Ka Nupepa Kuokoa, Volume LXII, Number 32, 9 August 1923 — Na Olelo Noeau a na Hawaii [ARTICLE]

Na Olelo Noeau a na Hawaii

Ke hooikaika mai nei ka Hale Hoikeike o na Meakahiko, ka Bishop Museum, e hoakoakoa a houluulu i na olelo noeau, na olelo hookaau a mau nane paha aka lahui Hawaii, no ke pa'i ana aku i]oko o kekahi buke, me ka manaoio, pela wale no e kuman aku ai na olelo naauao a keia lahui kanaka, e nalowale ole ai ma keia hope aku. keia he hana maalahi i ka nana aku, no ka mea aohe h: maopopo e kikoo aku ai, a lawe mai i na mea i makemakea koe wale no, ka ui maoli ana aku imua o na Hawaii, i loaa ja lakou kekahi mau olelo noeau, a e paanaau nei paha; i keia manawa. Ma na olelo noeau ame na olelo hookaau, o ka lahui Hawaii kdcahi lahui kiekie loa ma keia mahele, o ia hoi, na Hawaii o ke a« kahiko, aole o na Hawaii o keia la, he poe hemahema loa ko keia au hou, he poe ike ole i ka lakou olelo iho, a oki loa hoi

ka maopopo ana i ka manao o kekahi mau olelo, aka no na Hawaii o kela au kahiko i hala, he kuli'u a hohonu maoli no ka ma- - oi P i 0 naauao ia lakou ke kamailio mai.

v-viii o ka lahui Hawaii, ma ka lakou olelo, he mea ia i loaa ole i na lahui e ae; ua hiki ke kamailioia no na ano o ka makani, na pua, ame na mea like ole; eia nae he okoa loa ke kumu ame ke kaona o ka manao i hookahuaia.

O ka Rev. H. P. Judd (Kauka) kakauolelo o ka Papa Hawaii, ka i noiia ae e ka Hale Hoikeike o na Meakahiko, e lilo i poo no keia hana nui; he hana nae e hiki pono ole ai iaia ke lawelawe, ke o]e kakou na Hawaii, ka poe na lakou ka olelo e kokua ma ka haawi ana aku iaia, i ka kakou mau olelo noeau i paanaau, me ka hoakaka pu aku, i ka manao o ia mau olelo pohihihi.

I wahi nae e holopono loa ai keia hana houluulu a hoakoakoa i na olelo naauao kuli'u a keia lahui kanaka, he mea pono no e loaa i ka Hale Hoikeike o na kekahi Hawaii kahiko, i maopopo i ka manao o na olelo noeau like ole, ame ko lakou mau kaona i kamailioia ai; aole o ka pono lawe.wale no i keia ame kela ano olelo noeau, a pa'i aku maloko. o na buke; me na manao pololei ole, o lilo kekahi mau hemahema e hanaia ana, i kumu e hoemiia mai ai ka waiwai o keia hana nui.