Ka Oiaio, Volume VI, Number 32, 10 August 1894 — Page 3

Nupepa Ka Oiaio.

"O KA PONO KA AIALII E OLA AI KA AINA"

 

O KA MANU PHOENIX KO KA LAHUI HAWAII HOA LIKE

He manu kaulana keia no Aigupita 1 oleloia ma na kaao, he manu e ola ana no elima haneri makahiki.

He manu keia i ano like lona nui me ko ka Aeko i uhiia me na hulu melemele ano gula ma kona ai, he poni ma kona kino, a o na hulu ma kona puapua he polu a me ka ulawena o ka pua rose.

O na kahuna o ka Luakini, ua hoa lakou i kekahi ahio na mea ala maluna o ke kuahu hoano. A o ka manu kahiko loa i luhi i keia ola ana, ua lole poai iho la oia maluna o ka uahi mahu e aala ae ana a kau pono iho la ia ia maluna o ke ahi e a ana, a pau iho la oia i ke ahi, a lilo iho la hoi i lehu. Ma ka I ia ae o ka la e ikeia aku ana he wahi ano enuhe e hoea ae ana mai ka lehu ae maluna o ka kuahu, a i ke kolu o ka la, ua ala hou mai la ke kino wailua o ka manu Phoenix i make mua, a ua hoi hou mai la oia, me kona nani i oi aku i kona ano mua me ka ikaika e ola ana no elima haneri mau makahiki hou aku.

O ke kaona o keia manu Phoenix kaulana, oia ka makou e olelo ae nei, ua pili ia 1 ka Lahui Hawaii i keia wa, a i ka manawa ma keia mua aku.

Mai ka lehu mai kona ola hou ana a lilo i mea oi aku ka nani i ko ka wa mamua aku, ua hoinoia ka Lahni Hawaii, ua hoopauia kona noho aupuni Moi ana, a ua puhiia oia e ka poe kumakaia, a me he la ua lilo i mea ole, i lehu hoi mahope o kona hoopauia ana, ua olelo na poe hookahuli aupuni, ua pau ke ku hou ana o ke aupuni Moi o Hawaii. Aole oia e ike hou ia. Aka, ano, ke oni mai la o Hawaii ilokoo ka lehu ahi, me he enuhe liilii la a me he mu la, a i ke ekolu o ka la, e hoea mai auanei oia me kona nani hiwahiwa luaole, e like me ka nani o ka manu Phoenix, a e hoomania kona noho aupuni ana no elima haneri makahiki hou aku e like me mamua aku o kona noho aupuni ana mai kahiko loa mai.

 

KA LUNA KANAWAI PEGANA

Ua hoopuka ae ka Holomua he manao e pili ana no ka Lunakanawai Apana o Wailuku, Maui, oia Elia Helekunihi e kapa ana ia ia he Lunakanawaipegana (no Butaritari mai) no kona hoole ana i ka ae mai e hoopuka i ka Palapala hopu no E. H. Bailey o Wailuku, mamuli paha o kona hoopilimeaai malalo o ke ao ana a kekahi mea.

Kupanaha no hoi ka hana a na poe Hawaii hoopilime ai!

Ku iho la no nae i ke ano o kona inoa, he hele-kapakahi he hele-kunihi; he hele pahua he hele na ka pegana.

 

Ka Hopena o ka Poe Kumakaia.

Ua hiki mai na lono oiaio, e hoopauia ana o Auwae Noa Kepoikai i hoohiki iho nei, mai kona kulana i noho ai, a he haole aku ana ma kona wahi.

Ke olelo nei ka Lahui oia ka uku a ke Akua e haawi mai la i ka poe kanak pelukua kumakaia aina.

O ka uku o ka poe e puni ana, a ae e lawe i ka hoohiki Repubalika, oia no ko lakou kipakuia mai me ka hilahila loa, me he ilio hohe wale la e holo poe ana i pakele i ke alu ia e na lehulehu ilio e ae.

O ka pauku iwi hipi ana i ai ai, a i nali ai iloko o na manawa loihi i hala aku, ua lilo aku la i ka ilio malihini ahiu o ke kuahiwi o Haleakala.

E kuwo mai ana oe i kahi mamao loa. Pilikia au! Pilikia au!! Aka aole mea hele aku e kokua ia oe, ua kumakaia oe i kou aina, kou Lahuia me kou Moi.

Ua hoolilo oe i kou pono o ka aina hanau no ka malihini aea mai, no kou makahehi loa i ke kaukama a me ka papapa o aAigupita. E like ana oe me Esau, e uwalo aku ana i koua makuaknae me ka olelo aku.

E papa, e papa, ua pau lea ae la no anei kou hoomaikai ana? Aole anei e hoomaikai hou mai no hoi oe ia'u? E kuu makua, e hoomaikai mai hoi oe ia'u kekahi.

E kuu keiki. Ua hoopunipuni mai kou kaikaina ia'u, a ua lilo aku la ka hoomaikai ana ia ia.

O! Auwe o Kepoikai ma puni wale, a o ka hopena he kipakuia mai. O ka mea ia e ike pono iho ai, pau iho hoi ke kuhihewa.

 

O KO MAKOU KULEANA NOIA.

O ka hoonaauao ana, ka papa ana ke kuhikuhi ana aku oia ko makou kuleana e noho nei, a hiki i keia la.

I na makou e noho hamau, e nana maka aku, a e ae wale aku i ka pahola ana mai i na poino maluna o ko makou Lahui Hawaii ponoi, alaila, ua ili maluna o makou ka hewa kiekie loa o ke kumakaia i ka Aina ka Lahui a me ka Moi.

O keia hana he hana ku no ia i ke aloha Lahui, a i ka makee hoi i ke kuokoa o ko Hawai noho Aupuni Moi ana, he hana me ka manao lokomaikai wale, a me ko ke Akua aloha iloko o makou. No keia mea, ua loaa ia makou ke kahua paa e ku ai ke aloha aina a e hakoko ai e pale i na enemi o Hawaii.

He mea keia na makou e hauoli mau ai, aka, he mea hooukiuki keia no ka poe pakaha i ke aupuni o ka Lahui Hawaii. Ua naauauo oukou e ka Lahui Hawaii. Nolaila, paa a paa i ko oukou aloha aina, o ka makou no nae hoi keia o ke ao aku ia kakou Hawaii. E kupaa.

 

Na Dala Kumakaia.

Ua hui ae la na Ona o ka nupepa Holomua Pauha@ee, ma kela Hotele ma Waikiki; a iloko o na wala kiaha Kamapena ana, ua hooho like ae la na leo hauoli: " ola mau ke Dala. E make a nalowale loa ka Nohoalii."

E makaala loa oukou e na kiai o ka Moiwahine; oiai, o ke ano keia o kela mau huaolelo maluna ae. Eia no o L. A. Kakina ma, ke imi mau mai nei e lanakila ka Repubalika o Hawaii.

 

HOIKE AE OE I KOU MALAMALAMA.

O ka makou e paipai aku nei i ka Lahui Hawaii naauao, e hoike ae oe i kou malamalama ma na mokupuni o Hawaii!

He mea ano nui no keia, o ko ka Lahui Hawaii hoike akea ana ae i ko lakou makemake ole, i keia aupuni Repubalika imua o ka Aha Kiekie o ke Aupuni Repubalika e Hawaii. Aole keia i hanaia ma kahi malu, aole hoi i hanaia i mea e hoohoihoi aku ai i ka manao, o ka poe pakaha lima nui; aka, he kukala ake@ ana aku keia o ka poe Hawaii i ko lakou manao. Ianakila a Kuokoa hoi! He hoike ana aku ia Amerika Huipuia: ua hoole ka Lahui Hawaii i ka ae ana e noho malalo o na kanawai hookaumaha a me ke aupuni o ka poe pakaha lima nui o ka poai uuku.

E hoike ae ka Lahui Hawaii, o ka Home keia a me ka Paredaiso o ka hopoole; a, o ka aina hoi o ka Lanakila, a o ke Akua hoi, ko kakou palekau.——

 

HE UI HE NINAU PEHEA ANA LA NA KIURE O KA MOKUPUNI O KAUAI. E LOKAHI ANA ANEI?

I ko makou nana ana, a hakilo ana i na ouli o ka manawa e nee nei, ua ike makou ina mea kupanaha, iloko o ke au o ke Aupuni Repubalika a oia keia.

1.- I ka noho ana mai nei o ke kau mua ma Honokaa Hamakua Hawaii malalo o ka mana o ke Aupuni Repubalika o Hawaii, ua hoole na Kiure a pau i ka hoohiki kue i ke Aupuni kumu o Hawaii nei, a hookahi i hei aku.

Aka, ua kaa nae ka hanohano i ka Apana o Hamakua, ma ke ano, oia ka Apana nana i rula mua i ka ma@a o ke Kumukanawai o ka Repubalika o Hawaii, a hoonele ia i ke Kiure ole, a hoopanee no Hilo no ke kau o Ianuari 1895.

2.- Ma ka la 6 o Augate 1894 nei ua noho ke kau Kiure ma Honolulu nei, a o ka wa mua hoi keia o ka noho ana o ke kau malalo o ka Repubalika o Hawaii.

I ka wa i pau ai ka papa hoonohonoho o na hihia i ka hoike ia, ua hoomaka ke kahea ie ana o na Kiure, e like me keia.

J. Aholo- Ua hoohiki anei oe malalo o ke Kumukanawai Hou?

Aole au i hoohiki wahi aka pane.

Pehea, e hoohiki ana anei oe?

Aole au e hoohiki wahi a ke aloha Aina. J. Keohokii - ua hoohiki ane oe malalo o ke Kumukanawai Hou?

Aole wahi a ke aloha Lahui.

Pehea e hoohiki ana anei oe?

Aole au e hoohiki.

Ua kai like mai keia mau ninau i ka poe Kiure aloha aina a pau, a hookahi no pane, aole.

A maia ano, ua papalua ka hanohano i loaa i ka Lahui Hawaii, a ua rula hou ia ke Kumukanawai o ka Repubalika o Hawaii, a he hoi ke maopopo keia, o ka hanohano oi kelakela ou e Hawaii Lahui, Ha-Aina, a me Hawaii Aupuni alii mai ka po mai.

A oia ka makou e'ui nei, a e ninau nei, pehea ana la oe e Kauai o Manokalanipo, ka aina hoi i kaulana i ka nani me ka maikai a nona hoi keia kanaenae aloha a ko kakou poe haku mele i hala e aku.

Maikai Kauaihemolele i ka malie, Kupukelakela ke poo o Waialeale. Kela i ka Lani kilakila ka Waikini Ka noho, ka hena-kua linohau @o@.

Ai mea e mau ai ke-o ana o kela mau lalani mele e ike iho ia kaua hoa kanaka, o kipa hewa auanei ke aloha i ka Ilio - he Ilio ia o ka aina hoi keia e kii mai nei e kaili ia aku mai a kakou aku ka Lahui oiwai ponoi ou e Hawaii aole hoi o ka aina wale aka, ua nele pu kakou i ka Moi ole, ka mea hoi i maa ia kakou mai ka po mai, a eia iho kahi kanaenae leo alu.

Ike ia Kaukini he lawaia manu

He opena kuu i ka noe o Pokahi

Ua hoopuni i ka ohu kakikepa

Ke na'i la i ka Iuna o ka Auana

Kauahi a ke keapeku e he ai

O Ka Ihi kapu o kuu alii

O ke alii wale no ka'u makemake

O ka luhi o maua me ia nei,

O ko makou lealea no ia

U-a-i-ke-a!  U-a-i-ke-a!!

Nolaila, ia nei ke aloha la hoike ia, eia la he ai liliha 1 lono oukou a  pau.

O Hawaii no Hawaii, a ili, a kau a mau loa aku no.

E ola o Hawaii i ke Akua.

D. M. Puniniauakalani. Honolulu Aug. 7th 1894.

MAI PUNA MAI.

MR. LUNAHOOPONOPONO.

Aloha;— E oluolu oe e hoije ae imua o ke akea, i ko'u manao ia Rev W. M. Kamau, e pili ana i kona kakau ana i ko'u inoa ma ka poe ana i manao ai, na lakou e hana ke alanui aupuni, mai Kukulu mai a hiki i Puna nei. I na he oiaio ka mea i hoike ia mai ia'u ke hoike aku nei au imua o ke akea i ko'u ae ole i kou kakau apuka ana i ko'u. E lohe ko pepeiao huluhulu e Rev. Kamau, he Aloha Aina, Lahui a Moi au. Aole au he Iuda kumakaia e like me oe. Ke kauoha nei au ia oe e holoi ae oe i kuu inoa, mai kela papa inoa apuka au e like ka hikiwawe me ka hiki i kou mau lima lep ke holoi ae.

L. G. KAINA. Kapalana, Iulai 27, 1894.

 

NU HOU KULOKO

E heluhelu ae i na hoolaha hou e puka aku nei.

 

O na lohe no ko Lahaina poe, aohe o lakou ae e hoohiki i keia Aupuni Repubalika. Ke kupaa la no na poe Aloha Aina.

 

E kupaa kakou na poe Hawaii, i hooko ole ia na olelo hoopunipuni a ka poe haole lapuwale e olelo hookano mai nei.

 

Ma Molokai noi aia no ko laila poe ke paa la ka manao ne ke aloha i ka aina hanau: A ua makaukau lakou e hoole loa i ka hoohiki ana.

 

Ke hele pololei nei ka Wati o Kawaiahao, aka, ke nele kaa ole nei ka aie oia Ekalesia i ka mea nana i hana iho nei i ka Wati, a loaa ai kona hele pololei i keia manawa.

 

Ma ka Poalua nei hoi, ua noho ka Aha; a ua kaheaia na poe i paa na inoa. Mailoko ae o 36 poe Kiure, he 20 i paa mua i ka hoohiki, a he 14; poe hoole; he elua a ekolu paha i hoouuia no ke omaimai.

 

O ka nui o na poe i lawe i ka hoohiki a hiki i kela Poakolu aku nei, ke ole e lohe hewa ia; ua loaa ka huina he 707; mailoko ae oia huina he 60 a oi iki mau Hawaii. He poe wahine iho nei hoi kekahi i paa ka noho ana i mau kumukula.

 

E loaa no na opu pipi momonao na ano apau, ma kela a me keia la Sabati; mai ke kakahiaka a hiki 1 ka hora 4 o ke awakea, i ka poe apau e kauoha mua mai ana ia Mr. Kualaku, a e kau ia no ia mau opu ma kona rumi kuai opu pipi ma ka Makeke.

 

He hoonuinui wale iho no ka ka nupepa Adevertiser e olelo ana, aia ke holomoku la ko Kohala poe i ka lawe hoohiki ana. A pela hoi me ko Maui. Pehea e hiki ai ia kakou ke manao aku he oiaio keia, no ka mea ke loaa mai nei no ia makou na hoike e olelo ana, o na wahi poe hoohiki wale no, oia no na wahi makai a me na wahi Luna aupuni. I na he 60 mau wahi kanaka o Honolulu i hoohiki, kahi nui loa o kanaka, a he poe luna aupuni ka nui, alaila pehea 3 ohohia mai ai ko na kuaaina.

 

Ua hoopunipuni ae ke Star, he 50 poe Hawaii i ae e hoohiki e komo ae i ke Kiure o keia Kau, i mea e hoopiha ia ai ko Kiure o keia Kau, a hooholo aku i na hana hookolokolo. Owai ia poe? Hoike ae oe. O ka makou e olelo aku nei, aole o loaa ia huina; a@a wale no a lawe a na poe e paa nei i na oihana aupuni i poe Kiure alaila paha loaa.

 

Maluna o na moku kaua Champion a me ka Piladelepia ke Komisina Beritania hou Hawes, ma ke kakahiaka o ka Poalua nei a ua haawi pakahi mai laua i na po aloha he 13 no ka hanohano o ke Komisina.

 

Ma ka a@ina ia Poaono nei, ua hou iho la kekahi kane i kana wahine i ka pahi, ma ke alanui Ala kea a'e nei aua lawe ia ka 1 ma koko i ka halewai, a ua ae oia nana io no i hou. E— auhea oukou e na kane, e aka hele loa o poino a@anei.

 

Ua hiki mai nei ka lohe oiaio, ua hoolilo aku nei o C. R. Bihopa i kona mau kuleana a pau loa i kekahi  poe Hui, ma ka Anglo Nevada Bank, a o Godfrey Brown me kekahi haole i holo mai nei mai Kapalakiko, na Luna Nui o ka Banako ma Honolulu nei.

 

I ka Poaono iho ia, Augate 4, hora 12, m. 1 haalele aku ai ka moku ahi Auseteralia i ka Ipuka Gula o Kaleponi, a au mai i ka loa o ka moana Pacifica no Hawaii nei ka pahu hopu, a e hoea wai ana oia i ke kakahiaka Poaono a'e nei i o ka kou nei, Augate 11.

 

Ua nalowale he wahi Ilio wahine eleele uuku a'@ kekee, ma ka po Poaono o ka pule i hala. E loaa no ka uku makana i ka mea a mau mea nana e hoihoi mai 1 ke Keena nei o KA LEO, ma ke Alanui Paipalapala.

 

Ke hauwawa ia mai nei, he nui ka pala o na ohia Sodoma i keia mau la. Ke alualu nei na poe keiki i hoi mai nei i na kihene ohia pala ha ama o Manoa. Ku iho la no i na luaui o lakou, ka ho'a umu liilii pulehu ulu o Malama. Ahu no nae ka epa i na keiki.

 

Ua lohe wale ia mai, ua ai kekahi kaikamahine a ka poe Mikanele i ka olua Sodoma, na mulea kona naau, a ua hailepo na maka no ka ai ana i ua hua ohia la, —a ke kupunawahine Eva i hoao mua loa ai me Adamu. Pilikia na moopuna la! I ka hookuli no!

 

Keohi hou ia mai nei na poe Kiure Hawaii e hoopiha ai 1 loaa ke Kiure no keia kau. O ka nui e lawa a1, aia a loaa he 36 poe; he paakiki ka hoolawa ana ia huina! O ke kumu no i paakiki ai, o kela mau huaolelo wale no:- "Ae kue loa aku hoi 1 ke kukulu ana i kekahi ano Aupuni Moi."

 

He mau Kumukula Hawaii maoli kekahi 1 lawe iho nei i ka hoohiki aupuni Repubalika. Na ke au o ka manawa e hoike mai i ka lakou mea i oi loa ai ke aloha, oia hoi ke dala. Ua ao ia lakou, a ua hoonaauao ia, a i keia wa, ua koho iho la elike me ka lakou mea i mi namiua loa ai, o hoopauia mai a nele i kahi e loaa ai ke dala. Ua hiki hoi. Hele aku hoi imua!

 

Ma Waikiki, ma ke kakahiaka o ka Poalua nei Augate 7th 1894, ua haaleie mai la o William Aloaloua (k) i keia ola ana, ua haalele iho oia he wahine me na hoa he lehulehu mahope nei. He keiki lawelawe oia imua o ke alo o na Lu a hala aku la. Ua hookoia ka olelo Hemoleie E hoi ka lepo i ka lepo, a o ka uhane, e hoi ia i ke Akua.—

Me ka wahine a me na makamaka o ka mea i hala aku ko makou aloha.

NO KE AUPUNI PULELEHUA.

Ua hoikeia mai ia makou e hookohu ia aku ana o C. H. Dick, i Lunakanawai Kaapuni; a o J. w. Kalua i Luna Makai Nui no ke aupuni Pulelehua ma ka mokupuni o Maui.

Alaila, heaha iho la hoi ka A. @. Kepoikai? Ua lilo kona moa e hoohiki, aka, ua hoonele ia iho la oia! Ua hiki no hoi. O k@ mea ia @ loio a@ @a kumakaia?

E nana aku oukou e ua Hawaii, ke hanaio mai la ke aupuni o ka haole la!

Auhea ka pono o ua aupuni la a ka poe kanaka hoopilimeai e pai nei?

 

Na Leta e wailio nei iloko o ka

Hale Leta a hiki i ka la

31 o Iulai, 1894.

 

APUA

Mrs Kaaihue Samuel

Miss Kaaihue

Lily Wahineiki

Kaumu

HONUAKAHA

Mrs. Kaaihue Pelekane

G W Keawehaku (2)

KULAOKAHUA

Miss Mamaka

T E Cavanagh

KAPAUHI

Mrs Sala Emekona

Mrs Rahab Kahaia

J W Kaaemoku

Miss Kapika

KAAKOPUA

S Kaunamano

Mrs. Malia

J. s. Bright

Master Willium Malina 2

KUNAWAI

David

N Nauhau

MAKIKI

Keliikukahaoa

Miss Tilby

Miss Tillie Kapoohiwilani

Jas. @ Molina 2

PELEULA

Mrs. Hoomanawanui 2

Kaluahine k

Miss Ane Makanui

 

WAIKAHALULU

Luka Kalaukapu

D Kealohapauole

HAIMOEIPO

Mrs. Wahawana

KAKAAKO

Kaili

Mrs. Kamanao Wahineaua

Miss Ane Mahuka

Master Samuel Kalani

Mrs. Mary Malohi

Miss Maka Puaakuni

KOLEAKA

Kapika Pohaku

KAUMAKAPILI

Lolena w, Miss Kelu, Paakea w, Mrs. B. Keahi, Mary Kikaha, Kihikihi k, Jessie Kahaleua, Kini Waihoioahu, D Kahaleua, Kanui Kaumana, Kapahu w

 

KIKIHALE

Julia Keonaona, Pilipo Holi 2, John Kaiminaauao, Maho k, Joseph Hohonn, Kauhiahi w, A Kaanaana, hohonn Ma w

 

MANOA

Paakaua k

 

KULOLOIA

Jas. Kaili, Kaohele k, J. Kaanaana

 

WAIKIKI

S M W Kawelo, Napahu Mahoe, Milia Akamuhou

 

AALA

Lilii w, H N Kekauoha, Geo. Kamaka Nalua w

 

KAWAIAHAO

D Kailiehu, Mrs. Neki, Malie Kalehua, W K Kaailau, Koolau w, Wahinalo Makua, S L Mahiki, Elona Keawe w, Mele w, K W Kalepo

 

KAMANUWAI

S M Kaulainamoku 2, Kamaio, Lahaha Papu, D Kalili, A Kaele opio, Malia Kahipa, Kaholokai w

 

KAPUUKOLO

Geo K Kaiwiaea, Kanaloa w 2, R Kanakaokai, Kulia Tolena, Naone Kuhia

 

 

KALIHI

Elena Wahinenuku, Lili Hanale, Mary Daniela, Apikaila 3, Lononui, Malie Maunaloa 3, Kuhao 2, Hoomalu Kanoa w, Maunaloa k, Ahia, Kuikealolani, Kauwenenui, Moeohnua, J Maunaloa Kaneai, Mokina k, Kahaule k, J H Keulu, Kulia k

 

MANA

Kowana w, H @ainaaupo w, Mrs. Keluwi

 

MAEMAE

Kikaha w

 

IWILEI

Malie Kealoha, Helen J. Kahai, Lonoikahaupu k, Keanoano w

 

KAMAKELA

Rev. D. K Kuh@leloa, Maihui, Malihini w

 

KEPOHONI

Puakolomona, Kaanapu, Geo. Kaleikini, Kaahu

 

MOANALUA

C W Koni, Ulii Kaahiki k, G Kane, Manoa 2

 

MANAMANA

Kauimakaole w

ULAKOHEA

Kaikapu w

 

KAHEHUNA

Nalaau Akeneti, Mrs. Kalakuni, Hinaa k, Mary Kalakuni

 

KAULUWELA

Holii w, Nohomakahiki, Koloniona Kaloa, John Lima

 

KAOPUAUA

Kalehumanu w, Namaha w 2

 

NIOLOPA

Kawikae

 

PAUOA

Wahaoee k, Lilia Kahananui, Pakaha Kamaawe w, Kaluahiolii w

 

LELEO

Maria Poahikina, Kaonohi w

 

AUWAIOLIMU

Halo k 2, Kanuialoha Nahua w, Hattie Makia, Kaonohi k, Mary Kaenaona, Kekua Lopi, Waiku w, Kapono, H W Kailieha

 

KOLOPO

Jimmy Kuoha

 

NA ALANUI

Kalawaianui w, James @ulolia, Aka Wai Pake, Ane Lima, Kannahi k, S W Liliu@o, Likapeka Kahaoa w

 

PAWAA

Makaala k, Maka Puaakuni w, Mrs K. Kaiuwahine, Emeliana w, Kaanaana w, Paul Kaaua, Kalaniwahine, John Puiu, Wailua Kaai, Hake w

 

KAPALAMA

Wini, Ioane Kaiama, Hattie Keaunui, Z M Haahumakua, Kamiko k, James Hoset, Kalan wahine, Manunia w, David Naholowaa 2, Lize Moeheau, Ka leihulu w, Kahinalua k, Kalili w, Kuaana Jr., Kinipeki, D W Luha 2, Lonaea Nakoa, Nakoa w, Kailiwai k, Lilia Kn@au, Kaawa k, Capt. G J Malaihi, Hattie Nailima, Daniel k, Hana, T Kapulei, Kaihawai w, Nellie Kauwa, Eeola w, Kahihio, Helen Kini

 

Na Leta i hoihoi ia mai na Mokupuni mai,

Keoki k, Aoa. Lucy Kapahu, Kauakahi Brown, Mrs. Kelolaina, Abigail P John, Alia, Kualaahia k. P K Nuuhiwa, M F Keahi w, Kekoowai, J Moses Makua 2, Haumea John Alii

 

HONOLULU

Kapea w, Puniia w. Kalahuhi, Kapolei w, Tommy Kailiki, Mele Keawehaku Mary Kalawela, Nawahine w, Kaulia Kaikala k, Taunene, Kupuni, David Eila, Mililani, Kupuni w, J W Kanaka ui Kewiki w. Hanu k, Nei Baroi, Tommy Kailiki, Peni Namauu. Alana Opunui, Haatie Kalepo, Keoki Pio, J. N. Kamakaiwi 2, Emily Kauku.

 

O na poe na lakou na leka maluna ae, e noi mai ma na leka i hoolaha ia.

JOS. MORT OAT, Luna Leta Nui. aug3

 

KAUOHA NO KA LA E HOOLOHEIA AI KE NOI HOOPONOPONO WAIWAI.

AHA HOOKOLOKOLO KAAPUNI

Apana Elua, o ka Repubilika o Hawaii, o ko Hawaii Pae Aina. Ma ka Hooponopono Waiwai. Ma ka hana o ka Waiwai o MOANALUA (k), no Wailuku, Maui, i make kauoha ole. Ma ke Keena imua o A. N. Kepoikai, Lunakanawai.

Ma ka heluhelu a me ka waiho ia ana mai o ka Palapala Noi a Rev. D. Kanoho, no Kamalo, Molokoi, e hoike ana ua make kauoha ole o Moanalua (k), no Wailuku, Maui, ma i ka la @@ o @@ 188@, a e noi ana e Hooponoponoia ka Waiwai, a e hooholo ia i na hooilina.

Ua kauohaia o ka Poakahi, ka la 27 o Augate, M. H. 1894, ma ka hora 10 kakahiaka, oia ka manawa i kohoia no ka hoolohe ana i ua noi la imua o na Lunakanawai la ma kona keena, ma ka Hale Hookolokolo, ma Wailuku, a ma ia manawa a ma ia wahi no, e hele mai ai na mea a pau i pili e hoike mai i ke kumu, ina he kumu oiaio ko lakou, e ae ole ia ai ua noi la.

Kakauia ma Honolulu, Ko Hawaii Pae Aina, Iulai 24, M. H. 1894. Na ka Aha.

HENRY SMITH, Kakauolelo Oihana Hookolokolo.

 

KAUOHA NO KA LA E HOOLOHEIA AI KE NOI HOOPONOPONO WAIWAI.

 

AHA HOOKOLOKOLO KAAPUNI

Apana Elua, o ka Repubilika o Hawaii, o ko Hawaii. Ma ka hana o ka Waiwai o KAIA (W), no Puuhaoa, Hana, Maui, i make kauoha ole. Ma ke Keena imua o A. N. Kepoikai, Lunakanawai.

Ma ka heluhelu a me ka waiho ia ana mai o ka Palapala Noi a SOLOMON KAWAIHOA (k), no Kamalo, Molokoi, e hoike ana ua make kauoha ole o Kaia (w), no Puuhaoa, Hana, Maui, ma @@@ i ka la @@ o @@ 1885, a e noi ana e hooponopono ia ka waiwai, a e hooholo ia i na hooilina.

Ua kauohaia o ka POAKAHI, ka la 27 o Augate, M. H. 1894, ma ka hora 10 kakahiaka, oia ka manawa i kohoia no ka hoolohe ana i ua noi la imua o ua Lunakanawai la ma kona keena, ma ka Hale Hookolokolo, ma Wailuku, a ma ia manawa a ma ia wahi no, e hele mai ai na mea a pau i pili e hoike mai i ke kumu, ina he kumu oiaio ko akou, e ae ole ia ai ua noi la.

Kakauia ma Honolulu, Ko Hawaii Pae Aina, Iulai 24, M. H. 1894. Na ka Aha.

HENRY SMITH, Kakauolelo Oihana Hookolokolo.

 

KAUKA

Yong Kam Pung

[APANA.]

Helu 81 Alanui Maunakea.

KAUKA LOEA O KA AINA PUA

 

Ua hiki k hoola ia kela a me keia ano

ma'i mai ko na kane, wahine a me

na keiki liilii. O na ma'i ha-no

na hiki loa ia ke hoola ia, na

mai Akemama a me na

mai Puuwai a me na

ano mai no a

pau. Pela

pu hoi na mai

lele, Kolera. Hehera.

@va lonalena, lepera

Maialii ke oki a me ka ho

@ ola ana, o@u pu me na koko ino.

Ua hiki i ka'u laau ke hoohemo keiki

i ka wa nahuuahu me ka poino ole.

He laau no kekahi no ka hooponopono

hou ana i ka waihona keiki, a i ka wa

a inu ai i keia laau me ka malama loa

i ka rula @ ioaa no he keiki i ka poe i

loaa ole he keiki mamua aku.

@ Nan@ mai i Ike Maka

He pomaikai nui keia no n@ makamaka i hoohele ia me keia haawina makamae. E hauoli no au ko ike aku i na makamaka e kina mai ana o kuka pu m@ a'u ma na ano a pau e pili ana ka'u oihana.

E KIPA mai e ka  poe hooluuluuia me ua haawina pi ihua a ka ma'i, a na'u oukou e hooluolu uku.

KAUKA YONG KAM PUNG. Jan. 1, 1894. 1pdly.