Ka Nupepa Kuokoa, Volume LXII, Number 47, 22 November 1923 — HAAWI ME KA MINAMINA OLE [ARTICLE]

HAAWI ME KA MINAMINA OLE

Ma ka Poakahi nei, i hoomaka ai na hooikaika ana e loaa he waihona kokua. no na home ame na hale, i kaa aku ai ke ko'iko'i o ko lakou malamaia ana maluna o ka lehulehu, a ma keia Poaono, e pau ai keia hooikaika ana. Aole keia he hana malihini ia kakou, alea he hana kamaaina no keia. oiai he mau makahiki ae nei, a kakou i haawi aku ai i na kokua ana no kekahi huina dala i kohoia, ua lawa no ka malama ana i na home ame na hale o ka lehulehu he iwa-kalua-kumamakolu ka nui no ka makahiki hookahi. Aole i poho na kokua a kakou e haawi ai no keia Waihona Kokua, no ka mea ma o keia waihona la, e hoopakeleia ae ana kekahi mau hoa-kanaka o kakou, mailoko mai o na auwe ana, e laa na home o ka poe palupalu, na home o na keiki makua ole. na wahine kane-make. na halema'i a pela aku. Aole he hookahi lahui, i hoopomaikaiia ma o keia waihona kokua la. aka ua hoopomaikaiia na lahui apau loa a ia kakou e haawi ai i na kokua, elike. me ka mea hiki, ua kokua aku kela ame keia i kona lahui ponoi iho, iloko o na wahi he iwa-kalua-kumamakolu. Aole no i loaa i na Hawaii apau ka noho ulakolako ana, aka :iae he mea no e hauoli ai ka manao, i ka ike ana, o kakou kekahi poe, i haawi aku me ka minamina ole, i na mea liilii : l<»aa ia kakou, elike me na hoike, a na komite o ke komo He ana maloko o na home. < > na keneka apau i haawiia aku me ka minamina ole no .eia waihona kokua, ua holo aku ia no ka hoohauoli ana i ka nanao o ka poe popilikia ame ka nele, ma ko kakou hana rna pela. no ka hauoli o na wahine kane-make, na keiki makua ole. ame ka hoonaauao ana i ka poe nele, ame na hana kokua e ae he nui, ua lawelawe aku kakou i kekahi hana kilakila loa elike me ka ko kakou Haku i makemake ai ia kakou e hana aku ma ka honua nei.