Ka Nupepa Kuokoa, Volume LXIII, Number 42, 16 October 1924 — KA HOIKEHIKE FEA TERITORE. [ARTICLE]

KA HOIKEHIKE FEA TERITORE.

No hookahi pule, e hooinaka ana ma k,eia Poakahi ae, e weheia aku ana ka hoikeike fea,* mawaho ae nei o ke kahua hoikeike o ke Tdritore ma Kapahulu; ma kela hoikeike, e pa«eeia, mai ana imua o ka lehulehu o na makaainana o keia T€sritore na hana hoikeike apau, e lilo ai i mau mea hoopomaikai aole wale no i ka poe makaikai, aka i ka poe kekalii na lakou na mea hoikeike. Hookahi manao nui, o ka malama ana i ka hotfreike fea, no ka hoolaha ana aku no ia i na meahanalim* o kela- ame keia airo, pa huaai lehulehu, na holoholona, na meakami, na waiwai ltaiepa; mailoko mai auanei o kela hoikeike ana, e loaa aku ka ik« laula ia o kela ame keia ano "waiwai pakalii iho, a na ia ike e ume mai i ka poe kuai ame ka poe makemake i kel« īiiau mea. Hc hana hoeueu aku, me ka hoohoihoi pu, ka hoikeike fea, i ko kakeu poe makaainana, ma ka lakou mau oihana mikiala iho, ua ikeia keia ma na wahi apau i malama mau ia ai ka fea, nolaila ma ke ano nui ke olelo ae, he hana hoopomaikai mai ka hoikeike fea, ma ke anō lehulehu, i kekahi huina nui o na makaainana. E hewa ana ka maka, 'i ka nui o na hana hoikeike, e hei ana ka noonoo i na hana pahele like ole; e naauao nae kakou na Hawaii, ma ke akahele ana iloko o na hana hoomaunauna; ma ka home ka mua e noonoo ai, a mahope aku na mea e ae.