Ka Nupepa Kuokoa, Volume LXII, Number 20, 17 May 1923 — Nuhou Kuwaho [ARTICLE]

Nuhou Kuwaho

WAKINEKONA, Mei, 15.—Ua hooholoia e ka Peresidena Hording me ka maopopo loa e haalele iho ia Wakinekona no kana huakai no ko komohana ma ka la 20 o lune, oia ka mea i hoikeia ae ma ka Hale Keokeo ma keia la. . E kaawale aku ana oia mai ke Kapitala aku no aneane he 60 mau la. HANKOW, Mei 15.—Aneane 1000 mau koa ame na kanaka powa mua mai Honan mai i hoomoana ae ia lakou mawaho aku o keia kulanakauliale a ua waiho mai i ka lakou koi no ka makanaia aku i $150,000 nie kekahi huina nui o na poka pu ina ke ano he kumukuai no ko lakou hookaawale ana aku. Ua hoole aku na luna aupuni oloko o ke kulanakauhale i ka lakou koi ahiki i nei manawa. SHANGHAI, Mei, 15.—H0 lono i hooiaio ole ia ke hoakaka ana he ekolu o ka poe i paa ia ma ke ano he mau pio ka i kiolaia aku i ka pali ma ke ano he mea hoiko mua mai no ka hoawiwi ana i na kukakuka ana no ka hookuuia aku o na haole. Ma na lono i loaa ae ma Tsaokun mai ka poe mai i paa pio ia e hoakaka ana ia i ka nianaolana ole no ka. hooponopono a hoopau ana i na hana hoopoino a ka poe powa, koe wale no a aeia aku .u koi a ia poe. HILO, Mei, 15,—-Ua hoea mai ke Kiaaina Wallaee F. Farrington, i ukali pu ia mai e kana kakauolelo pili kino John F. Stono, ianei i keia kakahiaka, mai Honolulu mai maluna mai o ka mokuahi Haleakala, a ua hookipaia mai oia me ka oha* oha e na luna aupuni Teritore ame kalana ame na luna nui o ka Papa Oihana Kalepa o Hilo nei, ma ka Uwapo Kuhio.