Ka Nupepa Kuokoa, Volume LXIV, Number 19, 7 May 1925 — Page 6

Nupepa Kuokoa

KE KILOHANA POOKELA NO KA LAHUI HAWAII

NA MOOLELO HOONANEA MA NUHOU KALAIAINA
ME NA NUHOU O KA MANAWA

AOAO NO NA MANAO PEPA
SOLOMON HANOHANO, LUNAHOOPONOPONO

NUPEPA KUOKOA, HONOLULU, T. H. POAHA, MEI 7, 1925

Ma kekahi hoike i loaa mai i keia keena, o ka hapalua o ka uku o na ohua o ka holo makaikai ana aku nei no Kanai, e haawi ae ana ka hui mokuahi holo pili aina ma ke ano manawalea i ka Ahahui Kaumualii no ka waihona o ka Paka Hoomanao Kuhio.

O Carl Wiedemann, he kakauolelo iloko o ko keena o ke Komisina aina aupuni mamua ka i hookohuia ae i mea malama buke maloko o ka halepaahao teritore ma kahi o Ed ward Woodward i hoopauia.

Ua hoike ae ka Loio Kuhina Ly-
mer i kona mahalo no ka hana a
na solona i hana ai me ka holopono
ma ke kau i hala iho la, a o kekahi
ia o na kau ahaolelo maikai loa i
kona manao.

Ua liko ke Kapitala ma ka po Poaono ame Sabati mai me kekahi hale i kinohinohiia me na pohaku momi like ole mai kaupaku a hala ilalo mamuli o na kukui uwila like ole o na waihooluu ma ke alo o ka hale.

Ma ka hapalua o ka hora 7 o ke ahiahi o keia Sabati iho, Mei 10 1925, e malama ae ai ka Ahahui Na'i Aupuni i kona halawai kumau maloko o ka Phoenix Hall, ua make makeia na lala apau e hoea ae ma ia halawai.

Hookahi hora ka hoopa'i paahao i kauia aku e ka lunakanawai federala maluna o Kenneth Hee, ka Pake opio i hopuia ai no ke ku-i ke kanawai opiuma, a maloko o ke keena o ka ilamuku Amerika i hoopaaia ai oia.

E hoea mai ana i Honolulu nei ke Kanikela-kenerala Kepani hou i ho okohuia mai nei, Arata Aoki, ma na la hope o keia mahina, elike me ka

lono i hoikeia mai ianei.

NA MARE.

Harry J. Silva ia Eva Hanawahine, Apr. 20.

Albert J. Toogood ia Koleka Nuuanu, Apr. 27.

Chas. P. Norton ia Maria Moses, Apr. 2S.

Jonah Mauae ia Rebecca Atkins, Apr. 30.

NA HANAU.

Na Mr. ame Mrs. D. Kalaunuiohua, he kaikamahine, Apr. 18.

Na Mr. ame Mrs. Nicholas K. Hoopii, he keikikane, Apr. 23.

Na Mr. ame Mrs Samuel Peneku, he kaikamahine, Apr. 23.

Na Mr. ame Mrs. Robert R. Sparks he kaikamahine, Apr. 23.

Na Mr. ame Mrs. George A. Fong, he keikikane, Apr. 24.

Na Mr. ame Mrs. Louis K. Keiki, he keikikane, Apr. 25.

Na Mr. ame Mrs. Wm. Brown, he kaikamahine, Apr. 26.

Na Mr. ame Mrs. David Kalauoka lani, he keikikane, Apr. 24.

Na Mr. ame Mrs. Kahalau Kane, e keikikane, Apr. 25.

Na Mr. ame Mrs. John Kekuewa, o keikikane, Apr. 37.

Na Mr. ame Mrs. John Bunker Jr. o kaikamahine, Mei I.

Na Mr ame Mrs. Peter Josiah, e kaikamahine, Mei 2.

Na Mr. ame Mrs. Geo. Kuulei Nichols, he kaikamahine, Mei. 4.

NA MAKE.

Richard N. Kea, ma ka halema'i o na Kamalii, Apr. 27.

Henry Kapaki, ma ke alanui Misiona, Apr. 28.

Moses Kealakupuna Jr., ma ka Home o na keikikane ma Kalihi, Apr. 29.

David L. K. Apana, ma ke alanui Kauluwela, Apr. 29.

Agnes Mendiola, ma ke alanui Moiwahine Hema, Apr. 30.

Ruth Baker, ma ka Halema'i Moiwahine, Mei. 2.

Henry Alapai, ma ka mokupuni

Hapapapa Ono, Mei. 3.

Mildred Hiram, ma ke alanui Kamani. Meu 4.

PER
STRAUCH

Our List Changed Daily

Kaimuki—7th Ave., l½ blocks from Waialae Road—3 bedroom house and small cottage—.Lot. 75x200, street improvement all paid Price $8,000, on terms. It will pay you to investigate this.

Kilauea Street between 9th and 10th Avenues—Brand new 2 bedroom cottage with built in features and modern conveniences. Lot 50x150, well improved—price $5,250—$750 down, balance on terms. This is a bargain.

Houghtailing Road hear School St. A dandy 2 bedroom cottage Lot 50x100. This is a big buy-price $3500,—$1300 down, balance on

Kalihi Road—2 dandy—2 bedroom houses with garages. Make us an offer.

Kalihi —Thomas Tract—Beautiful
lots in this Tract, $25 down,
$15 per month.
terms.

P. E. R. STRAUCH

The Home Builder
75 S. King St PHONE 1043
After 6 P. M. and Sundays Call 5117


Nuhou Kuwaho WAKINEKONA, Mei 1.— Ua hoi- keia ae e ka buro helu kanaka ka pii mahuahua loa ae o na hanau o ka lahui iloko o ka 1924, a no ka make ua emi loa iho. WAKINEKONA, Mei. 1—O ke kakauolelo o ka oihana kaua Weeks i loaa ai i ka ma'i lolo he mau pule lehulehu aku nei i hala, ua ikeia kona pii mau ae i ka maikai, a ua manao ka Peresidena Coolidge e hoi hou ae ana oia ma kona wahi o ka hana maloko o kekahi mana- wa pokole Ioa, o ia ka lono i hoopu- aia ae maloko o ka Hale Keokeo ma keia la. WAKINEKONA, Mei. 1— He ka- nawai mawaena o na lahui like ole ka i hoolalaia no ka hoawiwi ana i ka mikini no ka hopu ana aku i ka poe hakihaki kanawai apuni ke ao ma o ka hoouna ana aku a hoouna mai i na hoike i pili i ka poe hakihaki kanawai ma ke kele- kalapa. E hoohana mua ia ana ia mawaena o na Mokuaina Huiia o Amerika ame na aupuni mana o ke ao, a mahope aku. e pahola ia aku ai i ua aupuni okoa ae elike me ia a Rush L. Holland, ke kokua loio kuhina ekahi o ka hoike ana ae ma ka po nei. ST. JOSEPH, Mo., Mei. 1— He elima poe lele ma na baluna i lele aku i ka po nei maluna aku o na Mokuaina Huiia ma ka hoopau ana i ka heihei baluna a na lahui. Eha o lakou e hookuku ana no ka loaa o ka hanohano no ko Amerika komo pu ana i ka heihei mawaena o na lahui o ka lima o na baluna o ia ko ke pailaka. PLAYA, Porto Rico, Mei. 4— Ua hoea mai ianei ka mokuea pilikua Los Angeles i ka po nei a hoopaaia ae ma kahi hoopaa ma ka hora 7:45 ua haalele aku ia ia Lakehurst N. J. ma keia kakahiaka no. WAKINEKONA, Mei. 4,— Ua hoo- loihi hou ia aku no hookahi ma- kahiki ke kuikahi no ka oihana ka- lepa mawaena o Amerika ame Se- pania, o ia ka lono i hoikeia ae e ke keena aupuni ma ka po aku la i hala. MADRID, Mei. 4— E hoakaka ana na lono ma ke kelekalapa mai ke kahua mai a na koa Sepania ma na mokuna aina o Morocco he mau puali hou o na lahui hihiu ka i komo mai la iloko o na (ikana aina Palani ma ka akau mai o Urga a kuonoono loa iloko o ka aina, e lilo ai i hana paakiki ke kipaku ana aku ia lakou ke ole e hooukaia he kaua. No na la lehulehu i hala ka hooukaia ana o ke kaua malalo o ke alakai ana a Abdel Krim, wahi a ka lono kelekalapa.	HE HOALOHALOHA NO KUU LEI I HAALELE MAI I KEIA OLA ANA, MRS. AH LUN D. AKIU. Mr. Solomon Hanohano; Aloha oe: — E oluolu mai kou ahonui, ina he wahi keena kaawale kekahi o na oneki o ka hiwahiwa a ka lahui, ka Nupepa Kuokoa, no'u hoi ia keena i komo iho ai ka'u ukana nui e kau ae la maluna; i ike mai ai hoi na kini makamaka o kuu lei ame na hoaloha oiaio 0 ke aloha no ka'u makemake, o ka luhi a maua me ia nei. Aloha w;ale! Ua haalele mai i keia ola ana kuu kaikamahine ma ka la 22 o Aperila 1925, oiai ma ka po o ka la 21, ua hiki mai la kona manawa no ka hanau ana, a keia kekahi o na hanau kupanaha loa i ikeia. Ua kahea koke ia ke kauka ma Hana, no ka hele ana mai no keia pilikia, a ua hiki io mai ke kauka, a mamuli o na lawelawe ana a ke kauka, na hemo mai la ke keiki iwaho, ua make nao eha hora ma- mua aku o ka make ana o ka bebe maloko o ka opu wahi a ke kauka. Ia wa i hoike mai ai ke kauka, ua pilikia na meapaahana maloko o ka makuahine. Hapalua hora ma- hope iho, haalele mai la ke olu ilo- ko ana . Ko ae la ka olelo i hoikeia ma Kana olelo. "Auwe hoi au ke kanaka poino, nawai au e hoopakele ae i ke kino nona keia make" Aloha no! Ua hanauia kuu lei mai ko maua puhaka aku ma Wailuanui, Koolau, Maui, i Iune 11, 1897; ua piha iaia na makahiki he 27, 7 malama ame na la he 11, o kona hanu ana i na ea huihui o keia ola ana. Ua hoonaauaoia no oia ma ke	kula apana ma Keanae. Ua mare oia i ke kane i Aperila 2, 1018. Ua piha iaia na makahiki 7 ame na la 20 o kona noho ana iloko o ka berita maemae o ka marc, a ua oili mai mai kona puhaka mai, hoo- kahi kaikamahine, elua keikikane, a haalele mai la ka makuahine i keia ola ana. Luuluu wale! Auwe no hoi kuu lei e, kuu mina- mina pauole ia oe a! Kuu hoa noho o ka home i hoolaukanaka i na! keiki. E hoona ae ana i ko aloha, pee ke aloha la huna i na maka. Heaha hoi ka hala i paweo ai. Kunihi Kaena holo i ka malie, Malie lalo po i ka inuwai, No Naue ka hala, no Puna ka wahine, Auwe kuu minamina pau ole ia oe a. He kaikamahine hoomanawanui, he aloha makua, he aloha ohana, aole he mau kuee me kona hoapili he kane. Ua lilo no hoi kana mau hapuu iaia i mea nui. He oluolu, he akahai, he heahea, he hookipa i ka malihini; aole no hoi i ikeia kona kiei ana ma na ipuka o kela ame keia home. Auwe no hoi kuu minamina e! Aole no hoi e hiki ke paa aku; no ka mea, ua paa Kana olelo: "Nana no i hana, a Nana i lawe aku. E hoomaikaiia ka inoa o Ie- hova ke Akua." -A mamuli o kona mau ano mai- kai, na noho iho makou ka ohana me na manao kaumaha nona, e u aku ma keia aoao o ka muliwai eleele o ka make. 0 makou o ka oliana o ka mea i hala aku mao, ke haawi aku nei makou i na hoomaikai he nui, i ka poe apau i puulu pu mai me ma- kou i na hora o ke kaumaha. Ke haawi pu aku nei makou i ka hoo- maikai nui, i na kumukula ame na keiki kala, no ka lakou mau bo-ke pua i lawe mai ai, no ka makou mea aloha i hala. Ke haawi aku nei makou i ka hoomaikai nui, nou e John Plun- kett, no kau mau hana kokua aloha. No na mea e pono ai ku makou mea aloha i hala aku mao, a pela pu no hoi me ka poe i hele aku ma kona huakai hope loa. E lawe aku i ka makou mau hoomaikai ma ko oukou puuwai. A Nana no e kokua mai ia kakou apali, a holoi ae i ko kakou mau waimaka i na la o keia noho kanikau ana. O makou iho no ka oliana, MRS. KULAMIKA AWA, MR. AWA, DANIEL AKIU, MR. & MRS KELOHANUI, MR. & MRS. KAAUAMO, Mr. Mrs. E. KELOHANUI, Mr. Mrs. J. KELOHANUI, MR. & MRS. S. KOKO, MRS. AH YIM, MR. & MRS. KOKO, JR., Ame ka Ohana. Keanae, Koolau, Maui.	Nuhou Kuloko Nui ke ohohiaia o ka paani opera ke "Keikialii o Hawaii" o ka haa- wiia ana ae maloko o ka Halekeaka Liberty ma ka Poakahi iho nei, ma lalo o ke alakai ame ka hooponopo- no ana a Mr. Charles E. King, me ka hoomauia o ka paani ana i na po apau o keia pule ahiki i ka po o keia Poaono iho. I kulike ai me ka papa hoonoho- noho o ka nee ana o ua mokukaua Amerika e hoolulu nei maanei, e haalele iho ana kela mau mokukaua no Lahaina, Maui, ma keia la. Nui ka mahalo o ka poe o ke ku- lanakauhale nei, o ka holo ana aku nei e makaikai i ka Paka Hooma- nao Kuhio, ma ka po o ka Poaono i hala, no na hookipa ohaoha a ka Ahahui Kaumualii o Kauai i na malihini. No ka hooko ana aku i ke kana wai hookapu waiona, oiai na kana- ka o ke aumokukaua e hoohala ana ma Maui, i haalele iho ai o John H. Wise ame kona mau kokua no kela mokupuni ma ke ahiahi o ka Poalua nei. Ma ka hookuku himeni me hoo- kani pila i malamaia mauka ae nei o ka holo o Kalihi, e na puukani o ka Hoomana Moremona, ma ka po o ka Poaono aku nei i hala, i haawi ae ai na lunakanawai i ka lakou ole- lo hooholo, no ka aha'i ana o ka papa himeni o Laie i ka helu ekahi -Ma ka po o ka Poakahi iho nei i huli hoi aku ai ka Lunamakaainana Clement Gomes no Kauai, a wahi ana ua nui na haawina a'o maikai loa ana i ike ai, iloko o keia kau o kona noho ana iloko o ka aha- olelo. Laukanaka ke kulanakauhale nei i na kanaka o na" mokukaua Ame- rika ame na malihini makaikai ho- nua o ka hoea anu mai nei iloko o keia mau la. He papaia nui nona ko kaumaha o umi-kumamaha paona ka i laweia mai no ka hoikeike ana ma ke kee- na o ka Advertiser, ma ka Poakahi iho nei e Mr. John Punua o ka Bana Hawaii. Ma Waiohule, Lihue, Kau ai, i loaa mai ai kela papaia, o Mr George Kaheana Kaiawe ka mea nana i kanu. Ke liuliu mai la ka ahahui o na Keiki Hanau o Hawaii, no ka hoo kipa ana aku i ko ke kulanakauhale lei poe, ma ka Pokiulai ma Hilo elike me na hoike i loaa mai i Hono- lulu nei.

KA AHAOLELO O KA 1925.

Ma ka hoea ana mai o ka ahaolelo umi-kumamakolu o ke Teritore i kona hopena, ua nui na mea i hanaia e na hale kaukanawai a elua, a ua nui no hoi na mea a na hoa i hooikaika ai i lilo i mea waiwai ole, ma ka lilo ole ana o kekahi mau hooponopono ahaolelo i mau kanawai; hookahi nae mea ano nui a olelo ae, aia no he mau hooponopono ahaolelo, i lawelaweia no ka pono maoli o ke aupuni, ame kona mau makaainana.

O kekahi o na kanawai ano nui loa e lilo ai i kumu alakai no keia mua aku, o ia no ke kanawai e pili ana i ka ukuhoomau, o ka poe e noho hana ana malalo o ke aupuni. Ua kukulu mai keia kanawai i kekahi ana kaupaona, no ke ano e loaa ai ka ukuhoomau i na paahana o ke aupuni, elike me ke ano o ko lakou mau ukuhana, ame ka loihi o ko lakou noho hana ana no ke aupuni.

Mawaho ae o keia hooponopono ahaolelo, o kekahi mea ano nui i hanaia e lilo ai i pono nui no na makaainana o keia kulanakauhale, o ia no ka bona aie o ekolu miliona dala, no na hoolilo pili i ka wai ame ke sua; na ninau ano nui a ko"iko'i i hoomaopopoia; ua pili pono aku, i ka ulu ana o keia kulanakauhale ame kona Iahui kanaka, no keia mua aku.

Aole malaila wale iho la no pau na mea ano nui i ikeia ma keia kau o ka ahaolelo, aka ua hookaawale pu ia na haawina dala, no na kula, ka oihana ola, na home, i kaa aku ai ka hoomalu ana malalo o ke aupuni, na ma'i ma Kalaupapa a ma ka olelo pokole ana ae na oihana apau o ke aupuni, i kauka"i aku ai, no ko lakou pono, maluna o ka ahaolelo.

Ma ka heluna o na bila i lilo i mau kanawai i keia kau, ua aneane like aku no ia me ko ke kau ahaolelo mamua aku; ua oi pakela loa aku hoi, i ko na kau e ae i hala. Elike nae me na mea i ikeia ma na kau ahaolelo apau, aole no i nele ka paa* niia o ke kalaiaina e kekahi mau hoa; aole no ia he hana malihini, a aole no hoi e kapaia aku kekahi mau hooikaika ana. ma ko lakou aoao no ka hooholoia o kekahi mau hooponopono ahaolelo, he paani kalaiaina, ina ua hookahuaia ia mau hooikaika ana maluna o ke kupono a pololei maoli.

Ma ka hookuu ana nae o ka ahaolelo i hala aku la, e huli hoi aku ana na senatoa ame na lunamakaainana no ko lakou mau home, a imua o na haku makaainana, aia no he mau mea a na makaainana e haaheo ai, no ka poe a lakou i koho mai ai i wahaolelo no lakou iloko o na hale kaukanawai a elua, a he poe no hoi kekahi, e hoopohalaia ai ko lakou noonoo; aka nae hookahi mea nui, o ia no ka hookoia ana o na hana apau i makemakeia aku ai lakou, ina ia no ka maikai a no ka maikai ole paha.

Ma ka hookuku ana i na hana o keia kau ahaolelo me ko na kau aku nei i hala, o keia kekahi o na kau ahaolelo i kauia ae ma ke ana kupono; me ka nele ole no nae o kekahi mau hoohalahala ana. aka he mea maa no ia i ka ikeia ma na ahaolelo o na mokuaina ma Amerika, a ma na aupuni apau

Elike nae me ka hookuu ana o ka ahaolelo aku la i hala, pela
no kakou e hoao ai e hoopoina aku i na mea maikai ole i oili
ae iloko o na la e noho ana ke kau, a e lilo na hemahema a
kakou i ike ai, i kumu e hooponoponoia ae ai ia mau hemahema,
no keia mau makahiki elua e hoea mai ana.

KA LUNAMAKAAINANA ROSALIE KELIIONI

Ma ke ano o ke kau ahaolelo i hala aku la, o ke kau mua Ioa ia, i kohoia ai kekahi lunamakaainana wahine, ma o Mrs. Rosalie Keliinoi la, ua hoohanohanoia aku kela ahaolelo, ma ona la, o ka hanohano kiekie loa nae, mamuli no ia o kela kulana kanaka-makua, a makuahine oiaio, ka mea nana i kono aku i kona mau hoa lunamakaainana, e malama i ko lakou mau kulana keonimana, a e lawelawe i ka lakou mau hana me ke kui'o.

He nui na hooponopono ahaolelo a Mrs. Rosalie Keliinoi i hookomo ae ai, he mau hooponopono ahaolelo, ana i manaoio ai, no ka pono o kona mau hoa makaainana wahine; o ka lilo ole ana nae o ia mau hooponopono ahaolelo i mau kanawai, aole nona ia hewa, aka ua hooko aku oia i ka hana, i hoounaia mai ai oia noloko o ka ahaolelo.

Ua lilo ke kulana ame na hana ma ka aoao o keia lunamakaainana wahine, i mea na ko Kauai poe e haaheo ai; a ina e nui na lunamakaainana wahine, o ke ano elike me ko Mrs. Keliinoi, e lilo i mau hoa no ka ahaolelo kuloko; alaila e hoemiia mai ana ka lawelaweia o na hana kalaiaina, a e konoia aku ai na kane, e malama i ko lakou mau kulana, a e lawelawe i ka lakou mau hana me ke kui'o a kanaka makua, e hoemi ole ia iho ai ko lakou mahaloia aku.

MAIKAI MAOLI KA HOOMALUIA ANA.

Ma ke kaupalenaia ana, o ka manawa e hele lanakila ai na kanaka o na mokukaua nouka nei o ka aina, mai ka hora ekahi a ka hora eono o ka auwina la, i hoopakeleia ae ai keia kulanakauhale, mai kekahi mau hana mai, a koonei poe, i maka'u ai, i na la aku nei i hala, no ke ala mai o na haunaele, na hakaka ame na hana powa, ma ka aoao o ka poe kolohe.

He oiaio, aia iloko o na kanaka o na mokukaua ka iini e hoohauoli ia lakou iho, oiai ma keia kulanakauhale; o ka hiki ana nae ke hookoia ko lakou mau iini, he hana paakiki loa ia, oiai e hookapuia ana ko lakou hele lanakila ana ma na hora o ka po, a no keia ano o ka hoomalu ana a ka oihana kaua i kela poe kanaka, i hoike mai ai na aliikoa kiekie, aole wale no, i ko lakou lawe ana ae i na keehina palekana apau, no ka pono o na kanaka o ke aumokukaua, aka no ka pono pu kekhi o koonei poe: a o ka mea oi loa aku, o ia no ka hiipoi mau ana i ka inoa maikai o na kanaka iloko o ka oihana kaua.

Ina nei no ka malamaia aku o ke koho baloka i na luna oihana o ke Kulanakauhale a Kalana o Honolulu nei, ma keia makahiki ae, alaila e hoopokoleia mai ana ke kau paa oihana o ka poe e paa mai nei i ko lakou mau kulana i kohoia ai, i hookahi makahiki. Aole ma ke ano o ka loihi a pokole paha o ka manawa e paa ai i ka oihana, malaila ka pilikia, aka aia ma ke ano o ka hoohana ana aku o ka poe kohoia, i ka politika, oiai e lawelawe ana i na hana o ka lehulehu. Aia wale no a kapaeia ae ka politika mahope, alaila ike aku kakou, i ka neemua o na hana o ke aupuni kulanakauhale, ina aole pela, elike aku ana no ke kulana hookele o ke aupuni, me ko keia manawa a kakou e ike aku nei i keia wa.

Like ole ka hoohanaia ana o na puniu ike kanawai o na loio kuhina o ke Teritore, ma ka ninau pili i na Pilipino maanei. Ma ka manao kanawai o ka Loio Kuhina Matthewman i pau. aole loa e hiki i na Pilipino ke hookupa makaainana ia, a oki

Ka Hui Himeni a Chas. E. King

Kekahi Hiona Keia o ka Opera ke "Keikialii o Hawaii" i Hoikeikeia Maloko o ka Halekeaka Liberty ma ka po o ka Poakahi Nei, me ka Hoikeike Mau ia Ahiki i ka po o keia Poaono, Mei 9. O Mr. C. E. King ka mea nana i hoomakaukau i keia Opera, a he poe puukani wale no apau ka poe na lakou e mele i na himeni.

Ma ka hoikeikeia ana ma ka po o ka Poakahi iho nei, ua nui ka mahalo ame ka makemakeia o keia opera, no keia kumu, ua piha mau ka Halekeaka Liberty, i na po apau mahope mai, aole wale no mamuli o ka nani o na hiona o ka poe himeni aka o ka nani pu kekahi o ka lakou himeni ana.

O na loaa no keia mau hoikeike opera, e holo aku ana ia iloko o ka waihona hoonaauao i na keiki Hawaii, ka waihona hoonaauao i kukuluia ae e ka Hawaiian Civic Club.


oa aku ke komo ana iloko o ka oihana koa; i ka Hope Loio Kuhina Miss Ashford nae, ma kona manao kanawai, i aponoia aku e ka Loio Kuhina Lymer, he hiki i na Pilipino ke hookupa- ia, a ke komo i ka pualikoa kiai lahui, Ea, puali ka hau nui i ka hau iki, wahi o ka olelo khiko !	Ke pau na hooponopono ana iloko o keia mau la, no ka hoopuka ana aku i na kanawai o ke kau o ka ahaolelo i hala aku la, alaila e hoo- pukaia aku ana na kanawai ma keia pepa ma keia pule ae.	Ma ka Poakahi ho nei, i huli hoi aku ai kekahi mau hoa o ka aha- olelo no ko lakou mau home ma na kuaaina, a ma keia la, e huli hoi aku ai ka Hon. Levi L. Joseph no Maui.