Ka Nupepa Kuokoa, Volume LXIII, Number 37, 11 September 1924 — NO KA POLITIKA KE KUMU O KA PILIKIA. [ARTICLE]

NO KA POLITIKA KE KUMU O KA PILIKIA.

Maloko o kekahi o na pauku o ke kahuahana a na Demokarata i keia kau, e koi ana ia. e hoololiia ae ke kanawai e ku nei, no ka hoemi ana mai i na makahiki, a na luna oihana kohoia o ke Kulanakauhale a Kalana o llonol6lu, e pāa ai i ko lakou mau kulana pakahi, mai ka eha makahiki, a i ka elua makahiki. Ua ala mai keia manao hoololi, manuili o na paonioni i ikeia mawaenaaio ka meia Demokarata, na hoa Demokarata o ka papa lunakiai, ame na hoa Repubalika o ka papa; ina o keia iho la ke kumu oiaio, alaila aole ia i lavva, no ka mea he kahua okoa loa Whi i ku ai o kelā kulana paonioni, aole no ka loihi mai o na makahiki e paa ai i ke kulana oihana. O ke kumu oiaio maoli o ka pilikia i ala mai ai, elike me ia e ku nei i keia manawā. mawaena o na Demokarata ame na Repubalika, no ka paaniia no ia o kā politika; a o ka meia ame na hoa Demokarata o ka papa lunakiai ka poe na lakou i .hapai mai ia hana; me ke konoia ana o na hoa Repubalika, e kupale maluna o na kahua a lakou i manaoio he pono a pololei. Me kela manao e paani i ka politika no ka hoopomaikai ana ■aku i ko lakou pnulu ponol ilio, i waiho mai ai ka meia i kana hookohu oihana imua o ka papa lunakiai kahiko, ana i ike ai, he Demokarata ka hapanui o naJioa o kela papa, iloko o na minuke hope loa, e mauliawa ana kela papa, a noho aku ka papa lunakiai hou, e hoole ae anei kakou, aole keia o ke kumu 0 ke ala ana mai o ka pilikja iloko o ka papa lunakiai e noho mai nei? He hana hiki loa i ka meia ke kakali i kana mau hookohu oihana, ahiki i ka noho ana mai o%a papa lunakiai hou, me •kela manao paani politika nae, ua maopopo mua iaia, e hiki ole ana e hookoia kona makemake, oiai o ( na Repubalika ka hapanui o ka papa, pela oia i kuni aku ai i ke kukaepele, nana 1 hoolapalapa ae i ke ahi o ka uluaoa a kakou e ike nei i keia la, ka hana nana i alako aku i na Demokarata ame na RepubaJika pu, iloko o ka hohono uwahi o ka politika. He mea anei e hoololiia ae ai keia kulana a kakou e ike nei i keia la, ma ka hoenii ana mai i na makahiki paa oihana o na luna kohoia, elike me ia a na Demokarata e lawe mai nei maloko o ka lakou kahuahana? Aole loa ia he kumu e loli ae ai keia kulana, ke ole e kapāe loa ia ka paani ana i ka politika, a kukulu mai i ka ninau kupono, ke kaulike ame ke kanakamakua mamua. Aole ma ka uuku a i ka nui o na makahiki e paa ai i ka oihana ke kumu o ka pilikia, aka ma ke ano o ka lawelaweia ana o na hana o ka lehulehu, nolaila aohe no he hewa o ka hoemi ana mai i elua makahiki o na luna oihana o ke kulanakauhale e paa ai i ko lakou mau kulana, ina he kumu ia e malama mau ia ai ke koho baloka iloko o kela ame keia elua makahiki, no ka hoololiloli ana i na luna oihana; o ka manao ana nae, no ka loihi loā o na makahiki paa oihana ke kumu o ka 'pilikia, o kela kekahi o na manao pololei ole, ke ku mai nei na mea oiaio i lawelaweia no ka hooia ana mai ia mea.