Ka Nupepa Kuokoa, Volume LXI, Number 50, 14 December 1922 — Page 7

This text was transcribed by:	Kamehameha Schools Gift To Dr. Chun
This work is dedicated to:	Dr. Michael J. Chun

Ka Nupepa Kuokoa

KE KILOHANA POOKELA NO KA LAHUI HAWAII.

Makalei, ka Laau Pii On a a ka Ia o Moa-ula-Nui-Akea i Kau-lana

HE MOOLELO KAHIKO NO KA HULI KOOLAU

O KAILUA AME WAIMANALO, KA NANEA O KE AU O KA MANAWA

Ia wa no i ku ae ai o Haumea imua, kamailio aku la ia Niula i luna nau olelo hope apau, o ka wa ia i po'i iho ai ka ohu ame ka @oa, a nalowale o Malea i ke hoa ka lilo, haaheo i ka ili o ke kai.

I ka hou âme ka noe i ma-o ae ai, nana ae la o Niula ma kahi a kana moopuna i noho ai me ke kau ana mai o ke anoano aloha iaia no kana moopuna.

I ka ohu uhiwai o Konahuanui e po'ipu nei, aohe mea ike. ilaila, o Kahimihiniula ame Haumea i haalele iho ai i ka poli kupuna, a i ka mao ana ae o ka noe, ike iho la o Kahinihiniula, eia laua i ke kahakai kahi ka ai, a ike pu aku la no hoi oia i kona mau hoa aukai o Kalaeokailio hookahi e noho ana i ke one, a hookahi e ku ana i loko o ke kai me na papa heenalu maoanoa nunui loihi i opakaia omua o ke poo o ka papa, ua hinua i ke kukui a noho ke aka.

Huli iho la o Haumea a olelo ia Kahinihiniula me ka haawi ana mai i ka i'a.

"Eia ko i'a mawae no ko huakai hele, lawe aku oe a haawi ia Keohaimakaokekua nana e haawi mai i ko heolana o keia huakai au me ko mau hoa."

Kahea aku la oia: "E Keoahumakaokekua e, eia mai ke kamahele, me olua aku ka hana i koe, e lawe me nae olua iaia a hui ae kakou i ka mawae o ka Hunananiho."

Pau keia mau olelo a Haumea, o ka nalo aku la no ia i ka ehu a ke no. A hala ke aiwaiwa o Nuumea, hele aku la o Kahinihiniula a ku i ka aeone me ke kahea ana aku ia Keoahimakaokekua:

"Eia la e, eia ke kauoha i haawi-ia mai nei ia'u e lawe mai au a haawi i keia i'a ia oe."

"Ho mai," wahi a Keoahimakaokekua. Hookokoke mai la oia i ka keone me ka panee pua ana mai i na ana ekolu, a pili i ke one.

"Lalau mai la oia i ka i'a me ka @@@ana mai ia Kahinihiniula:

"@@ keia papa mawena la o kou @@@ ia, hele mai a kau, alaila hele @@@, no kahi i kauohaia mai nei."

Ia Haipu e noho nei i ke one, lohe ana huaolelo, iaia nae i ike mai ai, ua pulu na wawae o Kahinihiniula i ke kai, ku ae la oia i luna a hele mai la a hui me kona mau hoa.

"Makaukau kakou a hele aku, no laila o ke kauoha ia oe e kuu kokoo@@ o keia alahele, o ia kau e hooke, a pau ia, alaila hele kakou no kahi i kauohaia mai nei."

"Ae. wahi a Keoahi, huli aku la kona alo i ka moana me ke kiola ana aku i ka i'a ana e paa ana i kona lima i loko o ke kai, a hoopuka aku la i keia mau huaolelo:

O Kalohia o ka i'a mawelua lani,

O Hopuepue i hoolili e meha,

O pihaha ka i'a ia Ku,

O Pimoe o ke au pana'i o ka moku,

Ka hooulu moku pioeoe a pupupu,

A la'ola'o ka maka aiau o Lono,

Hoolono ana i ka halulu,

I ka poina kai o Kahiki mai aea,

Aea ke kai e ke Akua,

Popoi ke kai a Kahulumanu,

Kuhuluku i ka houpo o Kanue,

I ke awa hooulu a Kuiaiomoa,

Ke ala o ka wahine i Nuumea,

O ka pakui o ka lalani,

E kini akua e, e ka mano akua e,

E Lono e i ka ualo a'u a Keoahi,

Ka maka o ke Akua muki,

Ka maka o ke Akua muka,

O Kinilau e mano e,

E lono Kahiki,

Ku i ka moku no Kahiniula,

Eia mai ka alana la,

Kiina mai,

Na'u na Keoahimaka o oukoua e ke

Akua,

Ianei la kapu

Haila ka noa.

Pau keia mau olelo o Keoahi, o ka wa ia o Haipu i kena mai ai ia Kahinihiniula e kau iluna o ka papa.

A kau o Kahinihiniula iluna o ka papa, ia manawa no i lekei ae ai kena mau hoa iluna o ko laua mau papa, ma na aoao oia nei me ka heoho like ana ae o ko laua mau leo i keia huaolelo:

"Iuka i ka pohuehue ha-kanu," o ka wa no ia o ke kai i o-hu ae ai luna a like ke kiekie me ka honua @@ua ouka, me he kaihoee la, pii aku @ ke kai a pili i ka pohuehue, ia @@@ ana mai, ua like me ka waikahe @@luki ana i na mea apau ma kona @@, pela iho no o Kahinihiuiula me kona mau hoa i koia aku ai e ke kai a ku kahalelo i ka moana.

O ka aei o ke kai i hoi hou ai i @ai, o ia ka nalu nana i lawe aku ia Kahinihiniula me kona mau hoa a @@@ ana i kahi a Haumea e noho @@@ ana me na hoa paani ame ke @@ina o Haumea ma kahi e o nei @@@mea o Hanauma.

Aniki o Kahinihiniula ma, hele @@ ia ahiki i ke alo o Haumea, ku- @@@ iho la, i mai la o Haumea iaia: Ke hele nei oe me ko mau hoa keia huaka'i au. hookahi no au a hoolohe o ka olelo a ou mau 'a'ole, mai hookuli oe, no ka mea he akua kanaka, o kahi au e hele nei, e ai ana oe, e moe ana oe, a in a e haawi mai i kou wai e inu iloko o ka puniu mai inu oe, in a iloko o ke kiopu lau laau, mai inu oe, in a e haawi mai iloko o ke olo, mai inu oe o make oe, anoai o ike i ko inu ole, kii e uhaki i ka huawai ihiloa e paa ana no me ke ka, e ulu ana i ka waena a lawe mai a haawi ia oe, alaila ka hoi o kou wai inu ia e inu ai.

"O ke kanaka pohina auanei au e ike ana, e moe lapuu ana ma ke kuono, i ka wa e laweia mai ai o ka huewai ihiloa a haawi ia oe, o Kaneluhonua ia, i ka wa auanei e ike mai ai i kau hana, a inu oe i ka wai o ua huewai la, ia wa oe e nana aku ai iaia, o kau ia e hoopaanaau ai a mai poina.

"Aia oe a ai i ka papaaina a ke akua, a ai pu oe me lakou, alaila o ka pahuhopu ia o kau huakai, a ku mai oe hoi no ka aina nei, a hui me ko kupunawahine, a ia wa oe e ku ai imua o ke alo o ke alii ame ka punahele ana, a ia oe e kaulana ai kuu inoa ia hanauna aku a kau i na mamo."

A pau keia mau olelo a Haumea, kau iho la oia i kona lima iluna o ke poo o Kahinihiniula a olelo mai la:

"Hele i pawa i ka moku ana o ke ao,

I ka pualena o Lailai ka lani.

O poele ka malama iluna,

O paloula o ka hoku makahi,

O Kauhiki malama o Kiha ka po,

O Manaiaulu o Hookupukupu,

O Kahai o na maka o Holaniku,

Ke ku manawa o Kuwahailo,

Na Hoaniani na Milipo,

Na ka po nui e hoolakolako,

Ina mai ke kama a Niau,

Mai ke alo o Papa Honua ke kama,

Na kuku aimoku e,

Uaia ka lani."

A pau keia mau kanenae ana a Haumea, ku ae la o Kahinihiniula iluna, haele pu aku la a kokoke ma kahi a Haipu ma e noho nei me na papa lo lakou.

"Hoomakaukau a hele i ka huaka'i hele, eia ke o no oukou e hele ai, a nau e Haipu e malama no ka hoahele o olua.

"Nana olua a hoeelo ka huihui a Makalei, i ke kumu o Haho, ia wa olua e hoihoi ae ai iaia nei ahiki i ke aka o ka moku, ua makaukau na mea apau.

"A pau ka hehi ana oia nei, ia wa oukou e hoi mai ai i ka honua aina nei o kakou, a kuu no hoi ka luhi o ka huakai hele, a malama o pulu ka ili o ka hookapuhi o kakou i ke kai."

Hopu aku la o Haipu i ka hokeo i ka lima o Haumea a paa iaia, kena mai la ia Kahinihiniula e pii a kau i kona papa.

Ia Kahinihiniula i kau ai iluna o kona papa o ka wa ia o ke anaina apau e kuku ana mahope o Haumea i iku maumau mai ai me ka leo nui e paha ana hoi i na huaolelo hoalala manao no ka huakaihele a ka hueu o Makawao, e ahaiia nei e ke aiwaiwa o Kaihilihiolaumiha.

A makaukau lakou iluna o ko lakou mau heeholua moana, ia wa i kahea ae ai o Haumea:

"Ku mai ka nalu nui nalu iki,

Palala opuu kai o Ikuwa,

Ka nalu halehale poipu o Welehu,

Lehu ka hoku o Nana ka malama,

Hoonanana o Hina manaiau e,

Hookauhua i ka moku o Ulukaa,

Kakaa ka lani nakeke honua,

Ke kai hoale i ka pe'a o Kahiki la,

Ku lia mai."

Pau no keia mau olelo, o ka wa no ia o ke kai i ooloku ae ai, a hoale aku la iuka, ia hoi ana mai o ke kai o ka lilo aku la no ia i ka lawe a ke au, no ka moana lewa ka ihu, a hoomanao ae la ka meakakau i na lalani mele a Kaehu, i kona manawa i laweia ai i Molokai, a peneia kekahi mau lalani:

Ialau na koa aupuni,

Halihali kai o ka uwapo,

Hooili na pio apau,

Ka luahi a ka ma'i lepela,

Hiki ke aloha kaumaha loko,

I ka ike ole i ka ohana,

O ka waimaka ka i kulu iho,

Hoopulu i ka papalina.

Pau ka ikena i ka aina,

I ka wehiwehi o ke kaona,

Hao Wauwiki la lilo hoi,

Ku ka huelo i ke kiamua,

E nonoho lua o Keoni Pulu,

Kipu i ka hoe mahope,

Hoohu ka helena o ke kai,

A he hoopiipii wale no,

Ikeia Molokai mamua,

Ua powehiwehi i ka noe.

Anoai paha hoi pela no hoi ke alahele o keia mau keiki, oiai aia no hoi o Molokai ke ku mai la mamua, aka he okoa nae ke alahele o keia mau keiki.

Mamuli o keia ikaika miki o ke kai, ua koia aku la lakou iwaho, ka wa no i kau opuu mai ai ka ale mahope o lakou, a iho aku la na papa o lakou nei i ke kaulu o ka ale, me ka ikaika o ka holo, ke nana la o Kahinihiniula, o ka pohina ehukai kana mea ike ahiki i ka lawe ana aku o Lehua i ka la.

Aia no hoi kona mau hoahele ke hoolaukanaka mai la iaia, me na olelo hoohoihoi.

"I hakalia kakou i keia kuluipo, a ao ae noho ana kakou i ka hale o kamaaina, o Kahikimaiaea a ko kumuhonua i kuhi mai nei ia oe, aole no i mamao loa, o ke kai ka mea nana i oki a kaawale; nolaila eia ko wahi koupu ke hu'ihu'i mai nei ke ano ahiahi."

"Aole," wahi a Kahinihiniula, "aohe o'u anuanu, o kau e ha'oha'o nei i ko kakou holo i keia poeleele, o ia nanea paha auanei a hookahi no ka ale ka po o ka moana, lana ana ka auwae kahi haiki."

"Kahuhu, mai olelo paha oe pela, o loheia mai auanei e ke kino o makani, laweia aku a lohe ko kumu, manaoia mai kakou he hoomaauea, a ili mai hoi ke ko'iko'i o ia mau mamalaolelo au maluna o maua."

"O i hoi e, na olua ka olelo," wahi a Kahinihiniula, "e hewa ai olua, na'u ka olelo no kou ike iho ke haha poele nei kakou i ka papai o Honolulu, i ke kapa kahakai o Kuloloia, a e ailolo ana paha kakou i ka naku poeleele, aohe mea ike a ka maka."

No keia mau olelo a Kahinihiniula, huli mai la o Haipu a olelo mai la:

"Ua pono kau olelo, a e kahea aku oe e Keoahi i pupuaulama no kakou."

I ka lohe ana o Keoahimakaokeakua i keia leo kena, o kona hoa, lalau mai la oia i ka ipu hokeo e ku ana mamua o Haipu a wehe ae la i ke po'i. Lalau iho la kona lima iloko o ka ipu, a lawe ae la iwaho he mea eleele me he puupuu lanahu la, ku ae la oia iluna me ka huli ana o ke alo ihope, a nou aku la i ka mea eleele ana e paa aua, a noho hou iho la ilalo.

Aole i li'uli'u iho, ua poha mai la he malamalama, nana i hoahuwale ae i ka ili hualala o ke kai, a waiho wale na mea apau ma ko lakou wahi e holo nei.

Ike aku la o Kahinihiniula i kekahi poe e hee ana i ka nalu maluna o na papa, a o kekahi poe hoi e kaha ana i ka ale me ke akamai nui, e paa ana hoi kekahi poe i ko lakou mau lima me ka holo ana a huli poepoe ae la.

I ka ike ana o Kahinihiniula i keia mea kupanaha ana e ike nei, ninau aku la oia i kona mau hoa.

"Eia ihea keia mea malamalama e a nei?"

"Aia no iuka o ka aina, e huli aku oe ihope e nana ai i ike oe."

Hooko aku la oia i ke kuhikuhi a kona mau hoa, huli mai la oia ma kahi o keia mea a, e hulili nei, ike mai la oia i keia puu kiekie e pahupahu ana i ka lae kahaki, a iluna o kahi oioi loa o ka puu kahi i a ai o keia mea.

"Ai ka aina ihope la i kahi o kela mea malamalama e a mai la, ke hele nei hoi kakou i kahi ike aina ole," wahi a Kahinihiniula i kona mau hoa.

"Aole ia he aina e ae, o Oahu nui no ia, ka aina kahi a kakou i haalele aku nei i ko kupunawahine, o kela puu au e ike aku la la, o Laeahi ia, ka i'a i'o alaea ono a Kuhuhonua, ka hoa hoopapa o ko hookapuhi, aia ilaila ka mea a, au e ike la mamuli o ko kaniuhu i ka poeleele."

"Heaha ka inoa o kela mea a malamalama i ka pouli?" wahi a Kahinihiniula i kona mau hoa.

"He maka ihu waa ia, he kukui malamalama heenalu no kanaka iki o ka moku no ka uuina i wawau e aha e!" Ua ikeia no keia mea a iluna o keia puu i ka wa o ke kaulu moku okohola, e hoi mai ai i Honolulu nei, a mamuli o ka ike ana o ka haole ia mea a, ua manao lakou he daimana ia, nolaila ke kapaia o ia inoa i kela puu o Daimana Hila ahiki i keia la, anoai paha o ia keia mea a Kahinihiniula e ike nei, in a pela, ua kahiko no ka waiho ana o keia daimana ilaila.

Ma kekahi moolelo hoi a ka meakakau i lohe ai, ua lilo keia daimana i kekahi kapena moku okohola, he Nika ka mea nana i kii a loaa, i ka po ke kii ana, a mai ia manawa mai ka nalo ana o ia mea, ahiki i keia la; nau e kuu mea heluhelu e kaupaona i ka oiaio ame ka ole o ia mau lono olelo.

Oiai o Kahinihiniula e hialaai nei i ka halahalakau a ka poe heepu'e ale o ka po, a i ke kokoke ana aku i ka pili o ke ao, noe mai la ka malohi makehiamoe i kona mau kiionohi, a kulana aku la kona wahi pauku kino iluna o Haipu.

I ka ike ana o Haipu i ka hiamoe o ko laua hoa, wehe ae la oia i ke po'i o ka hokeo, a nanao iho la i ke kuina kapa, a huki ae la iwaho, hoouhi iho la ia Kahinihiniula me ka hoomoe ana iho i ke poo iluna o kona uha.

Oiai nae o Kahinihiniula e lilo la me Niolopua i ke ao makani, o ka wa ia o Keoahimakaokeakua i ninau mai ai ia Haipu:

"Pehea, ua hiamoe loa ka haku o kaua?"

"Ae,' wahi a Haipu.

'Ina hoi ha pela, e ho'iho'i kaua iaia iloko o ka hale e moe ai, i mama ka kakou huaka'i?"

"Aia anei ihea ka hale au e manao nei e hoomoe i ka haku o kaua ilaila!" wahi a Haipu.

"Eia iho no hoi mamua o ko alo e ku iho la, no ka mea o kena ipu la ea o ka iewe kena o Kalaunioniolo, e hea iho paha oe la."

Na ia la ka olelo, he hooko ka Haipu, me ke kahea ana iho ma ka waha o ka ipu.

"E Laukapalili e, i malumalu no ko pulapula no ka niau ula i ka piko o Lailai ka lani."

O ka wa no ia i nee ae ai o kahi hokeo uuku i ka nui, a lilo ae la i po'i pohue, a kuapo'i iho la o Haipu maluna o Kahinihiniula, a nalowale, ia wa no i hoi ae ai kahi hokeo a kona kulana mua, me ke omo ana aku ia Kahinihiniula iloko o kona poli.

I ka ike ana o kona mau hoa ua nalo ka laua hoahele iloko o kapa ia Kinilau, o ko laua wa no ia i hehi aku ai i na papa me ko laua muu kapuai, me ka hopu ana iho i ka ipu hokeo a paa i ka lima, a lele aku la no ka aina i kapaia ka inoa o Upolu.

(No keia pule ae.)

HE HANA PILIKIA KA HUNA ANA I KE DALA MA KA HOME

He hana pilikia ka huna ana i ke dala ma ka home, elike me ka hoakaka a ka moolelo malalo nei, o ka banako kahi kupono a maluhia:

GENEV, Switzerland, Dec. 1-

Ua huna kekahi kanaka on a hale wili palaoa i kana mau bila dala banako i hiki aku ka waiwaiio i ka eha kaukani iloko o kekahi eke palaoa iloko o ka manawa emi mai o na loaa o ke aupuni a e hoolalaia ana ke kau ana mai i kekahi auhau maluna o na huina dala kumupaa a kela ame keia e loaa aku ana, a ke huli nei keia kanaka maloko o ka hale hoahu palaoa ma Argovie no ka hooikaika e loaa hou iaia kana mau dala.

O ke ekepalaoa i hunaia ai ua mau bila dala la ua komo pu me ka huina o na eke palaoa i laweia aku, a ua kuaiia aku e kahi kuai eke palaoa liilii i kekahi wahine, aole nae i hoike mai ia wahine ahiki i nei manawa no kekahi pomaikai ana i manao mua ole ai iloko o kaua eke palaoa ua loaa iaia.

Lehulehu o ka lahui Swiss iloko o ka wa emi o ke dala o ke aupuni i lawe i ka lakou mau dala i hoahu ai iloko o ka banako mai ka banako mai a waiho ma kekahi wahi mauhia ole elike me ia i ikeia malalo nei. Hookahi kanaka i hana elike me ka ke kanaka nana ka halewili palaoa i hoikeia ae nei i huna i kana bila dala iloko o ka barela o ka pu ki manu a i poina loa hoi ia bila dala. He mau la mahope mai me kona hoomanao ole ae he bila dala kekahi ana iloko o ka barela o ka pu ua ki aku la oia i kekahi rabati a pau ia bila dala i ka a ia e ka pauda.

HE WAIPUNA ME KE KII HAPA O KUHIO NO KE KIAHOOMANAO

I waipuna me ke kii hapa o ke Keikialii Jonah K. Kalanianaole e kau ana maluna iho maloko o ke kikowaena o ke kahua ka na keikikane ame ua kaikamahine o ka Ahahui Mamaka Kaua i makemake ai ma ke ano he kiahoomanao kupono e hanaia e nui ole ai na hoolilo no ke kukulu ana a e hoomauia aku hoi ka waihona dala no ka malama ana, o ia ano o ke kiahoomanao paa mau elike me ka waipuna ame ke kii hapa e lilo ana i mau mea hoike kupono loa no ka hoomanao ana a no ka hoike ana hoi i ka mahalo kiekie no ka elele. E kauia ia mau mea hoomanao maloko a i ole ma kahi e pili kokoke ana i ke kikowaena o ia ka manao hui o na luna o ka ahahui ka poe i malama ae i kekahi halawai ma ka Poaono aku la i hala.

O ka waipuna elike me ia i kukuluia ai i mea hoomanao ia Robert Louis Stevenson maloko o ka Paka Portsmouth, ma Kapalakiko, ka mea i makemakeia no ka elele i make me ka ahuula e kau ana maluna o na poohiwi.

HOOLAHA.

Oiai ua haalele kumu ole mai kuu wahinemare, Liwana Kamiko ia'u, o na aie apau ana e hana ai ma kuu inoa, aole e ili mai maluna o'u ke koikoi o ka hookaa ana aku ia mau aie.

SAM KAMIKO,

6533-Dec. 7, 14, 21.

HOOLAHA LULU MANAWALEA.

Ke hoikeia aku nei ka lohe ma keia i na lala apau o ka Hui Kokua a Hookuonoono o na Oiwi Hawaii, e lulu koke mai i ka hookahi Dala ($1.00) manawalea no ko kakou hoahanau Joseph K. Kalana i haalele mai i keia ola ana maloko o na la he kanakolu mai ka la e puka aku nei o keia hoolaha.

Ma ke kauoha.

B.N. KAHALEPUNA,

Kakauolelo H. K. H. O. H.

6531-Nov. 30; Dec. 7, 14.

T.O. MURATA FURNITURE STORE

(Na noho hoolimalima me lako pa maanei.)

Na Lako Hale Hou me Kahiko.

Hoolimalima me Kuai Hoolilo. 715 Alanui Hema, Honolulu, T.H. Kelepona 1695

E Kuai i Kou Mau Pono Hale ma ka Hawaii Furniture Co. Helu 469 Alanui Moi, kokoke i ke kihi o ke Alanui Liliha

He oluolu na kukai olele ana

Ma ke Kauoha.

TERITORE O HAWAII

Keena o ka Puuku, Honolulu, Oahu.

Ma ka hana e hoopau ana i ka MOTOR SUPPLY COMPANY, LIMITED.

OIAI, o ka MOTOR SUPPLY COMPANY, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na haua o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui p_ia me ia, elike me ia i koiia ai ma ke kanawai.

NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paa i keia manawa, ma kekahi alo iloko o ka hui i oleloia, e waiho mai i na kue ana no ka aeia aku o ka palapala noi i oleloia maloko o keia keena mamua ae o ka la 23 o Dekemaba, 1922, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora __ awakea o ka la i oleloia, a e hoike mai i ke kumu, in a he kumu kekahi i wahi e ae @e ia aku ai ka palapala noi i oleloia.

HENRY C. HAPAI,

Puuku Teritore o Hawaii.

Honolulu, Okatoba 17, 1922.

2526-Oct. 19, 26; Nov. 2, 9,16,23,30; Dec. 7, 14, 21, 1922

TERITORE O HAWAII

Keena o ka Puuku, Honolulu, Oahu,

Ma ka hana e hoopau ana i ka THE WAILUKU MARKET AND LAND COMPANY, LIMITED.

OIAI, o ka THE WAILUKU MARKET AND LAND COMPANY, LIMITED, he hui ia i kukuluia a e ku ana malalo a ma ka mana o na kauawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.

NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na kue ana no ka aeia aku o ka palapala noi i oleloia maloko o keia keena mamua ae o ka la 3 o Feberuari 1923, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, ma ka hora 12 awakea o ka la i oleloia, a e hoike mai i ke kumu, in a he kumu kekahi, i wahi e ae ole ia aku ai ka palapala noi i oleloia.

HENRY C. HAPAI,

Puuku, Teritore o Hawaii

Honolulu, Novemaba 28, 1922.

6532-Nov.30; Dec. 7, 14, 21, 28; 1922. Jan 4, 18, 25; Feb. 1, 1923.

TERITORE O HAWAII.

Keena o ka Puuku, Honolulu, Oahu

Ma ka hana e hoopau ana i ka MITSUWA SHOKAI, LIMITED.

OIAI, o ka MITSUWA SHOKAI, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala i hooiaioia i hoohui pu ia me ia elike me ia i koiia ai ma ke kanawai.

NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na kue ana no ka aeia aku o ka palapala noi i oleloia maloko o keia keena mamua ae o ka la 9 o Feveruari, 1923, a o kela ame keia mea e makemake ana e holoheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, in a he kumu kekahi i wahi e ae ole ia aku ai ka palapala noi i oleloia.

HENRY C. HAPAI,

Puuku, Teritore, Hawaii

Honolulu, Dekemaba 1, 1922

6533-Dec 7, 14, 24, 28, 1922; Jan. 4, 11, 18, 25; Feb. 1, 8, 1922.

HOOLAHA KUAI O KA APANA AUPUNI.

Ma keia ke haawiia aku nei ka hoolaha akea, ma ka hora 10 a.m., Poalua, Dekemaba 26, ma ka puka komo mamua o ka Hale Kapitala, Honolulu T. H., malaila e kuai hooliloia aku ai ma ke kudala akea i ka mea koho kiekie loa, malalo o na manao o ka Pauku 73 o ke Kanawai Kumu o Hawaii me ke Kanawai 143 o na Kanawai Ahaolelo o 1917, ka apana Aupuni malalo iho nei:

Apana 1, Na Koena Apana Aupuni o Pawaa ma ha'i aku o ke Alanui Moi a ma kekahi aoao mai o kahi Hooulu Meakanu Aupuni, Honolulu, Oahu, nona ka iliaina o 4308 kapuai kuea, oi aku a emi mai paha; kumukuai haahaa, $1724.00.

Na kumu aelike o ke kuai no keia apana o ia keia:

(a) Dala Kuike, ma ka haule ana o ka hamare;

(b) Na ka mea e lilo ai e uku i na lilo o ka hoolaha ana mahope koke iho o ke kuai;

Eia ke kii palapala aina e hoike ana i ka apana e kuai hooliloia aku ana ke waiho nei, a e ikeia no ma ke keena o ke Komisima o na Aina Aupuni, Hale Kapitala, Honolulu, T.H.

No na hoakaka aku i koe, e noi ae ma ke keena o ke Komisina o na Aina Aupuni, Hale Kapitala, Honolulu.

C. T. BAILEY,

Komisina o na Aina Aupuni.

Hanaia ma Honolulu, Novemaba 25, 1922.

6533-Dec 7, 14.

HOOLAHA I KA POE PAA AIE.

O KA HONOMAELE AGRICULTURAL COMPANY, LIMITED, (HOOPAUIA)

O ka mea nona ka inoa malalo iho nei, H. EDMONDSON, oiai ua hookohu pono ia i Kahu no ka poe paa aie ame ka poe paa mahele o Honomaele Agricultural Company, Limited, he Hui Hawaii, i hoopauia ma ke kauoha a ka Puuku o ke Teritore o Hawaii, i hanaia i Novemaba 9, 1922, ma keia ke haawi aku nei i ka hoolaha, i ka poe paa aie apau o ka hui i oleloia, no ka waiho ana mai i ka lakou mau koi, i ka mea nona ka inoa malalo iho nei, ma kona keena maloko o ka Hale Davies, Honolulu, T. H., iloko o 90 la, mai ka hoopuka mua ia ana aku o keia hoolaha. O na koi apau e waiho ole ia mai ana pela, e hoole mau loa ia aku no.

Hanaia ma Honolulu, T. H., Novemaba 15, 1922.

H. EDMONDSON,

Kahu no ka Poe Paa Aie ame ka Poe Paa Mahele o ka Honomaele Agricultural Company, Limited.

6531-Nov. 23, 30; Dec 7, 14, 21.

HOOLAHA I KA POE PAA AIE

O KA HANEOO AGRICULTURAL COMPANY, LIMITED, (HOOPAUIA).

O ka mea nona ka inoa malalo iho nei, H. EDMONDSON, oiai ua hookohu pono ia i Kahu no ka poe paa aie ame ka poe paa mahele o Haneoo Agricultural Company, Limited, he Hui Hawaii, i hoopauia ma ke kauoha a ka Puuku o ke Teritore o Hawaii, i hanaia i Novemaba 9, 1922, ma keia ke haawi aku nei i ka hoolaha i ka poe paa aie apau, o ka hui i oleloia, no ka waiho ana mai i ka lakou mau koi, i ka mea nona ka inoa malalo iho nei, ma kona keena maloko o ka Hale Davies, Honolulu, T. H., iloko o 90 la, mai ka hoopuka mua ia ana aku o keia hoolaha. O na koi apau e waiho ole ia mai ana pela, e hoole mau loa ia aku no.

H. EDMONDSON,

Kahu no ka Poe Paa Aie ame ka Poe Paa Mahele o Haneoo Agricultural Company, Limited.

6531-Nove. 23 30; Dec. 7, 14, 21.

HOOLAHA I KA POE PAA AIE

O KA HAMOA AGRICULTURAL COMPANY, LIMITED, (HOOPAUIA.)

O ka mea nona ka inoa malalo iho nei, H. EDMONDSON, oiai ua hookohu pono ia i Kahu no ka poe paa aie ame ka poe paa mahele o ka Hamoa Agricultural Company, Limited, he Hui Hawaii, i hoopauia ma ke kauoha a ka Puuku o ke Teritore o Hawaii, i hanaia i Novemaba 9, 1922, ma keia ke haawi aku nei i ka hoolaha, i ka poe paa aie apau o ka hui i oleloia, no ka waiho ana mai i ka lakou mau koi, i ka mea nona ka inoa malalo iho nei, ma kona keena maloko o ka Hale Davies, Honolulu, T. H., iloko o 90 la, ma ka hoopuka mua ia ana aku o keia hoolaha. O na koi apau e waiho ole ia mai ana pela, e hoole mau loa ia aku no.

Hanaia ma Honolulu, T. H., Novemaba 15, 1922.

H. EDMONDSON,

Kahu no ka Poe Paa Aie ame ka Poe Paa Mahele o Hamoa Agricultural Company, Limited.

6531-Nov. 23 30; Dec 7, 14, 21.

HOOLAHA I KA POE PAA AIE

O KE KAWAIPAPA AGRICULTURAL COMPANY, LIMITED, (HOOPAUIA.)

O ka mea nona ka inoa malalo iho nei, H. EDMONDSON, oiai ua hookohu pono ia i Kahu no ka poe paa aie ame ka poe paa mahele o Kawaipapa Agricultural Company, Limited, he Hui Hawaii, i hoopaaia ma ke kauoha a ka Puuku o ke Teritore o Hawaii, i hanaia i Novemaba 9, 1922, ma keia ke haawi aku nei i ka hoolaha i ka poe paa aie apau, o ka hui i oleloia, no ka waiho ana mai i ka lakou mau koi, i ka mea nona ka inoa malalo iho nei, ma kona keena maloko o ka Hale Davies, Honolulu, T. H., iloko o 90 la, mai ka hoopuka mua ia ana aku o keia hoolaha. O na koi apau e waiho ole ia mai ana pela, e hoole mau loa ia aku no.

Hamaia ma Honolulu, T. H., Novemaba 15, 1922.

H. EDMONDSON,

Kahu no ka Poe Paa Aie ame ka Poe Paa Mahele o Kawaipapa Agricultural Company, Limited.

6531-Nov. 23 30; Dec. 7, 14, 21.

HOOLAHA I KA POE PAA AIE

O KE KAWELA AGRICULTURAL COMPANY, LIMITED (HOOPAUIA.)

O ka mea nona ka inoa malalo iho nei, H. EDMONDSON, oiai ua hookoou pono ia i Kahu no ka poe paa aie, ame ka poe paa mahelo o Kawela Agricultural Company, Limited, he Hui Hawaii, i hoopauia ma ke kauoha a ka Puuku o ke Teritore o Hawaii, i hanaia i Novemaba 9, 1922, ma keia ke haawi aku nei i ka hoolaha i ka poe paa aie apau, o ka hui i oleloia, no ka waiho ana mai i ka lakou mau koi, i ka mea nona ka inoa malalo iho nei, ma kona keena maloko o ka Hale Davies, Honolulu, T. H., iloko o 90 la mai ka hoopuka mua ia ana aku o keia hoolaha. O na koi apau e waiho ole ia mai ana pela, e hoole mau loa ia aku no.

Hanaia ma Honolulu, T. H., Novemaba 15, 1922.

H. EDMONDSON,

Kahu no ka Poe Paa Aie ame ka Poe Paa Mahele o Kawela Agricultural Company, Limited.

6531-Nov. 23 30; Dec 7, 14, 21.

Poi Makepono!!

E hoomaka ana mai keia manawa aku e loaa no le 32 Paona Poi i ka $1.00 kuike ma ka

Pacific Poi Factory

Helu 941 Alanui Moi, maka o ke Alanui Ololi Peterson, Palama.

32 PAONA NO $1.00

CITY MILL CO.

KEKAHI O NA HUI KAHIKO LOA MA HONOLULU NEI.

Poe kuai Papa, Pilihale, na lako Paipu na Laau Puka Aniani me Panipuka, lako Pili Hao; na mea no apau no ka home ma ke kumukuai oluolu loa.

Kukulu makou i na hale ma ka uku liilii ana, me na hookaa liilii.

O KA OI LOA AKU NO KA POE HOOKUONOONO.

Mai Poina---Hele Mai Ia Makou

Kihi e na Alanui Moiwahine me Keka@@ke. Honolulu, T.H.

Honolulu Planing Mill,

LIMITED.

POE HANA I NA PUKA LAAU ANIANI, LAAU HALE, OLEPELEPE, MOLINA, WAHI KAU.

ALANUI PAPU, ESPLANADE

Ka Pila

GRANFONOLA COLUMBIA

Maopopo ka Wa e Pau Ai

Na ka mea hoopaa nona iho e makaala ia ea now. Ua hiki ia oe ke hulahula ahiki i ka huaolelo pe loa.

Uku Liilii ke Makemakeia

Thayer Piano Co., LIMITED. 148-150 Alanui Hokele

Keena Hawaii

NO NA

Lako Hana Mahiko

Hapuku Kila Oliver Chilled ame na Palau

Na Katapila Cleveland

Na Katapila Fordson

Na Kaa Kalaka White

Na Kaa Kalaka Federal

Na Kaa Kalaka Ford

Na Hana Pili Amala

HANA I NA KINO O NA KAA UKANA ME KALAKA ME KA HANA HOU ANA

Schuman Carriage Co., Ltd.

Na Paionia o na hana Halihali o Hawaii nei

KA VICTROLA

--Ka Meakani Mele Kilakila--he meakani e pono e loaa ma kou home. Kauoha mai i na buke hoakaka o na Pahuolelo ame na Papa Leo Mele.

NA PIANO PAANI

NA ROLA PAANI

NA PEPA MELE HOU

NA PILA AHA

âme na mea apau pili i na mele.

Bergstrom Music Co.

1020 Alanui Papu Honolulu

HALE UWI WAIU

MAPULEHU

PUKOO, MOLOKAI

E Hooholo Ana i ka MOKUKUNA GESOLINA

LELEIONA

Mawaena o na Awa o Honolulu me Molokai

Geo. P. Cooke,

ONA.

Poe Lawe Hau me Waiu

He Apana Aina a he Home Anei Kekahi Ou, i Makemake Ai e Hoolilo no Kekahi Kumukuai Kupono?

E HAAWI MAI NA'U E KUAI HOOLILO NOU.

He nui ka po i haawi mai i ka lakou hanoha ia'u no ka makemake i home no lakou, a eia lakou ke kali nei.

FRED K. MAKINO

Kelepona 3052.

Keena Pa'i o ka Hawaii Hochi Alanui Moiwahine.

Mawaena o na Alanui Kaahumanu ame Nuuanu.

Kakela & Kuku

(KAUPALENAIA)

Poe Kalepa ma ke Komisina

A HE

Poe Agena no na Mahko Lehulehu

PAPA NA LAKO KUKULU HALE

No ka hoahu ana i kou wai ma na Pahu Wai Papa Ulaula o 5000 a 10000 Galani.

E hoolakoia aku no na kumukuai ame na hoakaka ia oe ke noi mai.

ALLEN & ROBINSON, LTD.

HONOLULU, T. H.

Nupepa Kuokoa

No ka makahiki (or a year)….$2.50

O na Dala âme na Hoolaha apau e hoouna pololei mai i ka ADVERTISER PUBLISHING CO., LTD wale no, P.O. Box 3110, Honolulu, T.H.

217 Alanui Moi, ma Waikiki o ke Alanui Alakea; ka Nupepa Advertiser.

Entered at the Post Office at Honolulu, T. H., as Second Class Matter.

SOLOMON HANOHANO, Lunahooponopono.

CHARLES S. CRANE, Luna Nui.