Ka Nupepa Kuokoa, Volume LXII, Number 1, 4 January 1923 — LILO IA W. NAPOLIONA KA AINA ME KA HALE MAKANA. [ARTICLE]

LILO IA W. NAPOLIONA KA AINA ME KA HALE MAKANA.

Mailoko mai o na tikiki he mau kaukani, i kuaiia e ka lehulehu, iloko 0 na la ame na po, e malamaia ana o na hana hoikeike a ka Ahahui Phoenix ; malalo ae nei o Aala Paka, no ka pule holookoa, ua kaa aku ia W. Napoliona, o ka Helu 687, alanui lolani, ka helu laki loa, ma o ka lilo ana iaia o ka makana a ka ahahui, he aina me ka hale, i liiki aku ka waiwaiio ma kahi o ka elima kaukani dala. O ka elua o na makana haawi wale, he kaa otomobile, ua lilo i ka helu 10954, a mamuli o ka hoea ole ana ao o ka mea nona kela helu, ma ka po o ka Poakahi nei, ua haawiia iaia he umi la, e hele ae ai e koi i kela kau, a ina e hala ana kela manawa, alaila e haawiia ana ua kaa nei, i ka mea nona ka lielu 1705. Ma ka oleloia, o keia hoikeike a ka Ahahui Phoenix, i liaawi ae ai ma Aala Paka, kekahi o na hoikeike holomua loa, mamuli 0 ka maikai ame ka ma-emae 0 na hana hoikeike, i laweia mai e Eddie Fernandez i Houolulu nei mai Amerika mai; e piha mau ana na' la apau, mai ka weheia ana 0 na hana hoikeike ahiki i ka pau ana, ma ka po o ka Poakahi nei.