Ka Nupepa Kuokoa, Volume LXIII, Number 1, 3 January 1924 — AOHE UHANE LAPU MALOKO O KA HALEPAAHAO. [ARTICLE]

AOHE UHANE LAPU MALOKO O KA HALEPAAHAO.

1 kulike me ka ke Kauka J. T. Wayson 0 ka hoike aua ae ma ka Poalima 0 ka pule aku la i hala, ma ka mea e pili ana i ka oleloia i ka lapu 0 na uhane ino i ua paa--1 iao ke hoopaaia maloko 0 ka halepaahao ma Honokaa, ua hoole ae oia "i ka oiaio 0 ia mau olelo, e. wahi ana he ukulio ame ka wela hahana hiki ole i na paahao ke moe maloko o na rumi haiki a nui o!e 0 ka puka makani ke kumu 0 ka pilikia. Wahi a Kauka Wayson 0 ka hoike ana ae ua hoea ae oia i Houokaa a ua komo iloko o na rumi o ka halepaahao i oleloia i ka lapu, a wahi ana, he liilii loa na rumi e hoopaaia ai ka paahao aohe moe oloko a 0 kahi puka wale no e loaa ai ke ea no ka paahao maloko he mau wahi puka liilii i okiia ma ke panipuka. Ina he paahao ke hoopaaia maloko olaila he wahi huluhulu wale no ke haawiia ae iaia a iluna 0 ka papahele anuanu e moe ai e hiki ole ai iaia ke hiamoe no ka maneo i na ukulio. "Maloko 0 kela mau rlimi paahao he oi aku ka ikiiki 0 ka mea 0 moe ana no ka nui loa 0 ka wela, he liilii loa ka puka e komo aku ai ke ea iloko no ke kanaka e hanu ai, me ka hiki pono ole ke hanu me ka maikai, me ka piha pu o ka rumi i na ukulio, a no ia mau mea hoouluhua i ka noonoo 0 ka paahao ua manaoio oia he akua lapu ke hoomaka'uka'u ana iaia," wahi a Kauka A. Wayson. I kulike me ka hoakaka a ka moolelo mai Hawaii mai ma kekahi mau la aku la 0 ka pule i hala. ua hoopaaia aku kekahi paahao maloko 0 kekahi 0 na rumi 0 ka halepaahao ma Honokaa, a iaia e paa ana maloko 0 kekahi 0 na rumi ua lapu ia ka oia e kekahi uhane lapu, a no kona maka'u i hoopaaia ae ai he paahao hou me ia maloko 0 ia rumi, a oia pu kekahi i lapuia me ka noke ana i ka uwa mamuli 0 ka uumiia ana 0 kona kania-i e ka uhane lapu, a no ka makemake o ka lunapaahao e ike i ka oiaio i hoopaa ni oia iaia iho maloko 0 ia rumi me ka pu panapana me ia, a iaia maloko olaila i ike mai ai oia 1 kekahi uhane e ku aku ana ma ka-puka a noke mai la i ke kii me kana pu panapana ahiki i ka pau ana 0 na poka, a ilihia oia me ke ku a hehena maoli. Ma ka hoakaka a ke Kauka Wavson 0 ka mea pono loa e hanaia no kela hale paahao ma Honokaa, o ia ka hoopau ana ae f na pilikia i ikeia i nei manawa ma 0 ka hoonui ana ae ia hale ame ka hoolako ana i moe a hoonui ae i na puka makani, i loaa ke ea a nui no ka mea e hoopaaia ana maloko olaila.