Ka Nupepa Kuokoa, Volume LXII, Number 21, 24 May 1923 — He Moolelo Walohia Ko Vekinia Waiwai Hooilina Hoopuhiliia na Hana a ka Mea Manao Ino-Kau i ke Aki i ka Manawa Hope [ARTICLE]

He Moolelo Walohia Ko Vekinia Waiwai Hooilina Hoopuhiliia na Hana a ka Mea Manao Ino-Kau i ke Aki i ka Manawa Hope

"No kou pono, a no ka pono hoi o Miss Alekanedero, elike me kau i makemake mai ai ia'u e hana aku, i hooili ole ia na ahewa ana maluna ou, ke hoike aku nei au i kuu manao imua ou i nei manawa e hoao ana au e hoahiuhiu mai iaia mai oiai nae, e hoike aku no au ia oe i nei manawa, nui kuu makemake ame kuu aloha iaia iloko o keia manawa pokole loa a maua o ka hui ana; he nui a he lehulehu na kaikamahine u'i a*u o ka ike a halawai ana, eia nae, aole hookahi o ia mau kaikamahine i hoohihia mai i kuu puuwai aole no hoi hookahi o lakou i kaili aku i ke aloha mailoko aku o kuu puuwai elike me ia ia Miss Alekanedero, a o ka makamua loa no hoi oia 0 na kaikamahine nohea loa o ka helehelena ame ka waipahe o na olelo a'u i halawai ai. "Me kuu hunahuna ole iho i kela manao, a oiai o kaua wale no hoi maanei, a o oe hookahi wale no ke lohe aku ana i keia mea ke hoike aku nei au ia oe he kaikamaliine huapala maoli o:a a'u i ike ai, a ina o oe kona makuakane nana mai oia ma kahi o kou lilo wale ana no he kahu malama ipu poki nona, ua loaa ia'u keia manao e nonoi aku ia oe no kona lima ma ka mare, me keia manao nae, i kekahi la e hiki mai ana e lilo ana kona aloha ia'u, mahope o ko maua hui mau ana," a hooki iho la ke kanaka opio i kana kamailio ana, me ka pii ana ae o ka ula ma kona mau papalina. Nana mai la o Mr. Naika iaia me ka helehelena hoihoi no nei hunahuna ole o ke kanaka opio i kona manao, a i mai la. "Q iea'u mea i noonoo iho la e hoahewa mai ana paha oe ia'u no ko'ū hoike ole ana aku ia oe i keia manao mamua, a 1 ole ua hikiwawe loa paha keia hoike ana aku nei au i nei manao ia oe," wahi ana. "aka e ike mai no nae oe ua oi aku ka hana a kahi anela liilii Kupida maalea ma ke pahele ana i na noonoo o ka poe opio, a ua oi aku no hoi kana hana hewa ana mamua o ka mea kupono i na kanaka o keia ao, nolaila mai na karaima lehulehu ame na hana hoopoino e ae mamua o ka hiki ke lapaau aku. "No'u iho, he nui ko'u makemake ia oe, e Mr. Hamiletona, no kou mau ano maikai a pau a'u i ike aku ai me ka hoohewahewa ole, he mau ano maikai e hiki koke ai no i kekahi mea ke ike mai he kanaka opio oe i hoonaauao kiekie ia, ua ike 1 na loina maikai apau o ka hoolauna ana, ua pakaia a a'oaia ma na ano maikai apau eJilo ia i keonimana oiaio. "A eia hou, ina he makemake oe e loaa ka hookamaaina loa ana ia oe ame Miss Alekanedero ea, ma nei hope aku, alaila j e haaw! aku ana au ia oe i ka inoa o kona wahi i noho ai, a J ia wahi oe e hele ponoi ae ai, ke makemake oe e launa me :a maloko o kona home ponoi, a imua hoi o kona makuahine, a :na no kou makemake e lilo oia i wahine mare nana, imua no . kona makuahine ponoi o? e noi aku ai, ka mea i kuleana iaia e loaa ole ai kekahi akeakea a i ole kekahi pohaku paha e okupe ai oe ma kou alaliele. "Me ka mahalo nui ia oe, e Mr. Naita no kena mau hoakaka r.iaikai au, a mai hoahewa oe ia oe iho," i pane aku ai o Rupa-l ta 'me ka helehelena e haawi aku ana i kana hoomaikai me ka mahalo pu i ke keonimana aoo. "Ua ike au a ua hoomaopopo o kau mea i hana mai ai imua o'u i keia manawa ua hana wale mai no oe ma ka mea au i manaoio ai oia ka pololei ame ka maluhia, aole ma ko'u aoao w r ale no aka no kela kaikamahine hanai kekahi au." "O. me ka mahalo nui ia oe," a ia manawa hookahi, hopu mai Ia o Mr. Naita i ka lima o Rupata a puliki iho la me ka lulu ana iho, e hoike ana hoi i ka pumehana loa o ke aloha ona no ke kanaka opio ana e mahalo nui ana ia manawa, no ka paa ru!a ame ke kulana keonimana maoli no; "ina o Veki a he kaīkamahine ponoi na'u e haawi koke aku ana au i ko'u ae i ka manawa au, e Mr. Hamiletona, e noi mai ai iaia i wahine. Ina r,o ko hoi hou aku i Nu loka e hooikaika ana au ma na ano apau elike me ka man ai loaa ia'u e kokua aku i kou manao, e ke kanaka opio, me ka oiaio loa, ina nae e mau ana ka paa o kou manao ia manawa elike me ia i nei manawa, no Veki." "O. lokomaikai wale no ka hoi oe, e Mr. Hita i kekahi kanaka malihini loa ia oe," i haawi aku ai o Mr. Hamiletona i kona mahalo," a oiai aohe paha e loaa ana ia'u kekahi manawa kupono hou e noi aku ai o keia wale no, nolaila e hoike mai oe ia'u i ko Miss Alekanedero wahi i noho ai ma Nu loka, a ke loaa mai ia alaila e manao iho ana au o kekahi hana kokua maikai loa ia au e hana mai ai no ko'u pono." Alaila huki ae la o Mr. Naita i kekahi pepa a kakau iho la i ka inoa o ke alanui ame ka helu, a ia manawa hookahi ke noonoo pu la oia i ke kumu o ko ke kanaka opio olelo ana aku iaia aohe manawa kupono ea.ee loaa ai iaia hoike no kahi o Miss Alekanedero i noho ana, o keia manawa wale no, me he mea la i ka Mr. Naita noonoo iho e hoi loa ana no paha auanei ke kanaka opio i kona wahi mea ka loaa ole he manawa nona e hui hou ai me lakou ma ia hope aku. He manawa liilii ma ia hope iho, mahope o ko laua kamailio liilii ana maluna o kekahi mau kumuhana like ole, ua hoi like aku la i ka hokele, a ia hoea ana aku a laua hele koke aku la no o Rupata e huli i ka luna nui o ka huakai makaikai, a aole oia i hui hou ae me Mr. Naita ma a hala he hora hookahi ma ia hope iho. Ub ike ae nei kaua, e ka makamaka heluhelu, i ke kumu nui o ko Rupata hele koke ana aku e huli i ka luna nui Remona. no kona iini loa ia manawa e hookaawale koke iaia, i ole ai oia e hui liou me Miss Alekanedero, ka mea ana e makemake ole ana e hui hou elike me ko laua hui mau ana i na la mamua aku. Ma ia hoi ana mai a Rupata ua ikeia aku kona loli loa mai ko ka manawa mua mai. Kela ano hoihoi a laiwale ona aole ia. ua kukule oia i ka liapanui o ka manawa, me he mea la aohe uhane ola iloko ona. O Veki ka mea mua loa i ike aku ia loli loa o Rupata, a ua lilo hoi ia ano kukule o Rupata i mea nui nana e nalu ai me ka ninau mau iho heaha la ke kumu. Ma ia manawa he kakaikahi loa kona manawa hui mai me Veki, aole hoi elike aku me mamua ka pinai mau i ka makaha, oiai nae aole oia i mamao loa mai ka hokele aku a lakou e noho 3na ia manawa. Mahope o ka pau ana o na hana hoohauoli o ia ahiahi iho a hoi kela ame keia no kona rumi iho, hele aku la o Rupata hui me Vcki me ka naau kaumaha, a ia hui ana ae o laua. nana ae la o Veki iluna iaia me ka helehelena kahaha, me ka minoaka nae ma kona mau papalina, a i lilo ai hoi ia nana ana iluna i hana e aneane loa ai no ke kanaka opio i kana olelo hooholo i hana ai mai ka manawa mai o k °"E Ham.netonaj heaha ke kumu p ka loli ana o kou

mau ano i maa ia'u mamua aku nei, ua kukule maoli oe i ka'u nana aku ma kekahi manawa i hala ae nei, he nu hou kaumaha anei ka i loaa mai ia oe, a i ole aohe paha he maikai o kou ola kino?" "Aole no kekahi o ia mau kumu au i ninau mai la," i pane iho ai o Mr. Hamiletona, oiai kona mau maka e hakapono iho ana maluna o na maka o Veki." Hookahi kumu nui a o ia no ka'u i makemake ai e hoike aku ia oe i nei manawa. O kela mau hui mau ana a kaua me na manao hauoli o na la i hala aole ana la pela ma nei mua aku, a no ia hooneleia i loaa iho ai ia'u ke kaumaha me ka minamina nui no ka loaa ole o kekahi launa maikai hou ana me na hoaloha hia nei mua aku. Ua hooholo au i kuu manao e holo pu me kela poe e holo ana no Mekiko a e holo koke aku ana au me lakou, a o ko kaua kaawale ana ia." "Auwe no ka hoi e! E holo io ana anei oe?" i ninau ae ai o Veki me ke kahaha, me ka haikea koke ae la o kona helehelena ia manawa. He mea kahaha loa i ko Veki manao ka hoike mua ole ana aku o Rupata iaia no keia holo koke aku ana i Mekiko. Ua maopopo iaia ko Rupata manao mamua e holo no ka Hema aole nae i maopopo iaia e holo koke aku ana iloko o ka manawa pokole loa. "Ae, o keia ka mea oiaio," i pane iho ai oia me ke kaumaha o kona noonoo no ka ike iho i ko V'eki helehelena kaumaha. Ua hoolala mai nei kekahi mau keonimana o ka huakai a Remona e holo no ka Ilema, e hoea mua aku ana keia poe i na Mokupuni Sana Barbara a lele aku iuka ma San Diego, a mailaila aku e holo ai ma ke kaaahi 110 Mekiko loa e holo pu ai me lakou, a pela au i hooholo ai i kuu manao 110 ka holo, a e holo aku ana au me lakou." "Hikiwawe no ka hoi, aole no hoi e hiki ia oe ke kali iki iho a kahi manawa kupono alaila holo? O, e mehameha hou ana ka hoi au, aohe hoahele a hoakamailio e hauoli ai ka noho ana o keia wahi, a i ole, e loaa ai ka hoa nana e hoolaukanaka mai!" j Ia manawa, elike me ka pua nani i mae ika pa ana aka makani wela mai ka Hema mai, a elike hoi me ka malamala- ( ma o ka la a o ka mahina paha, i hunaia ae a nalowale, pela 1110 ka Veki hoomaopopo iho ia manawa ke kaawale aku o Ru- | pata. I kona noonoo iho ia manawa aohe mea i koe e hoo- ' hauoli mai ai iaia iloko o ke koena aku o ka lakou huakai makaikai. Aole o Veki i hoomaopopo mamua i ka nui o kona kaukai aku i kona hauoli maluna o Rupata ahiki iho la i keia manawa, a eia o Rupata ke hele nei, e hele ana paha a hoomanao hou mai iaia i kekahi manawa aku a aole paha. Malia paha o ko laua hui hope loa ana iho la no keia; me ke kanalua ole iloko ona i ka manawa e pau ai o ko Rupata manawa i aeia mai ai no ka hele makaikai ana e hoi hou aku ana oia i Enelani, mahope o kona hoi ana mai Mekiko mai, a o ka pau ana ia o na la hauoli loa o kona ola ana. Ke uwe la oia maloko o kona naau no keia hookaawale ia ana o laua, a ke noonoo iho oia nona ua lilo ke kanaka opio Pelekane i mea i oi aku ke alohaia mamua o ka hoaloha wale no. Ia mau minuke ua hiki ole iaia ke ike iho no kana mea e pane mai ai ia Rupata. Ke ku la no oia me ka puai leo ole, a elike me ke aiai o kona mau lihilihi lole ia manawa, a elike hoi me ke aiai o ka hau i ke kau hooilo, pela ke keokeo pu o kona helehelena a ke kanaka opio e nana aku ana, a i ka hala ana nae o kekahi manawa iaia o ke ku mumule ana i mai la: "Hikiwawe loa maoli no ka hoi kou hoololi ana i kau papahana, aole anei pela?" "Pela no, aka he hana keia a'u i moeuhane mua ole ai penei iho la ka hikiwawe loa o ko Mr. Remona nee ana aku no Mekiko, a oiai, he nui kela poe e holo ana e laukanaka ai no hoi ka hele pu ana, pela au i hooholo ai i kuu manao e hele koke me lakou." Ua hoao o Rupata e kamailio aku me kona ano leo i maa mau mamua aku, eia nae, aohe hiki, ua haalulu kona leo; "hookahi no kumu nui o ko'u makemake ana e holo koke me kela poe, a o ia keia, malia aole paha e loaa ana ia'u ka hookuuia mai no kekahi manawa hou aku, o 'keia iho la no ka manawa i maopopo loa ia'u, nolaila oiai au i Amerika nei, o keia wale no ka manawa kupono no'u e holo aku ai e makaikai i na wahi apau o keia aupuni, a i ko'u nana iho o keia io 110 ka manawa kupono, aole i ikeia aku kekahi manawa hou aku." He liilii loa kahi manao kupaa a kuokoa me Veki ia manawa e hiki ai iaia ke hookuoo a o kona maule iho ka hope. Iloko 0 kona mau la o ke ola ana o keia ka makamua loa o ka loaa ana o na hoao ikaika loa iaia, aohe ona makemake i hooko ole ia, o keia kaawale ae o laua ua like me kekahi popo uwila i lele mai ka lela mai a pa oia e hiki ole ai iaia ke alo ai i ka ehaeha. Ua ike a hoomaopopo oia nona iho ia manawa aole pono iaia e hoike mai i kekahi hoailona o kona aloha i ke kanaka opio e ahuwale aku ai kona mau manao, eia nae, he hana paakiki loa ia iaia ia manawa ka uumi ana iho e pee maloko oiai ka waimaka e haale mai ana ma kona mau lihilihi, he mau waimaka kumakaia i ka meahuna iloko lilo o kona puuwai. Haalulu kona mau lehelehe, a e holowai mai ana hoi kona mau maka i na waimaka i ka manawa ana i aea ae ai iluna ia Rupata a i ae la: "Ke kaumaha loa nei au no kou kaawale aku, e Mr. Hamiletona, ke uwe nui nei kuu uhane nou, e nalohia ana kou mau maka mai ka ike mau ia ana aku. Aole no hoi anei e hiki ia oe ke hoopanee aku i kou holo a kekahi wa aku?" "Pela ana anei? E lilo ana anei ko'u kaawale aku i mea hookaumaha loa aku i kou noonoo? Ina owau pu kekahi e hookaumahaia iho ana no ko kaua hookaawaleia, aka nae, e Miss Alekanedero, e hoea hou aku ana no hoi au i Nu loka iloko ona la mua oke kupulau. Pehea la, e hiki ana anei ia'u ke manaolana iho e hookipaia aku ana au i kou. home a hookamaaina hou ia kaua? E hiki ana anei ia'u ke ike aku ia oe maloko o kou home? Ina pela, e hoomama hoi ha oe i kou noonoo, no ka mea, e hui hou aku ana no hoi kaua i ka wa pono," i pane iho ai ke kanaka opio ma ke ano e hoonana iho ana i ka noonoo o ke kaikamahine i helelei na waimaka ia manawa. No keia mau olelo hoolana loa a Rupata lamalama ae la ko Veki helehelena no ka hauoli. ]\le he mea la ua helelei aku kekahi mea kaumaha mai kona puuwai aku ia manawa, a he manaolana hauoli hou ka i loaa aku iaia a i hoomaka ae 'ka opuu ana, me he pua la iloko o kona naau. "Ae; me ka oiaio loa, kipa ae i ka hale, e l\lr. Hamiletona, a mai hoomakae no ka mea, ,ke maopopo loa nei ia'u, e hauoli ana ka madamc, kuu mama, ke hoike aku au iaia 110 kou kipa ae i ka hale, a e hauoli pu ana no hoi oia ke halawai pu oia me oe," i pane mai oia me ka oluolu ame ka hauoli pu. "O, ina pela ana ea, ke haawi mua aku nei au i ko'u mahalo ia oe a iaia pu. A pehea ana oe, e Miss Alekanedero, e hauoli pu ana no anei oe ke ike mai ia'u?" I ninau aku ai o Rupata me kahi leo liilii, a me ka haka pono iho hoi o kona mau maka 1 ka helehelena o Veki. "O, owau ana paha ka mea oi aku o ka hauoli, no ka mea, ua kamaaina inua iho nei hoi au ia oe," wahi a Veki me ka pii ae la o ka ula ma kona mau papalina. No ka hookokoke ana mai o kekahi mea ma kahi a laua e ku ana, a ua ike iho la hoi ke kanaka opio he hana maikai ole nana ke ku hou ana iho e kamailio me Veki, i aku la: (Aole i pau.}