………… 15c o ka lb.

Ku'eku'e Pipi…………. 12 1/2c o ka lb.

Pipi Palai Iwi Hoehoe…………. 15c o ka lb.

Pipi Palai Uha…………… 15c o ka lb.

Kulana Aoao Koala………….. 15 1/2c o ka lb.

I'o Hipa Ku………………… 10c o ka lb.

I'o Umauma o ka Hipa…………………. 10c o ka lb.

I'o Hoehoe Palupalu……………….. 12 1/2c o ka lb.

WAIUBAKA MAILE………………… 50c o ka lb.

 

METROPOLITAN MEAT MARKET

E ninau no LUI; he oluolu na kuka'i ana ma ka kaua olelo makuahine.

Hele mai, mai hilahila!