Ka Nupepa Kuokoa, Volume LXII, Number 16, 19 April 1923 — MAKE MALOKO O KA HALEMA'I MOIWAHINE. [ARTICLE]

MAKE MALOKO O KA HALEMA'I MOIWAHINE.

O Mts. Fanny Markham Strauch, ka wahine mare a Paul E. E. Straueh, ma ka hora 3 o ka auwina la Poaha o ka pule i hala i pauaoho mai ai oia i keia ola honua ana maioko o ka Halema'i Moiwahine, mahope o kona kahaia ana ma ke kakahiaka o ia la. Ma ka po o ka Poakolu kona laweia ana aku iloko o ka halema'i no kona kahaia mamuli o ka nui o ka eha i loaa iaia maloko o kona kino, me ka manao ma ia kahaia ana e pakeie mai ai, eia nae, ua make aku la. Ma ka hora 3 o ka auwina la Poalima nei ka malamaia ana o kona anaina hoolewa maloko o ka halekupapau a Mr. Williams, a ma ka Ilina o Maemae i hoomoeia aku ai kona kino lepo. He kaikamahine o Mrs. Fanny Straueh na W. A. Markham, he leaikaina kona o Mrs. Emma Bertelmann a he mau kaikunane oi3 o George ame William Markham. Mawaho ae o kana kane elua anu mau kaikamahine e ola nei oia o Mrs. C. "W. Carpenter o Makiki, Mro. Sigmund Kahn o Kapalakikn, ame Paul K. Strauch, he keikikane e noho mai la i ke Kula o Kapuna,hon. Ma Honolulu nei no o Mrs. Straueh i hanauia ai mai ka puhaka mai o Mrs. Konale Markham, a iaia i moe aku la ua piha iaia na ! makahiki he 57 me na la keu. 1