Ka Nupepa Kuokoa, Volume LXIV, Number 17, 23 April 1925 — E A'OIA NA HIMENI HAWAII MALOKO O NA KULA AUPUNI. [ARTICLE]

E A'OIA NA HIMENI HAWAII MALOKO O NA KULA AUPUNI.

E a'oia aku ana na himeni Hawaii maloko o na kula aupuni ma Hawaii Hikina ame Hawaii Komohana i na nei no ka hooholoia o ka olelo hooholo a Lunahoomalu Lyman o ka liookomo ana ae i ka hale o na lunnmakaainaha ma ka Poakahi nei, a waihoia ae ka noonoo ana ia olelo hooholo i ke komito hoonaauao o ka hale a e aponoia ana e na hale a elua a lilo i kanawai. "Hc mea ano nui a waiwai ka malama ana i na hinieni Hawaii e mau loa aku ai k'a hoomanaoia ana e na hanauna o keia wa," wahi o ka hoakaka maloko o ka olelo hooholo, a e hoakaka hou ana, "aia no he heluna nui o na keiki e hele mau nei.i na kula aupuni ma Hawaii Hikina ame Hawaii Komohana, a aolie lioi he manao i hoakakaia maloko o na kanawai o ke Teritorc 0 Hawaii a i ole ma na rula a mau kanawai hooponopono, a ka oihana hoonaauno no ke a'o ana a kekahi mau kumukula i ka himeni-ma ka olelo Hawaii." Ua kauohaia ke kahukula nui e ka olelo hooholo e lilo ia hana na kekahi mau kumukula makaukau i ka himeni ke a'o aleu i na keiki 1 na himeni Hawaii maloko o na kula aupuni o Hawaii Hikina ame Hawaii Komohana, a na ke kahukula nui e hooliolo i ka uku o ia kumukula a'o himeni, a e kaa ia kumukula nialalo o ka. niana o na rula ame na hooponopoiio ana a ka papa hoonaauao ma na moa apau e pili ana ia haawina elike me ka ka papa hoonaauao e ike ai he mea pono ia e hanaia."