Ka Nupepa Kuokoa, Volume LXII, Number 20, 17 May 1923 — HOOKU'IIA HE OTOMOBILE E KE KAA UWILA [ARTICLE]

HOOKU'IIA HE OTOMOBILE E KE KAA UWILA

No ka manao o Gasper, e hiki ana i kona kaa otomobile ke oili mamua, o ka hoi-n rna mai o ke kaa uwila, ma ke alanui Hokele me Muliwai, ma ke kakahiaka o ke Sabati aku nei i hala, i hooku'iia mai ai kona kaa otonobile e lee kaa uwila, me ka nui o na poino i Joaa i kona kaa, pela pu hoi me kana wahine, me ka hooku'iia ana aku o kekahi Pake, a haule iloko o ke kahawai o Nuuanu.

I kulike ai me ka hoakaka a ka M.ikai Carreira, e hookele ana o Gaspar i kona kaa otomobile ma ke alanui Muliwai, e hoea aku ai no ke alanui Hokele.

Oiai nae e hookokoke mai ana i ke alanui Hokele, ua ike mai la o Gaspar, i ke kaa jiwila, e holo mai ana ma ke alanui Hokele, no ke kulanakauhale nei, a no kona makemalee e puka mua kona kaa no ke alanui Hokele, mamua o ka oili ana mai o ke kaa uwila, ua hooi mai la oia i ka holo o kona kaa, o ka mea apiki nae, aole i oi aku ka holo, e oili ai makai o ke alanui Hokele.

I ka, hoea ana ma ke alanui Hokele, ua hoea pu mai la ke kaa uwila ma kela wahi, a hooku'i mai la mawaenakonu o ke kaa otomobile, me ke kiolaia ana aku o ke kaa otomobile no kanakolu kapuai.

He Pake nona ka inoa o Tong Ching Wong e hele ana m& ke alanui, i ka wa o ka hooku'iia ana mai o ke kaa otomobile, e ke kaa uwila, kokahi i hooku'iia mai e ke kaa otomobile, a koheoheo aua iloko o ke kahawai o Nuuanu.

Ua loaa he mau palapu ia Gaspar ma ke poo ame kona kino, a no kana wahine hoi, ua mokumoku kona a-i i ke aniani nahaha o ke kaa; no ka Pake hoi i haule ai iloko o ke kahawai, ua eha oia ma kona kuli akau, me ka lapaauia ana maloko o ka halema'i o na poino ulia.

TJa hopuia o Gaspar, no ke hewa holonui, eia ka. auanei, aole he laikini o kela kanaka, no ka hookele ana i kekahi kaa otomobile, na kela alia, i hoala ae i kekahi hoopii hou mawaho ae o ka hewa holonui, o ia no kona hookele ana i ke kaa otomobile, me ka loaa ole o ka laikini.