Ka Nupepa Kuokoa, Volume LXIII, Number 3, 17 January 1924 — KUU LEIALOHA UA HALA. [ARTICLE]

KUU LEIALOHA UA HALA.

Mr. Solomon HaJiohano, Aloha nui kaua:—E oluolu oe e hookomo iho ma kahi k&awale o ka kaua hiwahiwa i ike mai ai na makamaka, ka ohana, na hoaloha o kuu lei heleloa, e noho ana nia kela pe'a ām« keia pe'a o ka aina. Ma ka la 21 o Novemaba 1923, i pauaho mai ai kuu leialoha i keia ola mauleule ana, Mr. Daa Kaleiheana Kinoulu, a waiho iho la ia'u kona papa aloha mahope nei, me kona poe kaikuahine, ame kana leialoha he keiki, e u aku me ke kaumaha nona. Ua hanauia kuu leialoha ma Kalaoa, N. Kona Hawaii, mai ko maua puhaka aku, Mr. D. Kinoulu ame MrB. Hana Keloi Kinoulu i ka makahiki 1889, nolaila, ua piha iaia na makahiki he kanakolu-kumama-ha. Ma Kona no oia i hanaiia ai a nui, a hele aku no ka aina malihini o ia o Honolulu. Uaila oia i ka hapanui o kona noho ana me kona poe kaikuahine, a mamuli o ka hoi ana mai o kekahi o kona kaikuahine i Waiakea Homefltead nei, Hilo, oia o Mrs. Grac.e Kealoha, pela oia i holo mai ai, a noho pu me kona kaikuahine, no ka makahiki a oi, he hana kelepoua kana hana me kona kaikoeke, Mr. Kealoha, a mamuli o na ulia o ka manawa, ua hoi hou no oia i Honolulu me ia mau kaikuahine, a loaa liou kana hana i ka hale hana hao, ilaila oia kahi i hana ai, a loaa iaia kekahi ulia, o ia hoi, haule ia e ka hao, a eha ka wawae, mailaila ka hoomaka ana o kona waiho nna i kahi moe a loaa iki hoi ka oluolu o ka wawae hiki ke hele, hoomaka mai ana e loli ka ma 'i, lio emi pu mai kahi kino. Nui ka imiia o ke ola i na kauka haole, kauka Hawaii, aole wahi mea a lana mai . Un oi aku ka ma'i mamua o ka mea kupono i ka ike o ke kanaka ke hana, a haalele wale mai oia ia makou nie ke aloha pau ole nona. Oia hookahi wale no ka'u keikikano, iwaena o kona poe kaikuahine eha. Ua mare no oia i ka wahine, ua loaa he hua mai kona puhaka he keikikane, a mamuli o na ulia o ka manawa, ua kaawale oia mai kana wahine mai, a hala wale aku la oia. Aloha no kuu lei, kuu mea nui oia! Aka ua pau kana hana ma keia ao, ua. kuu ka luhi. Nolaila ma ko makou aoao ka ohana, ke haawi aku nei makou i na hoomaikai palena ole, ina makamaka ame na hoaloha, i akoakoa pu mai ai me makou iloko o na hora o ke kaumaha, pela me ke ala pu ana a ao ka po, pela pu no hoi me na makana pua a na hoaloha i hoohiwahiwa iho ai maluna o kona kino kupapau. Ma ka la iwakalua-kumamalua i maneleia aku ai kona kino a hoomoeia akn ma Haili-Kulamanu no ka wa mau loa, a ko ae la ka mea a ka Haku i palapala ai, no ka k;o mai no oe, a o hoi aku no oe i ka lepo. Nolaila, me "keia mau kanaenae aloha no kuu lei, ke waiho nei au na ka Haku aloha ma ka lani e hoomama mai i na luuluu ame na kaumaha i hekau iho maluna pakahi o makou apau. Owau iho no me ka luuluu, D. KINOULU, Ame ka Ohana.