Ka Nupepa Kuokoa, Volume LXII, Number 21, 24 May 1923 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

MOOLELO HALAWWAI HANA O KA AHAHUI HOOIKAIKA KRISTIANO MOKUPUNI O KAUAI KAU O APERILA 1923.

 

La Hana Ekahi, Aperilla 20.

            Malamaia ka halawai ma ka luakini Hawaii o Lihue, hora 2:30 p.m., Peresidena J. K. Lota ma ka noho, hemeni ame ka pule a G. M. Huddy.

 

            Mamuli o ka hoi ana aku o ke kino i ka home honua kahi i hele mai ai, pela i hoi aku ai ke kakauolelo paamau o keia Ahahui no na makahiki loihi i hala ae la J.H.K. Kaiwi, i aloha nui ia, a nel@ keia Kau i ka hoomaka ana i ke kakauolelo. Ma ke kauoha a ka noho, e kohoia i kakauolelo no ka manawa, a na Mrs. Meheula i waiho mai i ka inoa o Abbie Kaauwai, kokua o hooholoia. Hoomaopopoia na lala o ka Aha.

 

            Hanalei C. Ei Sr., Mrs. E. Werner, peresidena, Mrs. Julia Lota, Elele; Koolau C. E., Makua, J. Kano, elele; Kapaa, C.E., Makua, Cummings, peresidena, Sam Kaahu, elele; Lihue, C. E., Makua, Mrs. Montgomery, Hope, Mrs. Malina, elele; Hanapepe C.E. Mrs. Maliekai, peresidena, aole i hiki mai, Mrs. Sabo, elele; Waimea C.E. Makua me Opio, Mrs. N@awa, peresidena, Mrs. L. Wright, elele; Hanalei C.E. Kuwaena, Hon. S.W. Meheula, peresidena, Mrs. Meheula, elele; Kapaa C.E. Kuwaena, Miss Elaine Mahikoa, peresidena, aole i hiki mai, Mrs. Elaine Kaiu, elele; Lihue C.E. Kuwaena, Miss Emma Luke, peresidena, Miss Rosalei Lovell, elele; Hanalei C.E. Pokii, W. Werner, alakai; Koolau C.E. Pokii, Mrs. Meheula, alakai; Kapaa C.E. Pokii Abbie Kaauwai, kokua alakai; Lihue C.E. Pokii, Mrs. Keahi, alakai, Miss E. Malina, elele.

 

            Koho ka noho i na Komite: Kaneakua, Rev. Keahi, Mrs. Sabo, no na hana hou. Abbie Kaauwai, hoalohaloha. Mrs. Werner, Meeawa, Hunt, wae i na luna nui. A@hi Jr., Mrs. Wright, Erdman, na lunakanawai o ka himeni hookuku o na C.E. Aperila 22.

 

            Na ka Peresidena i kana hoike o ke Kau o Okatoba 1922, e hoike ana, o ke kulana o na C.E., ua like me he alapoo la, ka pii aku ame ka iho mai; o ia hoi, hana, hana ole; he holo a he nee, a na D. Kapahee, komite hoeueu i kana hoike, a aponoia keia mau hoike elua.

 

            Hoike a ke Kakauleta Kaneakua i ka nui o n lala C.E., ma ka huina nui, elike me na papahelu i loaa mai he 745 apono a hooholoia ka hoike. Na Rev. Keahi, komite no na hana hou: 1-I himeni hookuku hou no ke Kau o Aperila 1924; 2-Na loaa lulu o ke Sabati ae, Aperila 22.

 

            Ma ka manao o na lala no ka mahele mua, e hoomauia ka himeni hookuku hou ma ke Kau i oleloia, ua hoole ka Peresidena. Lota i keia manao i himeni hookuku hou mamuli o na kumu maopopo a oiaio no hoi. Ma ke kauoha a ka peresidena, e hele mai kela m@ keia C.E., pakahi me ka lakou mau himeni i wae ai i ku i ka nani e naueue ai na uhane o ke anaina, ma ke ano he “Rally;” hooholoia.

 

            Mai ka peresidena mai no ka mahele hope, o n loaa lulu o ia la, i hapa o na loaa e hoihoi ia aku ma ka lima o ka Puuku Bayless, no ka waihona o n C.E., o keia Aha, a o ka hapa o na loaa i koe, no na hoolilo paina o ia la: Apono lokahi ia e ka Aha.

 

            O ka hoike waiwai a ka puuku o keia Aha, ua aponoia, Hoike a ke Komite Wae inoa o na luna nui o ka Aha Paeaina ame ka Aha Mokupuni, Rev. Akaiko Akana, peresidena nui no na C.E., o ka Paeaina, james K. Lota, hope peresidena nui. Lucy K. Wright, peresidena no ka Aha Mokupuni; Abbie K. Kaauwai, kakauolelo; Rev. Bayless, puuku; J. Mahiai Kaneakua, kakauleta; D.K. Kapahee, komite hoeueu; A.G. Kaulukou, hoa kuka. Na Komite Kiai – Mrs. E. W. Werner no Hanalei; Mrs. Lydia Meheula no Koolau; Mrs. Elaine Kaiu no Kapaa; Mrs. Laile Malina no Lihue; Mrs. Marggie Blake no Koloa; Mrs. F. Sabo no Hanapepe; Mrs. Lucy Wright no Waimea.

 

            Ma ke noi a Kaulukou, ua kokuaia ka hoike a ke komite a hooholoia. Hoopanee ka Aha me ka himeni 82 L.H., me ka pule a ka Haku.

 

La Hana Elua, Aperila 21.

            Peresidena Lota me ke kakauolelo ma ka noho, himeni 21 L.H. me ka pule a ka Peresidena. Ma ke noi e hilinaiia ka moolelo ame ke kaheainoa a ke kakauolelo, holo.

           

            Na D. Kapahee i heluhelu mai i na hoike a na elele i waeia ae ma na mea ano nui o na hoike, a na ka peresidena he hooponopono i ka hoike a keia Komite. He 14 hoike elele i loaa aku ma ka lima o ke komite, a he elua hoike i komo hope loa mai iloko o ka Aha i ka wa i pau ai ka hoike a ke Komite, a i aponoia me na hooponopono o ia ke C.E. Makua o Koloa ame C.E. Pokii o Waimea.

 

            Ma ke hoike a ke Komite, e noonoo keia Aha i kiahoomanao no J.H.K. Kaiwi, ke kakauolelo kahiko o keia Aha i $100.00 aponoia. Na mahele dala ana: Kauai Hikina,

 

Na Hoa o ka Hui Himeni Hawaii

            E ku ana, mai ka hema a ka akau, Mrs. Andrade, Mrs. Clemans,ke alakai; Mrs. Pahu, Mr. Andrade. E kienenei ana: Mr. O Pahu, Steven P. Lukua, Mr. Schenck Clemans, lunahoohana.

 

HE LE@A MAI KEKAHI KEIKI HAWAII MAI AMERIKA MAI

 

            Malalo iho nei e ikeia ana na manao o kekahi keiki Hawaii, nona ka inio o Kiwini Lukua, o ke kakau ana mai i kona makuahine, Mrs. Rebecca Lukua o Honolulu nei, e hoakaka ana nona iho, na hana a ko lakou hui mimeni i laweia aku nei, ko lakou wahi e noho mai la ma Amerika, a pela aku. He mau mai, o keia malalo iho nei kekahi o kana mau leka.

 

            “E kuu makuahine, aloha oe a nui loa: - Eia makou ke hoomaha nei a ua ano maikai loa ae ko makou mau ola kino, aka nae aole i pau loa ke anu, eia no makou ke kunu nei aohe nae i like me na mahina i hala, a ke manao nei au, iloko o na pule elua paha e pau loa ai ko makou kunu a mahope aku paha makou e hele aku ai e makaikai i ka aina.

 

            “He mau mea ka’u i makemake ai ia oe e kuai mai no makou apau, o ia keia, i eono mau paa kamaa pale wawao Kepani, a e hooana mai ma kuu inoa a na’u ia e hooana mai ma kuu inoa a na’u ia e hoouna aku i ke @ala no kou kumulilo no na wahi kamaa pale wawae Kepani mua o makou ua pau loa i ka weluwelu; o ia wale no ka’u mau mea i makemake ai, a mai poina hoi i ka hoouna pu mai i buke e pili ana no na mokupuni Hawaii, mai poina oe i ka hoouna mai i hookahi o ia ano buke i kela ame keia mahina, o ia hoi ka buke i kakauia ma ka olelo Hawaii, ke ano buke i kakauia e Jack London & etc. he buke i kakauia ma ka Olelo Hawaii wale no.

 

            “He mau hoaloha maikai ko’u maanei i makemake e helhelu ia mau buke, a na’u e hoouna aku i ke dala no na lilo o ia ano buke, no ka mea e uku mai ana no kela mau hoaloha o’u ia mau buke. $35.00; Kauai Komohana, $35.00; a i ka Aha Makua, $30.00. Hooholoia.

 

            Hoomaopopoia ke alahele o ka Hope Peresidena Nui J. K. Lota ame ke Kakauleta J. Mahiai Kaneakua, i ka aha paeaina ma Honolulu, noi mai o J. Hano, i $30.00 no ko kakauleta, huina $60.00. ma ke noi no a J. Hano, i $30.00 ma Kauai Hikina, a i $30.00 ma Kauai Komohana. Hooholoia.

 

            Ma ka hoike hope a ka puuku o keia Aha, eia he $94.30 mai ka Puuku mua Rev. Lydgate mai i hoakaka ole ia ka mahele iloko o keia mau aha i kuleana ai i keia huina dala, ke noi nei au e koho keia aha i komite e mahele i keia huina dala iloko o na mahele ekolu o ka aha Makupuni nei, hooholoia, na komite mahele Rev. Keahi me Bayless.

 

            Mai ka Puuku mai no no na hoolilo o ke pa’i ana i ka himeni hookuku o ka la apopo, Aperila 22, he $38, me na keneka, ua ukuia he $36.83, a o ke koena aie i koe iho, ua oluolu i ka peresidena ka hoopau loa ana ia huina.

 

            Mai ka presidena mai na manao mai na manao hooikaika i na Ahahui e hoomaemae na lunanui ia lakou iho a no na lala i wahi e noho mai ai ka manao o ka Uhane Hemolele. Hoopanee ka Aha, a ma kahi e noho ai ka Aha Makua, himeni 196 L.H., me ka pule a Rev. S.K. Kaulili.

 

ABBIE KAAUWAI

            Kakauolelo o ka Ahahui Hooikaika Kristiano o ka Mokupuni o Kauai.

 

            Kapaa, Kauai, Mei 11, 1923.

 

            O K. Nishimitsu a i ole o M. Nishimitsui, ke Kepani i paa ae i ka hopuia e ka makaikiu Kepani Noda no na kumuhoopii eha e kue ana iaia no ke apuka. Ma ka hoakaka a ka makai lehulehu wale na Kepani i apuhiia e nei Kepani he mau huina dala liilii lehulehu.

 

            “Ke mehana mai nei na la apau onei, ua like loa keia wahi me Manoa o kakou, ke himeni mai nei na manu, a he ku no hoi i ka nani na meaulu apau ame ka nanaina o ka aina ke nana aku.

 

            “Ua kaahope aku na la anu loa, a ke hauoli nei makou i ka loaa ana o na la mehana, a pela hoi me na pua nani e pupua mai nei. Ua pau ka hoa ana o ka poe i ka lakou mau kapuahi hoopumehana ma na wahi apau, ke noho malie nei makou iloko o ka hale i nei mau la a i na ahiahi apau, ua hele aku makou e makaikai ma kekahi mau wahi no hookahi hora a hoi hou mai, no ka mea aohe no i pau loa ko makou anu.

 

            “Ma keia wahi, ina e loaa kekahi mea i ke anu he mau mahina e hala mamua o ka pau ana o ia anu ame ka ma’i, he ano e loa keia wahi aole like me Honolulu; maanei ina e loaa ana kekahi i ke anu e noho ana ia anu iloko o ke kino ahiki i ka manawa mehana, a ina loaa hou ia oe ia anu i ka wa mehana, e oi aku ana, o ia ko makou kumu e noho mau nei iloko o ka hale, ua olelo mai nae na haole, ua pau ko makou pilikia, pela no me ka ke kauka olelo mai, aka makemake makou e maopop loa mamua o ko makou hele holoholo ana ka me kela ame keia wahi.

 

            “Ma kela ame keia la e kono mau mai ana na haole ia makou e hele aku i ko lakou mau home e ike ai ia lakou, aohe nae o makou ae aku, no ke kumu no ho ma’i ka makou. Eia maanei he mau haole i holo aku i Honolulu, a i na ahiahi apau e hele mau mai ana lakou i ko makou hokele nei, e walaau ai me makou.

 

            Ua kaea maoli au i ka noho maanei, oiai he mau la loihi ka makou e noho ai mamua o ko makou hana hou ana aku. Ua loaa mai ia’u ka pepa hemeni a ke hoomaamaa

 

NA UEPNA LAWAI’A O KA WA KAHIKO ME KA LAKOU MAU HANA.

 

(Kakauia e Kawaikaumaiikamakaokaopua.)

(Hoomauia mai.)

 

            Ka Upena Paku’iku’i. Eia ke kolu o na mea e hoohanaia ai ka upena paku’iku’i. O ka hana ana me ka lau lai, e ko ai ahiki i kahi kupono e kuu ai ka upena; a he hana nui loa kela; a ua kupono ka lau no ke kii ana i na ano i’a like ole mai ke kai, hohonu mai; no ka i’a kole, he noho keia ano i’a i ke kai papa’u ame kumupapali.

 

            Nolaila, ua hana ka poe kahiko i mau laau houhou, ame ka laau melomelo; a ina me ka lau ka kekahi poe e hana ai, a houhou laau kekahi poe, e hiki ana i ka ekolu a eha kuu ana a ka poe houhou laau, alaila, huki ka ka lau; e eia kekahi mea i maikai loa ai ka laau. Ina he mau puupohaku, a mau alualua, a mau puko’ako’a paha, e noho ai ka i’a aole koe ana, a noho ai o kela mau alualua, no ka maka’u i ke koele o ka laau e hana mao ole ana mai o a o. Nolaila, o ke kolu keia o na mea e hoohanaia ai no ka upena paku’iku’i.

 

Upena Maomao

 

            O keia upena ka 10 o na upena lawai’a a ka poe kahiko; a o keia upena ka helu ekahi o na upena lawai’i a ka poe kahiko e kuu ai i ke kai hohonu; a i keia ano upena e ikeia ai na keiki ihu kani ame na keiki ihu pohue.

 

            I keia ano upena e holoa’ia ai ke kanaka, a e kele ai, a e pau ai ke ola. He hohonu kahi e kuu ai keia ano upena; mai ka umi kumamalua, ahiki i ka umi kumamalima anana  oi aku. Ua luu ka mea e kakau nei i keia ano upena me ka poe kahiko, a na keia ano upena i a’o mai ia’u i ke aholoa; a ano puhili no kekahi poe kahiko ia’u ma ka luu.

 

            Ma ka makahiki 1913, la 11 o Iune, he la nui ia no Napoopoo nei, nei au i ka himeni, “Hawaiian Rose,” he himeni u’i keia.

 

            “I keia la e hele ana makou e ike i kahi o ke Clams, o ia hoi ke olepe, no ka mea ua pii loa ke kai i keia manawa. O ka poe no lakou keia hokele, ke lawe ana ia makou e @li olepe; ke uku nei makou i ka uku kaulele i keia hokele he $5.00 no ka la, aka nae, ua ae mai ka ona hokele e hoemi mai i $3.00 no ka la.

 

            “He nani keia hokele, he rumi auau ko kela ame keia rumi moe, a o makou wale no na ili hauliuli e noho nei iloko o keia hokele, no ka mea aole he aeia o ka poe Paele e noho iloko o keia mau wahi. O ka $3.00 o ka la o ka noho ana, hui pu ia me ka lilo ai, a he maikai no hoi na meaai maanei, elike la me ia ma ka Hokele Moana.

 

            I na ahiahi apau e hulahula mau ana ka poe oluna o ka Roof Garden, aohe, kaki, a makou pu kekahi e hulahula no ka lealea, he Jazz Band ka mea nana e hookani ka leo hulahula. Ua poina au i ka hoike aku ia oe i keia, ina e noho ana makou maanei no elua mahina ua ae ka lunanui o ka hokele, e haawi mai i uku mahina no makou o ia hoi i $15.00 no hookahi mahina, a ua ae makou no ia uku, no ka mea, he emi loa ia uku, a ua haawi mai oia he kauoha e paani makou i na Poaono apau maluna a ka Roof Garden mawaena o na manawa hoomaha, a e uku oia ia makou i $15.00 no ka po; ua laki makou, no ka mea, e loaa ana ia makou he $15.00 uku kaulele. E hoomaka ana makou i ka paani ana iloko o Aperila.

 

            “Me keia mau manao liilii ke hooki nei au. Na ke Akua e kiai a e malama mai ia kaua a hui hou aku kaua.

 

            Kau keiki aloha,

STEVEN P. LUKUA,

Happy Hawaii Co., Swarthmore, Penn., Wyoming, Deleware, U.S.A.

 

Lune, he la nui ia no Napoopoo nei, no ka Moi Kamehameha, a o ka poe aholoa i ka luu, e hele e luu $5,00 makani; ua lilo ia’u. Makahiki 1914 la 11 o Iune, la nui hou ma Kailua, eo hou no ia’u $10.00 makana.

 

            Mai uluhua mai oukou i keia hoikeike a’u, no ka mea, o ke aholoa o ke kanaka ka mea e hiki ai keia mau upena.

 

            O ka upena maomao, ua like loa no me ka upena kole. Alole wahi ano okoa; kela maui laau puhi malalo o ka papa, pela no ka upena maomao. Na kalaau melomelo e kii ka i’a e hoakoakoa a kahi hookahi.

 

            I ka ike ana o ka lawai’a, ua nui ka i’a, ua kena mai la ka lawai’a i na waa upena e kuu ka upena, alaila, kuu ka upena; a pau i ke kuu, kahea ka lawai’a e luu like ahiki ilalo, alaila, nee like imua me ka oi ole o kekahi mamua o kekahi. Aia no ka lawai’a iluna, ame kekahi mau kanaka no ka luu ana e owili i ka waha; a ia ka ike ana o ka lawai’a ua kokoke ka poe luu i ka waha o ka upena, o ia kona wa e kena aku ai i na kanaka i koe iluna e luu lakou; a ike ka poe i keia poe ua ea ai lakou.

 

            Eia ka lawai’a ke nana nei i ka poe ae ae, ame ka poe kele, a holoai’a hoi; a i ka ike ana o ka lawai’a e kele ana kekahi, ua luu koke oia; a i ka paa ana o k@ waha i ka owiliia, alaila, huki ka upena. Hookahi no kuu ana, komo ka waa; a ina olelo mai ka lawai’a pehaa kakou e hoi? Ina olelo moi na hoa lawai’a, i hookahi a kakou kuuna i koe hoi kakou; alaila holo no ma kahi i maa i ka noho mui ia e ka maomao.

 

            I ka hiki ana o na waa lawai’a i kahi o ke kuuna, ua eleu aku la no ka lawai’a i kana, o ke kiloi i ka laau melomelo iloko o ke kai, kahi o ke kuuna e kuu ai; a i ka ike ana o ka lawai’a ua nui ka i’a, alaila, kahea mai la, makaukau. Kahea hou, kuene pono na waa; e olelo mai ana ka lawai’a e hookaawale na waa upena; e kuu, a o ke kuu aku la no ia a ku ilalo ka upena.

 

            Aia no i ke kahea o ka lawai’a ka luu o ka poe luu. E kaualako ana ka lawai’a i ka laau melomelo me ka i’a pu a kokoke i ka waha o ka upena, i ole e pau ke aho o ka poe luu; a kahea ka lawai’a makaukau, luu like, a ua iho aku la ilalo o ka hohonu o ke kai. O keia ka upena helu 1, o na upena lawai’a e kuu ai i kahi hohonu o ke kai a e luu ai ka poe luu.

 

            Kokoke 40 makahiki, aole ike iki ia keia ano i’a; no ka mea, aole poe e hiki ai e kii i keia ano i’a.

 

            O keia au hou, he poe ihu pohue wale no. O kekahi keia o na i’a ono loa, a no ka ono maoli no, ua hoomano ka poe kahiko i ke kii ana i keia ano i’a, me ka nana olo ae he make a he ola. Eha ano maomao, he maomao ele ame ka maomao kea. O ka maomao kea ka oi aku o ka ono.

 

            Me keia laau melomelo wale no e loaa ai keia ano i’a. Kupanaha no ka hahai o ka i’a i keia ano laau. Aole i’a koe aku i keia ano laau ke kokoke mai. Pau o ka liko me ka laele. O ka na Koolau hoi o Kailua, a Makalei, o ka na Kona nei hoi, Melomelo. No keia laau paha ke mele i hakuia ai. Ke uu nei ka melo i Waahila, Hoomaikai kela i ke one Ku.

           

(Aole i pau)

 

MOOLELO HALAWAI HANA O KA AHAHUI KULA SABATI MOKUPUNI O KAU’AI, KAU O APERILA 1923.

 

LaHana Akahi – Aperila 20.

            Noho ka halawai ma ka luakini Hawaii o Lihue, hora 1 p.m., Hope Lunahoomalu F. Sabo ame ke kakauolelo ma ka noho. Hoomaka na hana ma ka himeni 125 L.H. me ka pule a D.K. Kapahee. Hoomaopopo ana i na lala o ka aha.

 

            W.H. Rice, Peresidena Nui o na Kula Sabati, aole i hiki mai; J.K. Lota, hope peresidena nui; Hon. S. W. Meheula, Kahu Kula Sabati Nui o Kauai Hikina, aole i@ hiki mai; J. Mahiai Kaneakua, hope kokua K.K.S.N. o Kauai Hikina; Lucy Wright, K.K.S. N. Kauai Komohana; aole i hiki mai ka hope

 

            Na Kahu Kula Sabati me na Elele. Hanalei-E. Kuapuhi me J.M. Keone; Koolau-J. Werner, aole i hiki mai; J. Hano, elele; Kapaa-J. Mahiai Kaneakua me Sam K. Kaahu; Lihue-dickey aole i hiki mai, Mrs. Kaiawe, elele; Koloa-Mrs. Kaulili, hope, me Julia Kahaleai; Hanapepe-Mrs. Maleikai, aole i hiki mai, Mrs. Sabo, elel; Waimea-Mrs. Maeawa me Mrs. Hunt ame Waimea pake, Mrs. Ching, elele.

 

            Na Luna nui o ka Aha-F. Sabo, hope lunahoomalu; Abbie Kaauwai, kakauolelo; Rev. Bayless, puuku; J. Mahiai Kaneakua kakauleta; J.K. Lota, kamite houeu; a.G. Kaulukou, hoakuka.

 

            Koho ka noho i na Komite-S.K. Kaulili, J.K. Kaauwai, J. hano, no na hoike papahelu a na K.K.S.N., J. Mahiai Kaneakua, Kualili, Kaauwai, no na hoike papahelu a na K.K.S. me na hoike kihapai a na elele. Rev. C. Keahi, Keone, Kaaha, no na hana hou. Kaneakua, no ka hoike waiwai a ka puuku, d. Kapahee, Rev. Kaauwai, Rev. Keahi, Hano, Mrs. Hunt, Mrs. Kaiawe, komite wai inoa o na luna nui, Keahi, Kaulukoa, Bayless, komite hoalohaloha.

 

            Hapaiia ka hoike papahelu a na Kahu Kula Sabati Nui. O na hoike papa helu a na K.K.S.N. no eono malama mai Oct 1922 a i Maraki 1923, ua heluheluia a haawiia ma ka lima o ke komite.

 

            Hoike a ke Komite S. Kaulili, ke noi aku nei kou komite, e aponoia na hoike papahelu a na Kahu Kula Nui, kokuaia e Keone a hooholoia.

 

            Hapaiia na hoike papahelu a na Kahu Kula Sabati me na elele; o na hoike papahelu ame na hoike a na elele, no eono malama, ua heluheluia ma ke poo a haawiia ma ka lima o ke Kakauleta Kaneakua, ka lunahoomalu o ia Komite, a o ke dala mai na elele mai, i ke kakauolelo o keia Aha.

 

            Hoike a ke kakauleta kaneakua no na hoike papahelu a na K.S., i loaa mai ma ka huina nui he 651 haumana; aponoia ka hoike.

 

            Mamuli o ka loaa ole ana mai i ka wa pono o na hoike elele, i hiki ai ke houluulu i na mea i hanaia, pela i hiki koke ole ai ke hoolawa aku me na pepa i pa’iia, a malia o loaa aku no, wahi a ke kakauleta, hooholoia. Na Kaulili i heluhelu mai i ka hoike Komite no kekahi mau hoike elele i loaa, mai a aponoia.

 

            Hoopanee ka Aha, himeni L.H. 158 a pule o Kaulili.

 

La Hana Elua, Aperila 22.

            Hope Lunahoomalu me ke kakauolelo ma ka noho, himeni 158 L.H., a pule o E. Kuapuhi, ma ke noi a D. Kapahee, e hilinai ia ka moolelo a ke kakauolelo o ka halawai i hala aponoia. Na C. Keahi ke komite no na hana hou.

 

            1-I kauka no na Kula Sabati; 2-Himeni hookuku i ka Aha Paeaina; 3-I Hoike Papahelu no na Kahu Kula Sabati Apana ma ka olelo Hawaii.

 

            Hana Hou 1-Mai ia Mrs. Lucy Wright mai, ke komite i hoounaia mai e ka Ahuahui Kauka o na kumukula Sabati i noho ma ka Parish House ia auwina la, ua hoopanee ka noonoo ana o ua Ahahui Kauka nei a no keikahi manawa aku aole i ka manawa e noho ai o keia aha. Aponoia ke noi a hooholoia.

 

            Hana Hou 2-Ua waihoia na ka Peresidena W.H.rice, ka imi ana i alakai himeni no ka himeni hookuku.

 

            Hana Hou 3-Ua hooholo ka Ahahui, e pa’iina ma ka olelo Hawaii i 200 kope o ka hoike papahelu, a na ka waihona o keia Aha e uku i na hoolilo o ke pa’i ana; a o Rev. Keahi, ke komite pa’i.

 

            Hoike a ke Komite wae inoa i na luna nui, ma o D. Kapahee, W.H. Rice, peresidena nui, no na Kula Sabati; J.K. Lota, hope, Hon. S.W. Meheula, K.K.S.N.J. Mahiai Kaneakua, hope, Kauai Hikina, Lucy K. Wright, K.K.S.N. Mrs. M. Blake, hope, Kauai Komohana, Elizabeth Lovell, lunahoomalu; F. Sabo, hope, Aha Mokupuni, Abbie K. Kaauwai, kakauolelo, J. Mahiai Kaneakua, kakauleta, A.G. Kaulukou, hoa kuka; J. K. Lota, hoeueu; Rev. Bayless, puuku. Apono a hooholoia.

 

            Ma ke noi a J. Hano i kokuaia @ Kaulili, o na pomaikai apau o ka lulu Kula Sabati Aperila 22, e holo aku ia no na hoolilo o keia hoike, hooholoia.

 

            Hoike waiwai o ka puuku a aponoia. Ma ka hoike a ka Puuku, eia ma kona lima he $94.30, a he mea phon e maheleia keia huina dala iloko o na waihona ekoku @ keia Aha Mokupuni, kokuaia, a koho ka Aha i na komite mahele, Rev. Bayless, Rev. Kaulili, Kakauleta Kaneakua.

 

            Komite Papa Hana o ka Hoike Kula Sabati, Lota, Kaneakua, Mrs. Wright, Keahi, Kaulukou.

 

            He manao paipai pokole na ka hope peresidena, a ma ke noi, ua hoopanee ka Aha a ma kahi e noho ai ka Aha Makua, hookuu ka Aha ma ka himeni 48 L.H., me ka pule a J.K. Lota.

 

ABBIE KAAUWAI,

            Kakauolelo o ka Ahahui Kula Sabati o ka Mokupuni o Kauai.

 

            Kapaa, Kauai, Mei 11, 1923.

 

KUU KOAHANAU, MRS. ANNIE KAMAI, UA HALA.

 

            Mr. Solomon Hanohano, Luahooponpono o ke Kuokoa; Aloha kaua a nui:-E oluolu mai oe i kekahi wahi rumi kaawale o kau hiwahiwa a nana hoi ia e aha’i aku i ka lono kaumaha, mai Hawaii nui moku o Keawe, a hoea loa aku i ka welona a ka la i Lehua, ua hala o Mrs. Annu Kamai.

 

            Auwe no hoi ka minimina pau ole nou! Ua pau ka uwe hou ana i na ehaeha he nui. Auwe no hoi e!

 

            Ua haalele mai oia ia makou kona mau hoahanau, kuku kane ame kona papa aloha i hooneleia i ka lei, i ka la 17 o ka mahina o Aperila, auwe no hoi ka mea ehaeha o ka naau ke hoomanao ae nou.

 

            E Kaupo e, i ka ua pee pa pohaku, aole oe e hoopulu hou ana i kou mau hunahuna wai i kona mau lihilihi, ua pau, ua nalo no ka wa pau ole. Aloha wale o Iliiliiaholo, kahi hoi a kuu cousin i holoholo ai i na la e ola ana, aole i keia la ua nalo oia no ka wa mau loa.

 

            E Keawekapu hoi e, aia aku nei paha o Cousin ilaila, kahi ohi kiawe ai? Auwe no hoi oe e hoi mai kakou ke huli hele nei o bebe ia oi ihea la oe e loaa aku ai ke imi aku, aia aku nei paha oe i Kapuhau me Cousin Hana, auwe no hoi e, aole oukou e ike hou ana ia Cousin Annie, e maalo hou ana ma kou oukou home!

 

            Aloha wale o Keokea, ia wahi hoi ana i hoomanawanui ai i ka ehaeha, me ka manao aole oia e haalele mai ana ia kakou. Hoi mai kakou e cousin, ke hapapa wale nei no o kuku ame bebe Kahele, aole oi, ke huli hele mei no hoi o kane ia oe, ka hoa pili o ke anu ame ke ko’e ko’e i aloia ai in na la i hala.

 

            Aloha wale o Wailuku, malu i

 

HOAILONA

 

AEKO

 

Waiu Kia

 

He maemae me ka momona; maalahi ka hoowali ana. Hikiwawe ka ulu ana o ka bebe

 

ke ao, kahi a kuu cousin e hele ai. Aole oia e maalo hou ana ma kou wahi. Ua pau, ua nalo no ka wa mau loa.

 

            Ua loaa, mai ko laua mau puhaka mai he eloku mau hua, a ua lawe aku no hoi ka Makua lani i kana, a koe hookahi lei, ua imi aku la no oia i na lei a@i ana, e loaa aku ana no oia ia kakou ke imi aku; no ka mea, ko kakou alahele like no ia. A ko iho la no hoi ka olelo a ka buke nui mai ka lepo mai no oi ka mea ehaeha o ka naau ke hoomanao ae nona!

 

            Ke haawi aku nei au i ka’u hoomaikai palena ole i ka Rev. J.S. Poepoe, i kana mau pule hoomaikai ana no kuu hoahanau; ke haawi pu aku nei no hoi au i ko’u hoomaikai i ka poe i haawi mai i ka lakou mau ho ke pua.

 

            Ke haawi pu aku nei no hoi au i ko’u mahalo ia oi e Mr. Solomon Hanohano, Lunahooponopono o ke Kuokoa ame na keiki hoonohohua kepau ko’u welina pau ole.

 

            Owau iho no me ka luuluu..

 

MRS. IRENE AIPALENA,

Ulupalakua, Ranch Mei 10, 1923

 

            WAKINEKONA, Mei, 21. Ua hoopukaia ae kekahi manao e @a buro hoolaha nupepa Pilipine e hoakaka ana ua hoole loa ke kiaaina ke Kenerala Wood i ka oiaio o na mea i hoolahaia e olelo ana ua loaa aku i na solona kaukanawai o ka Ahaolelo Nui ma Wakinekona kekahi uku mai ka waihona dala aku @ ke komisina Kuokoa Pilipine, @ ke kokua ana i mea e loaa ai k@ kuokoa ia Pilipine.

 

Ma ka la 20 o Mei e Ukuia ai na

Bona Aie Aupuni

 

            E pau ana ka ukuia ana o na ukupanee apau e ke aupuni maluna o kau mau Bona Aie Lanakila ma ko lakou la e ukuia ai, Mei 20, 1923. Ma ka lawe ana mai i kau Bona Aie Lanakila ia makou mamua ae o Mei 20. E hiki ana ia makou ke hooponopono no ka uku ana aku ma kela la, a uku aku ia oe ma ke dala maoli, a i ole hookomo ae paha ma kau moohelu hoahu, a i ole hoomaka paha i moohelu hoahu hou. E loaa ana i kau moohelu hoahu he 4% i hoomaopopoia ma ka hapa-makahiki.

 

The Bank of Bishop & Co., Ltd.

Ka Banako Kahiko Loa ma Hawaii nei.

Kukuluia i ka 1958.

 

HUINA WAIWAIPAA HE $16,000,000.00 A OI.

 

$25. - $30. - $35.

E IKE NOU IHO

            AOLE OE E MAOPOPO ahiki i kou ike ana nou iho i na paalole maikai a makou e waiho aku nei no $25, $30 ame $35.

 

UA HOOPAAIA LAKOU

 

            O na Lole maikai loa ma keia kumukuai haahaa, mamuli mai ia o ke dala kuike.

 

$35 Paalole no ------$25

$40 Paalole no ------$30

$45 Paalole no ------$35

 

            Hookoe makou i $10 dala nau maluna o ke kumulilo, no ka mea ua oku makou i na hoolilo apau ma ka lawelawe ana i na paalole. Kuai makou no ke kuike. Hoolilo makou no ke Kuike. Aole moohelu kaki. Emi ka hoolimalima. Aole lawe. Aole h@opaa “kuai.”

 

Hoolilo Makou 3 Paalole no ka Puka o 1 Paalole

 

The MODEL

CLOTHIERS

FORT STREET next to CATHOLIC CHURCH

 

Western

Naphthenic Crude

Best for Motor Oils

            O ke ZEROLENE, i hanaia mai ka Aila Maka mai i waeia, me ka makou ano o ka hoomaemae ana, e hoomahuahua ana ia i ka mana ikaika o kou kaa ame na mile gesoline ma ka 5% ka oi aku, mamua o ka mea e loaa ana ia oe ma ka nui o na aila kumukuai pipii.

 

            Mawaho ae olaila e hiki ana i kou kaa ke holo mai ka 25% a i ke 50% ka mamao hou aku, mamua o ka hoomaemae ana i ka pa@u. Ua hooiaioia mai keia mau mea oiaio ma o na hana hoikeiki maloko o na hale waiho laau o keia Hui a ma ke alanui.

 

            Hoomau i ke Zerolene-ina no ia he emi mai. Nana i ka makou Pepa Hoike Hooma@u Pololei, no ka hooholo ana i ke ano Zerolene pololei no kou kaa.

STANDARD OIL COMPANY.

(California)

 

The Standard Oil

ZEROLENE

For Motor Cars.