Ka Nupepa Kuokoa, Volume LXII, Number 22, 31 May 1923 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

NUPEPA   KUOKOA   HONOLULU,  T. H.  POAHA,   MEI  23,  1923

He  Moolelo  Walohia

Ko  Vekinia  Waiwai  Hooilina

Hoopuhiliia na Hana a ka Mea Manao

Ino---Kau i ke Aki i ka

Manawa Hope

          “Ma ke kakahiaka o ka la apopo e haalele iho ai au, no ia kumu, e haawi mua aku ana no au i ko’u aloha ia oe i nei Manawa,” me ka hoao ana iho o Rupata e minoaka iaia i haawi aku ai i kona lima no ke aloha ana, oiai no kona leo e haalulu ana ia Manawa no ka piha loa o kona naau i ke aloha.

          Haawi mai la no hoi o Veki i kona aloha me ka leo e haalulu ana, me ka nana pu ae iluna me he mea la e noi ae ana i hookahi honi aloha mamua o ko laua kaawale ana, a pane ae la:

          “Aole au e haawi aku ana i ko’u aloha gude-bai ia oe, e Mr. Hamiletona no ke kumu aohe o’u makemake ia huaolelo.  E haawi aku ana au i ko’u aloha po me ka makemake pu e loaa ia oe kakahi huakai moana holopono loa e halawai ole ai oe me kekahi ulia ma ke alahele, a na ke Akua c kiai ia oe a hui hou kaua.”

          No kekahi Manawa ko laua puliki ana i na lima a ia hookuu ana ae, huli aku la ke kanaka opio i kahi e a kaha aku la hele, me ka nana hou ole mai ihope.

                  

                   MOKUNA XXXVII.—Ka Hoohoka ia Ana.

          He kaikamahine piha hauoli o Veki mamua aku aka ma keia manawa o laua i kaawale ai ua kukule oia me he mea la aohe ana mea hoihoi mai.  Aole oia wale no ka i hoopilikiaia ma ka manao, o Mr. Naita ame  ke kaikuahine pu kekahi; eia nae no ko Veki pono ua hoao no na elemakule e hoohauoli mai ia Veki ma na ano apau e hiki ana ia laua no ka hoopiha ana ma kahi o ke kanaka opio i kaawale mai a lakou aku, nolaila me ia mau hoao mau ana o na elemakule e hoomama i ko Veki noonoo, a me ka hoomanao pu iloko ona no ko laua hui hou ma Nu Ioka iloko o ke kupulau, hooholo iho la o Veki aole e hookaumaha i kona noonoo no Rnpata aka e hoohauoli iaia iho me na mea nani apau ana e ike aku ana ma na wahi a pau a lakou e kaahele aku ana.

          He huakai hauoli loa ia ma na ano apau, a ia lakou i huli hoi ae ai i ka home iloko o ka mahina o Maraki, he kaikamahine helehelena ui maoli o Veki, o wale mai no ka ula ma kona mau papalina, piha oia me ka hauoli a he ohohia mau kana mau olelo ma ka Manawa e hoakaka aku ai i ka makuahine no kana mau mea apau o ka ike ana ma ka lakou huakai makaikai, i oi loa aku mamua o ka kona makuahine i ike mau mai ai iaia mamua aku, aole nae oia i ike ia Manawa i ke kumu o ko Veki hauoli mau ana, o ka makuahine wale no o ka noonoo ana iho ua uku pono ia kana mea o ka hookuu ana i kana kaikamahine e hele mamuli o keia loaa ana o ke ola maikai iaia, iloko o keia kaawale mua loa ana o laua mai ka Manawa mai o ko Veki hanauia ana.

          Ua hoike aku o Mr. Naita iaia i ko Rupata Hamiletona mau ano maikai apau ame ka maopopo loa o ka makemake o ke kanaka opio ia Veki, ua hoike mua aku no hoi iaia e makaala aku oia no ka hoi mai o Rupata iloko o na la waena o ka mahina o Mei, a ina no kona kipa mai i ka hale e hookipa mai iaia me ke ohaoha, no ka mea, he kanaka maikai o Rupata e hiki ai iaia ke hilinai aku.

          I kinohi o ko Mrs. Alekanedero lohe ana aku i keia moolelo hoopilipili poi mawaena o na opio ua akaaka mai la oia me ka manao he mau olelo hoonuinui wale aku no na Mr. Naita, aka i ka Manawa i hoakaka aku ai o Mr. Naita he kanaka opio Pelekane o Rupata, he kanaka opio i hoonaauao maikai ia, he paa rula a he kanaka kupono maoli no e lilo ai i mea aloha na Veki o ua hoike mai oia i kona ano hookuoo me kea no kaumaha ke nana aku ma kona mau maka.

          “Ke manaolana nei au aole laua e hui hou ana,” wahi ana me ka manaopaa i ka Mr. Naita nana aku.  “Aohe o’u makemake e mare aku kuu kaikamahine i kekahi kanaka Palekane.  Ua hoehaehaia ka naau o kona makuahine a aneane e naha kuu puuwai no hookahi Manawa, nolaila aohe o’u makemake e paluaia mai ka hoehaeha ia ana e kekahi o kela lahui.”

          “Mai manao iho paha oe, e ka hoaloha, ua like wale no na kanaka Pelekane apau a o ka hewa a ;kekahi i hana ai e hana like mai ana no na kanaka e ae elike me ia,” i pane aku ai o Mr. Naita.

          “Pela no, a ke manao nei au aohe o’u kuleana e koho wale aku ai ia lakou ma ia ano, nae he manaoino au ia lahui e hiki ole ai e holoiia ae ai ia manao mailoko ae o’u,” i pane mai ai o Mrs. Alekanedero, me ke kani ana iho o ka uhu.  “O ka’u i manaolana mau ai ina no ka hiki mai i ka Manawa kupono no kuu kaikamahine e mare kane ai i kanaka Amerika no kana kane, kekahi o na kanaka opio naauao a i kupono hoi i kona kulana, aole i kanaka Pelekane.  I ke kanaka Pelekane hoi au a lilo ana he wahine i hoehaeha mau ia ahiki no i nei la.

          “Auhea oe, e Mrs. Alekanedero, ke hooiaio aku nei au imua ou, he kanaka Pelekane opio o Rupata i pakaia a kupono na Veki ma na ano apau e loaa ole ai kekahi mea hoehaeha mai i kou ame ka noonoo o ko kaikamahine; ua ikemaka au i kona mau ano apau iloko o na la a makou o ka launa pu ana, o kekahi  oia o na kanaka maikai loa o kona lahui, a i hoike aku no au ia oe i kuu manaoio, ina o Veki a na’u e hauoli loa ana au ke lilo o Mr. Hamiletona i hunona na’u.”

          Nui iho la ka hanu o Mr. Alekanedero no nei pai aku o Mr. Naita ia Rupata Hamiletona, aole oia i pane mai a hala kekahi Manawa loihi; ia Manawa ana e noonoo ana hooholo iho la oia me ka ma-lu loa ina e mau ana ka paa o kona manao a loaa mau hoi ka ikaika iaia e keakea aku i ko Veki mare ana me ke kanaka Pelekane opio, a i ole hui hou ana paha o laua, e hana aku ana oia ia mea me kona nana ole mai i na olelo pai a Mr. Naita ana o ka lohe ana mai.

          Ua kaahope ae la ka mahina o Aperila a hoea mai la ka mahina o Mei, me kona nani nui, ia Manawa hoomaka ko Veki kau aku o na maka o ka hoea mai o Rupata, elike me ka laua i hooholo ai.  Ia Manawa, elike me kekahi pua nani i mohala ae i ke kakahiaka, a e hoike mai ana hoi ia pua i kona nani nui pela okoa iho la no ko Veki helehelena ia Manawa; aole kona ui wale no, aka, o ka piha laiwale pu kekahi, elike me na manu i ke kupulau; e ike mau ia aku ana ia mau hiohiona o ka hauoli maluna ona, a e hoike pu mai ana no hoi i kona kulana he wahine aole kela ano o na la opiopio loa e kupono ai ke kapaia aku he kaikamahine, a no ia mau ano a ka makuahine e ike mau mai ana iaia ua loaa iho no ka manao kaumaha i ka makuahine, no ka mea e lilo aku ana kana kaikamahine ui ia hai i kekahi la mai kona poli aku, a e hoohanohano aku ana paha auanei oia la i ko hai home.

          He kaikamahine ui o Veki, i nei Manawa nae ua oi pakela hou ae kona ui me ka nui pu o kona kino mamua o na Manawa aku i hala, a me he mea la mamuli o ka pii ana ae o kona kino i ka nui pela no ka pii pu ae o kona ui elike me ko kona makuahine; ma kona mau maka ua like me ko kona makuahine a i kela ame keia Manawa a ka makuahine e nana aku ai i ko Veki mau maka e ulu mau ae ana na hoomanao ana iloko ona no kana kene, a i kana noonoo iho me he mea la e nana aku ana oia iloko o ka puuwai o ke kanaka ana i aloha ai oloko o kona mau la opio.

          Iloko o keia mau la hope ua ala mau a eke aloha amen a hoomanao ana iloko o Vekinia no kana kane, ka mea nana i kiai malama a i hoopakele iaia me ke aloha iloko o na la opio ana i pili aku ai i kana kane.

          O ke kumu mai, mamuli no ia o kona loaa ana i ka nawaliwali iloko o na mahina aku i hala.  Ua hoemiia mai kona ikaika, a i kana nana iho iaia ia Manawa me he mea la, ua luhi loa oia me ka maopaopa.  O kona iini nui ia Manawa oia ka loaa o kekahi mea nana e hoomama mai i kona mau luuluu, a e kau aku ai hoi kona manaolana no ka palekana i kekahi mea, o ia mea ana i iini loa ai oia no kana kane, ka mea hiki ke kokua mai iaia, kekahi mea ikaika a manao oiaio no ka hoomalu ana iaia mai na poino mai a mai na auwe mai hoi a pau o keia ola ana, aka nae, ua hookaawaleia laua, a he uku ka hoi hou mai me ia.

          I kela ame keia la o na pule mua o Mei e makaala mau ana o Veki nei no ko Rupata hoea mai, no ka mea, ua maopopo iaia o Rupata pu kekahi i manao e hui pu me ia i kona Manawa e hoi hou mai ai i Nu Ioka aneane ma keia Manawa, a ua maopopo ia Mei Veki, e hele mai ana oia e hui iaia i kona Manawa e hoea mai ai i Nu Ioka, a e lilo ana no hoi ia hele mai o Rupata e ike iaia aole ma kea no he ike hoaloha wale no, he mea i oi aku i ko ia.  No keia manao ua lamalama mau kona helehelena me ke kani mau o kana himeni iloko o ia manawa.

          Aole i nalowale main a maka kilo mai o kona makuahine keia mau hoailona loli loa ona, ua koho oia mamuli paha o ko Veki hui ana me Rupata Hamiletona, a i lilo ai ia hui ana i mea hoolalapa ae i ka makemake am eke aloha iloko o ke kaikamahine, o na hana apau a Veki ana e ike aku ana a e hana mai ai ua hiki loa iaia ke heluhelu aku me he mea la, ua kakauia, nolaila noho iho la oia kakali o ka hoea mai o ka Manawa e ikemaka aku ai oia i ka launa ana o na opio.

          Ia mau la ua ikaika loa ka hahana o ka wela, na la ikiiki kukahaoa o ke kau, a ua lilo ka wela i mea hoouluhua loa iaia.  E hoolulumi mau ia ana oia e hiamoe, a no ka maikai ole o kona ola kino ua kahea okoa aku la i ke kauka, a i ka hiki ana mai o ke kauka a nana iaia, ua a’o koke mai ke kauka e holo oia no kekahi wahi kuaaina, kahi huihui o ke ea, a e haalele koke iho i ke kulanakauhale me ke kali hou ole aku i kahi Manawa okoa, a iaia e noho ai malaila e noho me ka maluhia a e inu mau i ka waiu a i kekahi mau meaai hanai kino e ae.

          He maikai loa keia a’o a ke kauka i kona manao, nolaila hooholo iho la oia e huli i kekahi wahi kupono elike me ia a ke kauka i a’o mai ai, a ma ia huli ana i loaa aku ai kekahi hale kupono ma kappa o ka Muliwai Hudesona, kahi no ana i hoohala ai i kekahi mau mahina lehulehu mamua aku, a he wahi maluhia loa no hoi o ka noonoo e hoopioloke ole ia ai ka noonoo, a e hiki ai iaia ke ola me ka hoopilikia ole ia mai, elike me kana i makemake ai.

          No Vekinia hoi keia hoolala no ka hele ua hoolaau pu mai la o Miss Naita, ke kaikuahine o Mr. Naita oia pu kekahi e hele ilaila, a oiai o ko Vekinia makemake no ia o ka loaa o kekahi hoa nona e noho pu ai, loaa ka hoa hoolaukanaka mai e ike ole iho ai ia mea he mehameha.

          I ka uiia ana aku o ko Mr. Naita manao no keia hoolaau o Miss Naita e hele pu me Vekinia, ua haawai mai oia i kona ae me ka manao maikai no ka mea, ua nana mai oia ia Vekinia ma kea no he hoaloha, o na hana e hoolaia ae ai o ko Vekinia nawaliwali o ia na hana maikai e hookoia aku, no hoi, ua ike mai oia ia Vekinia ia Manawa ua emi pu mai kona kino a he wahine ma’i oia i kana nana mai, aohe no hoi ona makemake e ike mai ua poino o Vekinia me ka huli ole ia o kekahi mea no ka hoopakele ana ae iaia; a, ina hoi no ko Vekinia hoea aku i kahi e hookulipolipo loa ia ai kona ma’i a i ole poino aku paha, ua loaa hoi ka mea nana e hoomaopopo aku nona.

          Ia Manawa e hoolala pu ana no hoi o Mr. Naita e holo i na mokuaina o Nu Enelani ma ka hikina loa o Amerika, a no keia lohe ana ona i kekahi manao hoakaka mai la e hui aku ana lakou ma ka Muliwai Hudesona, kahi a Vekinia ma e hoolala ana no ka holo, ke pau kana hana i manao ai, a ma ia wahi e hoohala like ai lakou i na la ikiiki o ke kau.  Ua maikai loa keia manao, nolaila aohe hana aku i koe o ka hoomakaukau wale no no ka hele.

          Ua hauoli na kanaka makua no keia huakaihele, aka, no Veki Mei, ke kaikamahine, ua lilo ia i mea hoehaeha loa i kona noonoo, no ka mea, elike me ia i ike muaia ae nei, he mau la kali wale aku no ia no ko Rupata Hamiletona hoea maii Nu Ioka, a ke manao  nei hoi na makua e hele, eia nae, iloko o ka nui o kona ehaeha aole no oia i ku-e mai i ka manao o na makua mamuli o kona noonoo nui no ka pono o kona makuahine ana i aloha nui ai; ia Manawa aia oia mawaena o na mea aloha elua, o ka makua hoi, nana i hoohua mai iaia i keia ao, a o ka ipo hoi, ka mea wela o ka umauma.

          He hele keia ana i noonoo iho ai e ulupaia ai kona mau manaolana a pau no ka hui koke me Rupata, ke kanaka opio ana e noonoo ana ia Manawa aia oia ma ke alahele e hoea mai ai i Nu Ioka i keia la.

          Iloko o ka nui o ko Veki Mei iini e noho ahiki i ko Rupata hoea ana mai i Nu Ioka, aole nae oia i hoike aku i kekahi manao ku-e o ia ano a keakea paha i ka papahana a kona makuahine i hoolala ai, no ka mea ua kauoha mai ke kauka i ka makuahine e nee koke aku no kekahi wahi e loaa ai ka oluolu o ke ola ana, iaia aohe no hoi he manao makona iloko ona a makemake iho e hoopanee ka hele ana a kahi Manawa aku, oiai, malia e lilo ana ia hoopanee ana i kumu e hoomaluleia ai na manaolana no ka hauoli am eke ola o kona makuahine.

          Me ia manao no nae ona e hooko aku i ka manao o ka makuahine aole no i nele i na maka kilo o kona mama ka ike mai i kekahi haawina anoe maluna ona, ma ka nana mai a ka makuahine haikea kona helelena o kela ano hauoli a laiwale ona o na la mamua aku, aole ia ia Manawa; no ia mau hiohiona maikai ole hoomaopopo iho la oia ua make aloha loa ke kaikamahine ia Rupata, elike no hoi me ia i aloha ai i ke Sa Wiliama Hita, i kona mau la opio.

          No keia mau helehelena maikai ole a ka makuahine e ike aku ana i ke kaikamahine, ua hoawiwiia ko lakou nee ana aku no Hudesona, no ka hopohopo mai keia o Vekinia o hoea e mai o Rupata Hamiletona, a loaa ka mea hookaulua i ko lakou aaaaaaDt;  wultemfwyp shrdlu etaoin shrdl cmfw bgkaomfwao holo koke ana aku; me keia manaopaa e lalapa mau ana iloko o Vekinia ua hookoia aku ia nee ana ma ka la 15 o Mei, ka la hoi a lakou i haalele iho ai ia Nu Ioka no ko lakou home hou ma ka Hudesona.

          He mau la kakaikahi mahope iho o kela nee ana aku a lakou ua hoea mai la o Rupata Hamiletona i Nu Ioka, me ke aloha e aa mau ana iloko o kona houpo e hui ana oia me ka mea ana i moeuhane mau ai oiai oia ma kana huakai hele, eia nae, iaia i kipa ae ai i ka hale i kuhikuhiia aku ai iaia, kahi hoi a Veki ma i noho ai, ua hookaumaha loa ia kona naau i ka hoikeia ana mai “ua hele ke kai ka makamaka,” nolaila he puupuu hoohoka ikaika keia iaia, no ka hui a launa ole ana me Mamalahoa.

 

He Moolelo no

KA  MEAHUNA  POHIHIHI

A  I  OLE

Ka hoohokaia Ana o ka Manao Puuwai o ka Mea Lili—He Moolelo i Piha me na

 

          O ka huli hoi ia o ka makaikiu ahiki i ka pau ana o na rumi apau, oili mai la oia iwaho, o ke keena hookipa, kahi a ke kaikunane me kona kaikuahine e noho ana, me ka hoi pono ana mai o ko laua-noonoo maikai, me he mea la, aole he mea nana i hoopilikia aku i ko laua manao; aka aia nae maluna o ke kanaka o ke aupuni, na hoailona, no ke poho o kona manaolana, no ka loaa iaia, okekahi mau ike ano nui, elike me kana i manaolana ai, ma ka manawa ana i hele mai ai e hooko i kana misiona.

          “Ua hooko aku au i ka’u hana me ke kuio loa, au no e ke kanaka opio e ike aku ai, i kou wa e hoihoi pono aku ai i na mea apau ma ko lakou mau wahi.  Aohe mea ano nui i loaa aku nei ia’u, nolaila o oe o kaua ke lanakila ana, a owau ka mea poho, no ka mea aohe ukumakana e loaa ana ia’u, no ko’u luhi.”

          “Ua hookahaha loa ia mai ko’u manao, no ke ano o kau misiona i keia la, no ka mea aole keia o ka mua loa, o ka huliia ana o ko’u mau waiwai a ma na ukana o ko’u kaikuahine, aka ua lawelawe mua ia no ia hana ma Welafika, me ka loaa ole no o kekahi mea e kau ai na hoohuoi ana maluna o’u.”

          “Aohe a’u mau hoakaka imua ou, no ke kumu o ka huli hou ia ana o ko olua mau ukana, koe wale no, he mea hooko kauoha au, a ke manaoio nei au, aole he hakahaka a he keena huna maloko o keia mau rumi, i nele ole ka noii nowelo ana o ko’u mau maka.

          Ke alaalawa wale la no nae ka nana ana a ka makaikiu ma kela ame keiawahi oloko o ka rumi hookipa, elike me kea no o na kanaka i a’oia ma ka lakou oihana, a iaia no paha ka haupu ae no kekahi mea, ia wa i hooho ae ai ua makaikiu nei:

          “Mai poina maoli ka hoi, ua laki maoli au i ka oili ana ae la o keia noonoo!” me kona hele ana mai, a ku iho la mamua o ke pakaukau a Gai.

          “Aia kekahi wahi huna maloko nei o keia pakaukau,” wahi ana, me ka lawe ana ae i na ume iwaho, a iloko no hoi o kela Manawa, ke kikeke la oia, i maopopo ai iaia, he olohaka kekahi wahi o ke pakaukau.

          “Aole au i ike aia he wahi huna maloko o keia pakaukau,” i pane mai ai o Gai, ma kea no kahaha.

          “He pakaukau keia no kuu makuakane, a mai ka Manawa mai i kaa ai malalo o ko’u malu, ahiki wale no i keia la, aole au i ike ike aiai kekahi wahi huna maloko o keia pakaukau.”

          “Ma kea no o ke kani a’u e lohe nei, aiai he wahi hakahaka o keia pakaukau, e hoolohe mai paha oe la?”  alaila kikeke aku, la ka makaikiu, me ka lohe maopopo o Gai i ke o ana o ke kani, o kea no e hoohewahewa ole ai oia, aia i’o he wahi hakahaka i hanaia o kela pakaukau.

          Ke noke la ka makaikiu i ka nana, i kekahi keena huna, aole nae ia he hana maalahi, no kekahi Manawa loihi, kona noke ana i ka nana, ma na aoao apau o ke pakaukau, a heaha la ia hapai ana ae ana, i ke pani, o ka hemo mai la no ia o kekahi papa, a ahuwale ae la kekahi keena huna, i hanaia, i ike mua ole ia hoi e Gai Wakona.

          Me na maka i hele a piha me ka hoihoi, i nana aku ai ka makaikiu iloko o kela wahi hakahaka, a ike aku la oia i ka waiho o kekahi puolo, nolaila lalau koke iho la oia, a nana ae la, me he mea la, e hoike mai ana kona mau ano, i ka piha hoihoi, no ka hoea ana mai, i ka loaa ana iaia, o kekahi mea ano nui loa, a o ka hookoia ana hoi ia o kana misiona o ka hoea ana aku.

          O ka mea a ka makaikiu o ka hopu ana aku, he hainaka no ia i hele a hauka’e i ke koko, aia hoi maloko o kela hainaka, kekahi mau kii puka elua, i owiliia me kekahi pepa lahilahi loa.  Wehewehe ae la ke kanaka o ke aupuni i ko pepa lahilahi, aia hoi, ua haule aku la kekahi paa pihi pulima gula, a waiho ana iwaho, a o ia k a Gai o ka hooho ana mai:

          “He keu maoli aku a ka mea kupaianaha, o ka hoea ana o keia mau mea maloko nei o kuu pakaukau.”

          Ke lolelole la ka makaikiu i na pihi pulima, me kona ike ole iho i kekahi mau huapalapala, a hookomo mai la iloko o ka pakeke o kona puliki, alaila lalau iho la i ka hainaka, me ka lolelole ana, ma na kihi, a iaia no paha ka maopopo no ka loaa ana iaia o kekahi mau huakumu, hoikeike mai la oia i ka hainaka imua o Gai Wakona, me ka i ana mai:

          “Pehea keia, e hiki ana anei ia o eke hole mai, i ka mea nona keia hainaka?” a nana i’o aku la o Gai Wakona, e kau ana na huakumu H. N., a o ia ka ke kanaka opio i hooho ae ai, me ka hele o na maka a kunahihi:

          “Ea, heaha kea no o keia mau mea o ka loaa ana iho la ia oe?” me ka eeke ana aku ihope, me he mea la, ua kau mai la ka weli iaia, no na kulu koko maluna o ka hainaka.

          “Eia no ka manao o keia mau mea,” wahi a ka makaikiu, me ka leo malie loa.  “O kela hainaka i kuniia me na huakumu H. N., pela hoi me keia paa pihi pulima, he mau waiwai ia no kela kanaka opio i pepehiia ai a make ma Welefika he mau mahina aku nei i hala.  No keia mau ki, aole he mea i maopopo ia’u, aka e paa pu ana no au i keia mau mea,” me ka hookomo ana iho i kela mau waiwai apau maloko o ka pakeke o kona lole, a hoomau hou mai la i kana kamailio ana:

          “O keia ka hoea ana mai i ka hopena o ka’u hana i hoea mai nei i keia la, a ia’u e haalele iho ai i keia rumi, e paa pu aku ana au ia oe, ma kea no he paahao na’u,” me ka paa ana iho o kekahi lima o ka makaikiu, maluna o ka poohiwi o Gai.

MOKUNA XXII

          “Heaha kea no o kau mau olelo i kamailio mai nei?” wahi a Josepine o ka pane ana mai, me kona hele okoa ana mai a ku aku la imua o ka makaikiu.

          “Ke kaumaha loa nei au e ka wahine opio, no ka lilo o ka mea a’u i loaa iho nei, i kumu e hookaumahaia aku ai kou noonoo.  No kekahi Manawa loihi ae nei, ko’u huli ana me ka hoomanawanui, i kekahi ike o keia ano, akahi nae a hoea mai i ka hookoia ana o kuu iini, ua loaa iho la ka mea oiaio loa, e kau aku ai ke ahewa ana maluna o ka mea nana i pepehi ia Habaki Naika a make.

          “Ke ku nei kekahi ukumakana kiekie loa, no ka haawiia aku i ka mea nana e huli ana me ka hoomanawanui, i na ike e ahewaia ai ka mea pepehikanaka, o keia kekahi kumu o ko’u hoomanawanui ana ma keia hihia, ua hoea mai nae i ka pau ana o ka’u hana, he hookahi wale no mea i koe, o ka ohi mai i kela ukumakana.”

          “Pehea e lilo ai keia mau mea i loaa iho la ia oe, i kumu e hooiaioia ai o kuu kaikunane ka mea nana i pepehi ia Habaki?” i mau aku ai no o Josepine, i ke kupale ana no ka pono o kona kaikunane.  “Mai ka Manawa mai i kaa ai o keia pakaukau malalo o ko maua malu, ahiki wale no i keia la, aole loa maua i ike iki, he keena huna kekahi o keia pakaukau.”

          “Pela anei ka mea oiaio e ka wahine opio?  He keu aku maoli ka a ka mea kupaianaha, aole loa e hoea keia mau mea maloko o kela wahi huna o ke pakaukau, ke ole e hookomoia aku iloko olaila e kekahi lima kanaka.”     

          “Pehea i’o no, ina pela na ka makuakane o maua, a i ole na kekahi mea okoa ae, i hookomo i kena mau mea maloko o ke pakaukau, mamua ae o ke kaa ana mai malalo o ko maua malu.”

          “E oluolu anei oe e ka wahine opio, e hoike mai i ka inoa e ko olua makuakane?”

          “O Nelekona Wakona kona inos.”

          “Alaila aole no ko olua makuakane kela hainaka, no ka mea he N. W., kona mau huakumu.  O na huakumu e kau nei maluna o keia hainaka, ua kulike loa ia me na huakumu o Habaki Naika, a ma kuu manaoio, o ka mea nona keia hainaka, oia no ka ona nona keia mau pihi pulima, a ua hoopohihihi loa ia mai ko’u noonoo, no kea no i hoea ai keia mau waiwai maloko o keia pakaukau.”

          Hoikeike mai la ke kanaka o ke aupuni i na pihi pulima me ka hainaka imua o Josepine, a ke nana la o Josepine i kela mau mea, ka hoohewahewa ole, no ka mea ua ike oia i kela paa pihi pulima ia Habaki Naika, ma kekahi aha hoohauoli a lakou o ka hele ana, nolaila o na manaolana iloko ona, no ke kaawale o kona kaikunane mai ke karaima pepehikanaka, i kahihi wale ia aku maluna ona, ua poho wale ia, koe wale no kona hoomaopopo ana iho, e hookomo hou ia aku ana o Gai iloko o ka poino, e hiki ole ai paha iaia ke hoopakele aku i kona kaikunane, a o ia kana o ka huli ana mai imua o Gai, a pane mai la:

          “O e Gai kuu kaikunane, he keu aku keia a ka pilikia, e hiki ole ai ia o eke alo ae!  Ua maopopo no anei ia o eke alo ae!  Ua maopopo no anei ia oe keia wahi huna o ke pakaukau?”

          “Ma ke ola ana o ke Akua, aole au i ike mua i keia wahi huna o ke pakaukau ahiki i keia manawa; aka he mea makehewa wale no paha ko’u olelo ana ae pela, oiai, ua loaa aku keia mau waiwai maloko olaila, he mau mea hoi, e kuhikuhi mai ana, no ko’u pili i ke karaima pepehikanaka.”

          “Heaha ka kaua mea e hana ai no keia pilikia ou?”

          “Aohe mea hiki ia kaua ke hana aku, koe wale no, ko’u hele pu aku me ke kanaka o ke aupuni, noloko o ka halepaahao.”

          “O, e Gai, aola loa!  E pono e lawelaweia kekahi mea i wahi nou e komo ole ai iloko o ka halepaahao.  Aole e hiki ia’u ke hookuu aku ia oe e hele ilaila,” alaila puliki okoa aku la o Josepine ia Gai, me ka noke ana i ka uwe.

          “E hoomanawanui oe e Josepine, ua lilo kou uwe mai, i kumu e hoehaehaia mai ai o kuu noonoo; o ko’u ike aku ia oe me kena kulana kaumaha ou, ua like ia me ka pepehi okoa ana mai ia’u a make.”

          I ka lohe ana aku o Josepine i kela mau olelo a kona kaikunane, aea ae la kona poo iluna nana mai la hoi ma na maka o Gai, me ka pane ana mai:

          “E hoao no au e hoomanawanui e kuu kaikunane, aka nae pehea la e hiki ai ia’u kea lo ae, no keia pilikia i kau mai maluna ou?  Heaha la ka’u mea e hana aku ai.  Ihea la au e noho ai, aole e hiki ia’u ken oho hookahi iho maloko o keia mau rumi o kaua!”

          “He hookahi no a’u wahi i ike, nou e hoi aku ai e noho, ma ka home o Tiodora, aole loa he kanalua iloko o’u, no kona hookipa aku ia oe me ka maikai, ina no, e lilo ana keia mau hana hoopilikia maluna o’u, i kumu e pau ai kona hilinai no’u,” i kamailio mai ai o Gai, no ka hoomlielie ana i kona kaikuahine.

          “Aole loa o Tiodora e hoowahawaha ia oe e Gai, aka e mau ana kona hilinai ia oe, ahiki i ka hopena o kona mau la ma ka honua nei.  Aole anei, ua lawa ko kaua ike, no kona kupaa ana mahope ou, no na Manawa ae nei i hala, e hoohewahewa ole ai oe, i kona mau ano oiaio apau e pili ana ia oe?  Ua maopopo loa ia’u, elike me ko’u hilinai piha maluna ou, no koa hewa ole, pela no oia.”

          “Ina pela i’o ko Tiodora noonoo no’u, alaila he mea hoomama mai no ia i ko’u mau manao kaumaha,” me ka nui an@ iho o ka hanu o Gai, a hoomau hou mai la:

          “No kou pono ame kou palekana e JJosepine, he oi aku kou hoi ana e noho malalo o ka malu o Mr. Kelekolio, a imua hoi o Tiodora, o Mr. Kelekolio hookahi wale no ka mea kupono loa nana e haawi mai ia oe i na a’o ana, no kau mau mea pono e hana ai, ina e—“

          Aole i pau pono aku ka Gai mau mea i makemake ai e kamailio mai imua o kona kaikuahine, ua kahamaha e aku la o Josepine iaia, i ka i ana aku:

          “O, mai kamailio mai oe ia’u, i na mea e hooiia ae ai ka ehaeha o ko’u noonoo.  E hoao oe e Gai ma na ano apau, hoolana i kou mau manao kaumaha a ehaeha, a e ku aku a paio imua o kela kanaka ino lapuwale, nana i halihali mai i keia mau hana hoehaeha maluna o kaua a elua.  Ua maliu aku nei au i kau mau uwalo ana mai ia’u, e hoomama i ko’u mau manao, a pela hoi au e noi aku nei ia oe, o kaua like iloko o ia hana hookahi, me ka manaolana, e hoea mai ana he la, e kaa ai ka lanakila ma ko kaua aoao, a e ili aku hoi ka auamo ana i na ko’iko’i o keia hana hoopilikia, maluna o ko kaua enemi.”

          “Ua lawa paha keia kamailio ana mawaena o olua, ke hele loa aku nei kakou i ka poeleele,” i pane mai ai ka makaikiu, me ke komohia ana aku iloko o kela kanaka o ke aupuni, na manao aloha no ke kaikuahine e haaleleia iho ana mahope ka laweia aku o kona kaikunane noloko o ka halepaahao.

          “E hele pu ana au me ke kanaka o ke aupuni, a haalele hookahi iho la oe e kuu kaikuahine me ka nui no nae o ka ehaeha o kuu uhane no kou noho hookahi, aole paha e hiki ia o eke hoi aku no ka hale o Tiodora i keia po, aka ma ke kakahiaka o ka la apopo, ka la okoa.”

          “Heaha auanei, ina aole he wahi okoa aku a’u e hele a@ alaila e hoomanawanui no au i ka noho hookahi ana maloko nei o na rumi o kaua, ahiki i ka la apopo, alaila noonoo aku, ko’u hoi i ka home o Tiodora ame ka ole.”

          Kulou iho la ke poo o Gai Wakona ilalo no ka noonoo ana i kekahi mea e pono ai kona kaikuahine, a iaia i aea hou ae ai iluna, kamailio mai la imua o ka makaikiu:

          “He mau ku-e ana mai anei kekahi au ia’u, ke kauoha aku au i kekahi kaa no ka hoihoi ana aku i kuu kaikuahine, a noho ma kekahi wahi e palekana ai oia i keia po?”  alaila kamailio iho la ia Josepine:

          “Akahi a maopopo ia’u, aiai no he mau kauwa lawelawe na lakou e malama mai la i ka home o Tiodora, nolaila e hoihoi aku ana au ia oe a noho malaila, a ukali aku au mahope o ke kanaka o ke aupuni.”

          “Aole a’u mau ku-e ana aku no kena noi au, a ke hauoli loa nei au, e lawelawe aku i kekahi mea e pono ai kou kaikuahine wahi a ka makaikiu me ka leo oluolu loa.

          Me ka helehelena i hele a piha maoli me ka ehaeha, i ku ae ai o Josepine a komo aku la iloko o kona rumi moe, no ke @ ana i kekahi maul ole kupono nona, oiai hoi ke kanaka nan@ e kiai ana ma ka puka, i kauohaia aku ai e hele e kii i kekahi kaa, a iloko o na minuke he umi, ua makaukau mai la o Josepine, me ka hoea hou ana mai imua o kona kaikunane, me kekahi paiki e paa ana ma kona lima akau.

          Ua hoea ma ila no hoi ke kaa i kiiia aku ai, o ko lakou haa lele iho la no ia ialoko o ke keena hookipa, me ke kiia ana @ o ka puka a paa, a haawi mai la o Gai ia Josepine, o ko lakou hele aku la no ia a kau iluna o ke kaa.

                             (Aole i pau)