Ka Nupepa Kuokoa, Volume LXII, Number 20, 17 May 1923 — NA KAA OTOMOBILE ME KE KAA MAKAI. [ARTICLE]

NA KAA OTOMOBILE ME KE KAA MAKAI.

Xui wale a lehulehu, na ona kaa otomobile, ame na kiakaa o na otomobi!e halihali ohua, i hoomaopopo ole, i ke ko'iko'i ame ka nui o na poino e kau aku ana maluna o lakou, mamuli 0 ka hooko ole i kekahi kauoha kanawai i hanaia, e pili ana i ka wa e holo ana o ke kaa makai, ame ke kaa o ka oihana kinaiahi ma na alanui. Ke ku nei he kanawai, e kauoha ana, ine ka papa ana i na ona kaa apau a i na kalaiwa ame na kiakaa, i ko lakou wa e lohe ai i ke kani o ka hoailona o ke kaa makai a kaa paha o ka oihana kinaiahi, e hoopaa koke lakou i ka holo ana o ko lakou mau kaa, me ka hoooili ana ma ka aoao o ke alanui. ahiki i ka hala ana o kekahi o kela mau kaa mair.ua. He nui ka poe e hooholo nei i na kaa otomobile, i maopopo ole i keia kanawai; ua ikeia keia, ma o ka hoao ana o kekahi poe, e hooholo i ko lakou mau kaa ma ka lakou wahi i makemake ai, me ka nana ole ae, no ka holo mai o ke kaa makai, i kekahi mau pule aku nei i hala. No ka palekana o ka lehulehu, a no ka hoonaauao ana ia lakou i kekahi o na rula ano nui o ka hele ana ma na alanui, a i ka hooholo ana hoi i na kaa, i ka wa o na kaa o ka oihana kinaiahi. ame ka oihana makai, e holo ana no ka hooko ana 1 keleahi :-nnv. hana pilikia, e hooko aku ana ka oihana makai, ike kan:: v : e ku nei; me ka ili aku ona ko'iko'i, no ka uhakiia o kela kanawai, maluna o ka poe e loaa aku ana i na kanaka o ke aupuni, e hooko ole ana i ua kanawai la, mamuli paha o na manao hookiekie, a i ole mamuli paha o ka naaupo. Penei ke ano nui o ke kanawai i hanaia, e haawi ana i ka pono alahele maluna o na alanui, i ka wa o ka pilikia: "Pauku 24. Pono Alahele o na Kaa Halihali ĪMa'i, na kaa 0 ka Oīhana Kinaiahi. na Kaa Makai ame na Kaa e ae. Ka wa i aeia: E loaa no ka pono alahele ina kaa apau o ka oihana kinaiahi, i ka manawa e holo ana no ka hooko ana i ka hana, a ma ka huli hoi ana mai paha mai kekahi pauahi mai, na kaa halihali ma'i apau, ina ia no ke aupuni, a no kekahi poe pilikia paha ame na kaa e ae, i ka wa e hoolimalimaia ai no ka halihali ana i ka poe ma'i a eha paha, i na halema'i, z 1 kekahi mau wahi e ae paha no ka lapaauia, ame na kaa o ka oihana makai, maluna o na kaa ame ka poe apau maluna o kekahi alanui, a ma kekahi kaoo huakai, koe wale no na kaa halihali leka o Amerika Huipuia; a i ka manawa o na kaa o ka oihana kinaiahi.. ame ka oihana makai, e hele ai no ka hooko ana i kekahi kahea. e ku malie na kaa e ae apau ma ka paehumu akau, o ke alahele a ia mau kaa e holo ana, ahiki i ka liala ana aku o na kaa o ka oihana kinaiahi ine ka oihilna makai, a aole e ku malie kekahi kaa ma kekahi alanui, koe wale no a pili kokoke aku i ka paehumu, a e kaawale loa ana hoi mai ka htri ana o kekahi mau alanui i maalahi ai ka huli hoi ana mai o na kaa o ka oihana kinaiani me makai," Aole he mau kumupale kupono ma ka aoab o ka poe e hoohok) ana i ko lakou mau kaa, a o ka poe paha e hele ana ma na alaiiui, e pakele ai, mai ko lakou hooko ana i keia kana--wai, no ka mea. e holo ana na kaa kinaiahi ame na kaa makai, rne ka hookani mau ana i na hoailona, me ka loheia i kahi mamao loa, koe wale no, a manao maoli iho ka poe no lakou na kaa, a e hele ana paha ma na alanui, e pale ae i ke kanawai. Xo ka hoopakele ana nae, mai na ulia ame na poino mai, e liio kakou i poe hooko i keia kanawai; oka poe e hooko ole ana maluna iho o lakou ka auamo ana i na hopena poino e kaii mai ana maluna o lakou, ina no ka hooku'iia mai e na kaa o ka oihana kinaiahi, a e na kaa paha o ka oihana makai, no ka mea no kela mau kaa, ka pono alahele apau, i hawiia e keia kanawai, iloko o na manawa e hoko ana i na kauoha awiwi no kekahi mau poino. 1