Ka Nupepa Kuokoa, Volume LXVI, Number 51, 17 November 1927 — Page 4

Nupepa Kuokoa

KE KILOHANA POOKELA NO KA LAHUI HAWAII

NA MOOLELO HOONANEA, NA NUHOU KALAIAINA
ME NA NUHOU O KA MANAWA

AOAO NO NA MANAO PEPA

SOLOMON HANOHANO, LUNAHOOPONOPONO.

NUPEPA KUOKOA, HONOLULU T. H. POAHA, NOVEMABA 17, 1927


Nuhou Kuwaho LOS ANGELES, Nov. 12— O A. L. Porctor he pailaka ua make oia maa- nei i keia la i ka manawa o ka mo- kulele ana e kau ana i haule iho ai maloko o kekahi apana e noho ia ana e na kanaka mai ka lewa mai 1500 kapuai ke kiekie mai ka ili- honua ae. O Edwin Baker, ka hau- mana a Porctor e ao ana i ka lele ka i hoihoiia aku i ka halema'i me ke kulana nawaliwali loa. KIKAKO. Nov. 12— Na kekahi ma- kani huihui loa o ka pa ana mai ka akau komohana mal i hoopaa ae i na mokuaina waena komohana iloko o kana umii a e lawe ana he 45 degere malalo o ka ole, a ma ke- kahi mau manawa lehulehu ua lilo i mea hoopoino i na waiwai ma- muli o ka hele pu ana mai me ka makani. O ka lele ana a na moku- lele ma ka lewa ua haaleleia no ka manawa, ua hoole na lunahoohana o na hui i ka ae i na pailaka e ma- una i ko lakou mau ola a i ole na ekeleka ame ka ukana iloko o ka manawa e pa ana ka makani me ka ikaika. WEYMOUTH, Eng, Nov. 12— Ua hooku'iia mai ka moku lawe ohua Drifter me 50 poe e kau ana ma- luna ona e ka mokuluu Pelekane L-56 a piholo maanei i keia la. O na ohua apau ame na kanaka hana o ka moku Drifter e holo ana no ke awa o Potalana ua hoopakeleia. O ka poino o ka mokuluu L-56 aole i hooholoia i nei manawa aka nae, ma ka manaoia aohe no ia i poino. ROME, Italia, Nov. 12— Ma keia mua aku e kauia ana ka hoailona Fascist me ka hoailona o ka moi ma ka hae kalaunu o Italia. Ua hoo- pukaia ae e ka Moi Victor Emmanuel he kanawai e hoololi ana i ka hae a maluna o ia hae e kauia ka hoai- lona mau o ka hookahua ana i ka ahahui Palule Eleele a ke Kuhina Nui Mussolini. INDIANAPOLIS, Nov. 13— He ewa- lu mau kanaka i a-ia a papaa e ke ahi a he umi poe e aku i kukonu- konu loa ka eha maanei i keia la i ka manawa o kekahi hale noho e nohoia ana i holapuia ae ai e ke ahi. Lehulehu o ka poe l kukonu- konu loa ka papaa i hopohopoia o lakou pu kekahi e make aku ana. Hookahi kumu wale no o ka lehu- lehu ole aku o ka poe i make a i eha mamuli no ia o ka hoea koke ana mai a na kanaka kinaiahi. KAPALAKIKO, Nov. 13 — He mau kaukani o na kanaka i hele aku i keia la e makaikai i ka mokuahi nui hou o ka Hui Mokuahi Matson ka Malolo e hoomakaukau nei no kona holo aku no Hawaii ma ka Poakahi. E hoohana mau ia aku ana ia moku no ka lawe ana i na ekeleka ame na ohua mawaena o Kapalakiko ame na awakumoku o Hawaii. MEKIKO, Nov. 13— He elua mau poka pa-hu i kiolaia aku i ka Pe- residena Alvaro Obregon ma kekahi hoao ana me ka holopono ole e pe pehi iaia a make maanei i keia la. Na kekahi o na poka pahu i pa-hu ae maloko o ke kaa otomobile a Obregon e kau ana i hoopoino liilii i kona helehelena ame kona lima Ua hahaiia aku e na makai na ka- naka i hoao ai e pepehi ia Obregon a paa aku ekolu o. lakou. He elua mau kanaka o lakou i ku i na poka a no ke kukonukonu loa o ko laua eha ua manaoia e make aku ana laua. HORTA, A. L, Nov. 13— Ua hoao o Horst Merz e lele aku no Nu Ioka i keia la maloko o ka mokulele Heinkel D-1220 aka nae, ua haule oia iloko o ke kai me kekahi mea hoolana i haki he mau minuke ka- kaikahi wale no mahope iho o ka hoao ana e lele me ka holopono ole Aohe o Merz ame kona kanaka ha- na mokini i eha. O ka mokulele i hukia mai ai a pae i kula ua ma- naoia ua nui kona poino a no Merz ua hoopau loa oia i kona manao hoao e lele maluna aku o ka Ate- lanika no kela makahiki. AOLE I POHO NA HOAO ANA E HOONAAUAO. Iloko o ka pule holookoa aku nei i hala, a pau ma ka hora umiku- mamalua o ka po Poaono iho nei, mawaena o ka ekolu ame ka eha haneri poe i hopuhopuia e na ma- kai, no ko lakou uhaki i na kau- oha kanawai i hanaia no na kaa otomobile, me ka manaoio o ka Ma- kai Gleason, e akahele mal ana ka poe hookele i na kaa otomobile ma keia mua aku. O ka hapanui o ka poe i hopuia iloko o kela pule, ua a'oia aku lakou aole e hakihaki hou i na kanawai pili i na kaa; nolaila o ka poe e ma- lama ole ana i kela mau a'o ana e kauia mai ana na hoopa'i kanono maluna o lakou, ke hopu hou ia no ka elua, a no ka ekolu paha o ka manawa. Ua hoike okoa ae nae ka Maka Nui Gleason, i kona mahalo no na hopena i ikeia ma o ka makaala ana i ka poe hakihaki i na kanawai o na kaa otomobile, o ia ke akahele o kekahi poe, aole wale ma ke ano o ka hooholo, ana i ko lakou mau kaa otomobile aka ma ke kukulu ana ma na wahi i kaupalenaia ka manawa e kukulu ai. pela hoi na wahi i hookapu loa ia ke kukulu ana i na kaa. Wahi ana, ma kona manaoio, ina e lawelawe mau ia kela hana hoo- naauao i na ona o na kaa otomobile ame ka poe apau e hookele ana i na kaa e hoea mal ana i ka manawa e palekana ai ka poe hele ma na alanui, a e ha'o loa mai ana hoi ka loaa ana o na ulia poino.	HOOLELEIA AE NA KOA MARINA PELEKANE I NA MOKUPUNI Ma ka Poakolu o kapule aku la i hooleleia ae ai na koa marina Pe- lekane iuka o ka aina ma ka mo- kupuni Malaita, o ka paemoku So- lomon, mailuna mai o kekahi moku- kaua Pelekane, elike me ka hoaka- ka ma ka radio a ka mokukaua mai Tulagi aku a i Kikane. I kulike me ka hoakaka ma ia lo- no ke hoomakaukau la ka na koa marina e kai ae no ke kulanakau- hale o Sinrango, kahi o na luna au- puni Pelekane ame kekahi mau ma- kai lehulehu i pepehiia ai a make e na kanaka hihiu iloko o na la mua o ka mahina o Okatoba, i ka ma- nawa a ia poe e hoao ana e ohi mai i na auhau mai na kanaka hihiu mai o ia mokupuni. He mokukaua Pelekane ke kiai ko- koke nei i na mokupuni maloko o na kai kokoke i ka mokupuni Malai- ta no ke kiai ana o palua hou mai ka pepehi ana a na kanaka hihiu o na mokupuni i na koa marina a ua hiki koke hoi ke hoolele aku i na koa marina iuka o ka aina. A oiai he uuku loa na koa marina hooleleia aku i ka aina ua lawa nae ia e hookau aku ai i ka weli maluna o na kanaka a e hooko mai ai lakou i ka hana a na luna au- puni Pelekane i hoohanaia aku no ka ohi ana mai i na auhau. No kekahi manawa aku nei i hala ua nui ka pioloke o na kanaka e noho ana maloko o na mokupuni Solomon no ke koikoi launa ole mai o ka auhau i kauia aku maluna o la- kou ma na wahi i onaia e na Pele- kane maloko o ka Pakipika. Mamu- li o ka pepehiia ana o na luna au- puni Pelekane e na kanaka o na mokupuni a e ulu mau aku ana ka uluaoa o ka noho ana o na kanaka no ke koikoi o na auhau i kauia aku maluna o lakou e na luna au- puni Pelekane ke kumu o ka hoole- leia ana ae o na koa marina no ka hoomalu a hoopakele ana i na luna aupuni oiai lakou e hooko aku ana i ka lakou hana. LILO O KUAU, MAUI I KULANA- KAUHALE NUI. Solomon Hanohano, Aloha nui ka- ua: — E oluolu mai kou ahonui e hookomo iho i na meahou uliuli e nee nei, o keia mau la ma kahi ko- wa o ka Nupepa Kuokoa penei: Kuau, Maui, Oct. 31. 1927. Ua ku- ai lilo ia ae la e kekahi Hui Kuai Aina o Wailuku, ka apana aina o ka Hoomana Kakolika o Kuau, nona ka iliaina he 11 eka me ka hapa Ua pau i ka mahelehele ia he 41 apana. He maikai, ke kulana o ka noho ana o keia mau apana aina pili i kahakai; nolaila, e na Hawaii oiaio, eia Ka aina, e hele mai e kuai i wahi apana aina nou. He oluolu na kuka ana, me na banako o Maui a pela pu me ka Baldwin Bank. 2. Ke hoolalaia nei ka hooma- huahua ana ae i ke paipuwai o Kuau 3. Ke hoolala pu ia nei na kuku uwila iloko o na kauhale o keia mau apana aina. 4. Ke hoolaia pu ia nei kahi e ku ai ka halekula aupuni o keia mua aku. He leo keia, e uwalo aku ana ia oukou e na Hawaii aloha, e nee imua e na Hawaii oiaio, eia ka aina, e ku ai ka wawae a e malumalu ai ka noho ana, o keia mua aku. Mai noho loihi oukou iloko o na hana kumakahiki o kahi ai no me ka i'a pau ae la no. 5. Ua loaa ae nei ko Mr. ame Mrs. Lily Alu, ma apana aina, o ia no ka apana aina mauka o ke alanui, e pili la me ka apana aina o Kaluia (k). Mahalo i keia mau Hawaii. Eia kakou i ke au hou e nee nei. Me ka mahalo i na keiki pai hua metala, ame oukou ko'u adeiu o ke aloha. KUAU, HAWAIIAN TOWN. HE HOALOHALOHA NA KA AHAHUI KULA SABATI O KA MOKUPU- NI O OAHU NO KA HOAPAA- HANA I HAALELE MAI I KEIA OLA ANA, REV. JAMES KANOA PAELE. I ka Lunahooponopono o ka Nupe- pa Kuokoa ame na keiki o kou papa pa'i Aloha:— E oluolu hoi oe e hoo- komo iho ma kahi kaawale o ka hiwahiwa a ka lahui, i keia pooma- nao e kau ae la maluna, i ike mai ai na makamaka. na hoaloha, na ohana ame na kini haipule o ke Akua ma ka la i Haehae a ka welona o ka la i Lehua. Ua oluolu i ka Makua Manaloa ma o kona lokomaikai palena ole la ka lawe ana aku i ka hanu ola mailoko aku o ke kino o ko makou hoapaahana i haalele mai, Rev. James Kanoa Paele. Elike no me ka Ke- kahuna i hoike ai, ua moku hoi ke kaula kala ua naha ka pakeke ma ka punawai, a ua hoi ka lepo i ka honua, a o ka uhane hoi i ke Akua ka mea nana i hana. Ua haalele mai o Rev. James Ka- noa Paele i keia ola ana ma ka au- wina la o ka Poalima October 7 1927. Ua piha hoi iaia na makahiki he 72 a oi aku o kona ola ana e hanu ana i na ea huihui o keia aina malihini. Ua hanauia o Rev . James Kanoa Paele ma Anahola Kauai, iloko o ka mahina o Aug. la 19, makahiki 1855 a mailoko mai hoi o ka puhaka o James Paele (k) ame Annie Kamalii (w) kona mau makua. Ua hoonaau- aoia oia ma Kapaia, ame Hanalei Kauai i kona mau la opiopio, a ma ka hale Kula o Haleakala, Halealoha, Lahaina i hoonaauao hope ia ai, oia. Ua hoohuiia oia ma ka berito o ka mare me kana wahine Deborah Kapule ma ka mahina o October 15 1878, a ma Waiahole, Oahu, kona home paa i noho ai iloko o keia mau makahiki he lehulehu a haa- lele mai la oia i keia ola ana. Ua noho kahu aku oia no ke kihapai o Waikane Koolaupoko Oahu, no ke-	HAINA NANE. He aloha e ka la e alohi nei, Ma na welelau o ka honua, Aha'i ae oe i kou nani, I ka malamalama oi kelakela. E Mr. Lunahooponopono o ka Nupepa Kuokoa: — Eia hou mai no au ke oili aku nei no i kou keena no ka elua o ka manawa, e noi hou aku ana no, ina he wahi kowa kaawale kekahi o ka hiwahiwa a mi nei, ka Nupepa Kuokoa no'u hoi ia wahi kowa, no ka hoike hou ana ae i ka haina o ka nane a ke keiki o ka Pali Kapu o Keoua; malia o ke kiina keia a kuu makakila heu panini, e lia ai ka ili o ua kae'ae'a nei. Alia nae hoi pela iho hoi a puka aku a ike iho oe. Kukuluia ka nane penei: Elua mahele o kuu kama, ka mua, noho pu no au me oukou, e ike mau ana oukou ia'u i na la apau, koe kuu wa hiamoe hookahi no ko kakou hiamoe like ana. Mahele elua, aole nae ilaila ka noi a ka manao, ina iho no au i kahi ale iki, i ke kumu puakala ku luliluli; i ka inoa nae o Kaululaau au e loaa ai, i ka weleau holu i ka makani. Ina i huiia ka mahele ekahi me ka mahele elua, owai ka inoa piha o kuu kama? Haina. LAAU. Wehewehe ana, hoikeia ma ka mahele mua. Noho pu no au me oukou, he La; e ike mau ana oukou ia'u he la no, koe kuu wa hiamoe. Hookahi no ko kakou moe like ana he la no no ka mea, napoo ka la pau ka hana o ke kanaka moe ka la, moe ke kanaka. Ma ka mahele elua hoole iho la ua kae'ae'a nei aole i ka mahele mua ka anoi a ka manao. ina iho no au i kahi ale iki, heaha ia? Haina. he AU. He au keia e lawe hele ana i na laau e lana ana maluna o ka ilikai. I ka inoa nae o Kaululaau au e loaa ai, i ka welelau holu o ka makani. Pololei, no ka mea ina e huiia ka mahele ekahi, La me ka mahele elua, Au, loaa ka inoa piha o ko kama Laau. Ea, kai halulu aku la paha i ke alo o Kauwiki ke ike nei au i ka wili o ka nalu Palemano, e ulupa ana i kela laau keia laau e lana ana iluna o ka ilikai a pili aku i na hula ana o ka pali kapu o Keoua weluwelu liilii. Me oe e Mr, Solomon Hanohano ko'u aloha, me na keiki hoonohohua kepau o ke keena o ke Kuokoa ko'u welina. Ko'u a mau. L.K. P. KAEHUKAI O PALEMANO. Keiki o ka makakila heu panini, Kona Hema, Hawaii. Hakihaki mai la ko makakila heu panini no ka lahilahi, hiki ole ke hoonahoa mal me ka paia paa o ka Pali kapu o Keoua. Ua hahani iki mai la no oe, ma ka haina o ka mahele mua, eia nae alo wale iho la no ke aalii ka laau ku makani o ua pali kaulana nei, aohe kupueu nana e honioni. Hoao hou ia mai! — L. H. HAINA NANE. Mr. Lunahooponopono o ka Nupe- pa Kuokoa, Aloha a nui: — E oluolu hou mai oe, no me nei kekahi ko- wa kaawale, no ka haina o ka nane a L. K. P. Kaehukai o Palemano. O ka elua keia o ka'u pane ana i ka haina o ka nane a Kaehukai o Palemano. Ua nele ae la hoi i kuu onaona maka. e hana aku hoi au ma ke ano holoholona. O ka ninau o ka nane penei: Kuu wahi paiki kakai ole. Loaa au i ka hulu pekekeu manu. Haina. He IPU ULIULI HULA. Loaa au i ka hulu pekekeu manu Ua kapaia ka inoa o kekahi ipu awa- awa, he kukaeiwa. He iwa ka ma- nu. Penei na hoakaka ana. Kahea ke kumu i na haumana hula; pa iluna paa ilalo; pa i ka akau (io) pa i ka hema (ianei); o ke uliuli keia e pa nei. Ina i loaa pono ole ia oe ke ki aohe mea e pomaikai ai nou. Ina i like ole ka pa ana o ka ipu uliuli aole waiwai e loaa. Aka hoi, i loaa pono ke ki uwila makeneki e hoo- ni ana i ke alahao, he ipo aloha au nau i ka uwapo holuholu i ka mu- liwai. He holu mai hoi kau; imua a ihope, iluna, ilalo, i o ianei. Ma kahi a ua wahi ipu uliuli nei e oni ai, malaila like ka poe hula apau. Ke kakau nei au me ka okala o kuu lauoho; me he mea la e i okoa iho ana, ua pololei ka haina. Me na keiki hoonohohua ka anoi a o kuu aloha pau ole me ka Lu- nahooponopono. 2. P. K. KAWAIKAUMAIIKAMAKA- OKAOPUA. Ua huhewa mai la kau haina no ka mea o ke kumu okala o ko lau- oho he hoomaka'uka'u na ke akua lapu, ua nanakee na aumakua o ka po. Huli hou ia mai!— L. H. kahi mau makahiki lehulehu a he haiolelo no ke kihapai o Kaneohe i ka makahiki 1915. He makua haule ole oia iloko o na hana o ka aha mokupuni o Oahu, na kau apau e noho al o ka aha nolaila, i ke kaawale ana aku o ko makou hoapaahana Rev. James Paele mai a makou aku, aole no ia he mea malihini a no ka mea he ala- hele ia no na mea apau. E hoo- maikaiia no kona inoa. no ka mea Nana no i haawi mai a Nana no i lawe aku. Me ka haahaa, o makou iho no na komite, MRS. JAMES HOAPILI. MRS. ADELINE KAHALE, MRS. LYDIA POAI. Oiai e hana ana maloko o ka hale hanahau o ka hui Oahu Ice, ma ka Poakahi iho nei i loaa ai o Hon Sung Poom, he limahana, i ka eha ma kona opu, a maluna o ke kaa ma'i oia i make ai, mamua o ka hoea ana aku no ka halema'i o na ulia poino.	Nuhou Kuloko Maluhia ke koho baloka o na luna oihana o na kalana like ole o ka ma- lamaia ana ma ka Poalua iho nei. Ma ka hora umi-kumamakahi o ka Poakahi o keia pule ae, i manaoia ai o ka manawa ia e ku mai ai ka mokuahi Malolo mai Kapalakiko mai. Ma ke Sabati aku nei i hala, i hoomanao ae ai na hoahanau o Kau- keano, no ka piha ana o na ma- kahiki he kanaha o ke ku ana o kela ekalesia ma Honolulu nei. Ma ka Poakahi iho nei l hoea mai ai o Mr. Charley Corney, o na aina hooulapula o Hoolehua no ke kula- nakauhale nei, a wahi ana, he Ku- lana maikai ko na home hoopula- pula o Molokai ke nana aku i keia mau la. Ma ka Poalua iho nei, ka la hope loa e uku ae ai i na auhau waiwai, no ka hapa hope o keia makahiki, kaa aku mahope o kela la, e kaula mai ana he uku ka'ulele paku'i o umi keneka no kela ame kela dala hookahi o na auhau i uku ole ia. Iloko o ka nui o ka poe l hopu- hopuia ma ka pule aku nei i hala, no ke ku-e i na kanawai i hanaia no na kaa otomobile, he o ia mau no ka hakihaki o kekahi poe i kela ka- nawai, me ka mau no o ka oiha- na makai i ka hopuhopu i kela poe. No ka nui o na i'a Black Bass i pau i ka make maloko o ka lua- wai hooki'o ma Wahiawa ae nei, i haawiia ae ai he uku makana o hookahi haneri dala, i ka mea a i ka poe paha na lakou e hoike ae ana, i ke kumu i make ai kela he- luna nui o na i'a. No ka lawe ana aku i kekahi mau paahao federala no Amerika, i kau aku ai ka Hope Ilamuku Thomas R. Clark, ka Hope Makai Nui Henry K. Martin, o Hilo Henry P. Beckley ame Louis K. Silva ma ka mokuahi lawekoa St. Mihiel. ma ke awakea o a Poalua iho nei, no Kapalakiko. Ma nehinei, o ia ka Poakolu, i haalele aku ai ka mokuahi Malolo ia Kapalakiko, ma kona alahele no Honolulu nei, i kulike al me ka ho- ike ma ke kelekalapa o ka hoea ana mai no keia kulanakauhale ma ka Poakahi iho nei. Eia no na kanaka o na lahui like ole, ke hoomau nei ka hele ana i ka pohaku hoola ma Wahiawa ae nei, me ka hoolala no o kekahi poe. a ola ole no hoi kekahi poe. Mai na mokupuni mai kekahi poe o ka holo ana mai no keia kulanakau- hale, mamuli o ko lakou mau pilikia kino. No ke ake e loaa na ukuhana mai- kai i ka poe e noho hana nei ma- loko o ka oihana makai, i waiho ae ai ka Makai Nui Gleason he noi imua o ka papa o na lunakiai, e aeia mai, ka hoopiiia ae o na uku- hana o kekahi poe, mai ka elima dala mai ka haahaa no ka mahina, a i ke kanalima dala. Mamuli o na kumu hoohuoi i paa ae ai he haole koa nona ka inoa o Edward Cowan i ka hopuia ma ka auwina la o ka Poakani iho nei, o ia kona komo aihue ana maloko o kekahi mau home ekolu ma kela kulanakauhale. Nui na lako gula hoonani o ka aihueia ana mailoko aku o kela mau home i loaa aku maluna o ke kino o kela haole koa, i kona wa i huliia ai. MAI KE AKUA MAI KE OLA O KA POHAKU. (Kakauia e Joell K. Apuakehau) Mr. Lunahooponopono, Solomon Hanohano; Aloha kakou:— Ina paha e ae mai oe ia'u, e weheia ae ko'u manao hoakaka i keia pohaku, a no ka mea: aia ma kou lima ke ki e weheia al ka puka o ka lehulehu. He hoolikelike ka'u Pohaku Kuula i paaia e na kupuna lawai'a i ma- lamaia kona hoano, kapu mailaniia, i ka po hoeu ka pohaku i ke kilo e i aku ke ao eia mai, eia aku la ke kilo i ka puu kahea, ua ike aku la i ka i'a ku kahea mai la ke kilo me ka leo nui a lohe holookoa ia Ua ike oe ia mea e ka Hawaii mai hoole hooi manaoio ai oe aole oe i oi aku mamua o Daniela ka ma- naoio ana e hoola nei i ka pohaku mai na mauna mai o Amerika. Pehea na launahele e haawi ana i ke ola ma ko lakou mau lau, a ma na mea apau ana i hana al, aole he mana i ke kanaka ke ahewa aku i na mea apau ana i hana ai He mana ke kanaka ma kekahi mahele, a he mana ke Akua maluna o na mea apau a e hoomana aku na honua apau iaia, a ma ka lani. He nui loa na pohaku e waiho ana ma ka honua, he mana no, ma Ha- waii nei ka oi loa. He oiaio na haiolelo e hoomana aku iaia wale no aole i na mana liilii malalo aku ona Ua nui na ike no ia mea. Ua haa- wi mai oia i ka ike i kona mana i na ekalesia apau e hea aku iaia ma kona inoa, aka, i ka hope o na la, aole ola e wae aku ana elua ekalesia pono mai keia honua aku aka i hoo- kahi wale no aole i ike, aole i hoo- maopopo ka hapanui o ko ka honua nei poe hoomana, aole l like ka ma- naoio. He mau hoohalikelike kela. Aole l pau na hoikeike pohaku he nui e waiho mal nei. O na pohaku ma Wahiawa no Kukaniloko mai la- ua, malalo o ke kahuna Makaula o Kapukaihaoa, ka ohana pili ia Waka, ola ke kahuhanai o Laielohe- lohe, ka mea nana i hoopuhili aku ke kahuna Kahauokapaka, a nele ko- na ike ua hanau a ola ne mau ma- hoe. Aole mal Kauai mal ka Pohaku. (E hoomau aku ana) KAPALAKIKO. Nov. 13— Ua hoike ae ke Kapena Frederick Giles i keia la, ke kanaka lele mokulele Ause- teralia ua hoopanee oia i kana lele ana i hoolala ai e lele ahiki i Ha- waii a ka Poakolu. O ka nui loa o ka ino o ka lewa ke kumu o ka hoopanee ana o ke Kapena Giles mahope iho o kona kuka ana me ke kanaka kilokilo ouli maanei.	MOOLELO AHAHUINA C . E. O KAU- AI, KAU O OKATOBA M. H. 1927 Noho ka halawai hana a ka Aha- huina C. E. o Kauai ma ka Hale Halawai o Kanikawi ma Kapaa, ma ka hora 3 o ka auwina la Poalima, Okatoba 14. 1927. Peresidena J. K. Lota ma ka noho. Hoomakaia na hana me ke mele ana i ka aoao 15 o ha Leo Hoonani ame ka pule a ka peresidena. Hoomaopopoia na lala o ka Aha. Waioli Makua, J. M. Keone, pere- sidena, Mrs. J. K. Lota, elele; Koo- lau Makua, J. Hano, peresidena, S. Dias, elele, Pokii, Mrs. Dora Lovell. alakai. Kapaa Makua, Mrs. Kailikea. peresidena Adam Anuhea, elele Ku- waena, Miss Cummings peresidena, Miss Kamanuwai, elele. Pokii, Mrs. Mundon, alakai. Lihue Makua, Mrs. Montgomery, peresidena Mrs. Kai- awe, elele. Kuwaena, G. I. peresi- dena, Miss Isabella Waiau. elele. Pokii, Henry Malika alakai. Hana- pepe, Makua Mrs. Maliekai peresi- dena, Mrs. Sabo, elele. Waimea, Ma- kua, Simeona Kaialau, peresidena, Mrs. Goodwin elele. Na Lunanui J. K. Lota, Mrs. Wright Henry W. Waiau, J. M. Kaneakua, A. G. Kaulukou ame D. K. Kapahee, Komite Hoeueu. Hoomaopopoia na hoike i komo mai Waimea Makua me ka $1. Koolau Makua me ka ai. Pokii me ke 50 keneka. Kapaa Makua me ka $1. Kuwaena me ke 50 keneka, Pokii me ke 50 keneka. Hanapepe Makua, me $1. Aole mau hoike i koe. Hoolaha ka Peresidena e malama ana na lunanui o keia Aha he ha- lawai mahope iho o ka aina awakea ma ka la apopo. no ka noonoo ana i kekahi mau hana e hoalaia ai ke- kahi mau C. E., e ku malie mai nei e malama pu ia ana he Hoike C. E. Rally ma ke Sabati, a he elua ma- kana e waiho nei iloko o ka lima o ka peresidena. Hoomaha na hana o ka Aha no ka hoolohe ana i ka haiolelo a Wm. Makaehu. Hoike hou ka Aha i kana mau hana, komo mal ka hoike hapa a na komite imi kumuhana. Kumuhana 1. Alakai no na C . E. Kuwaena. Kumuhana 2. Komite Moku. Kumuhana 3. I hoike na ke Komite Moku i keia Aha i kona kau o Aperila, 1928. Aponoia ka hoike hapa a ke komite, laweia a lilo i mau kumuhana na ka Aha e noonoo ai. Kumuhana 1. Hooholo- ia e koho no na C. E. Kuwaena i mau alakai no lakou. Kumuhana 2. Kohoia o Lota i Komite Moku na keia Aha. Kumuhana 3. E hoike mai ke ko- mite moku i kana hoike ma ke kau o Aperila 1928. Na ka Peresidena i na Ahahui C. E., e hoike mai i ka nui o na C. E. e hele ana i ka Aha Paeaina, no ka hoike ana aku i ka Hui Mokuahi. Aole mau hana i koe, ua hoopa- neeia ka halawai a noho hou mai ma ka la apopo. Na loaa o keia la he $7.00, ua hoihoiia i ka Puuku Kaneakua. Hookuuia na hana me ke mele ana i ka aoao 163 ame ka pule a ka Peresidena. Poaono, Oct. 15, 1927. Noho hou ka halawai l hoopanee- ia ma ka hora 2:30 o ka auwina la. Meleia ka aoao 68 o ka Leo Hoo- nani, pule mai ka Makua Huddy mal. Na ka Peresidena he hoakaka no ke pa'ipa'i ana o ke kakauolelo i ka moolelo o ka halawai i hala aku la a hoouna aku i na C . E. Aole ku-e, hooholoia pela. Hoomaopopo hou ia na hoike l ko- mo ole mal. Lihue Kuwaena. Komo hou mai ka hoike piha a na komite imi kumuhana. Kumuhana 4. Komite Hoeueu. Hoomauia no o D. K. Kapahee i komite hoeueu na keia Aha. Heluheluia ka hoike a na komite no na hoike papahelu, ame kihapai Aponoia. Heluheluia ka hoike a ka Puuku a keia Aha, aponoia. Hoike mai na Komite no na hoike i pa'i hakahaka ia a ua paa i ke pa'iia na ke kakauleka no e hoouna aku i na C. E., a nana no e ma- lama no keia Aha. Na ka peresidena e hoomakaukau na keiki o ka Aha Ekalesia i mau haiolelo na lakou, a ma ke kau a keia Aha e noho mai ana ma Lihue, Kau o Aperila 1928, e kaheaia aku ai lakou e haiolelo mai i na lala o keia Aha. Na ka Peresidena hou o ke koho ana ia Kaneakua, Kapahee ame Hano i mau Komite no na hoike papahelu ame kihapai a kela Aha. (E maka- ala mai i keia e na Ahahui C. E. o ke komo ole ana o na hoike elua pule mamua o ka noho ana mai o ka Aha, aole e hiki i na komite e hoomaopopo mai i kou Ahahui) No na komite iho i koe, aia no a noho mai ka Aha, alaila, noonooia lakou. Komite Hoalohaloha, o na Komite no o ka Aha Ekalesia. Aole hana i koe, haawiia no ka Makua Henry K. Poepoe ame Wm. Makaehu Hookuuia na hana a keia Aha a noho hou mai ma Lihue, Kauai, i Aperila, 1928, ma ke mele ana i ka aoao 163 o ka Leo Hoonani ame ka pule a ka peresidena. Sabati Oct. 16, 1928. Malamaia ka Hoike C. E. Rally ma ka Halehalawai o Kanikawi ma Ka- paa ma ka hora 10:30 o ke kakahi- aka. Hoomaka na hana me ke mele ana i ka aoao 36 o ka Leo Hoo- nani me ka pule a ka Makua Puuki. Malamaia na hana o ka la elike me ka papakuhikuhi hana ma ka papa eleele. O ka nui o na papa himeni i akoakoa mai, he 9, no lakou ka huina nui o na haumana, pokii opio ame na makua, i huila he 125. O na loaa lulu he $96-30. Na makaikai he 100 a oi aku. Ia Rev. Kaumeheiwa ame ka Haiolelo Ma- kaehu na haiolelo paipai o kela la Hoolahaia ka halawai a na opio ma- loko no o kela hale ma ka hora 2 o kela auwina la malalo o ke alaka ana a ka Haiolelo Makaehu. Ua malamaia na hana o keia la me ka makai. Hoike mai ke Ko- mite iaia ka hooholo ana i na ma- kana, a o ke Komite Hoeueu D . K Kapahee no ke komite no keia hana Ua haawi ke komite i ka makana ekahi ia Kapaa Pokii, no na ano hou i hoikeikeia mal. O ka helu elua ia Kapaa Huiia ame Lihue. I ka lawe ana i ka makana elua, ua hoakaka mai o Lihue ma o kona alakai la, Mrs. Montgomery, e haawi	HE $100 KA MAKANA NO KA MEA A MAU MEA NANA I HOOPA-HU KA I'A MA WAHIAWA. He $100 ka A. A. Wilson ka luna- hoohana o ka Wahiawa Water Co, makana i ka mea nana e hoike ae a i ike paha i ka mea a mau mea paha nana a na lakou i hoopa-hu i na i'a Hapuu eleele (Black Bass) maloko o ka luawai hookio o Wa- hiawa a make he 300 mau i'a a e lilo ai ia mau oleloike i mea e paa al ka mea nana i hoopa-hu i ka hopuia. Mahope iho o ka ikeia ana o ka make o kela heluna nui o kela ano i'a maloko o ka luawai hookio ua hoike koke mai o Wilson ia Joseph Tavares ka lunanana i'a ame manu a ke komisina, a ua holo koke aku o Tavares i Wahiawa a ua ike io oia nona iho l ka make o na i'a. Ma kahi kokoke ka i ke alahaka ma Halemano e moe ana maluna ae o ka luawai hookio, i loaa aku ai ia Tavares mai ke 80 a ke 90 mau i'a mai ka 8 a ka 14 iniha ka loihi a he 200 ia i make mai ka hookahi a l ka eono iniha ka loihi a ma ka- na ike iho ua make la mau i'a me ka maopopo loa mamuli o ka hoo- pahuia ana me ke kiana pauda. "O ka mea nana i hoopa-hu me he mea la ua maka'u ola i kekahi mea a ua holo mua me ka loaa ole hu manawa nona e ohi al la mau i'a. Ua make kela mau i'a mamuli o ka hoopa-huia ana, o la ka mea maopo- po Ioa i ka nana aku," wahi a Tava- res o ka hoakaka ana ae. Ka hoo- ikaika mai nei o Tavares e loaa ke- kahi ike a ma kona manaoio wahi ana, ua loaa kekahi ike iaia, a me ia ike oia e hookolo aku ai ahiki i ka loaa ana o ka mea nana i hoopa-hu. HOOLAAIA KA HALEPULE O NA HAWAII MA HOOLEHUA. Ma ke Sabati i hala iho Ia ka hoolaaia ana mai nei o ka halepule o ka Hoomana Ahahuina o na Ha- waii, i paa koke mai nei i ka hanau nona na hoolilo he $3000 a i kuku- luia hoi ma kahi kokoke aku i ka halekula aupuni maluna o ka kahua a ke Komisina Home Hawaii ma Hoo- lehua; he 10 mau kahunapule na lakou i lawelawe i na hana hoolaa, ma ka lono i hoikeia mai he halepule nani ia a o kahi i nani loa ai aohe ona aie, ua pau loa i ka hookaaia. Ma ia la i hoolaaia ai o ka hale- pule he elua mau kahunapule i po- niia i mau kahu maloko o ia hale- pule hou, oia o Rev. Frank K. Archer ame Rev. Charley Corney. O na kahunapule i akoakoa aku ma ia halepule hou ma ia la a i lawelawe hoi i na hana hoolaa oia no ka Rev. Henry P. Judd. ke ka- kauleka a ka Papa Hawaii ka Rev. Stephen L. Desha o ka Ekalesia Ha- waii o Haili, Hilo, ame ewalu mau kahunapule e ae. O ka Rev. Charles Corney o ka ekalesia o Kaunakakai ka i holo mai i ke kaona nei ma ka Poakahi iho nei maluna o ka waapa ailaea Pualele. Ma ka mokuahi Ma- lolo o kela Poalua ae e huli hoi aku ai ka Rev. Stephen L. Desha no kona home ma Hilo, Hawaii ma ke aumoe o ia po iho. NA MAKE. Frederico Hicano ia Louisa Kaapa. Oct. 8. William K. Poai ia Lydia Kahaka- lau Kalaiwaa, Oct. 28. Bonafacio Anoia ia Lucy Miller, Oct. 31. Hans L. Orange ia Mele K. Wil- liams, Nov. 9. David Makakehau la Annie Cecilia Woodward, Nov. 9. John Fox ia Marcy K. Kapoohiwi, Nov. 12. NA HANAU. Na Mr. ame Mrs. Kuma 1'aka-no,-., he kaikamahine, Oct. 14. Na Mr. ame Mrs. George L. Kepoo. he kaikamahine. Oct. 27. Na Mr. ame Mrs. Henry Ah Nee. he keikikane, Nov. 3. Na Mr. ame Mrs. Samuel P. Guer- rero, he kaikamahine. Nov. 3. Na Mr. ame Mrs. Jack 1uaa--whi Mori, he kaikamahine. Nov. 3. Na Mr. ame Mrs. Walter Aukai. he keikikane, Nov. 5. Na Mr. ame Mrs. Jacob Pawela Akana, he kaikamahine, Nov. 5. Na Mr. ame Mrs. Kapaole K-- welolanl, he kaikamahine, Nov. 5 Na Mr ame Mrs. Moses Paa, he kaikamahine, Nov. 7. Na Mr. ame Mrs. William George. he keikikane, Nov. 8. NA MAKE. Emily Ponooiwi Kahalena, ma ke alanui Clinic, Nov. 6. John S. Poepoe, ma ke alanui Ila- niwai, Nov. 7. Sarah S. Swinton, ma ka Home Leahi, Nov. 8. Elizabeth Kahananui ma ke Camp Yamaguchi, Kamoiliili. Nov. 9. Rudolph Kahuakaikea White ma Kauikeolani, Nov. 11. Wallace Maile Among ma ke alanui Beckley, Nov. 11. Joseph Kaluau ma ka Halema'i Moiwahine, Nov. 14. ana i kona mahele no ke komite ola o ka Aha Paeaina Rev. Kaume- heiwa. Ua ukaliia keia manao mai- kai e Kapaa Huiia ma o kona alakai la, Geo. Ewaliko. Hookuuia na hana o keia la me ke mele ana i ka aoao o ka Leo Hoonani ame ka pule mai ka Ma- kua Huddy mai. HENRY W. WAIAU. Kakauolelo. Lihue Kauai, Oct. 17, 1927

KA LA HOALOHALOHA A HOOMAIKAI I KE AKUA.

O ka Poaha o keia pule ae e hoea mai ana, he la hoalohaloha ia a hoomaikai i ke Akua; he la i konoia ai na makaainana apau o Hawaii nei, e komo kino iloko o na hoomanao ana no kela la a e waiho aku i ka lakou mau hana maamau

o na la e ae.

Ua hookaawaleia ka Poaha hope o ka mahina o Novemaba, e na kanaka paionia o Amerika Huipuia, i la no lakou e hoomaikai a e hoalohaloha aku ai i ke Akua, a mai kela manawa mai ka malama mau ia ana o kela la ahiki mi i kakou i kei

"u^

Ke huli aku kakou ihope, a hoomanao ae i na hana a na kanaka paionia Amerika, ka poe e kaahele ana mai kekahi wahi

a i kekahi, he keu aku lakou a ka poe malama me ka maka'u
i ke Akua; ma kekahi olelo ana ae hoi, he poe haipule oiaio
loa lakou.

Iloko o na kanaka mahiai, pela hoi na kanaka hanai holoholona, a hoopukapuka waiwai; aia mau ka ike ia lakou, o ke Akua ka Mea Kana e haawi mai i na pomaikai ia lakou, no na pono o keia ola honua ana.

Me kela ike no ko ke Akua lokomaikai, i hookaawale ae ai kela poe kanaka paionia i hookahi la, iloko o ka makahiki, o ia ka Poaha hope o ka mahina o Novemaba o kela ame keia makahiki, me ka hoakoakoa ana mai i ka lakou mau huaai,

o na ano like ole, i kahi hookahi, a haawi aku Ia i na hoo-
maikai kui'o i ke Akua, me na manao lokahi.

O kela kekahi o na hana kilakila Ioa, i lawelaweia e kela poe kupuna o na kanaka Amerika; nolaila i ka nee ana mai o ke au o ka manawa, ua kukala mau ae na peresidena e noho hoomalu ana i ke aupuni, pela hoi na kiaaina o na mokuaina lehulehu, no ka malama mau ia o keia Poaha; a ua hoea loa mai ia hana maluna o kakou ma keia la.

No na hoahanau o na hoomana like ole, he hana kupono loa na lakou ka akoakoa ana maloko o ko lakoa mau luakini pakahi iho, me ka lawe pu ana mai i na huaai, na meaulu ame na hua no apau o ka honua, me kela mau mea auanei, peia na himeni ame na leo pule, e kohu pono ai ka haawi ana aku

i na manao hoomaikai imua o ke Akua.

No ka poe i pili ole iloko o na hoomana; ua ili pu aku ke ko'iko'i maluna o lakou, ka hoalohaloha ame ka hoomaikai ana i ke Akua; ma ko lakou mau home iho; ina aole no na pomaikai i loaa mai ia lakou, ma o na huakai la i hoouluia mai ka honua mai; aka no na pomaikai i loaa ia lakou, ma ka lakou mau oihana la; o ka pomaikai oi aku, no ke ola a ke Akua i haawi mai ai ia lakou.

He mea pono ia kakou e hoomaa i keia hana kilakila iloko

o ko kakou ola honua ana; e hoike mau ana i ko kakou hilinai
a paulele i ke Akua, elike me ka hana a na kanaka na lakou

i hookaawale i keia la.

He mea makehewa ka uwe ana aku i ka waiu i hanini, pela ka waiwai ole o ke kukahala-ke ana, no ka lanakila ole ana o kekahi mau moho, ma ke koho baloka o na kalana o kakou ma ka Poalua iho nei.

i hooku'i mai ai ka i paa i ka ho-
puia e na makai, oia o Hoki.
He keiki uuku o 8 makahiki, no
ke alanui Beritania ka i mokumoku
ka ilipoo i kona manawa i holo ae ai
mai hope mai o kekahi kaa e ku
ana a kaa pono mamua o ke alahele
o ke kaa e kalaiwaia ana e Wilford
Paul, a hooku'iia mai a hina ilalo.
Na D. J. Styne i lawe mai iaia i ka
halema'i o na poino ulia a mahope
o kona lapaauia ana malaila ua hoi-
hoiia aku i ka halema'i o na Ka-
malii.

Ma ka auwina la o ia Sabati o Joe
Kawaha, o ke alanui Hardesty, ka
i hooku'iia aku e ke kaa e kalaiwa
ana e Chew Lin ma ke alanui Liliha
ame Vinia i ka manawa a Kawaha
me elua mau keiki e ae i holo ma
ai mai kekahi aoao mai o ke alanui
me ka manao e kaa mua ma kekahi
aoao o ke alanui mamua o ke kaa.
No ka eha ma kona helehelena i
hoihoiia aku ai oia noloko o ka hale-
ma'i o na Kamalii, a malia he mau
eha e ae paha kekahi ona maloko
o kona kino.

Ua hookuuia ke kalaiwa Chew e ka makai.

He elima mau keiki i eha i ka manawa e paani kinipopo pekuwawae ana ma ke kahua o Kamoiliili; o Masato o ke alanui Quinn ka i haki ka ihu Sam Kealoha o ke alanui Notley ka i haki ka lima hema, a mahope o kona lapaauia ana maloko o ka halema'i o na poino ulia ua hoihoiia aku ola noloko o ka Halema'i Moiwahine. James Kahele o 17 makahiki, no ke alanui Liliha, no ka haki ana o kona wawae hema i lapaauia ae ai oia ma ka halema'i o na poino ulia a mahope iho i hoihoiia aku ai i ka Halema'i Moiwahine. O Tal Lot Ho, 17 makahiki o ke alanui Kawaiahao, he moku kona ma ka lehelehe malalo a he moku hoi ko Hasichiei Okawa ma na kuemaka, ma ka manawa e paani ana ma ke kahua paani o Kamoiliili. O Willie Gomes o 11 makahiki, no ke alanui Kuke, ua haki kona lima hema me ka peahilima ma kona manawa i pinana ai iluna o ke kumulaau pama a haule mailuna mai, mahope o kona lapaauia ana ma ka halema'i o na poino ulia ua hoihoiia aku oia no ka halema'i o na Kamalii.

He poe lehulehu e ae kekahi i loaa na eha liilii i lapaauia maloko o ka halema'i o na poino ulia. O ka hapanui o na ulia poino i loaa o ka pule aku la i hala mamuli no o na kaa otomobile.

O KE SABATI AKU LA KA LA NUI

O KA HANA MALOKO O NA

HALEMA'I

O ke Sabati i hala iho la ka helu ekahi o na la i ikeia ai ka lehulehu loaa o ka poe i hakihaki na au a i lapaauia maloko o ka halema'i o na poino uila a ma na halema'i e ae maloko o na hora he 24. Elima o keia mamuli o na ulia kaa otomobile hookahi i ka wa e paani popo pekuwawae ana, a hookahi mamuli o ka pinana ana iluna o ke kumulaau pama a haule.

No ka haki ana o kekahi mau iwiaoao o Mrs. Suga Fukagawa o ke alanui Liliha a pela hoi me kona iwi umauma i laweia ae ai oia i ka halema'i o na poino ulia. Ua loaa kela eha mauwale iaia i ka manawa o ke kaa otomobile ana e kau ana me elua mau wahine e ae ame ekolu mau keiki i pakika ai maluna o ke alanui Kamehameha ma kahi kokoke aku i Puuloa ma ka auwina la Sabati nei. Ua paa loa oia malalo o ke kaa i ka wa i kahuli ai a pakele kekahi mau ohua e iho mamuli o ko lakou kiolaia ana a waiho mai i kahi e he mau manuheu liilii wale no ka ko lakou o Y. Yamamoto ke kalaiwa ana i ke kaa. Haki ka Wawae o ke Keiki

He keiki o John, Kim ka inoa, o 15 no ke alanui Auld ka i haki ka wawae elua pauku i ka manawa o ke kaa kalaka ana e kau ana mahope a e kalaiwaia ana e M. Muki ma ke alanui Moi i hooku'i ai me ke kaa e kalaiwaia ana e S. Hoki o ke alanui Pua, ma ke kakahiaka o ke Sabati nei. Mahope o kona lapaauia ana na ka halema'i o na poino ulia ua hoololiia aku oia no ka halema'i o na kamalii. Ma ka Muki olelo. ke kalaiwa o ke kalaka a Kim i kau ai aole oia i ike mai he keiki kekahi e kau ana mahope o kona kaa ua kau malu aku kela keiki me kona ike ole mai. O ke kalaiwa o ke kaa kalaka

E HOOLOHE E NA KAMEHAMEHA!

Ke kauohaia aku nei na lala o ka Ahahui Kamehameha e hoea ae ma ka halawai kumau o ko lakou Ahahui e malamaia ana ma ke ahiahi o kela Poalua ae. Novemaba 22, 1927 ma ka hora 7:30.

Na Hana.

WAE ANA AME KE KOHO ANA I KAKAUOLELO MOOLELO, NA LUNAHOOIA, NA KAHU KUKULU HALE AME KA LAWELAWE ANA I KEKAHI MAU HANA ANO NUI E AE. WM CHUNG HOON. JR.

Kuauhau.
.Hao—Nov. 17.