Ka Nupepa Kuokoa, Volume LXV, Number 47, 25 November 1926 — Page 6

Nupepa Kuokoa

KE KILOHANA POOKELA NO KA LAHUI HAWAII

NA MOOLELO HOONANEA, NA NUHOU KALAIAINA
ME NA NUHOU O KA MANAWA

AOAO NO NA MANAO PEPA

SOLOMON HANOHANO, LUNAHOOPONOPONO

EONO NUPEPA KUOKOA, HONOLULU, T. H. POAHA, NOVEMABA 25, 1926


Nuhou Kuwaho MADRAS, India, Nov. 19— Mailoko ae o kanahiku poe o kekahi huakai paamare holo lealea he kanalima-kumamalima i piholo a make ma ka manawa o ka waapa mahu a lakou e kau ana i kahuli ai maloko o ka Muliwai Godavari i ka po nei. WAKINEKONA, Nov. 19— He ku-e ka Peresidena Coolidge i ka manao a ka aoao Demokarata i hoolaia ai e hoopau loa i ka auhau oiai ua hookaawale ka ahaolelo lahui he haawina aala o $90,000,00 i keia ame keia makahiki no na alanui, o ka poe o hoohana ana ia mau kaa he pono ia lakou ke uku i ka auhau. NU IOKA, Nov . 19— Ua kaiia ae o Max Wunschauer, ka mea nana i hookomo mai i ua Baibala lndaio iloko o ue i ka halekukeawa i keia la no kona ninaninauia ana maluna o na pahu baibala he 24 i hopuia ai, mahope o ka loaa ana 454 mau omole koniaka malalo o na baibala. Aohe olelo hooholo i loaa i nei manawa. ANACO RATES, Wash., Nov . 21 O ka mokukolo Bahida lawe e ana eiwa mau kanaka ua piholo ia i keia la maloko o ke Kaikuono Puget ma kahi kokoke aku i ka mokupuni Jack. Aole kanaka hookahi i loaa ma ke aumoe ana iho o ka po nei. Ua piholo ka mokukolo ma kahi 260 kapuai ka hohonu o ke kai. WAKINEKONA, Nov, 21— O Joseph McKenna, ka lunakanawai mua o ka aha kiekie o Amerika i waiho mai ai i ka bana ua make oia maanei i keia kakahiaka, Ma ka la apopo e kanuia aku ai ke kino o ka lunakanawai maloko o ka Ilina Mount Olive ma ka aoao o kana wahine. Ma ka hora 3 o ka auwina la opopo e malamaia ai kona anaina hoolewa. O ka Lunakanawai Kiekie William H. Taft ame na kokua lunakanawai kiekie ka poe hapai pahu. LOAA OLE KA HOOPII HOA- HEWA NO DAVID H. MALUNA Mahope o ka ninaninau ame ka niele pono ana o ke kiure kiekie, no ka hihia e pili ana ia David Hao Maluna, mamuli o ku make ana o John Pao de la Cruz, ma o ka moku pahi i loaa iaia, mai ka pahi aka a Maluna, i waiho ae ai kela kiure i kana hoike imua o ka Lunakanawai Kaapuni Cristy, ma ka Poalima aku nei i hala, e hoole ana no ka loaa ana o kekahi hoopii hoahewa e ku-e ana ia Maluna. Ma ka moolelo no ka hana houpahi i kau aku maluna o John Pao de la Cruz, a i lilo ai hoi i kumu nona e make ai, maloko o ka halema'i, ua ala ae he hoopaapaa mawaena ona ame kona kaikaina ma kekahi aoao, a o Maluna hoi ma kekahi aoao, ahiki i ke alu ana aku o na hoahanau maluna o Maluna, a no ka hoopakele ana ka iaia iho, pela o Maluna i hou mai ai i ka pahi ia Cruz. Mawaho ae nae o kela hoike a ke kiure kiekie, no ka loaa ole ana he hoopii hoahewa e ku-e ana ia Maluna, ua waiho pu ae kela kiure i ka hoike, no ka loaa ana he ewalu mau kumu hoopii, e ku-e ana i kekahi poe e ae, malalo o na hihia like ole. NA HOOLOLI MANAWA HOLO O NA MOKU NO NA LA KULAIA No ka hoolako ana i moku uo ka manawa Kalikimaka ame ka Nu Ia o mana ana keia mau hoololi manawa holo mai ka Ia 21 aku o Dekemaba o keia makahiki ahiki i ka la 2 o Ianuari, 1927; elike me ia a ka Hui Mokuahi I. L N. 8. o ka hoolaha ana ae: ma ka Poakahi iho nei, penei: Mokupuni o Maui — E haalele iho ana ka mokuahi Mauna Kea ia Honolulu ma ka Poakolu, Dekemaba 22. ame Dekemaba 29 ma ka hora 7 P. M. no Kahului ame Hana ma ke alahele aku o Kaunakakai umo Lahaina, a e huli hoi mai ana mai Hana mai ma ka hora 9 a. m. ma na Poalima o Dekemaba 24 ame Deke- maba 31 no Honolulu ma ke alahele mai o Kaunakakai, a e ku mai ana ma ka hora 6 o na Poaono o Deke- maba 25 ame Ianuari 1. MOKUPUNI O Kauai— E haalele iho ana ka mokuahi Kinau ia HonoIulu ma ka Poalua, Dekemaba 21, ma ka hora 8 p. m. no na awakumoku ma ke komohana o Kauai ma ke alahele aku o Ahukini, a e hoi mai ana mai Nawiliwili mai, aole mai Ahukini mai, ma ka hora 5 P. M. o ka Poalima, Dekemaba 24 no Honolulu, a e ku mai ana ma ka hora 6 a. m. o ka Poaono, Dekemaba 25. E holo hou aku ana no Kauai ma ka Poalua la 28 o Dekemaba, ma ka hora 8 p. m. no na awa ma ke komohana o Kauai ma ke alahele aku o Ahukini, a e hoi mai ana mai Ahukini mai ma ka hora 7 p. m. o ka Poaono, Ianuari 1, no Honolulu, a e ku mai ana ma ka hora 6 a. m. o ke Sabati, Ianuari 2, 1927.	Nuhou Kuloko Eia o Mrs. Mary Robins, ke kuai nei i ka poi ma ka makeke o ke kalana no elima keneka o ka paona, ua like me iwakalua paona i ka hookahi dala. Ma keia kakahiaka e huli hoi mai ai ka Makai Nui David L. Desha mai kaua huakai hoomaha aku nei no Hawaii o Harold Godfrey pu kekahi i hoi mai nei me ia. Ma ka Poalima o ka pule aku nei i hala, Novemaba 19, i hanau mai ai na Mr. ame Mrs. Henry Keao Aki, he bebe kaikamahine, ma ko laua home ma ka Helu 2151, Pauoa. Elike me ka makahiki aku Eei i hala, pela no i malamaia ae ai he mau haua hoikeike maloko ae nei o ke awa, no ka hoomanao ana i ka La Hoomaikai a Hoalohaloha i ke Akua, ma ka po nei. Ma ka po o ka Poaha o ka pule aku nei i hala, i pauaho mai ai o Mr. Peter N. Kahokuoluna i keia ola ana i ke kanaono-kumamaono o na makahiki o kona ola ana, elike me ka nuhou kaumaha i loaa mai i keia kulanakauhale mai Maui mai. Eia ka Rev. S. K. Kamaiopili o ka ekalesia o Kaahumanu o Wiluku i ke kulanakauhale nei i keia mau la kahi i hoohala ai no ka manawa pokole, a huli hoi aku no no kona home ma Maui, ma keia Poalima. He la ai pelehu keia no na haole, ka la hoomaikai a hoalohaloha i ke Akua, kekahi o na la kulaia iloko o ka makahiki i hookaawaleia apuni o Amerika, ame Hawaii nei. E paniia ana na puka o na hale oihana apau ma keia la. Mamuli o ke komo hou ana mai o kekahi mau dala no ka waihona kokua manawale'a ma ka Poakahi iho nei, ua hiki aku la ma kahi o ka elua kaukani ame na haneri keu, ka nui o na dala oi, mamua o ka huina oiaio i kohoia no ka waihona kokua. Eia ka Lunakiai Julian R. Yates o ke kalana o Hawaii i ke kulanakauhale nei i keia mau la, e hooka'ulua iki ia ana kona huli hoi aku no Hawaii, mamuli o kona makemake loa e ike i ka hookuku ana o na hui kinipopo peku wawae o Kamehameha me St. Louis i keia Ia. Ma ka Haleakala o ka Poalua iho nui, i huli hoi aku ai ka Lunahoomalu S. M. Spencer, o ka papa lunakiai o ke kalana o Hawaii, no kona home ma Hilo, me kona lilo ana i malihini hanohano ma kekahi paina i haawiia ae e ka Ilamuku Oscar P. Cox ma ke ahiahi o ka Poakahi aku. Ma ke kahua kinipopo hou mawaho ae nei o Kamoiliilii, ka paani kinipopo peku wawae, i keia la, mawaena o na hui o Punahou me McKinley, ma ka hora ekahi o ka auwina la, a o na hui hoi o Kamehameha me ke St. Louis ma ka hora ekolu, no ka inoa moho o Hawaii nei no keia makahiki. I kulike ai me kekahi meahou o ka loaa ana mai i keia kulanakauhale mai Hilo mai, nui ke oho hiaia, o ka ahamele a Miss Louise Pohina o ka haawi ana ae ma kela kulanakauhale, me ka hele oloko o ka hale kiionioni a piha i ka poe makaikai, me ka nui pu o na loaa i hoomaopopoia ma kela ahamele. Ma ka mokuahi Maui, o nehinei, i kau aku ai ka Elele Lahui Jarrett, no Kapalakiko, ma kona alahele no Wakinekona, no ka noho ana aku iloko o ka ahaolelo lahui, ma ka manawa e noho hou ai kela ahaolelo ma ka Poakahi, ka la 6 o Dekemaba ae nei Mamuli o ka holomua loa o ke kuaiia ana o na tikiki, no ka hookuku kinipopo mawaena o na hui o Kamehameha ame ke St. Louis, mawaho ae nei o ke kahua kinipopo hou ma Kamoiliili, ma ka hora ekolu o ka auwina la o keia la ua manaoia, o keia ana ka paani piha i na kanaka, ma ka moolelo o na hookuku kinipopo i malamaia ma keia kulanakauhale. Mahope o ka hoohala ana i kekahi mau la kakaikahi ma Maui, i huli hoi mai ai ka Elele Lahui Victor Kaleoaloha Houston, ame kana aliiwahine mai Maui mai, ma ke kakahiaka Sabati aku nei i hala, kahi a laua i holo aku nei, mamuli o ke kono a ko Maui poe e hoea kino aku laua, ma na paina luau i haawiia ae no ka hanohano o ka elele lahui hou.	HOOHANOHANOIA KA MOHO REPUBALIKA LA- NAKILA MA NA LUAU. Oiai wa Hilo, Hawaii, no ka hoohala ana i kekahi mau la hoomaha, mai ka luhi mai amo ka ikiki o na hooikaika kalaiaina, i hoohanohano ia mai ai ka Meia Charles N. Arnold, ame ka Makai Nui David L. Desha, o ke Kulanakauhale a Kalana o Honolulu nei, e kekahi heluna nui o oa makaainana o Hilo, ma ko laua hookipaia ana ina kekahi paina luau, i haawiia ae no ko laua hanohano, mamua o ko laua huli hoi ana mai ao Honolulu nei. Ua haawiia ae kela ahaaina luau ma ke kalapu Seaside, ma ke ahiahi o ka Poalua, Novemaba 16 iho nei, me ke kaa ana i ka Lunahoomalu S. M. Spencer, o ka papa lunakiai o ke kalana o Hawaii, ka noho hoomalu ana i ke anaina nui i akoakoa ae ma kela paina, a nana i kahea mai i ka poe haiolelo, no kekahi mau olelo pokole. O ka Meia Charles N. Arnold ka mea mua loa i kaheaia mai e ka Lunahoomalu Spencer e haiolelo, a ma ke ano nui, i hoakaka aku ai oia, no ka lanakila i loaa i ka aoao Repubalika, ma ka lanakila ana o ka moho Meia Repubalika, aka o ka lanakila oi aku nae, o ia no ke ko-hoia ana o Victor Kaleoaloha Houston i elele lahui. Mahope o Mr. Arnold, i konoia ai o David L. Desha, a elike no me na olelo a kona mua, e hoomaikai ana i ka aoao Repubalika, no ka huki ana i na moho o ka aoao, pela no oia i hoakaka mai ai e pili ana nona iho, no ka mea ua kanalua maoli no oia, no ka hiki iaia ke lanakila maluna o Charles H. Rose no ke kulana makai nui; aka nae, mamuli o ka huki like o na Repubalika oiaio apau, pela oia i kohoia a puka. Ua hoomaikai pu ae oia i ka Ilamuku Amerika Oscar P. Cox no kona holo moho ole ana no ke kulana makai nui, no ka mea wahi ana, ina i holo o Cox no kela kulana ina no aole oia e holo ku-e iaia, aka. i kona alualu ole ana i ke kulana makai nui, ua hooholo iho la oia i kona manao e lilo i moho, a ua komo kino aku iloko o ka enaena o ka hoouka kaua kalaiaina, me kona ikaika apau, a mamuli o ke kokua ana mai a kona mau hoaloha lehulehu, pela hoi me ka aoao Repubalika, ua loaa iho la iaia ka lanakila. O ka Ilamuku Amerika Cox, kekahi i konoia e haiolelo, me ka nui o kona ohohiaia, iaia i kamailio ai ma ka olelo Hawaii. Wahi ana ma ke ano nui o kana kamailio ma kela anaina, ina e ku Iike na Repubalika apau me ka ma-nao lokahi, he hana paakiki loa na ka aoao Demokarata ke kaili ana aku i na kulana oihana i lilo mai ai i na Repubalika i keia kau. Ma Maui hoi, i papahiia mai ai kela hanohano hookahi i ka Elele Lahui Victor Kaleoaloha Houston, me kona apoia ana mai a hookipa ia ana aku e na mana koho o kela mokupuni, ma na paina luau lehu lehu i haawiia ae nona mai kekahi pe'a a i kekahi pe'a o ka aina. Ma ka oleloia, he mau la i hoola koia ai na makaukau no na aha aina luau, ua laweia mai na mea pili i ke kai, pela ko ke kahawai ame ko ke kuahiwi a ua hele maoli na ahaaina apau a luluu i na meaai Hawaii piha me ka loaa ana he ma nawa nui no na makaainana e halawai ai me ko lakou elele hou i Wakinekona. Mahope o ka-hoohala ana he mau la pokole ma kela mokupuni, i huli hoi mai. ai ka Elele Kaleoaloha Houston, no Honolulu nei, ma ke ka kahiaka o ke Sabati aku la i hala me ka ukali pu ana mai o kanu aliiwahine me ia, ma keia huakai pokole. Ua makemakeia na lala apau o ka Ahahui Na'i Aupuni, e akoakoa ae ma ka Haleaina o Mr. J . K. Mokumaia, ma ka hale maluna, ma ka hora eiwa o ke kakahiaka o keia Sabati iho, Nov. 28, 1926, no ka noonoo ana i kekahi kumuhana ano nui, oiai ke kokoke mai nei i ka piha ana be elua makahiki o ke ku ana o keia ahahui. MOSCOW, U.S. S. R., Nov. 10— O ka hookaokoa ana ma ke kanawai i ka like ole mawaena o ka manuahi ame ka wahine-mare ua hoopau loa ia maloko o Rusia, a e haawi ana i ka wahine manuahi i na pono ame na pomaikai elike me ka wahine i mareia no ke koi ana i kona uku malama ola ame ka mahele iloko o ka waiwai o ke kane. HOOLAHA LULU MANAWALEA. Ke hoikeia aku nei ka lohe ma, keia i na lala apau o ka Hui Hoo- naauao o na Hawaii e lulu koke mai ka Manawalea o ko kakou hoa- hanau i haalele mai Mrs. Kaukini o Hookahi ame 10 keneka, ($1.10), a e haawi ae ma ka lima o Mrs. Sarah Smythe. MRS. LILY KAHAULELIO. Kakauolelo Moolelo o ka ahahui Hoonaauao e na Hawaii. 6437— Nov. 18, 25,

NUI KE OHOHIAIA O NA HANA
HOOHAUOLI A NA KAUMUALII

I kulike ai me na hoike i loaa mai i keia kulanakauhale o kela hana hoikeike a hoohauoli a ka Ahahui Kaumualii o Kauai o ka malama ana mai nei no hookahi pule, i pau ma ka Poaono, ka la 13 o Novemaba nei, o kela kekahi o na hoikeike holomua loa, me ka piha ohohia o ko Kauai poe, me ka lilo o ka po hope loa i malamaia ai na hana hauoli, i manawa oi loa aku o ka piha i na kanaka.

No ka hookuku, no ke kaikamahine oi loa aku o kona ohohiaia, ua kaa ke eo ia Miss Keikilani Robinson o Waimea, mamuli o ka loaa ana iaia o na baloka kiekie Ioa he 49,520.

Ua kaa ka helu elua ia Miss Lorraine Fountain o Lihue, a ia Miss Ida Victorino, ka helu ekolu; a ua lilo ke kaa otomobile haawi wale

ia Kauka L. L, Peterson.

O ka makana e haawiia aha ia Miss Robinson, he huakai makaikai no Kapalakiko ame Los Angeles, a huli hoi hou mai no Hawaii nei, a

o ka makana hoi e haawiia ana ia
Miss Fountain, he huakai makaikai

i ka Luapele o Kilauea i Hawaii.

KA LA HOOMAIKAI A HOALOHALOHA I KE AKUA.

Ma keia la, i konoia mai ai na makaainana o Hawaii nei, e hoolilo i la no ka hoomaikai ame ka hoalohaloha ana aku i ke Akua aole wale no mamuli o ke kuahaua pili oihana a ka Peresidena o Amerika Huipuia, aka mamuli kekahi o ka olelo kuahaua a ke kinaina o keia teritore, e hookaawale ana i ka Poaha hope o keia mahina, i la no keia hana kilakila.

Ua hookahua kahiko loa ia keia hana hoomaikai a hoalohaloha i ke Akua, e na kanaka paionia Amerika, e kaahele ana inai kekahi wahi a i kekahi ma ka imi ana i na pono ame na pomaikai o keia ola honua ana; he kumu hoohalike kilakila a pookela loa, a kakou e lawe mai ai a malama me na manao hiipoi; e hoomaopopo ana i ka mole ame ke kahua oiaio, i kukuluia ai keia hana.

Ia kakou e huli aku ai ihope, a nana i ke ola ana o kela poe kanaka paionia o Amerika, ke ano o ka lakou mau hana, ua hoolelepau aku lakou i ko lakou noonoo ame ka manaoio maluna o ke Akua, ma ke ano o ke Akua ke kumu mai o ko lakou mau pomaikai ame ke ola, e pono ai na hanauna hou o keia au e nee nei, e lawe mai i na hana a kela poe i moe, i kumu hoohalike na lakou iloko o ko lakou ola ana.

Me na huaai i hoohuaia mai e ka honua, na meakanu, i hoouluia, i hoakoakoa ae ai kela poe paionia, ma kekahi wahi ku-pono, a hoomaikai aku la i ka Mea Nana i hoouhi ae, a i hoohua mai i na hana. a ko lakou mau lima; pela no auanei ke kupono loa ia kakou iloko o keia au holomua loa o ka ike ke akamai, ame ka naauao, e pono ai e haawi like aku i na hoomaikai ame na hoalohaloha ana i ke Akua.

Oiai nae, ua kaokoa loa ae ko kakou ola ana i keia la, mai ke ola ana o na kanaka paionia kahiko o Amerika, ke ku mau mai la no nae na mea oiaio e kuhikuhi ana, hookahi no kumu o na pomaikai i loaa mai ai ia kakou, ma na ano hana like ole i lawelaweia e na lima ame na noonoo o ke kanaka, mai ke Akua mai no ia, no kela kumu. aole e hiki i kekahi mea ke alo ae, mai kona kaa ana aku malalo o keia hana maikai loa.

E loaa ia kakou apau ka ike e pono ai ke ku mau nei he aelike mawaena o ke kanaka ame ke Akua; i ko ke kanaka hooko ana i kona mahele o keia aelike, e hooko mai no auanei ke Akua, i Kona mahele; nolaila e loaa ia kakou ka ike i keia la, ina no aole o kakou kanu i na meakanu, elike me ka hana i hookumuia ai ka manao hoomaikai i kinohi no keia la aka he nui a lehulehu ae na mea a ke Akua i hana mai ai no kakou e pakele ole ai kekahi, mai ka ili ana aku o na ko'iko'i maluna ona o ka haawi ana ae i wahi leo o ka hoomaikai ame ka hoalohaloha i ke Akua.

Ke hauoli nei kakou iloko o na hauoli kiekie loa o keia ola ana, mamuli o ke kulana holomua loa o na oihana ma Hawaii nei, ke kulana ulakolako o ka noho ana o na kanaka; ua kaawale kakou mai na pilikia ame na poino mai a ka makani, ka wai na ma'i ahulau, ka wi ame ke kaua, no keia kumu, a no kekahi mau kumu lehulehu e ae, e hoike ia kakou iho. ma ke ano he poe maka'u me ka manaoio i ke Akua o ka lani, ma ka hoolilo ana i kekahi manawa uuku o keia la, i wa no ka hoike iana ae i na manao hoomaikai kui'o, ame ka hoalohaloha oiaio Ioa, ina aole ma ke komo pu ana iloko o na anaina haipule i hookaawaleia ma kekahi mau halepule no keia la, aka ma ka malama maoli ana no i manawa e hoike okoa ae ai ma ka pule i ke Akua i kela hoomaikai, ma na home a ma na wahi mehameha paha.

HE KU MAOLI NO I KA NANI!

Mamuli o ka piha oloko o ka Halekeaka Princes i ko ke kulanakauhale nei poe ma ke ahiahi o ka Poaha aku nei i hala; ina ka ekolu o na ahamele a Miss Louise Pohina i haawi ae ai; he ahamele i hiki ole i kela anaina nui ke kaohi iho i ko lakou manao ohohia me ka hialaai, i na himeni apau i meleia mai, me he mea la, ma ka mea oiaio ke olelo ae, aohe wa a keia puukani o Hawaii nei, e wehe ahamele ai, e nele ole ai ka piha i na kanaka; a e paku-a ai paha i ka lohe ana i kona leo.

Me na hoailona maopopo loa o ke ohohia ma na helehelena o ka poe apau i hoopiha ae ialoko o kela halekeaka, no na himeni i meleia mai e Miss Pohina, ua kahakaha pu ia na haa-wina o ka haaheo maluna o lakou, no keia kaikamahine opio Hawaii, a nawai hoi e ole ka haaheo, i ke ku maoli no o ka leo i ka nani, ame ka lealea o ka pepeiao ke hoolohe aku.

Me ka lehulehu nae o ko ke kulanakauhale nei poe, i haawi ae i ko lakou mahalo me ka hoomaikai piha, no na kalena kiekie loa i loaa ia Miss Pohina, kona holomua ma ka hana himeni iloko o na mahina kakaikahi wale no o ke a'oia ana malalo o kekahi kumu makaukau; e hooiia ae ana kona mahaloia, a e hoopi pu ia ae ana hoi ka haaheo o Hawaii nei nona, ke hoomau aku oia ma ka hoomahuahua ana ae i kela kalena i loaa iaia, ahiki i kona lilo ana i hoku hele iwaena o na puukani b ka honua nei. Imua e Louise Pohina a lanakila!

Pokole ka waihona kokua manawale'a o eha haneri me umi-kumamalima kaukani dala i ka manao lokahi o ko Honolulu nei poe o ka hooikiaka ana iloko o hookahi pule wale no. Ma ka haawi ana no keia waihoia ma ke ano kokua ua hoike ae ko Honolulu nei poe i ko lakou manao kui'o, e komo pu mai ka "poe i loaa na ulia pakalaki o keia ola ana ka poe i kaa aku ai na kokua ana maluna o ka lehulehu iloko o ka hauoli ana ma-kekahi ano. Malia paha aole no he nui o na mea a kekahi poe i haawi ae ai no keia waihona kokua, ua oi ae nae ia, ina ua haawiia me ka manao aloha o ke kokua oiaio loa, mamua o ka makemake wale no e hoikeike ae, no ka mahaloia mai.

Ua pono ko Alfred L. Castle, kekahi o na hoa o ka papa p na lunakiai hou o ke kulanakauhale a kalana o Honolulu hei, manao ana e hoolilo aku i kona mau mahele kuleana apau iloko o na hui oihana, i komo iloko o na lawelawe hana ana me ke aupuni kulanakauhale, mamua o kona lawe ana ae i kana hoohiki oihana, ma ke ano he kauwa na ka lehulehu; pela wale no e kaawale ae ai na kipehi kalaiaina, a kona mau enemi, e ku-e mai ai iaia; a he kumu hoohalike maikai loa hoi no na hoa e ae o kela papa, e ukali aku ai, ina o lakou pu kekahi i kuleana iloko o na hui oihana o keia kulanakauhale, i komo aku iloko o na lawelawe pili oihana ana me ke aupuni kulanakauhale.