Ka Nupepa Kuokoa, Volume LXIII, Number 39, 25 September 1924 — Page 6

Nupepa Kuokoa

KE KILOHANA POOKELA NO KA LAHUI HAWAII

NA MOOLELO HOONANEA, NA NUHOU KALAIAINA
ME NA NUHOU O KA MANAWA

AOAO NO NA MANAO PEPA
SOLOMON HANOHANO, LUNAHOOPONOPONO

NUPEPA KUOKOA, HONOLULU, T. H., POAHA, SEPATEMABA 25,1924.


	Nuhou Kuloko He ahamele me hoikeike tabolo ke weheia ae ana maloko o ka Phoenix Hall, ma keia Poaono iho, Sept. 27, no ka pono ame ka pomai- kai o ka Ekalesia o ke Kahikolu Hemolele, Waialua, Hoomana o ke Akua Ola. He 75 keneka ka uku komo. E hoomaka ana ma ka la 1 ae nei o ka mahina o Okatoba, he ehiku keneka ka uku o ka ohua o ke kaa uwila, no ka holo hookahi ana, nole he elima keneka elike me ia e ukuia nei i keia wa no ka ohua. Ma ka Poakahi iho nei, i weheia ae ai na hana haiolelo maluna o ka pahu Kopa, malalo o na hoopono- pono ana a Mr. J. K. Mokumaia, elike me ia i ike mao ia ai ma na wa hakoko kalaiaina i kaahope ae nei. He halawai ka ka Ahahui o na Wahine Koho Baloka e malama au ana maluna o kaupoku o ka Hokele Young, ma ka hapalua o ka hora ehiku o keia ahiahi, mo ke konoia o na moho apau o ka apana eha ame elima, e hoea ae ma ia halawai. Ma ka Poalua iho nei, i weheia ai ke alanui Harding ma Kaimuki, no ka holo ana o na kaa mai kekahi kihi a i kekahi me ka pilikia ole. Aia a paniia aku ke alanui o Wai- alae, ma keia alanui Harding e holo ai na kaa no Honolulu ilei, a no na wahi like ole ma Kaimuki. Ma ka Poalima aku nei i hala i haawi ne ai ke kiure hookolokolo i kaua olelo hooholo e hookuu ana ia Miss Margaret G. Gertz, no kona pili ole i ka hewa no ka make ana o Samuel Nobriga mamuli o ka hoo- ku'iia ana aku e kona kaa otomo- bile. Mamuli o ke kulana okaikai o na Pilipino olohani o Kauai, aole e kau- oha koke ia aku ana ka puali koa kiai lahui, e hoi mai no Honolulu nei, ahiki i ka wa e ikeia ai, ua nohoalii mai ka maluhia ma kela mokupuni. Ma ka noho aua o ka halawai a ka papa hooko o ka nupepa Honolulu Times, ka nupepa i noho lunahoo- ponopono ai o W. K. Bassett, ma ka pule uku la i hala, i kohoia ae ai o J. A. Marrow, i lunanui no kela pepa, no ka hooponopono ana i na hana apau e pili aua i ka pepa. Owelawela na hana kalaiaina ilo- ko o keia mau la e nee nei, me ka hooikaika o kela ame keia moho nona iho, ma na wahi apau e ma- kou la ana o na halawai kalaiaina.	Nuhou Kuwaho TGORP, Wis,, Sept. 21.— Elima i make, a elua i hoikeia mai ua make a he umi-kumamaha i hoehaia i keia auwina la ma ka manawa o ka pa ana mai o ka makani ikaika ke tonado ianei me ka lilo pu i kumu hoopoho i kekahi mau wai- wai he nui me ke dala pu. MUKDEN Sept. 21.— Ua noiia ae ra Kanikela Amerika ame Pelekane e ka Ilamuku Chang Tso-lin o Ma- nekuria e kauleo mua aku ana i na lahui kanaka apau, e hoike aku ana no kona manao e kipoka pa-hu ae in Chinwangtan. TUCSON, Ariz., Sept, 21.— O na kanaka Amerika kaapuni honua ma ka lewa na Lutanela Smith, Nelson ame Wade, ua kuu iho maanei ma ka hora 1:18 o keia auwina la mai El Paso, Texas mai. Ke hoolala nei lakou e lele aku ma ke kaka- hiaka o ka la apopo no San Diego, Cal, he kowa o aneane 125 mile mai Santa Monica aku, kahi o na mo- kuea i hoomaka aku ai e lele ma ka la 17 o Maraki no ke kaapuni ona i kit honua ma ka lewa. Aka nae, aole e hoopau ana ka lakou lele ana ahiki i ka hoea ana aku i Seattle, Wash. MEKIKO, Sept. 21.~Ua oi aku maluna o ke 50 pakeneka 0 na keiki i hanauia maloko o Mekiko aole i ola aku a loaa ko lakou mau la hanau mua, elike me ia a ka papa ola o ka hoike ana ae maloko o na popa liilii (Bulletin) ka pepa nana i wehe mua a na haua hoeueu e hoopakele i na keiki. "He mau kaukani o keia mau kamaiki i make mua mamua o ka piha ana o ka ma- kahiki mua o ko lakou hanauia ana, no ke kumu no ka hemahema loa o ka hanaiia ana,'' wahi o ka hoakaka a ke aupuni. TOKIO, Sept. 21. — Aneane he 30,000,000 kanaka, aneane aku i ka hapalua o ka heluna kauaka o Ia- pana i hoahu aku i ka lakou mau dala maloko o ka haleleka, he hana e hoohoihoi aku ana i ka hoahu ana ma o a maanei ame ke ano hana hoololi dala ana, O ka huina nui o na dala i hoahuia ahiki i ka la hope o Iulai he 1,133,848,177 yen. CLARESDALE, Miss., Sept. 20.— Ua liia e kekahi poe i piha me ka inaina he Paele paahao ma kekahi o na halepaahoo kokoke mai ian i, o Herbert Taylor ka inoa, no ka hoao ana e hoopoino i. kekahi kai- kamahine uuku a kekahi paahao. Ua laweia ka paahao mai kekahi makai nui aku a kana aku iloko o ka ululaau a malaila i kiia ai a make mahope o kona liiia ana.

KA AHAOLELO E HOEA MAI

ANA.
Kakauia e ka Uhiwai o na Koolau.

O ka ahaolelo e hoea mai ana kekahi o na kau ahaolelo ano nui loa, e pono ai i kela ame keia mana koho e akahele loa i ke koho ana i na moho Senatoa ame na Lunamakaainana no ka haiia ana i ka lakou mau hana no ka pono o kela amo keia mai o a o o ka aina.

Ma kahi o na moho lunamakaainana, he nui ka poe e, alualu nei i kela kulana, a iwaena o lakou he nui ka poe kupono, he poe kekahi i kamaaina i ka hana a i hana i ka hana a ka lehulehu me ka hoopono o hiki hou ai no i ka lehulehu ko haawi hou aku no i ka lakou mau hilinai ana, a iwaena o lakou ma ko'u kilo ana aku ua wae ae aa ia S. P. Correa, John Brown, John C. Anderson ame kekahi poe e ae mamuli o ko'u iko ana i ka lakou mau mea hana ni oiai lakou o lawelawe ana i ka luina i na kau i i ala ae nei.

Malia paha, aole no i kulike ko'u manao me kekahi o kakou, aka, ina

kakou e lawe mai ana a noonoo me

ke akahele o loaa ana ku ike ia kakou no ko lakou kupono maoli io no e lilo i kauwa na kakou.

O ka ninau hoonaauao, o ia ke-kahi o na ninau koikoi e hapai mau ia nei a e hapai hou ia mai ana no,

_ono o ka kakou mau keiki o hookeia nei a pili i ka paia e na lahui e he mea pono ia kakou e noonoo me ke akahele loa i ka poe kupono a kakou e hoouna ai i ka ahaolelo i keia kau ae.

PAIKI LOLE I NALOWALE.

E Mr. Lunahooponopono,. Aloha kaua:-Ma ka mokuahi Kalandina o holo ana mai Honolulu mai no Mahukona, ua nalowale he paiki ie Iole, o ia ka moku o ka la 25 o Augate i pau.

Ina hoi ua loaa i kekahi mea keia paiki, e oluolu oia e hoike ae i ka Lunahooponopono no keia paiki. He lole wahine na lako, apau oloko, ame hookahi makaaniani. E loaa no he makana kupono.

MRS. LAHAPA,

Kohala, Sept. 20, 1924.

NA MARE.

Joseph Lee ia Amelia Nakapaahu, Sept. 14.

NA HANAU.

Na Mr. ame Mrs. Aaron S. Kuoho, he keikikane, Sept. 13.

Na Mr. ame Mrs. Frank Mendiola, he kaikamahine Sept. 14.

Na Mr. amo Mrs. Samuel K. Ka-

maka, he keikikane, Sept. 16.

Na Mr. ame Mrs Simeona Kealoha, he kaikamahine, Sept. 16.

Na Herbert E. Mclnerny ame Marit Holt, he kaikamahine. Sept 16

Na Chas. K. Hoopai ame Geneie-ve Lani Hao, he keikikane, Sept. 17.

Na Mr. ame Mrs. Kanoho Maii, he keikikane, Sept. 18.

Na Geo. K. Kanekoa ame Sarah Wong Kong, he kaikamahine, Sept. 17.

Na Chas. A. Stanton ame Mary Peters, he keikikane, Sept. 19.

Na Ed. B. Peterson ame Helen Leilani Chillingworth, he kaikamahine, Sept. 21.

Na Mrs. ame Mrs. Samuel Kaliko, he kaikamahine, Sept. 22.

NA MAKE.

Mary Kaawa, ma Puuloa, Sept 17.
Joseph Nawelu Kaihenui, ma Kai-
lua, Sept. 23.

E MALAMAIA ANA

HE KAIHUAKAI NUI

I kulike ai me na mea i hoolalaia e na Ahahui o na Keiki Hanau o Hawaii nei, e malamaia ae aua he kaihuakai hookahakaha nui, ma ka auwina la o keia Poaono iho.

Ma kahi o ka eha ame ka elima haneri mau lala o kela mau ahahui i manaoia e komo ana iloko o ko kaihuakai.

E hoakoakoa ae ana na ahahui apau mawaho o Kamaki Kuea, ma ka hora ekahi o ka auwina la o kela Poaono, a ma ka hora elua e hoomaka mai ai ke ka'i ana no-lalo nei o ke kulanakauhale.

O na ahahui e komo ana ma keia kaihuakai, o ia ka Ahahui o na Keiki Hanau o Hawaii nei ame kona mau ahahui lala, ka Ahahui o na Kaikamahine ame kona mau ahahui lala.

E ka'i mai ana ka huakai ma ko alanui Victoria no ke alanui Beritania, alaila iho no ke kulanakauhale nei ma kela alanui, a hoea i ke alanui Papu, ma ia alanui a hoea i ke alanui Moi, alaila ka'i noloko o ka pa 'lii.

Maloko o ka pa'lii, e nanaia ai ka huakai e Kiaaina Farrington, mailuna mai o na anuu o ka Hale Mana Hooko. \\

O ka Makai Kiekie John C. Lane, ka ilamuku nui o kela hana kaihuakai, a o Senatoa Charles F. Chillingworth kona hope, o laua ke ala-kai mamua o ka huakai.

O na lunanui ame na lala o na Ahahui o na Kaikamahine Hanau O Hawaii, ka Ahahui o Kaneohe Helu 3, ka Ahahui Kilohana Helu 2, ka Ahahui o Honolulu nei, Helu 1, ame ka Ahahui Poo.

Ma ke poo o ka huakai na makai mokokaikala, i ukaliia aku e ka hana, ka Ahahui aku o na Kaika-mahine o Hawaii; ka Ahahui o Kaneohe; ka Ahahui Kilohana, he bana puhiohe aku, ka Ahahui o Honolulu nei, na lunanui o ka Ahahui Poo; na kaa otomobile.

E hoohiwahiwaia ana na kaa otomobile, e hookomoia ae ana o ke Komisina o na Home Hawaii, na Kaikamahine o Hawaii, A. R. Cunha, ke Kula Kumu, ka Puali Hoola, Mrs. J. L. Waldron, Kewalo Athletic Club ame kona mau ahahui lala; R. W. Davis, George Chalmers, ame Sam Toomey.

Ma ka hapalua o ka hora ehiku o ke ahiahi ana iho, he aha hulahula nui ke haawiia ae ana mawaho o ka paka o Waikiki; o na loaa apau o kela aha hulahula, e holo aku no ia no ka waihona kukulu hale no ka ahahui.

I NA KULA SABATI ME NA C. E.

O KA AHAHUI MOKUPUNI.

O KAUAI.

Elike me ka hoolaha mua ia ana aku ma na leta, ma ke kauoha a ka lunahoomalu o ka Ahahui Kula Sabati, Mokupuni o Kauai nei, Mrs. Kapika Lovell, ua noho ka halawai kuikawa a ke Komite Hooko o keia Ahahui ae la maanei i ke Sabati, Sept. 14, 1924, ma Lihue. Eia na Iala i hiki mai:

Mrs. Kapika Lovell, lunahoomalu: Mrs. Abbie K. Kaauwai, kakauolelo; S. W. Meheula, Kahu Kula Sabati, Kauai Hikina, Mrs. Lucy K. Wright, Kahu Kula Sabati, Kauai Komohana; Mrs Kaiawe, Hope Kahu Kahu Kula Sabati, Kauai Komohana; J. Mahiai Kaneakua, Hope Kahu Kula Sabati, Kauai Hikina, Ka-kauleta, ame Puuku; Rev. I. K. Kaauwai, ame Rev. D. K. Kaaeamoku, o Waimea.

Kumuhana—"He noi mai ka Eka-lesia Euanelio Hawaii mai o Waimea, kona Kula Sabati ame na C. K. e hoopaneeia ka Hoike o na Kula Sabati, o Kauai nei, ame ka Rale o na Ahahui C. E., i manaoia e malamaia ma ka luakini o ka ekalesia o Waimea ae la ma ke Sabati o ka hebedoma e noho ai ka Ahahui Euanelio o ka Mokupuni o Kauai nei ma Waimea uo ke kumu ua hoomaopopo ia ekalesia i keia manawa ano e hemahema loa ana ia i na lima lawelawe a kokua no na hana o ka hoomakaukau ana i ka ai no ka hanai ana, elike me

ka mea maamau, i ka lehulehu e

hiki aku ana ma keia Hoike a Rale ae la.

Mahope o na kukakuka akahele ana, ua hooholo lokahi ke Komite e ae aku i keia noi, a ua ae io aku e hoopanee loa ia ka Hoike Kula Sabati i manaoia.

Hora 12:30, keia auwina la no, mahope o ka pualu ana i ka Pule a ka Haku, ua hoopaneeia ka halawai, a ka manawa e kahea hou ia ai e ka lunahoomalu.

MRS. ABBIE KAAUWAI,

Kakauolelo, Ahahui Kula Sabati
Mokupuni a Kalana o Kauai.

Lihue, Kauai, Sept. 14, 1924.

I ke kulanakauhale iho nei ka Rev. S. L. Desha o Hilo, a huli hoi koke no ma ka Haleakala o ka Poalua iho nei.

IKEIA KA NAAUPO O KE KOHO ANA.

Mamuli o ka haalele ana mai o W. K. Bassett i kona noho ana he hoa no ka Papa Lunakiai o ke Kulanakauhale a Kalana o Honolulu nei, a hoIo aku no Kapalakiko, i hoea mai ai i ka hoomaopopo ana o na mana koho o Oahu nei, i ko lakou kuhihewa me ka naaupo, o ke koho ana aku iaia a puka ma ke kau koho baloka aku nei i hala, o na luna oihana o ke kulana-

kauhale.

O kana mau haiolelo e hoinoino ana i na ona o na mahiko, i na luna oihana kiekie o ke Teritore; e painuu ana i ka nui o kona aloha ame ka makee i ka pono o ka poe ilihune; ua lilo ia i mau kumu e umeia aku ai na manao kuhihewa o ka hapanui o na mana koho, a haawi aku la i ko lakou mau baloka nona me ka ike ole ia nae o kekahi hana maopopo ma kona aoao, oiai e noho lunakiai ana, ana i lawelawe mai ai no ka poe ilihune.

Ma kona ano he Demokarata, ua pili mau aku oia me na hoa Demokarata o ka papa lunakiai, aka nae i na hora i makemakeia ai kana mau kokua ana no ka pono o kona mau hoa ma kela papa, ua huli mai la oia, a koho pu me na hoa Repubalika, ma na mea e pili ana i ka ukuhana o ka Lunanana Kukulu Hale Abshire, a o ka ukali mahope aku o kela hana, o ia no kona haalele okoa ana iho i kona kulana, ma ke ano he lunakiai.

He hanohano kiekie loa ka i loaa aku ia W. K. Bassett, i ka wa a na mana koho baloka o Oahu nei, i koho aku ai iaia i hoa no ka papa lunakiai, oiai he malihini oia no Honolulu nei, a kiolaia iho ka poe kamaaina a kupono i'o no kela kulana; me ia hanohano nae i loaa iaia, ua keehi iho oia i ka hilinai a na mana koho baloka i hookau aku ai maluna ona, ma o kona holo ana aku no Amerika, me na kumu kupono ole, ana i waiho iho ai mahope nei, e ala ole ae ai he mau manao hoohalahala nona.

Me kekahi hoike ole, imua o kona mau hoa o ka papa lunakiai, a i ka meia paha, ame na luna oihana e ae o ke kulanakauhale, ua kau aku la oia maluna o ka mokuahi no Kapalakiko: oiai nae o ka hana pono a pololei ma kona aoao, ina he makee kona i kela hanohano i hookauia aku maluna ona, o ia ka hoike akea ae, no kona waiho i ke kulana lunakiai me ka maikai, malalo o kekahi mau kumu kupono, ma ia ano aia mau no na manao mahalo o ka lehulehu nona.

E pan nae ko kakou noonoo hou ana no Mr. Bassett, hookahi a kakou mea e hoomaikai ai, aole i loihi kona noho ana i hoa no ka papa; a ua pomaikai na mana koho o Honolulu nei. i ke kaawale koke ana aku o kekahi malihini mai kona noho pu ana mai me kakou.

E loaa nae he haawina a'o maikai loa, mai keia kauwa mai a ka lehulehu, no ka hoonaauaoia o na mana koho, ua oi aku ka noonoo mua ana i na kamaaina mamua o ka noonoo ana aku no na malihini, e ake ana e kau iluna o na kulana oihana kiekie.

O ka hoopiha ana i ka makalua, i waiho hakahaka ia iho, mamuli o ka hialele ana mai o ka Lunakiai W. K. Bassett, i kona kulana iloko o ka papa, aole no ia he hana maalahi i ka nana aku. He nui ka poe kupono me ka makaukau e hoopiha i kela makalua, me ka mahae nae o na mana, mawaena o ka meia ame ka papa o na lunakiai, e lilo ana no i mea paakiki ka loaa koke ana ae o ka lunakiai hou. Ma ke ano he Demokarata, e konoia ana ka meia e kikoo aku i kekahi Demokarata a hookohu aku iaia i lunakiai no kahi i waiho hakahaka ia; aka nae, me na hoa Repubalika ma kela papa, a oiai aia ka hapanui o ka papa ia lakou, e ala mau aku ana na ku-e ana; koe wale no a haawipio kekahi o kela mau mana malalo o kekahi.

Nana i kou helehelena iho—naaupo anei kou ano! Nana i kau mau likiki hookaa hoolimalima a e ike ana oe i kou naaupo, aole anei pela? o ka makou alahele e loaa ai ka home ka mea nana e haawi aku ia oe i manawa e pau ai ke kaualua.

KALIHI

Ka Apana Aina Thomas o 90 apana ke waiho noi 2 kuea makai o ke Alanui Gulika mai ke Alanui Moi ak. Mau alanui hou, na paipu sua, aina palahalaha, lepo maikai. 29 o keia mau apana i koe e hooliloia aku ana ma ka $25 uku mua, $15 o ka mahina.

KAIMUKI

Apana Aina Strauch o 185 apana.
Mawaho o ka apana o na hanahou.
Elua wale no i koe ma ke $50 uku
mua a $20 o ka mahina.
KAPAHULU

72 apana Paku'i o Strauch, 150 i-a mawaho o ka apana o na hanahou. 33 i koe e kuaiia aku ana ma ka $20 uku mua a he $10 o ka mahina. Na aina ma Palolo, mai ka 1½ ft i ka 3¾ ea ma ka uku liilii. LOLI NA ITAMU I NA LA APAU

Ina aole oe i ike i kau mea i ma-kemake ai maanei nei kipa mai o ninau no ia mea. Kukuluia na hale maluna o kekahi o ka makou man apana ma na kumu aelike i emi iho mamua o kekahi mau wahi e ae maloko nei o ke taona.

P. E. R. STRAUCH,

Ka Mea Kukulu Hale
75 S. King St. Phone 1043
Keena Oihana Lala 627—10 Ave.
Phone 79002
Hamama hora 7 A. M. a 9 P. M.