Ka Nupepa Kuokoa, Volume LXV, Number 33, 19 August 1926 — MAKE IA KEIKI HAWAII MA AMERIKA [ARTICLE]

MAKE IA KEIKI HAWAII MA AMERIKA

Ma kekahi kelekalapa o ka hoounaia ana mai i na aliikoa o ka oihana kaua o Amerika malak) ae nei o Puuloa, ma ka pule aku la i hala, i hoikeia mai ai ka make ana mai nei o ia keiki Hawaii, o Tliomas Wright ka inoa, maloko o ka oihana kaua ma Brooklyn, ma ka la 6 iho nei o ka mahina o Augato nei, a e hoihoiia'mai ana k&na kino wailua} no ke kanu ana ma Hawali nei. No na makahiki ewalu ae nei i, hala, i nolio hana ai keia keiki opio iloko • ka oihana kaua moana o Amerika, a nā kona pauaho e ana mai la i keia ola ana, i hoopau ae i kana hana ana ma ka honua nei. Ua hanauia o Thomas Wright, ma Hookena, Kona Hema, Hawaii; o kona mau makua, oia o Mr; ame Mrs. W. E. Wright, o Hookena, Kona, Hawaii mamua, a i hoi mai nae a noho paa ma Honolulu n.ei, mauka ae nei o ka Helu 1230 Alanui Kamehameha IV. Ma ka manawa o ka l'oaa ana mai o ka hoike i na aliikoa o ka oihana kaua malalo ae nei o Puuloa, ua lilo i hana pohihilii nia ko lakou aoao, ka huli ana aku i kahi o na makua o ke i noho ai; aka i wahi nae e hoomamaia ae ai kela hana, ua hoikeia mai la ka lohe 'no kela make ana i ka nupepa Advertiser, a ma kekahi la ae no, ua loaa koke aku la ka hoike i kela mau aliikoa no na makua o ke kanaka opio ame ko laua wahi i noho ai. Ma kela hoomaopopo ana, i ka hopena i kau mai maluna o ka laua keiki, i loaa ai na kukakuka ana me na aliikoa, no ka hoihoiia mai 0 ke kino wailua o'Thomas Wright, no Hon'olulu nei; a elike me ia makemake, i hoounaia aku ai ka lohe 1 na aliikoa ma kahi hoomoana o ka oihana kaua ma Brooklyn, e hoouna mai i ke kino wailua o Mt. WVight no Hon-olulu neL Aia a hoea mai ke kino wailua, e malamaia ana he hoolewa me na hoohanohano ana apau a ka oihana koa o Amerika maluna ona, elike me ka mea maa i hana mau ia maluna o na koa apau o kela oihana, i haalele mai i keia ola ana; Ma ka manawa i haalele mai ai o Thomas Wright i keia ola ana ana, ua piha iaia na makahiki he iwaka-lua-kumamahiku.