Ka Nupepa Kuokoa, Volume LXI, Number 50, 14 December 1922 — E Ku Ana he Hale Puhipalaoa Nui No ka Hui Puhipalaoa o Love Ma Makai Ae Nei o Iwilei e Kukuluia Aku Ai Kela Hale Hou Iloko o ka Mahina o Ianuari me na Mikini Ano Hou [ARTICLE]

E Ku Ana he Hale Puhipalaoa Nui No ka Hui Puhipalaoa o Love Ma

Makai Ae Nei o Iwilei e Kukuluia Aku Ai Kela Hale Hou Iloko o ka Mahina o Ianuari me na Mikini Ano Hou

Aole e loihi loa ka nianawa mai keia wa aku, e kukuluia ae ana he hale puhipalaoa hou, e ka hui puhi palaoa o Love ma, a o ka halepuhi palaoa nui hookahi aku ana ia ma Hawaii nei. Ua loaa i kela hui he aina, e hiki ai ke kukulu i kona hale puhi palaoa, aia ma kalii i ku iho nei o ka halepaahao mua o Kawa, a ke kahaia mai nei ke kii o kela hale, e hoomaka aku ai ka waiho ana malalo o ka aelike, i ka hui koho haahaa loa, ma ka hapa hope ae nei o ka mahina o lanuari. O ke kahua e ku aku ai o kela hale puhi palaoa nui, aia ia ma kahi e huli pono ana i na alanui ekolu, 0 ia na alanui Iwilei, ke alanui o Kawa ame ke alanui Jarrett. O ka nui o ka hale puhi palaoa he 102 kapuai ka loa ma ke alanui Iwilei, a he 60 kapuai ka hohonu. No keia man&wa mua nae, he elua no hale •ke kiekie e kukuluia ana, aka ua hanaia ke kii no elima hale ke kiekie, o ia hoi, e paku'iia iho ana he ekolu mau hale hou maluna, 1 ka manawa e ikeia ai, ua lawa ke dala, no ka hoomahuahu ana ae i kela hale.

O ka hale puhi palaoa hou o ka liui puhi palaoa o Love ma, e kukuluia aku ana, o keia ke ano hale mua loa e ikeia ana maanei nei, a he mau mikini kona o ke ano hou loa, elike me ia e hoohanaia mai nei ma -ia hale puhi palaoa nunui ma na aina mamao. 0 ka lilo no ke kukulu ana aku i keia hale hou, aia ma kahi o ka $250,000, o ia hoi, he 40 pakeneka o kela huina no na hoolilo pili loa i ke kukulu ana i ka hale, a he 60 pakeneka no ke kuai ana i na mikini puhi palaoa. Na ke gas e hoomo'a ana i ka palaoa ma ka hoomaka ana aku e puhi i ka palaoa maloko o kela hale, aka iloko o ka wa pono e hoea mai ana, e hoopauia ana ke gas a na ka uwila e hoomo'a i ka palaoa. L T a loaa mai keia manao hoomahuahua i ka hale puhi palaoa o ka hui o Love ma, mamuli o ka mahuahua o ka oihana a kela hui, aole o ka palaoa wale no ka mea puhiia, aka o ka palena kekahi, pela me ka meaono, me ka hoolawaia o na wahi apau me ka palaoa mai kela hale mai, no ka maikai ame ka ono o ka palaoa, e hiki ai ke waiho no kekahi manawa loihi me ka inoino ole.