Ka Nupepa Kuokoa, Volume LXII, Number 23, 7 June 1923 — Make ia Keiki Hawaii ma ka Aina Malihini I komo Aku e Hoopakele iKona Hoa Hawaii Halawai Nae me ka Make HAHAUIA OIA I KA LAAU E KA MEA ONA Hoopuni Kona Mau Hoa i Kona Kino Wailua a Himeni ia Aloha Oe [ARTICLE]

Make ia Keiki Hawaii ma ka Aina Malihini

I komo Aku e Hoopakele iKona Hoa Hawaii Halawai Nae me ka Make

HAHAUIA OIA I KA LAAU E KA MEA ONA

Hoopuni Kona Mau Hoa i Kona Kino Wailua a Himeni ia Aloha Oe

E hoakaka ana kekahi meahou, i hoopukaia ae maloko o ka nupepa Minnesota Daily Star, o ka la 19 o ka mahina aku la o Mei i hala. no ka make ana mai nei o kekahi keiki Hawaii, nona ka inoa o Henry M. Lani, maloko o Bridgeport, N. J., a oiai e waiho ana kona kiuo wailua, ua hoopuniia ae kela kino e na keiki Ilawaii himeni, me na hoaloha Amerika, me ke meleia ana 0 ka himeni "Aloha Oe" me na pila gita iloko Q ke kulana anoano me ka eehia. Elike me ka hoakaka a ka meahou e pili ana i kona make ane,, he knnakolu-kumamalua makaliiki o Henrv Lani, nia kona manawa i make ai, a oia kekahi o na Hawaii 1 ike nui ia ma kekahi mau wahi <» Amerikn, no ka mea he alakai oia no kekahi hui himeni o na keiki Hawaii. Ma ka Poalima, ka la 11 o ka niahine o Mei, ua hoao o Henry M. Lani, e hoopakele i ke ola o kekahi 0 kona mau hoa, oiai e hoopilikiaia mai ana e kekahi kanaka i ona. laia i komo aku ai no ke kokua ana i kona hoa Hawaii, ua ioaa pouo mai la oia i ka pauku laau, 1 hahauia mai e ke kanaka onn, maluna o kela Hawaii okoa aku, a lilo iho la oia i luahi no ka poino i manaoia, e kau aku maluna o kekahi mea okoa. Ua maro kela keiki Hawaii i ka wahine, o Emma J. Anderson kōna inoa, a na ka waliine i hoihoi māi i kona kino wailua no kona home ma Minneapolia. a ma ka Poalima, ka la 18 o Mei, i malamaia ae ai kona anaina haipule hoolewa, me ka hoopuni ana o na hoa o kona puali himeni i kona pahu kupapau, a na ka Rev. G. L. Morrill, ke kahunapule nana i mare ia laua he elima makahiki i hala aku, i malama ae i kela anaina haipule, maloko no o ka rumi i niareia ai laua. Ma Honolulu nei o Ilenry Lani, i hanauiia ai, a o kona makuakane, oia kekahi o na loio i ike nui ia. He umi-kumamalua makahiki i hala ae nei, i holo aku ai oia no Amerika, me ka hele ana e a'o i ka ilee himeni ma Berkeley, Kaleponi, me kona kukulu ana ae i kekahi hui himeni a hookani pila o na keiki Hawaii. No na makahiki elima i kaahope akn, ua hoohala oia i kona manawa, ma ke komo ana iloko o na liana o ka luakini. E lioakaka pu ana no hoi kela meahou, no ka haalele ana iho o ka hoahanau o Henry Lani ia Honolulu nei, a ua manaoio, ma kela la o ka malamaia ana o ke anaina hoolewa e hoea aku ai oia, aole nae pela no ia kumu ua malamaia no ka hoolewa me ke kakali ole aku iaia, a ua haalele iho o Mts. Hcnry M. Lani no Bridgeport, ma ke ano, he hoike oia no ka make ana o kana kane, i ka wa e hooloheia ai o ka hihia o ke kanaka nana i hana i ke karaima pepehikanaka. .4-