Ka Nupepa Kuokoa, Volume LXII, Number 47, 22 November 1923 — Nuhou Kuloko [ARTICLE]

Nuhou Kuloko

Ma ke kakahiaka o ke Sabati iho nei, i huli hoi mai ai o Senatoa James K. Jarrett, mai kana huakai pokole aku nei no Maui. Nui na hana aihue ame na hana lioohalua e lawelaweia mai nei ma na wahi like ole o keia kulanakauhale, e ka puulu o ka poe kolohe a hakihaki kanawai. Ahiki i ke kakahiaka o ka Poakahi nei, he iwakalua-kumamaha ka nui o na hoopii oki mare i waihoia ae imua o ka aha kaapuni, no keia mahina o Novemaba. Ma ke koho baloka o na luna oihana o ko kalana o-Maui, ua pau wale no na moho lunakiai Kepubalika i ke kohoia a puka, a haule na moho lunakiai Demokarata. Ma ka Poalia o keia mahina, ka la 29 o Novemaba nei, ka La Hoomaikai a Hoalohaloha i ke Akua. Ma keia la i makemakeia ai na mea apau e haawi i na hoomalkai ana i ke Akua. Mahope o ka hoohala ana i kekahi imau la ma ke kulanakauhale nei, i ! huli hoi aku ai ka Lunakanawai Kaapuni W. C. Aehi, Jr., no ka Mokupuni Kaili La, ma ke ahiahi o ka Poakahi nei no kona home. Ma ka liome o Mrs. Manuel Beis, ma ka po o ka Poalima aku la i liala, i hoomanao ae ai ka Ahahui o na Mamakakaua i ka la hanau o ka Moi Kalakaua, me ka nui o na lala o ka ahahui i akoakoa ae nia kela anaina : No ka uluhua i keia ola ana i oki ae ai he Kepani nona ka inoa o £jjsuki Tanabe o Pawaa ae nei, i kona puu i ka pahi a moku ma ke kakahiaka o ka Poalima nei, me ke puhiia ana o kona kino i ke ahi. Ma ka hora 7:45 o ke ahiahi o keia Poaha, e malama ae ana ka Ahahui o na Wahine Koho Baloka, he halawai maluna o kaupoku o ka Hokele lana, a ua makemakeia na lala o kela ahahui, e hoea ae ma ia lialawai. Ma ka Hokele Moana, ma ka po o ka Poaono iho nei, i hoonaneaia ai na malihini mai Loa Angelcs mai, nie na mele Hawaii, mai keka'ai mau puukani aku o Honolulu nei, me ka nui o ke ohohiaia.

0 ka poe i hookaa ole ae i ko lakou mau auhau ma ka Poaha o lea pule aku nei i hala, ka la hope loa e uku ai i na auhau me ka ukupanee ole, e kakiia mai ana lakou he umi pakeneka, maluna o ka huina auhau i uku ole ia. Ma ka Poakahi nei, i hoomaka 'ū na hooikaika ana no ka Waihona Kokua no keia makahiki, ma Honolulu nei, me ka nui o na wahine ame na kane i komo hele ma na apana like ole, no ko noi ana i na kokua imua o ka lehulehu. Mahope o ka hoohala ana i kekahi mau la kakaikahi ma ka Pare(laiso o ka Pakipika, i huli hoi aku ai na malihini makaikai, mai Los Angeles mai, ma ke kakahiaka o ke Sabati aku nei, me na manao hauoli, no na mea a lakou i ike ai maanei nei.