Ka Nupepa Kuokoa, Volume LXII, Number 23, 7 June 1923 — HE HOOPILIMEAAI MAOPOPO. [ARTICLE]

HE HOOPILIMEAAI MAOPOPO.

?via ka Poakahi iho nei, i hoea mai ai ke komisina makai, i ka loaa ana o kana olelo hooholo ma ka hihia o ka Makaikiu 2\lcDuffie, mahope iho o ka noonoo ana o kela komisina i ka o]e!o hooholo, no kekahi mau la ae nei i hala. O ua olelo hooholo la, o ia no ka lokahi ana he elua mau hoa o ke komisina, e hookuu loa i ka Makaikiu McDuffie, mai ke kau ana aku o na ahewa ana maluna ona, no ka hiki ole ke hooiaioia ka pololei ame ka oiaio o na kumu hoohalahala e ku-e ana i ka Makaikiu McDuffie; a he hookahi, e ahewa ana i ka Makaikiu McDuffie, malalo o na oleloike i waihoia aku imua o kela komisina, me ke koi ana e hoopauia kona noho hou an ahe poo no ka oihana makaikiu no ke Kulanakauhale a Kalana o Honolulu nei. Mamuli o ka mahaelua o ka olelo hooholo a na komisina e pili ana i kela hihia, ua hooiaioia mai na hoohuoi ana a ka poe i ike maka i na hana ninaninau a ke komisina makai, no ka hoopilimeaai ana o na hoa elua o kela komisina, na laua ka olelo hooholo, e hoole ana i ka pili ana o kekahi hewa ia Mr. McDuffie. Mai kinohi mai o ka noho ana o kela komisina, a niele me ka huli pono ana i na kumu hoohalahala e ku-e ana i ka Makaikiu McDuffie, i waihoia mai e J. D. Austin, aole i hunaliuna iho na Komisina Woods ame o'Connor, i ko laua mau kulana oiaio, ma ke ano o ka laua mau hana, no ko laua haawi i ka olelo hooholo, no ka pono o Mr. Mcl>uffie, elike me ia, i ikeia ai. ma o ko laua lokahi ole ana me ka lunahoomalu o kela komisina ma kekahi mau oleloike; he mau oleloike, e alakai ana no ka pili o ka hewa i ka mea i hoopiiia. O ka lehulehu o ko ke kulanakauhale nei poe, i hoea mau ae imua o na halawai apau a ke komisina makai i noho ai, no ka niele pono ana i keia hihia, ua hiki ole ia lakou ke kanalua iho, uo ka lawelawe i'o ia ana o na hana apakee, ma ka aoao o ka Makaikiu McDuffie, eiike me na kumu hoohalahala e ku-e ana iaia no ka lawe i ka waiwai ki-pe. Ma kona ano he poo no na makaikiu o ka oihana makai o. Honolnlu nei, a he kanaka hoi i kau mai ai na hilinai ana, a na oihana makai o na aina mamao, aole loa he mau kumu kupono iki, ma kona aoao. ka hele ana aku e hui pu me Austin,i a hoikeike aku i ke kelekalapa i hoounaia mai e ke poo o ka oīhana makaikiu o Los Angeles, no ka hoouna ana aku i kana mau hoakaka e pili ana i ko J. D. Austin mau ano; koe wale ] no ko kakou koho ana aku, aia kekahi mea ano nui, iloko o kela. hana a Mr. McDnffie, elike paha me ia a Mr. Austin, i hoakaka ae ai, no kona kauka'i ana aku i kekahi uku makana i panai no kona hoouna aku i kekahi mau hoakaka, i kaokoa ae mai na ano oiaio mai o Mr. Austin. Ma ke kope o ke kalekalapa i hoounaia aku i ke poo o ka oihana makaikiu o Los Angeles, e hoakaka ana no ko Mr. Austin mau ano apau, ua hooiaioia mai na hoakaka a Mr. Asistin, no ke kakauia ana o kela kelekalapa imua ponoi o kona alo, a ua kakauia hoi ua kelekalapa la me ka limakakau pemoi o ka Makaikiu McDuffie, ka mea nae a Mt. McDuffie i hoole loa ae ai imua o kela komisina. Ua hooiaio pu ia mai na hoakaka a Mr. Austin, no kona haawi ana aku i kekahi mau daimana i ka Makaikiu McDuffie, i uku panai no kela kelekalapa apuhi pololei ole o ka hoounaia ana aku i Los Angeles, aole wale no ma ka Mr. Austin, mau olelo ponoi, aka mai ka Makaikiu McDuffie mai no kekahi. a mai leekahi mau hoike e ae, o kahi wale no o ka like ole, 0 ia ka olelo ana ae o Mr. McDuffie, ua loaa aku kela mau waiwai iaia ma ke kuai, me kona uku ole nae he hookahi keneka. me kona hoole ana no ka loaa ana aku iaia o kekahi pohaku daimana kumukuai pipii. Me kela mau ike i imua o ke komisina, ua hiki ke kaupaonaia me ke akahele loa na ano nui ma keia hihia, e hoea aku ai i kahi i hookahuaia ai ka olelo hooholo a ka hoa hookahi o kela komisina, no ke kupono ole, e hoomau liou ia aku o Mr. McDuffie iloko o ka oihana makai. Ua maopopo ke kulana hoopilimeaai o na Komisina Woods ame o'Connor, elike me ka leka a ka Lunahoomalu Trask, o ka hoouna ana aku i ka Meia Wilson, e hoakaka ana, no ka hoao nna o kela mau komiMna. e kiola i ka hihia o Mr. McDufr:e, me ke koikoi mau ana mai iaia, mamua aku o ka hoolohe maoli ia ana o ka hihia, aole keia malalo o na kumu e ae, aka no ke ake, e hoopakele ia Mr. McDuffie, mai ka lilo ana 1 lawehala imua o kela komisina. Mahope iho o ka noonoo ana o ke komisina i ka olelo hooholo i pili i keia hihia, ua loaa ae he mau ike hou i ka Lunahoomalu Trask. i pili loa i ka hihia o McDuffie; ua hoole loa nae na Komisina Woods ame o'Connor, i ka wehe hou ana i ka hihia, me ka ae ole e laweia mai kela mau ike hou o ka lona r 1 mai. oiai nae, aole i loaa he olelo hooholo ake komii : . !io keaha mai ke kumu o keia: no ka makemake ole <_■ kela - hoa oke komisina e pilikia o Mr. McDuffie. Me ka nana ole nae i kela olelo hooholo a ka hapanui o ke komisina, e hookuu ana i ka Makaikiu McDuffie, mai ke kau ana aku o kekahi ahewa ana maluna ona; o ka lehulehu no ke kuleana e lioopau aku ai iaia ma keia hope aku, no ka mea ua lioomaopopo lakou, i ke kulana oiaio o ke poo o ka oihana makaikiu. ma ka hooko ana i na hana i pili i kana oihana. Eia kekahi hana hoopilimeaai a kela mau hoa o ke komisina: L"a lokahi ko laua manao, ina nei no ke komo pu mai (. ka lunahoomalu o ke komisina me laua, alaila ma kahi o ka hoopau ana aku i ka Makaikiu McDuffie, e kapaeia ae oia mai kana hana mai no kekahi manawa, a i ka pau ana o kela manawa. e hoi aku ai no oia, a noho ma ke ano he makaikiu. O na hoa o kē .Vomisina makai, i hoike okoa ae ma ke ano o k* laua mau hana, ame rta olelo, ma keia hihia o ka Makaikiu McDuffie, aole laua i kupono e lilo i lala no kela komisina; a ua ili iho ke. ko'iko'i maluna o ka Meia Wilson, ke i.oi ana aku ia laua e waiho mai i ko laua*kulana oihana, elike me ke koi a kekahi mahele o na makaainana o keia kulanakauhale, ma o ka palapala hoopii la, i kakauinoaia e lakou, a v.aihoia aku imua ona. +++ Mamuli o ka ike maka maoli ana o kekahi hoa o ka ahaolelo lahui, i na home ma ka aina hoopulapula ma Molokai, me ka ai ana i ka ipu momona, i hoouluia e na Hawaii malaila, i hoike okoa ae ai kela kanaka kaukanawai i kona manao, e lilo ar«a oia i mea hooikaika ma na ano apau iloko o ka ahaolelo iahui, no ka hoomauia aku o ka hana hoopulapula, ahiki i ka lawa like ana o na Hawaii apau, me na aina no lakou iho, malalo o ke kanawai hoopulapula. Mamuli o ka hihia o ka Makaikiu McDuffie, o ka laweia ana ae iinua o ke komisina makai, ua kaualakōia aku ka Makai Nni Rose. ka Loio Kalana Heen ame ka Meia Wilson, iloko t. kekahi kulana kupilikii, e maopopo ole ai ko lakou kulana ikaika, ma keia kau koho haloka ae o kakou.