Ka Nupepa Kuokoa, Volume LXI, Number 50, 14 December 1922 — PAKELE NA OLA MA KE APUA [ARTICLE]

PAKELE NA OLA MA KE APUA

| Ma kahi he elua mile ka mamao j mai Puuloa aku, iloko o ka moana, i haule ai he mokulele, ma ka Poakahi iho nei, a pakele mai ke ola o ka poe ekolu e kau ana iluna, me i ka nui nae o na poino i loaa i kela ! mokulele. 0 ke kumu o ka haule ana o kela mokulele iloko o ke kai, elike me ka hoakaka a na kanaka lele moku, o ia no ka poino ana o ka enekini o ka mokulele, ma kahi he 500 kapuai ke kiekie mai ka ilikai ae. 1 ka manawa i !:aule ai o kela mokulele iloko o ke kai, ua holo koke aku la he moku kolo, no ka oihana kaua, a na kela moku i hoopakele ae i ka poe ekolu o ka mokulele mai ka poino mai, me ke kolo pu ana mai hoi i ka mokulele noloko o ke awa o Puuloa. Oiai nae, ua hoopakeleia mai na ola o kela poe. ekolu, aole no nae i nele ka loaa ana he mau palapu liilii ia lakou; o ka mokulele nae ka i nui o na poino, e hala ai kekahi manawa loihi e hooponopono hou aku ai, mamua o ka hiki ana ke lele hou il' na o ka lewa.