Ka Nupepa Kuokoa, Volume LXII, Number 21, 24 May 1923 — KA HOOPII KU-E I KA MAKAIKUI McDUFFIE. [ARTICLE]

KA HOOPII KU-E I KA MAKAIKUI McDUFFIE.

Eia ka Makaikiu McDuffie, o ka oihana makai o ke Kulanakauhale a Kalana o Honolulu nei, malalo o na ao hakumakuma o kekahi hoopii hoohalahala e ku-e ana iaia, no ka lawe i ka waiwai ki-pe. # O ka mea nana ka hoopii hoohalahala e ku-e ana iaia, oia 0 J. D. Austin, he mea i komo ae iloko o kekahi oihana k«iai 1 na lako gula ma keia kulanakauhale. O kela hoopii hoohalahala e ku-e ana i ka Miakaikiu McDuAie, o kekahi ia o na hoopii ano nui loa; a ma ka hopena i oili mai ana o kela hihia, e maopopo ai ke kaawale ae o McDuffie, mai kona pili i ka hewa a hewa ole paha. Ua hala okoa kekahi mau la a ke komisina makai, o ka hoo!ohe ana i na oleloike, ma ka aoao o ka mea nana i lawe mai i ka hoopii ku-e i ka Makaikiu McDuffie; ua noke ia aku oia i ka niele ma na ano apau, e na loio o ka Makaikiu McDuffie ine ka manao, e ikeia ae ke ano o ka moolelo o kana mau hana 0 na makahiki ae nei i hala. Ke mahalo nei keia pepa i ka manao hoakaka o ka Loio Kalana Heen, i kona hoike ana ae. ma kela po mua loa, o ka hooloheia ana o ka hihia, no ka lawe mai o ke komisina ma kai, a hookahua i kana olelo hooholo, maluna wale no o na mea oiaio, me ka nana ole i na moolelo, o na hana i lawelaweia e Mr. Austin o ka manawa i hala. He kanaka o J. D. Austin i makemakeia e na luna oihana ma Amerika, no kekahi mau kumu hoopii e ku-e ana iaia; aia pu no hoi he mau kumu hoooii nona i waihoia ae imua o ka aha hookolokolo maanei nei, no kekahi mau hana i lawelaweia eia ma keia kulanakauhale. Me kela mau hoopii lehulehu nae e ku-e ana ia Mr. Austin, ina nei no ka hooko o na komisina makai i ka lakou hoohiki oihana, e pono lakou e waiho loa i ka noonoo ana no kana mau mea i hana ai o ka wa i hala, na hana hoi i ala mai ai kela mau kumu hoopii ku-e iaia; aka e hookahuaia ka lakou olelo hooholo, ma keia hihia, maluna wale no o na mea oiaio, e waihoia aku ana imua o lakou. E kapae pu ke komisina i ka noonoo ana, no na hana i lawelaweia e ka Makaikiu McDuffie. ma ka hooikaika ana e huli ahiki, i ka loaa ana o na ike, no ko Mr. Austin, lawelawe ana 1 kekahi mau hana ku-e kanawai: aia a kaawale kela mau noonoo mailoko aku o na hoa o ke komisina makai, alaila hiki ia lakou ke hooholo i kela hjhia, ma ke ano kaulike. E hoopoina pu no hoi kela komisina, i ka ninau, no ko lakou pili hoaloha i ka Makaikiu McDuffie, a ia Mr. Austin paha; pela hoi ka hoomaopopo ana, no ko laua lilo ana he mau enemi kekahi no kekahi. He hihia nui a ko'iko'i maoli keia, i laweia mai e ku-e ana i kekahi o na luna oihana, a he kuleana nui ko ka lehulehu, e kau aku ai i ko lakou manaolana, no ka lawelaweia o na hana apau ma ka aoao o na komisina makai, me ka pololei a hoopilimeaai ole. ]Vtamuli o ka lilo ana o keia hihia i mea ano nui loa iloko 0 keia mau la. loaa ole ana he loio, nana e kokua aku ma ka aoao o Mr. Austin, i wahi e hookuponoia ke ano o ka waiho ana aku i na oleloike ma ka aoao hoohalahala. pela hoi, ke ku-e ana i na ninau, ma ka aoao o na loio o ka mea hoopiiia, no ke kupono ole. Mamuli o kela nele o Mr. Austin i ka loie ma kona aoao, ma kahi o kona lilo ana i hoike ano nui loa; ua like pu oia, me he mea la. oia ke hookolokoloia mai ana e na loio o ka Makaikiu McDuffie, a ua hoemiia iho hoi ke ko'iko'i o kana ir«au oleloike; aka nae aole no ia he kumu e loaa ole ai kekahi elelo hooholo kaulike. ke loaa na manao makee iloko o na hoa o ke komisina makai, e ike i ka oiaio, ma ka hoolohe ani 1 na aoao a elua ma kela hihia. Eia ka lehulehu ke kau aku nei i ko lakou mau manaolaua no ka hopena o keia hihia ko'iko'i, maluna o ke komisina makai. no ko lakou haawi i kekahi olelo hooholo kaulike, maluna o na mea oiaio wale no. me ka nana ole i ka moolelo o ka J. D. Austin mau hana o ka wa i hala; na hana hoi i ala mai ai he mau hoopii kanawai, e ku-e ana iaia.