Ka Nupepa Kuokoa, Volume LXIV, Number 19, 7 May 1925 — EIWA POE HOLONUI I PAA AE I KA KOPUIA. [ARTICLE]

EIWA POE HOLONUI I PAA AE I KA KOPUIA.

Ua ikeia ma na manawa like ole a ma na wahi like ole he lehulehu ka poe i holo maluna o na kaa oto 1 i hauoli i kinohi ma ka hoomaka ana e holo, aka nae, o ka hope aku ua halawai kekahi poe me na poino ulia a o kekahi poo ua paa ae i ka hopuia no ka holonui ku-e i na kanawai i kauia no na kaa. Ua holo kekahl poe me ka noonoo ole he pilikia aia mamu.i aku, a ua holonui hoi kekahi poe ine ka manao i hoea koke aku paha i kahi i manao ia, a ua ikeia kekahi o ia ano ma ka manawa o ka paa ana ae o kekahi poe holonui maluna o ke alanui Puuloa ma ke Sabati iho nei ma ko lakou manawa i paa ae ai i na makai i ka hopuia, a ma kahi o ka hauoli o ke kaumaha ka mea i loaa ia poe. Oiai na makai mokokaikala Dicey Carteira ame Charleg Townsend e hoomakakiu ana no ka poe holonui he eiwa poe i paa ae ia laua i ka hopuia a hoopaaia ae ko lakou mau inoa ma ka buke hoopaa lawehala a na makai ma ka halewai, a ma ke kakahiaka o ka Poakahi nei i hooloheia ai ko lakou mau hihia mamua o ka aha hoomalu a ka Lunakanawai Harry Steiner. O ia poe i paa ae ai i ka hopuia no lakou keia inoa malal<jt nei: Marcello Kasiliano, F. M. Hamamoto, o ka halekaa A. B. C.; S. L. Grammer, o ke alanui Mokihina; Louis Collins, o ke alanui Herbert, Miss A. Flores, C. K. Chong, Louis K. Y. Soo, S. Sugita, o ke alanui Hema ame H. Miahimo.