Ka Nupepa Kuokoa, Volume LXI, Number 50, 14 December 1922 — MAKEMAKEIA E KANU NUI I KA HALAKAHIKI [ARTICLE]

MAKEMAKEIA E KANU NUI I KA HALAKAHIKI

Ma ka huli hoi ana mai nei a Mr. Albert Horner, ka loea ana kopaa o ke aupuni» mai kana huakai aku nei no ka Mokupuni o Kauai, i hoakaka ae ai oia i kona manao, he oi loa aku ka pono, c kanu nui ia ka halakahiki, ma keia mua aku, ina na aina hookuonoono o Kauai, a e hoopauia kc kanu ana i ke ko. Ua ike oia, ma kana nana ana i na aina hookuonoono i knmiia i ke ko i keia manawa, i ka ulu maikai ole o ke ko, ma kekahi mau wahi, nolaila he hana hoopoho wnle no ma ka aoao o ka poe hookuonoono, ka hoomau ana aku i kc kanu ana i ke ko, maluna o ko lakou mau aina. Aole no nae i pau loa na aina hookuonoono ma Kauai, i mau aina poho no ke kanu ana i ke ko, elike me kana nana ana, aka ma na aina kiekie kahi loaa nui ole o ka wai, ma ia mau aina ke kupono e kanuia i ka halakahiki. Ma Lawai, ua manaoio o Mr. Horner, ua hiki ke kanuia na eka mawaena o ka 300 ame i ka halakahiki, mauka o ke alanui aupuni, nie ka holopono Joa, no ka mea he nui ka halakahiki e ulu nei i kanuia, ma na aina ma ka aoao makai o ke alanui, a ina e paa nui na aina ma kela wahi i ka halakahiki, ab)e ona kanalua iki, no ka nui o na pomaikai e ohiia, e ka poe no lakou ia mau'aina. Ma ke ano nui nae ke oleio W, ua lioakaka ae o Mr. Horner, he oi aku ka poe hookuonoono ma Kauai o ka poe hana maoli i ko lakou mau home mamua o ka poe o na mokupuni'e ae, a he heluna nui o kela p«e e hooikaika maoli mai nei ma ke kanu ana i na meakanu, e pomaikai ai lakou. No na aina hoi i kanuia i ke ko, wahi ana, he maikai no na aelike i hanaia ma kekahi mau wahi, a aole no hoi he maikai ma kekahi, aka nae he manawa no e hoea mai ana, e hoopauia ae ana kekahi mau hemahema i ikeia i keia wa. Mamuli nae o ka makemake nui ia o ka halakahiki i keia manawa, a ke hoolala mai nei na hui kanu a hana halakahiki o Hawaii nei, e hooi ae i ka nui o ka halakahiki, ua manaoio oia, o keia wale no ka meakanu kupono loa, iloko o keia wa, e kanuia ma na aina hookuonoono, ulu maikai ole o ke ko, no ka mea ua makaukau mau kahi e hooliloia aku ai o ka halakahiki, me ka loaa o ke kumukuai maikai. Mailoko mai o ka poe he 253 i lawe he mau home hookuonoono no lakou ma na wahi like ole o Kauai, he 187 o lakou, ke hana kino maoli mai nei i ko lakou inau aina, nie ka haawi ole malalo o ka aelike, i kekahi poe na lakou e kanu mai i ke ko, a i ka halakahiki paha. j SAN DIEGO, Dec. 9.—Aohe nuhou i loaa mai ahiki i ke aumoe no na kanaka lele i ka lewa, ke Konela Marshall ame ka Lukanela Webber. Eiwa mau mokuea e huli mai nei no laua.