Ka Oiaio, Volume VI, Number 6, 9 February 1894 — Page 4

NUPEPA

KA

OIAIO.

HONOLULU, FEBERUARI 9, 1894.

HE MOOLELO HOONANEA

-NO-

Don M. Maseka.

Ka Opio Iloko o na wiliau ana ka Pahikaua,

Ka Omole Laau Hamo Kupaianaha.

A O NA MAKANA HIWAHIWA EKOLU.

Ke Kavalia Maluna o ka Lio PUAKEA me na hao kila Mageneti

ME NA

KIAI PUKAUA EKOLU.

MOKUNA I.

Na makana hiwahiwa ekolu a ka Makuakane, M. Moseka i kana Keiki.

            Pela paha, wahi a ke kanaka malihini, aole au e manao e hiki ia Terevila ke hoouna mai i keia Gascona, e laa kona kulana o ka opiopio loa, aka nae o ka pahuna pahi kaua he pahuna pahi kaua ia ine ka nana ole ae nawai la.

            Ina no he opio a he aoo paha, a ka mea i haawi ole aku i kona hilinai i kekani opio, alaila, aole no hiki iaia ke hoomaopopo iho i  kekahi mau popilikia e akeakea mai ana i kona alahele.

            A haule aku la ua malihini nei iloko o ke poluluhi o ka noonoo ana me ke kulou o kona poo ilalo, a i ka ea pono hou ana ae a pane hou mai la oia ia'u i ka i ana mai:

            E kuu ona hale maikai, aole anei e hiki ia oe ke hooluolu mai ia'u mamuli o kou. Loonalowale ana aku i keia kanaka hehena?

            Ua hiki ole loa ia'u ke pepehi aku iai@ a make, a no ia kumu ua ulupuni au me na manao o ka uluhui nona.

            Auhe@ oia i keia wa? me ke ano haikea o ka pihoihoi nui ua kanaka malihini ala.

            Aia no anei kona mau pono lole me ia i keia manawa? A aole anei oia wehe ae i kona mau pono i keia manawa?

            Ae, no keia wa wale no, aia na mea pau iloko o ka hale kuke kahi i waiho ai, wahi a ka ona hale aka mai ka wa mai a ka opio hehena i hoouluhua aku ai ia oe a-

            He mea oiaio ia, ua hooulu mai oia i na hana ino ka hoohaunaele iwaena o kou hale hotele e hiki ole ai hoi ka poa akahai ke hoomanawanui hou aku.

            Nolaila, e hoi koke aku oe iloko o kou rumi keia manawa, a e hoomakaukau noi i ko'u mau bila aie i keia, a e haawi pu ae i ke kauoha i ka'u mau kauwa a pau.

            Ae, ua kauoha aku hoi au ia oe e hana mai i ka noho o ko'u lia, aole anei i hoolohe ia ka'u mau kauoha ia oe?

            Ae, aka, ina e nana aku hou hanohano ma kahi o ka ipuka i komo mai ia, aole no paha e hoonele ia ana ka ike a kou maka me kou lio e ku mai ana me ka makaukau no kou aku maluna ona.

            Ua pono hoi ha, a e hana aku oe i like me ka'u i kauoha aku nei ia oe e hana.

            Aia hoi, wahi a ka ona hale i na munamu iho ai iloko ona, pehea la i loaa ai na haawina o ka maka'u honua i keia kanaka no keia keiki opiopio loa.

            Iloko o keia manawa, ua iho aku la ua kanaha no keia keiki opiopio loa.

            Iloko o keia manawa, ua iho aku la ua kanaka malihini nei i ke alanui pii no ka hele ana i ka hale kuke ma ka huli hoi ana mai hoi i hope a pane mai la.

            Aole loa he mea pono e ike ka'u lede i keia kanaka malihini, a he mea pono hoi iaia ke hele koke ano oiai ua kaulua loa keia noho ana, a o ka'u wahi hoi ia o ka hana o ke kau ana ae iluna o ko'u lio no ka hele ana aku e halawai pu me ia.

            A ina wale no paha he mea hiki ia'u ke ike i ma mea a pa'u o kela leta i kakau ia mawaho me ka inoa o. M. de Terevile.

            A iloko no hoi o keia manawa pu a ke kanaka malihini e kamaiho nei, ua puka aku ia ka ona o ka hotele a pii loaa aku la i ka rumi o kana wahine, kahi hoi a ka kakou opio o moe ana, me na manaolana aku o ke kipaku ana aku iaia iwaho o ka hale, oiai, ua ulu mai na hoomanao ana iloko ona, mamuli o me kona mau helehelena iloko o ka hotele ke kumu nui nana i kaiehu koke aku i ke kanaka malihini mailoko aku o kona hotele.

            Ae, ua pii akku la oia a ike aku la hoi i opio Don. Maseka e nana mai ana me ka hoi hou ana mai hoi o kona mau noonoo maikai a nau, ua hoomaka aku la oia e ka mailio ia Don Maseka no ka hiki mai o ka makai ilaila e hopu ai iaia no kona hana ana i kekahi hana e kue aku ana i ka haku kiekie loa, a me kona koi pu ana aku no hoi iaia e haalele koke iho oia i ka hotele a e hoomaku aku e hele ma ka huakai hele.

            Iloko o keia wa a ka ona o ka hale kamailio nei ia Don Maseka na ala koke mai la kona poo iluna me ke kuuwelu ana iho hoi o ka lole i wahi ia ai o kona  poo a me ke kulana o ka hikaka, ua iho aku la oia ilalo i ka hale kuke me ka onou pu ia ana mai e ka ona o ka hotele aka, mamua o kona hiki ana aku o ma ka ipuka o ka hale kuke, ua halawai aku la ka ike a kona mau maka me kona hoa paio e kamailio ana me kekahi lede iluna o kekahi kaa e huki ia ana e kekahi paa lio nani.

            O keia lede a kona hoa paio e kamailio nei, he lede no ia o ke kulana kilakila o ka ui waianuhea o ke kali puuwai, oia ipuka aniani o ke koa kaahele me ke kii nani loa a ma ka Don Maseka hoomaopopo he lede ia nona na makahiki mawaena o ka iwakalua a me ka iwakaluakumamalua makahiki.

            Ae, ua ike aku la ia he opio kela lede o ka aoao palupalu i hoopuni ia kona mau helehelena e na kinikohu o ka nani a me ka waianuhea.

            A o keia nani hoi aua e ike nei, he nani ia i kukaawale ae mai ka nani o na lede o kona wahi i hele mai ai ua lilo iho la hoi ia i mea hoonaluea i kona noonoo, e laa na maka poniponi e hulili mai ana maloko mai o ke kaa, o kona mau lehelehe hoi i lika me ka pua rose lani, a me kona mau lauoho ano apiipii hoi e kuuwelu iho ana ma kona mai kipoohiwi, a me kona mau lima i like me ka alapaka me ka hoomau ana no hoi i ke kamailio me ka malihini.

            Wahi hoi a ua lede 'la i pane mai ai: "Nolaila, ua makemake kou hanohano ia'u e -."

            "E hoi aku me ka awiwi nui no Enelani, a e ike hoi nou iho ina paha ua haalele aku ke Duke ia Ledana," wahi ana malihini nei.

            "A peha ana hoi kekahi mau kauoha okoa iho a'u?" wahi hou a ua ui nohea kaahele nei.

            "Eia lakou apau i loko nei o keia wahi pahu, a ia wale no kou wehe ia mea a hiki oe ma kela aoaa o keia mona kai."

            "Ae, ua hiki iho la ia' a o oe hoi heaha ana kau hana nou iho?"

            "E hoi aku ana au no Parisa."

            "Me kou kau ole aku i kekahi hoopai maluna o kela wahi keiki?" i pane hou mai ai ka lede.

            Ua hoomaka ae ka waha o ke kanaka malihini e hamama no ka makaukau ana e pane aku i ka ninau a kana lede, aka, ua huli e mai la nae oia e nana i kekahi mea i halulu aku, oiai hoi i Don Maseka i holo aku ai a ku ma ka ipuka o ka hale kuke, e laa kona lohe i na mea a pau a laua e kamailio ana, a oia ka ua kanaka malihi i nei i pane aku ai i ka lede me ke kuhi ana mai o kona lima i ka ka kou opio:

            Aia a! na kela wahi keiki, i makaukau me na manao o ke kau aku i ka hoopai maluna o kekahi poe okoa aku me ka hiki ole nae ke hoonakele iaia iho, oia ka mea nana keia mau hana hoohaunaele, aka nae he mauaolana ko'u, o ka mea i loaa me ia mau hoopai ana, he laan hahau maopopo ia nona i keia manawa e hiki ole ai iaia ke hoopakeleia.

            E hiki ole ai iaia ke hoopakele ia? wahi a ka mea i ike ole ia me ka hookuekue maka nui ana iho.

            Aole loa, aka, he hohe wale paha ka mea e holo ana imua o kekahi lede i ko'u manao?

            E hoomaopopo iho hoi oe, wahi a ka lede me ka ike ana mai iaia i ke kau ana iho o kona pulima maluna o kana pahikaua. E hoomaopopo iho oe, o ka hookaulua ana iho no kekahi manawa pokole, he hoopoi no ana no ia i nanea a pau.

            Ua pololei oe ma ia mea, wahi a ke kanaka malihini i pane aku ai, e hele no hoi oe ma kou alahele, a pela no hoi au ma ko'u, a haawi aku la ia i ke aloha kunou ana i kana lede me kona lio a hoomaka aku la laua e holo no ka laua huakai holo.

            Halo, ko bila ! i kahea aku ai ka ona hotele me la leo nui i ke kanaka malihini, me ka ulu pu ana ae hoi o na manao inaina iloko o ka ona hotele iaia no--- kona holo e ana me kona uku ole ana hoi i kona aie.

            E uku e ka lapuwale ! wahi a ke kanaka kaahele i puana ae ai me kona holo pu ana aku hoi e kamailio i kona paa puolo, a hoolei iho la oia ke okolu a eha dala ilalo a holo aku la me ka mama nui e halawai pu me kona haku.

            Auwe ka hohe wale e ! ke apuka hilahila o'e! ka makona a me ka puuwai nonohua o ka aihue maopopo ! i puana aku ai ka kakou Don Maseka oiai oia i alualu aku ai mahope o ka mea paa puolo o ke kanaka malihini.

            O ka haawina o ka nawaliwali a me ke oolea kupono ole o kona mau aa, oia iho la ka mea nana e hoonawaliwali ana i kona kino iloko o ia wa ana e alua'u ana i ka paa puolo o ke kanaka malihini me ka-loaa ole iaia o na kaina wawae he @@@, ua haulo iho la ia ilalo me ka poniuniu, aka kahea ae la no ia me ka leo nui me keia mau huaolelo o ka wiwo ole:

            Hohe wale, hohe wale, hohe wale ke'a kanaka.

            He oia'o, he hoohe wale ia o ke kulana-haahaa loa, i puana ae ai ka ona hale, me kona hoao ana ae hoi ma na ano a pau e hoomalielie aku i ka kakou opio oiai oia e waiho ana ilalo o ke alanui.

            Ae he hohe wale ia o ka kulana haahaa loa wahi a ua opio nei i puana ae ai, aka he ui nae kela lede.

            Owai la oia, wahi  a ka'ona nona ka hotele,

            He lede ia na'u a maule hou aku la ua opio nei.

            Ua hiki no aole ia he mea pilikia wahi a ka ona hale, ua hiki no ko laua hele ona, a ma ko laua panihakahaka noi eia oe ianei, a'u hoi i manaolana ai e loaa ana ia'u na haawina o ka malama ana aku iaia a e ohi ana hoi au i na dala he umi kumamakahi mai iaia mai.

            O ko kakou lawe ana mai a hoomaopopo iho i ka Don Maseka wahi eke he umikumamakahi wale no wani dala Pelekane o loko a oia ka ka ona hotele i helu mua ai, e pomaikai ana ia me 11 dala, e laa kona ike mua ana i keia wahi dala a ka kakou opio, me kona hoomaopopo ana iho hoi, he 11 ana la o Don Maseka e waiho ai i ka mai mamua o kona maikai loa ana.

            A ma kekahi la ae, ua iho aku la oia ilalo o ka hale kuka me ke noi ana aku i kekahi mau mea e hiki ai ke hoohuihui ia me la laau ha mo Bohemia a kona makuahine i haawi wai ai, a me ia mau mea hoi oia i hamo iho ai i kona mau palapu o ka eha me ka lawelawe ole ana ke kauka a hiki i kona oiia ana.

            E hoomaikai ia na lani o keia laau hamo kupaianaha Bohemia, wahi a Don Maseka i puana ae ai iaia iho, oiai oia i ike iho ai e ku ana iluna o kona mau kapuai wawae i ke ahiahi, a ma kekahi la ae, ua kokoke loa oia e ola.

            Aka, oiai nae oia e uku ana no kekahi mau mea ana i lawe ae ai mai ka hotele ae, ua ike iho la oia, mamuli hoi o na hoike ana mai a ka ona o ka hotele, ua ai iho la kona lio puakea i ka manu oka no hookahi la, he huina nui e lawa ai ekolu lio, a oia ka ua ouio nei i hoomaopopo iho ai, aohe ana mea e hiki ai ke lalau aku a hookaa aku i kona mau aie, koe wale iho no kana wahi eke me umikumamakahi dala o loko.

            Ae, ua huli aku oia ma na wahi a pau me ka @laa pu ana i kona mau wahi opeope, aole loa he mea ana e lalau ae ai, koe wale iho no kela mau wahi dala i hoike ia ae la maluna.

            A iloko pu hoi o ia huli ana, ua hoomaopopo iho la i ka nalowale konua ana o kana leta hoolauna ia M. de Terevile, a oia ka wa i pii ino ae ai o ka enaena o ka huhu nui o ua opio nei me ka hoike ana mai hoi o ka ula weo maluna o kona mau papalina i like me kekahi imu enaena i pahiku ia kona enaena, a hoomaka ae la oia e kamai lio i na huaolelo o ke oolea a me ka wiwo ole o ka makemake e pepehi i keia poe nona ka hotele a pau i ka make me ka hoolilo ana hoi i ua hotele nei i puu lehu imua ona Aka, oiaio oia e kamaililo ana no kana mea e hooko aku ai, ua ike aku la oia i ka ona hotele e: paa ana i kekahi ihe laumeki nui, i kana wahine hoi me ke au pulumi, a i kana kauwa hoi me ka apana i haki o kana pahi kaua.

            Iloko no o keia uluku o ka huhu nui o ka kakou Don Maseka, ua luai aku la oia i keia mau huaolelo imua o ua ona hotele apuka nei:

            Auhea kuu leta hoolauna? Auhea kuu leta hoolauna? I na aole e hiki ia oukou ke hoike koke mai i keia manawa, alaila, ua makau kau ioa an e kuha aku i ko oukou mau maka e aa mai nei me he popoki ala.

            He hookahi paha kumu nana i kaohi mai ia Don Maseka mai ka hooko ana aku i na koiikoi a kona puuwai, oia kona lalau ana iho i kana pahikaua, a i  ka huki ana ae ua poomoku, nie kona haupu mua ole ana ae hoi ia ulia i halawai ai me ia, oiai oia iloko o ka hakoko ana me keia noe kanaka ekolu.

            I na wale no paha o kona huki ana ae i kana pahikaua, a aole la i poomuku, penei la ua halawai hoi kakou me ka oi o kana pahikaua e hoohana ia ana i keia poe ekolu o ka hotele e kue hou ana iaia no ka manawa elua me ka hiki ole ko hoomaopopo iho nawai la na ai a lakou ua ka ona hotele paha e paa ana i ka laau iho laumeki a i ole na ka kakou opio no paha.

            O ka ike ana iho o ka ona hotele ue pololei a ua kupono maoli no ka Don Maseka mau ko ana ma kona aoao na kana leta ua hookuu iho la ua ona hotele nei i kana he ilalo a pane mai la me ka leo malie o ka hoomani i ka kaku opio i ka i ana mai.

            "Ae he oiaio aia ia la hoi i hea keia leta"?

            Aia io la hoi i nea keia leta wahi a Don Naseka i pane kikoola aku ai i ka ona hotele me ke ano pakike a e hoomaopopo oe o M. de Terevile a ona nana ua waiwai ala o ma aole e loaa ana alaila aole loa e hele ana kou ike aku i ua Kapena ala o ka Puali e huli kino maiana no a e papapau auanei he aa ko ka hale i ka moa e loaa aku ana ua late la.

            O ka inoa o M. de Terevile, he iona kona i kaulana a i paanaau hoi i ka waha na poe a pau o ka oihana kaua a me ka lehulehu holookoa a ua makau ia aku ia e like me ka makau ana o kekahi mea i ke. Akua pela iho la ke ano i ka inoa o keia kanaka ina e kamailio iki ia ae ana e kekahi mea. O ka moi a me ke Kadinala ae maluaa a o keia kanaka iho malalo a i ka wa a ka kakou opio i hoopuka ae ae i keia inoa ua like ia me kekahi puupuu ikaika loa i kui ia aku iaio e laa ka pii o ka lena a me ka haikea a oia no kona wa i ike ia aku ai e kilui ino aha i ka ihe aua e paa ana a haawi ae la ia i kana kanoha i kana wahine a me kana kauwa e hana aku e like me kana i hana ai oia hoi ka hoolei ana aku i ka lakou mai lima me ka hoomaka ana iho e huli i kahi i nalowale ai o ua leta nei.

            Ua huli aku la ua ona hale nei me ke kuekaa ana ma na wahi a pau, aka, aole loa i hoopomaikai ia mai ka lakon huli ana me ka mea a lakon i huli ai, a me ka paupauaho a ka nui o ka hanu o ua ona hale nei, ua ninau mai la i ka ka kou opio:

            He mau mea ana nui no anei kekahi o loko o kela leta?

            Ae no hoi paka. O ko'u mau pomaikai a pau oia iloko o ua leta ala wahi a Don Maseka.

            He mau bona Sepania ahei kekahi o loko wahi hou a ka ona hale me ka hoopahaohao ia o kona mau helehelena.

            He mau bona ko loko e kikoo ana i ka waihoha pilikino o ke alii ka moi wahi a Don Maseka.

            Aole paha wahi a ka ona hale me ke ano haikea me he aihue ala.

            Aka, aole ia he mea nui o ke dala, he mea ole wale no ia ina he mea hiki ka loaa hou ana o kela leta. Ua oi aku ka pono e nalowale he hookahi au tausani dala mamua o ka nanowale ana o kela leta, a he a he mea pono e loaa koke i keia wa anno i pane hou aku i o Don Maseka.

            I keia wa a ka kakou opio e kamailio nei, ua hoomaopopo aku la oia i ke kulana o ka heleheleaa o ka ona hale i ka loli ano e ana ae a haikea me ka pane koke ana mai hoi iaia mahope iho o ka pau ana o kana kamailio ana i ke ia ana mai.

            Akahi no au a hoomaopopo ae la aole ka i nalowale kei leta.

            Ahe! wahi a Don Maseka.

            Aole loa au i manao ua nalowale aka, ua iawe maoli ia aku no mai a oe aku.

            A owai hoi ka lapuwale a me ka aihue nana i lawe?

            Ua manao au na kela kanaka malihini i aihue i kela leta i nehinei, oiai, ua iho aku oia ilalo o ka hale kuke, ma kahi i ko wahi opeope e wahi ana me kona nalohia ana iho no kekahi manawa loihi.

            Ua hoomaopopo pono oe me kou manao io ea? wahi a Don Maseka i pane aku ai me kona hoomau ana aku no hoi i ke kamailio i ka ona hale. Alaila, o kau e olelo mai nei ia'u he mau manao wale no kou e hoohuoi i ua kanaka la no ka palowale honua ana o keia leta.

            Aole ko'u  he manao o ke koho wale aku, aka, ke hoike aku nei au ia oe i ka mea oiaio. wahi a ka ona hale i pane aku ai.

            Aole wale oia aka, i ko'u wa i hoike aku ai i kou kamailio ana ae i ka inoa o M. de Terevile, a he leta hoi kau na ua keonimana kanlana ala, ua hoopihoihoi nui i la ia oia, a oia koke no kona wa i koi koke mai ai ia'u e hoike aku au iaia i ua leta ala me kona iho pu ana aku hoi ilalo o ka hale kuke, kahi e waiho ana o kou mau mea a pau.

            Alaila, oia io aku ia ka powa a me ka makawelawela nana i aihue kuu leta, wahi a Don Maseka; e hoike koke aku ana au i keia mea imua o M. de Terevile, a nana hoi e waiho aku imua'o ka Moi.

            I ka pau ana iho o kana kamalio ana, ua unuhi koke ae la oia he el@a dala a haawi aku la i ka ona hotele, puka aku la iwaho me ka p@a no o ka papale i ka lima a hiki i ka ipuka pa, a oia no kona wa i hekau hou ae ai ma ka hokua o kona lio puakea a kamoe aku la kana holo ana me ke loaa hoi ole o kekahi uli poino a hiki i Sana Anatonio, Parisa.

            E hoomaopopo iho ka mea heluhelu ma keia wahi, o na makana a pau ekolu a kona makuane i haawi mai ai iaia, he elua i auwa aku mai kona poli, a hookahi hoi i koe iho ana e hiipoi ala ma ia huakai hele ana e hele ala.

            Aka, i kona hiki ana aku ma keia wahi ua hiki ole iaia ke hoomanawanui iho i kona lio

puakea ka ekolu hoi o ka makana, ua lawe ae la oia a kuai aku la no ekolu wale iho no dala

Pelekane, a kuoe wawae aku la ka kakou kamahele opio me kona wahi opeope malalo ae o kona

poaeae no ko kulanakauhale o Parisa, me ka hoomau ana aku no hoi i kana huakai hele a hiki wale

i ka loaa ana iaia o kahi e hooluolu iho ai o kona poo.

            O ka loaa ana iaia o kona wahi e hooluolu ai o kona poo ua haawi aku la oia i ka ona nona ka hale, me kona hoohala ana hoi i ka hana o ia la ma ka humuhumu a me ka pahonohono ana i kona mau wahi paleili i pau i ka nahaehae.

            I ka holopono ana o kana mau hana a pau, ua hele hoi aku la oia i ke Quai de la Foraile e hana hou ai i kahi i poomuku o kana pahikaua, a i kona huli hoi ana mai, ua hele aku la oia e ninau i ke koa kiai i ka hotele a M. de Terevile e noho ana ia manawa, me kona hoike ia ana mai no hoi i kahi o ua kanaka kaulana nei ana e huli nui ana.

            Ua holopono keia mau mea a pau a ua ike hoi oia i kahi o M. de Terevile e noho ana, me kona hoomanao ole ae hoi o ka poina no kana mau hana ma Menug, ua hoi aku la oia i kona hale a hiamoe aku la i ka hiamoe a ke kanaka koa a me ka wiwo ole.

            A o keia hiamoe ana a ka kakou Don Maseka, ua poina pu oia, a i ka puoho ana ae e hoike mai ana ka manamana kuhikuhi hora i ka hora 9 o ua kakahiaka ala, a hoomakaukau iho la oia no ka hele aku e halawai pu me ke kanaka a kona makuakane i manao ai oia ke kolu o na moi o ke aupuni.

MOKUNA II.

Ka Rumi Komo Lole o M. de Terevile.

 

            O ko M. de Terevile hoomaka ana no kona kulana o ka pomaikai o keia ao, ua like pu no ia me ko ka kakou opio Don Maseka hoomaka ana, oia hoi ka ilihune a me ka loaa ole he hookahi wahi keneta iloko o kona pakeke, aka nae, he kulana o ka ike a me ka noeau ka ka manaopaa a me ka wiwo ole, e hiki ai i ua keonimana Gasacona ke kaena i ke kulana o ka pomai kai e ili mai ana ma ka manaolana oiai hoi na keonimana Perigoda a me Beri e loaa mai ana ma ka waiwai io maoli. O kona wiwo ole a me ka manaopaa i hooi ia @aku hoi oiai oia e hooko ana i kana kauoha a ka hana i ka wa o na puupuu o ka make e helelei ana ma o a maanei o kona nui kino iloko o ka lanakila nui, oia ino la ke kumu nui nana i hapai ae iaia a lilo kona inoa i mea kaulana e o mau ia ana e ka lehelehe o na mea a pau a puni o Parisa, a i hapai ae hoi iaia i ke anuu mua loa e hiki aku ai i ke alapii o ka ike ia mai e ua poai ihiihi o ke aloalii, kahi hoi a ke kamahele e ake nui aku ai e hiki.

            He hoaloha pilikino oia no ka moi he mea ia i ike ia e na mea a pau, a ua hoohanohano nui aku hoi i kona makuakane Hanale IV me ka hiwahiwa nui, iloko o na hora kupilikii o ke  kaumaha a me ka luuluu o ka make ana.

Aole i pau.

 

HE LEO POLOAI AKU.

 

            Ke kauoha ia aku nei na luna a pau o ka NUPEPA KA OIAIO, e malama loa i na nupepa i koe ma ko lakou lima o kela a me keia Helu e hoouna ia aku nei; a hiki i ko ma kou manawa e kauoha aku ai e hoouna hou mai @ ke Keena nei. Mai hoopoina i keia.

            E hoomanao e na makamaka e loaa ana na ope pepa o ka NUPEPA KA OIAIO, ua hoouna ia aku ia mau ope pepa me ko makou manao e lilo lakou i mau Luna no ka kakou nupepa o keia makahiki e hele nei. Ina e hiki ole ana keia hana, alaila e hoouna koke mai i ke ope nupepa i loaa aku ma ia moku mai no ma ka inoa no o ka kakou nupepa.

            Pela hoi makou e kau leo pu aku nei i ka poe a makou e hoouna aku nei ma ka owili pakahi ma ko lakou mau inoa ponoi; o hoike mai i ko lakou manao no ka lawe ana i keia nupepa ma ka hoouno ana mai i ke ola o ka wahaolelo o ka lahui, e huai pau ana i na mea a pau e hana ia nei keia maula.

            Me na manaolana ulumahiehie makou e upu ae nei, e hookipa aku ana ke makou mea kini ia makou i ko makou manawa e kiei aku ai ma ko oukou ipuka, e loaa ana ia makou he mau leo ohaoha o ke kahea ia ana mai e komo maloke, mai ka la hiki ma Kumukahi a ka welona a ka la i Lehua.

 

HEIAU O NA PAIKINI.

 

Kihio na Alanui Papua me Hotele

 

Ke Hoike aku nei au i na Makamaka a Pau, ma keia Malama o Ianuari nei, e malana ana au

 

HE KUAI KUIKAWA I KELA A ME KEIA PULE.

 

He mau kumukuai haahaa ke kau ia ana maluna o na

 

Waiwai a pau o Kou Halekuai nei.

 

O keia ka mea nana e kono aku i Ko'u mau makamaka e kipa mai i ike maka lakou i ka emi io o

 

KA'U MAU KUMUKUAI-

 

Na Kalakoa maikai ano hou.........5 keneta o ka i-a

Na Lepo Nalo........5 " ' ' "

Na Apa Paku Mekika 10 i-a o ka apa.......1.75 o ka apa

Apa Vitoria 10 i-a o ka apa........75 keneta

Lakeke Huluhulu o na Keikikane he..........20 keneta

            Ke kono nei au i ka-lchulehu holookoa e hele mai i keia manawa no ke kuai ana i na waiwai a oukou i makemake ai ma la Heiau o na Paikini no na Kumukuai makepono loa.

 

S. EHRLICH.

Jan. 9   tms. ily

 

E Nana e na Keonimana i Keia.

 

            Ua ike  no auanei oe he malama no makou i na kahiko no na kane, a pela @u hoi me na lole ano like ole o na ano a pau; ina aole oe i ike, alaila na makou e haawi aku ia oe kekahi mau kumu, e loaa ai ia oe he koena dala ma kou pakele, mamuli o kou kipa mua ana ae ma ka Ha'e Kuai alakai kou i ke emi io o ka'u mau kumukuai:

 

:N. S. SACHS:

250 Alanui Papu Honolulu.

 

Paleili oluna o na kane 5 no ka $1.00

Paleili oluna o na kane o ke ano maikai ae he 50 keneta.

Paleili oluna o na kane o ke ano huluhulu he 50 keneta,

            He heluna nui o na Palule Hana o na kane o na ano a nau ma ne kumukuai haahaa loa,

            Palule kahakaha o na waihooluu like ole no ke .75 keneta a pii aku.

            Palule maikai ae me na lei a i no ka $1.00.

            He heluna nui o na Aikala, Pulima, Kaawe, lei a i, a pela.

            Papale Raiki o na kane mai ke .75 keneta a pii aku.

            O ke ano hou loa mae oia na Palule Rakeke o na Kekikane ka Hoaloha o na Makuahine, he mea ano hou loa keia, aole he mau humu pihi hou ana, no ka mea aole loa keia e hemo ana, mai poina i ka ninau mai no keia mau Palule Rakeke, oiai he heluna nui hewahewa e waiho nei maloko o ko makou @ale Kuai ne@ ua loaa pu no hoi la makou he heluna nui o na Rakeke Kalakoa o na keikikane no ka 25 keneta o ka mea hookahi.

            Na lule paleili o na bebe me na kamalii o kela a me keia ano.

            Papale Raiki o na Keikikane, no ka 20 keneta.

            He oi mau ka makolukolu o na waiwai pili i na wahine, no ke kahiko ana ia lakou a kau iwa he la makai. Ke hoomau noi makou i ke kuai hoopakika ana, i kela a me keia pule he mau kumukuai hou ka makou mau waiwai, ke hoomau nei makou i ke kuai ana i na Kalakoa maikai, no ka 20 i-a i ke $1.00.

            Leponalo maikai loa 1 i-a ka laula 12 i-a no ke $1.00

            Ginamu paa na waihooluu 10 i-a no ke $1.00

            Keokeo pauia maikai 1 i-a ka laula 12 i-a no ke $1.00

            @apale Sela o na Keikikane a me na Kaikamahine 20 keneta.

            Ina oe he hoomakaulii ma ke kuai ana, i hiaiai i kau dala ke koolawa pono i kou makemake @ pau, e kipa mua mai e makai@, i i ko makou mau waiwai ma ka ninau pu ana i ko lakou mau kumukuai.

N. S. SACHS.

104 Alanui Papu i keia manawa 520.

 

HOOLAHA HOU!                                           HOOLAHA HOU

 

-NA-

 

M. S. LEVY.

 

Ua hoihoi ne nei o

 

M. S. Levy i kona Halekuai

 

ma ka Kumi ma Ewa o ka Hale Pohaku Robikaha e ku nei ma ke alanui Ho@ele ma ke aoao mauka o ka

 

MELE@KOLAUNU HOU.

 

e kokoke ana i ka Nekina.       He@mau waiwai lapana kekahi ana o kuai aku ana ma ke

 

KUMUKUAI MAKEPONO LOA!

 

            Kawele Lima Pepa Iapana n@ na Papaaina. Na Lako P@ Paha Iapana o kela a me keia anu, a @@kekahi mau waiwai e ae he nui wale.

            E hanoli no au ko ike aku i Ko'u @ uhoaloha kahiko, a me ka lehulehu hoio@ okoa e kipa mai aua@@ ku@a pu me a'u @@ ke kumukuai o ka'u mau waiwai a @@@

Alanui Hotele  @ @ @