Ka Nupepa Kuokoa, Volume LXII, Number 47, 22 November 1923 — NUI KA OPIUMA I LOAA ILUKA O KA MOKUAHI. [ARTICLE]

NUI KA OPIUMA I LOAA ILUKA O KA MOKUAHI.

Maluna o ka mokuahi Taiyo Maru oiai kela niokuahi e ku ana ma ka uwapo ma Kapalakiko, i loaa «oi i ka poe huli, he 460 kini opiunia, i manaoia, e hoopae malu ma kela kulanakauhale, paa e nae i ka hopuia e na kanaka o ke aupuni. Mainuli o ka loaa ana o kela heluna nui o na kini opiuma, i kauia ai ka hoopa'i o $105,000 maluna o na ona o kela mokuahi, no ke ku-e i ke kanawai. Ma ka oleloia, oiai ka mokuahi Taiyo Maru, e hookokoke mai ana no Honolulu nei, ma kana huakai mai lapana mai, a he elua la alaila ku mai no keia awa, i loaa ai maluna o ka mokuahi he 147 mau kini opiuma, na ka poe ponoi no oluna o ka mokuahi i huli ahiki i ka loaa ana o kela opiuma. Ma ka Poalima aku nei nae i hala, oiai kela mokuahi o hookokoke mai ana mawaho ae nei o Daimana Hila, ua nui na mokulele, o ka lele hookikakaha ana aku maluna o ka lewa, a ua manaoia, ua kau ka weli i ka poe hoopae opiuma oluna o ka moku, pela i kiola ole ia ai ka opiuma iloko o ke kai, a aole no hoi he mau waapa, i ikeia e hookokoke mai an* i kela mokuahi. Ma ka hoakaka a kekahi ohua, o ka holo ana no Kapalakiko maiuna o ka mokuahi Pcresidena Linokona, ua ike ka oia i ke kiolaia ana 0 kekahi puolo aila i koho aku ai he opiuma, iloko o ke kai, i ka w:i e hookokoke aku ana he waapa Kepani i ka moku, a ua loaa ua puolo nei, i kela waapa, a hookauia ae maluna ona. Ua loaa mai ka hoomaopopo ana, 1 na luna oihana kukeawa, no ke kiolaia o na kini opiuma iloko o ke kai, ma na manawa a na mokuahi e kokoke mai ai i ke awa ao nei, a na kekahi poe ouka nei o ka aina, i makaukau me na waapa, e kii aku i ka opiuma a hookomo mai iloko nei o ke awa, a i ole hoolele ae paha ma kekahi mau wahi kiai ole ia, u ma na kaa otomobile, e hoihoi loa mai ai i ke kulanakauhale nei. Ua hoouna ae ka Loio Kuhina Matthewman i kona manao kanawai i ka Hope Kiaaina Brown, e hoole ana i ke kuleana ame ka mana o ke senate e uku ai i kekahi mau elala o ke aupuni no na hoolilo o ka aha senate, mahope iho o ka hookuu ana o ka ahaolelo.