Ka Nupepa Kuokoa, Volume LXII, Number 47, 22 November 1923 — LILO KA HEMAHEMA I KUMU PILIKIA. [ARTICLE]

LILO KA HEMAHEMA I KUMU PILIKIA.

Mamuli o ka hopena o na koho baloka i malamaia ma na kalana lehulehu o kakou, i hala koke aku nei, i loaa mai ai ka ike, o ka hemahema i lawelaweia ma ka oihana, he kumu hoopilikia mai ia, i kekahi mau moho, e ake ana e koho hou ia mai no ia mau kulana. Pehea ka ikaika o ka aoao kalaiaina o na moho o kela ano i ole ke kulana nawaliwali paha o na moho holo ku-e mai ia lakou; ua nana aku ka hapanui o na mana koho baloka, ma na hana i lawelaweia e na luna oihana; aole ma ko lakou aoao kalaiaina; ua hooiaioia mai keia, mamuli o ke kohoia ana o Mr. Shipman o Hilo, Hawaii, i puuku ma kahi o ka Puuku Swain, no kela kalana. O ka haule ana o ka Puuku Swain, a kohoia o O. T. Shipirim. ma kona makalua, aole ia ma ke ano o ko laua aoao kalaiaina, no ka mea ina ma ia ano, ua lanakila na moho Demokarata e ae, a i ole ua koho hou ia o Mr. Swain, aka ua nana aku na mana kolio, ma ka hana i lawelaweia maloko o ke keena puuku, i lilo ai o Alr. Swain i poo no kela keena; he hoike ana mai keia, i ka makee o ka lehuleliu, e ike aku i ka lawelaweia o na hana o ke aupuni, ma ke ano kupono maoli. Ke loli loa nei ke au o na hana kalaiaina i keia manawa, mai ko ka wa i hala; o ia hoi, ka lilo o na ano kupono o na moho i ko'iko'i iloko o ka noopoo o ka lehulehu, aole ma ko lakou aoao kalaiaina. Nui wale na puulu o ka poe kolohe i hoomaopopoia ma keia kulanakauhale e pono ai e hoopaaia aku lakou maloko o ka halepaahao, ke loaa pono aku ka lakou mau hana kolohe a hoopoino i ka lehulehu; e hoomanawanui iho nae kakou pela, malia o hiki i ka Makai Nui Trask, ma kona manawa e lawe ae ai i ka noho poo ana no ka oihana makai o Honolulu nei, ke hoopau ae i keia ino e pahola nei iloko o ka aina, o ka maha no ia o ka noonoo o ka lehulehu.