Ka Oiaio, Volume VI, Number 36, 7 September 1894 — Page 4

Nupepa Ka Oiaio.

"O KA PONO KA AIALII E OLA AI KA AINA"

 

NUPEPA KA OIAIO.

___

J.E. BUSH, Lunahooponopono.

J.K.Penikalaka, Puuku.

___

O KA PONO KA AIALII E

OLA AI KA AINA.

_____

POALIMA, SEPATEMABA 7, 1894.

_____

Waiho i ka OihanA

_

                Ma ka hora 12 o keia po Poalima e waiho iho ai o William Auld, a me 19 makai i ka malama ana i ka Halemai Pupule, mamuli o ke Aloha Aina, a Aloha Lahui, me ka ae ole o hoohiki malalo, o ke Aupuni Repubalika, a me ka loaa ole hoi o kekahi wahi hewa ma ka Mr. W. Auld a me kona mau kanaka ma ka oihana.  He kokoke ewalu makahiki o ko Mr. W. Auld noho Luna Nui ana no keia Hale Pupule me keia poe kanaka.  He hana hanohano keia a oukou i hana iho la, a he mea hoi i oi ae mamúa o na hana e ae.

                Ke haawi aku nei Ka Leo, a me ka Nupepa Ka Oialo, i ka mahalo o oi ia oe e Mr. William Auld a mekou mau hoa.

_____

OLELO HOONAAUAO I KA LAHUI.

_____

                O ka makou olelo hoonaauao I ka Lahui Hawaii, ua like no ia me ka Blount mau olelo hoakaka no ka mea pono a ka Lahei e haua ai, no ka mea, wahiana o ko oukou ae ana e lawe I ka hoohiki no kela Kumukanawai o ka  1887; oia ke kumu o ko oukou poino.  He oiaio maoli no ia.

                Peia no hoi, o ko kakaou mea e pilikia ai i keia wa, oia no ko kakou ae aku e hele e hoohiki I keia Kumukanawai.  A o ko kakou kumu e pakele ai , oia no ko kakou hoole ana aku, aole e ae e lawe I ka hoohiki ana.

_____

UA KUAIIA KA HOLOMUA.

_____

                Ua pahoia ae na lono, ua kuaiia ka Nupepa Holomua e ka aoao kae mai i ke Aupuni Moi o Hawaii O keia ke kumu nui o na pel@kua hoolauwili ana oia hupepa: a me keia, ua kukala ae nei ia nupepa i kana mau olelo ao, e kauoha ana i ka Lahui e hele e hoohiki aku malalo o keia aupuni Repubalika.

                O ka makou e olelo a’o aku nei ia oukou, e kupaa mau iho maluua o ka manao Aloha Aina.

                O ka kakaou hana pono e hoo kuu ioa aku i ka Holomua e hana i kana mau hana lokoino malia paha, na ka poe kumakaia e kokua mai i ke oia o keia nupepa hooku emi hope i ka manao ohohia o ka Lahui.

                No makou iho, ua hoy hope maoli ke la Nupepa Holomua a ua haalele oia i kona kahua hana me kona a-a ole e hana i kana hana i kukelu e ai mamúa.

                *O makou ke kupaa nei no me ka haawipio ole aku malalo o ka poe aihue aina.

_____

He Olelo Hoopunipuni.

_____

                Ua oleloia mai makou, ua olelo aku la ka o Samuel Pua ia Keau Iaua o Alapai iluna o kekahi kaa alanui hao o ke kulanakauhale nei, e i ana o Keau, ua hoike aku o Puaopio ua pau aole he pono i koe o Hawaii.  Ke hoole loa nei o S. Pua a ke kapa aku nei ia Keau i ka hoopunipuni, oiai he okoa loa ka lakou mea i kamailio ai, oia hoi:  Ua ninau aku o Pua ia laua, heaha ka mea hou, a ua pane mai hoi Iaua he hala wai ka ka poe Komisina e noho ana”  Hoole aku la o S. Pua ia laua me ke ka ana o kona lima ilalo, “aole he halawai.”  Ia wa lele aku la oia ilalo, a ma ia hope mai, loaa iho la ka Luna Hooponopono o ka Holomua haole iaia, a hoopaapaa laua me ke oolea Ioa. Me kona hoopaakiki aku aole he oiaio o na olelo ua pau ka pono o ka aoao Hawaii e like me ka lakou e olelo nei ma na nupepa Holomua.  Ua hoopunipuni keia mau kanaka, a i ole ua olaiau ko laua pepeiao i @a piha kokuli paha.

_____

 

NA LUNA AUPUNI MA NA AINA E.

_____

                O na wahi au-kanaka holomua a malamalama, i komo makolukolu ma na hana kalepa, no ka hoonee mua ana: ko lakou mau pomaikai kuloko a kuwaho paha e lawe ana lakou i kekahi o ka lakou mau kumuhana e lanakila, a o na luna aupuni o kekahi mau aupuni ka poe na lakou e waiho aku i ko lakou aupuni kumu, a ma ko lakou mau lima hoi na palapala ano nui a koikoi mawaena o na aupuni elua e waihoia aku ai, a na lakou e hoike ae.  Iloko o ka wa kaua, e unuhiia alu no na luoa aupuni o keia mau ano mai ko lakou mau kahua aku o ka hana no ka hoi ana no ko lakou mau aupuni pakahi, oiai kona manawa aole i pau, a hiki i ka manawa e pau ai ke kuee mawaena o ua mau aupuni la, ka wa hoi a ko laua mau p@ aupuni e noonoo hou ai i kuikahi a me kekahi mau olelo @elike e ae no ka hoihoi hou ana mai i ka maluhia.  O ka loaa ana o na ulia o keia ano iloko o ka wa maluhia – he kahoaka ia e hoike mai aia, e ukaliia anu ia hana ana e kekahi hookahe koko ina nole e hooponoponoia a @ela nohoi ka hoopauia a me ka hooleia mai paha o ke apo ana mai i kekahi luna aupuni iloko o ka aina kahi ona i hoounaia aku ai.  No ka waiho mai a me ka h@ouna ana aku i na palapala ano nui e oili ne ana, he mea hanohano ka loaa ana o kekahi mau luna aupuni i waeia mailoko ae o ka poe i ikea ko lakou makaukau piha ma ne mea pili kalaiaina, ko lakou hoopono, hooko kauoha me ke aloha io maoli i ko lakou aina kahi a lakou ia hoounaia mai ai.  E ike koke ia no ko lakou makaukau, ku i ko iakou ano luna ma ke ano o ka lakou mau hana, e like me ka laau ma kona hua, oiai lakou ma kahi e kaulona ia aku ai e ke aupuni a lakou i noho luna ai, mai na poo aupuni a ka lahui kanaka.  I kekahi wa, ma na kumu hana liihi, ua kohoia keia mau Iona aupuni i poe uwao mawaena o kekahi mau aupuni a e loaa auanei i ka lahui nawaliwali mai kona mau luna aupuni mai na hooponopono ana ma ke ano maluhia no ke kapae ana a hoopau i ka mokuahana a mahae mawaena o na mana kuwaho ma ka mea pili kaloko, a pela hoi e loaa ai ke kaulike i ka lahui i hapa kona ikaika a o kona makaukau koa paha.  I kekahi wa, ua poo-lua na manao kalaiaina o ka poe oloko o ka aina aka, e like me na kanawai paa, e lilo “na ka aoao lanakila na waiwai-pio,” o ke kohoana i na luna aupuni no kekahi aole ia he mea ulia mau; no ka mea, i ka manawa o na hana o keia ano e Kiko ae ai, aole auanei e kiai pono ia ka inoa hanhano a me ka pomaikai o ia mau Aupuni ma o na luna oia anoma na Aupuni kahiko e like me Enelani ma, o na oiha @ o keia ano he hana ia no ka wa ola, a iloko o kona mau la kanikoo oiai e pono ana kaua hana ana aole oia e hoomau hou ia aku ma ka hana, aka mauna wahi e ae e like me na Rpubalika he Oihana pihiloelolekeia, nolaiia i kekahi wau a lawelaweia ka han ama ke ano malihini i ka ohana.  I ko lakou wa e poniia ai no ka noonoo aua no ka mokuahana a lawe ana paha i kekahi mau lono ano hui, he mea pono ia lakou ke hoike like i na aoao elua, ma ke ano e lawe ana lakou me ka olaio a polo-ei i ka manao ame ka make make o ko lakou mau Aupuai pakahi, me ka hoike au ana ma ia kahi i ke kaulike a me ka hoopono i ka aoao i haulehia a pela noho@ i ka aoao i lanakila, o keia maoli ka io o ka hana a na luna Aupuni o kekahi Aunpuni i kekahi.

 

E Hoao e noho lanakila.

_____

 

                O ka Lanakila, oia ka hopena o ka hana i manao nui ia ai; o na poe e he@o ana e loaa ke kulana lanakila, he poe no ia e manaoia ana, he kanaka e ola ana me kona uhane ilio.

                O keia manao, he mea ia e kaupale aku ai i ka noho kauwa kuapaa ana ma@alo aku o kekahi poe kanak.  No de ake nui o na kana ka e loaa ka lanakila, na ulu ae he mau kaua hahana iloko o na aupuni, i mea e hoyhoi hou ia mai ai na pono o ka noho lanakila ana.

                Ua hanaia keia mea ma Hawaii nei, e hoopio ana i ka manao lanakila o ka lahui.  A ano, ke noho nei kakou iloko o kekahi aupuni i hauhoa ia ka noho lanakila, ana a kupeeia hoi ke kuokoa akea malalo o ka mana lima ikaika o ka hapa ka hapa nuku loa iloko o keia Aina.

                O ka mea maopopo maoli, ke ulu mau nei no iloko o ka Lahui hawaii ka manao aloha no ka noho lanakila ana.  A oia no ka makou e hooneauao aku nei, e hoao e loaa ka noho lanakila.

 

____

Na Kahoaka e ike ia nei.

_____

                Ina e hoomaopopa ka Lahui i keia mau la e hele nei, alaila, na hiki e maopopo ke ano o ke kulana o Hawaii nei.

                E nana i ka mea i ikeia no keia aupuni, a e hana hoy i ka poho ana o ka aoao o ka Lahui Hawaii i keia la.  O ka aoao i oleloia, ua loaa ia lakou ka mana aupuni, a ua loaa mai hoy ka ike aupuni piha ia mai e Amerika Huipuia.  Eia no ia ke ku nei ma ke kulana pohihihi loa.  Ua awili pu ia ka poe iloko o lakou me na ano lahui ano e, a @e na kanaka manao like aole he lehulehu wale.  He mea maopopo loa, aia ke kulana o ke aupuni iloko o ka hopena hauhaele loa.

                Ina hoi ma ka noao o ke aloha i ka Lahui a me ka aina;  alaila ua maopopo, hookahi wale no mea e laulaha mau ana, o ka pono no ka i@i ana i ke kuokoa o ka aina.  O ka lokahi mau o ka Lahui oia ke kumu e loaa ai ka maluhia a me ka lanaki’a.  O keia iho la ke kahoaka o na aoao kalaiaina iloko nei o ka aina.

 

_____

E HELUHELU I KEIA.

_____

                No ko makou manao nui e loaa ka pono no ka Lahui Hawaii ponoi a no ko makou makemake e mau keia pono no kakaou; ua hooikaika makou mai kinohi mai o ka hookahuli ia ana o ko kakou Aupuni Moi a hiki i keia la;  Aole loa makou e hoolilo i ke Kuokoa o ka kakou Aina, a hiki i ka lele ana o ka hanu makamae hope loa a ke Akua i hoonoho mai ai iloko o ko makou hale kino nei.

                Ke olelo moakaaka nei makou i moa o ko makou Lahui ponoi, me ke knono akea aku i ko oukou manao Aloha Aina, e kupaa loa kakou maluna o ka manaolana no ka hookoia o ka pono ma keia mua iho.

                O ka makou e kahea aku nei i ka Lahui Hawaii, e nana i ko oukou mau Alakai wiwo ole, aole lakou i hohe aole hoe i haawi peo iki, aole no ma keia mua aku a no ka manawa pauole.

                I na aole i haawi o Bush me Nawahi, a me na poe a pau loa e alukai nei no ka Hui Alona Aina o Hawaii nei, alaila, epono no i ka Lhui Hawaii ekupaa pu me ko kakou Moiwahine Liuokalani,  E ola pu a e make pu kakaou iloko o ke aloha no ko kakou Aina.

                He mea oe pake’a ka hanohano no ka Lahui Hawaii kekupaa lakou mamuli o ka makee no ka Aina Hanau.

 

_____

E NANA MAMUA O KOU

LELE ANA.

_____

                He mea akaka loa i ka poe noonoo akea a pau, eia na kakoo o keia Aupuni i keia wa ke komo kino nei me na wawae elua e hoolaha i na mea hoopunipuni a pau e hiki ai ia lakou ke hoomakapo i na kanaka Hawaii, a pela hoi me ko kakou mau pilikana haole me ka manaolana mamuli oia mau hana e loaa mahuahua aku ai ia lakou ka poe kakauinoa e hoohiki kakoo i keia Aupuni a e kue mau loa i ke Aupuni Moi, aka nae ke hauoli nei makou i ka olelo ae, ua ohi ia mau hooikaika ana i ka hua o ka puahiohio, no ka mea, aole i make Ka Leo o ko Lahui ke kiai @oe ole ma ke aoao o ka Lahui Hawaii, eia no oia ke ola nei, aole i punukuia kana makapenei, a aole no hoi he kumukuai malalo iho o ka la nana e pani ko makou waha maloko o kona mau kolamu, no ka hoike ana aku i ka mea oiaio e pili ana i ke pookela o ka lakou mau hana apuhi.

                No ia mea, o ka poe wale no i loaa ia lakou a e lei nei hoi i ka lei-bipi a lakou, oia no kela poe hookamai a pukalua a makou e kapa mau nei mai kahiko mai, a o ko lakou heluna nui aole i pinana ae maluna o ka poe i kakauinoa i keaupuni Pigi.  Nolaila, he haule ino keia o lakou e like me ko lakou haulehia mau ma na mea a pau a lakou e hapai nei.  Ua maopopo ia makou aole ioa kekahi olelo ao mai na Pigi mai e hiki ke moniia e na kanaka Hawaii, oiai, e luai mau ia ana lakou iwaho e ka lahui, mahope iho o ka ike a hoomaopopo ana o na kanaka Hawaii i ke ano o ka lakou mau hana a me ko lakou ano io maoli oia hoi he, poe parisaio a hoole Akua maopopo lakou, a o ka waiwai oia ko lakou akua e hoomana nei.  O ka makou olelo ao hope loa e nana mamúa o kou lele ana, mai awiwi a pupuahulu i ka lele me ka nana mua ole o haule auanei oe iloko o ka lua a he make ka hopena.

 

_____

KAUA MAWAENA O KINA ME IAPANA.

_____

                Kapalakiko, Aug. 16.-E holo ana ka mokuahi Kulanakauhaie o Pekina, no Iapana a me Kina, me kekahi huina waiwai nui o na lako mea ai o kela a me keia ano.

                E lawe aku ana oia he 1,500 barela paiaoa a me 2,900 pahu mea ai o na ano a pau.

                Ladana, Aug. 16.-Ma ke Keena Oihana o Iapana ma Ladana, aole loa he wahi i lohe ia e pili ana i ke piholo ana o ehiku moukaua Pake ina mokuaua Iapana.

                Nolaila, ua manao ia aole he maio oia mau lono.  O ka mea kakau o ka nupepa Manawa o Kanahai, ma Kina, ka i hoike ae he 50,000 ka nui o na koa o Iapana ma Corea, he hoomau ia mai nei no ka hoounaia ana mai o na koa.

                Aole no he eleu loa o na aumoku kaua Pake.  O ka @nau kaua ma Iapana, ua apono lokahiia e na makaainano.  He nui na poe haiolelo akea, i kokua ia e na pupepa, e paipai ana no ke kaua.

                E hoike ana ka mea kakau nupepa o Kanahai, ua haawi ae ke Kia@a o Poanioka, he @S,640 he uku makana i ka mea a mau mea nana e hoopoino kela a me keia moku-kaua nunui a ke Aupuni Iapana; a he $5,700 no na mokukaua liilii iho, he $288.00 no ke p@o o keia a me keia Aliimoku a he 144 no ke poo o kela a me keia koa.

                Ua hoike ae ka nupepa Nuhou Kuwaena o Kanahoi:  Ua ikeia kekahi aumoku kaua o ewalu moku mawaho ae o Chu Foo ma ka la 14 o Augate, e holo ana no @ hem@,   He nui na ahí koa Pake, i hui aku me na puali koa Pake ma Corea.

                O na mokuahi Ta@u me Kamika ua hoi hou ae hei malalo o ka hae Pake.  Ua haalele iho laua ia Kanahai ma ka la inehinei me ka oiha laiki, a me na koa hou no Corea.  Ua lono ia mai, ua hooholo like o Farani a me Rusia e kokua ia Iapana a o Geremania hoi a me Beritania Nui ma Ka aoao kokea ia Kina.

                Tokio, Augate 22: - Ua hoike Oihana ia ae, ma ka Ia 30 o Iune, ua kukala ae ka moi o Korea iaia iho he Kuokoa mai a Kina mai, me ke noi ana ia Iapana e kokua mai iaia ma ke kaiehu ana i na Pake mai Asama ako, me ke kokua ana a na pualikoa o Korea.  Ma ia la hoo kahi no i hoopau ai o Korea i na kuikahi a pau me Kina.

                Sanahai. Augate, 22: - He lono ke hoike ana aia he luku mainoino ana o ua kanaka ma kekahi hooika kaua mawaena o na pualikoa o na Iapana me na Pake ma Cuna Ha ua kaiehuia na Iapana mai ia wahi mai, a lilo aku la i ka pualikoa Pake, me ka nui o ka make ma ka aoao o na Iapana.  Mamuli o na palapu i loaa aku maluna o Lunakahiko Kino Walie mai ka lima aku o na koa Pake, ua make oia pela ka hoike.  Ua pani ku ia na launa ka mailio ana me Korea, a o na poe kakau nupepa ua hoi hope mai, ma ka ae oie ia e hiki aku i kaua.

                Wasinetona, Augate, 22: - Aole loaa mai i ke Keena Oihana Aupuni Iapana na mea hou o ke kaua ana mawaena o ka ikaika kaua o Iapana me Kina e like me ua hoike mai Sanahai mai iloko o na hoolaha awiwiia i keia kakahiake.

                Ladana, Augate, 22: - Ua loaa i ka nupepa manawa ka lono malalo iho nei mai Sanahai mai, ma ka la 21 o Augate.

                O Generala Tio, ke alakai o ka mahele o na pualikoa Pake ma Fena Tiena, ua telegarapa mai e like me keia:  O na pake ma ka Poalima ua lele pauki mai ma una o na Iapana ma Pina Iana, me ka hoau hee ana i na Iapana me ka nui pu o ka make ma ko lakou aoao, a ua emi aku lakou i hope no 11 mile a hiki i Cuna Ho.  Ma ka Poaono ae ua lele kaua hou na Pake no ka lua o ka manawa, a kipaku hou aku la i na Iapana mai Cuna lio aka, a aia ia wahi i keia wa iloko o na lima ka poe Pake.  Ma kolukolu hou ka poin ma ka aoao o na Iapana ma ke kaua ana o ka Poa@no.  Ke upu waie ia aku nei, e hoouka ia ana kekahi kaua nai i keia la.

                O Adimarala Ferematate, ke alakai Beritania, ua kukulu ae nei oia he mau wahi hoolulu o kona mau aumoku no ka manawa ma C. Fukahi hoi malaila na Kuhina Bertania Rusia me Amarika. Ke hauoli nei na moku Pake no ka lilo kaokoa ana o ke kaikuono ia lakou.  Aia o Iapana ke ohikihiki hou i ama ka moku he heluna nui o kena mau pualikea ma Fusana.  Aole he mea i loheia mai e pili ana no ko lakou wai e hele ai.  O ka ikaika o Kina e noho ana ma Iasana ua haalele iho ia wahi a maki aku la no ke kakulu Hikina e moe la ma Sioula.  O ka ikaika malalo o Generala lena, ua hoopuipui hou ia ae wa o ka pakui hou ana mai o kekahi poe Korea.  E kai ana na Pake no Pini Iana.  O ka laina Pelekane ma kela wahi hope e noho ana lakou iloko oka malu o ka Pake.  He eiwa tausam Iapana o kekahi pualikoa i haalele iho ia Sioula a maki aku la ma ke kukulu e hiki aku ai i Pini Iana.  O na makua Geremania e ka misioana Katolika ma si Nini Sa@, ma ke kukulu hema mai o ka mahele aupuni o Sana Tuna, us pau i ka hopuihopu ia e ka poe pewa, kali la lakou no ka lakou nai.  Aia ke aupuni ke kaukolo la mahope o ka meheu o na powa.

                He elua mai kia Iapana i hopuiama ka pahalaau o Farani ma Sanahai, a ke kakali la malalo o ka hoomalu ana a ke Kanikela Amerika, a hiki i ka manawa e hooiaio ia ai ko laua hewa.  He lono mai Sanahai mai i kekahi nupepa e olelo ana, o ka hoike e pili apa i ka make ana o Generala Iena ma ke kani kaua i @ieleia me ka Iapana he hoopunipuni.  Aia o Generala Iena ma ke @oo o ka pualikana ma Iasana, ka mea hoy aole i hoopuchuia e like me ka hoike, aka ua opa-puwale ia no e na Iapana

Aole i pau.

_____

E na Hawaii Alohaaina Oiaio!

E kupaa no ko oukou Aina!!

Ko oukou Moiwahine a me ko onkou Hae!!!

___

 

                He mea nui ke aloha o ke kanaka no kona Aina hanau ponoi a he mea make mae hoi kona Moi, a he mea punahele hoi ka hae o kona Lahui ana I aloha @i ai.  Aole loa he mea maluna iho o keia Honua I oi ka hoo naikaiia mai o kekahi Lahui nana i pulama i ke aloha no kona aina, kona Moi a me kona kuokoa mau ana malalo iho o ka hoomalu ana o kona hae Lahui, e like me keia.

                He haawina keia I hoike mau ia ma na mooolelo piha o na Lahui kanaka mai kinohi mai, a he hoailona hoi I kukuluia mawaena o na Lahui Aupuni noho naauao, I papahiia me na makana mahalo o ka Lahui naauao o waho mai.

                Ua loaa I na Lahui noho Aupuni Kuokoa ko lakou noho oluolu ana me ka lokahi o ka Lahui, pela hoi e loaa ai ia Hawaii oei ia makana hookah o ka noho lanakila ana.  Ua loaa ia Hawaii ka ike e like me ko na Lhui naauao, a no keaha la i manaoia ai, e hoole ia kakou i ka loaa ana o ia mau pono a e hoonele hoi ia kakou i na kuleana paa oi ae o ko kakou noho kahiko loa ana me ko kakou mau kupuna I hala aku no na tausani makahiki he lehulehu I hala aku nei?

                No ka manao kolohe o na mamo a na mikanele I kaili I na pono o ko kakou Aina aloha a I waiho iho hoi ia kakou ma ke alanui oneanea o ka noho pilikia ana I keia la.

                O na mamo a keia poe mikanele i kuko nui ko lakou naau no keia noho Aupuni honua ana, o lakou maoli no ka makua o keia mau hana powa a kakou I ike maka iho nei.  Aole loa e hiki ia lakou ke alo ae main a hana hoopoino maoli I ka Lahui Hawaii ma na ano a pau loa.  Ua hoowalea lakou I ka Lahui Hawaii ma ka oihana pule Akua wale no, a ia wa iho la no,ua powa iho la i na wahi pono o ka lakou wahi keiki hanai i malama hookamani ai.   Ua hao ae ia I na wahi mea pilikino a me kona mau wahi aahu, a kiola aku la ia Hawaii iloko o Kailua o ka poino a me ka popilikia.

                E na Hawaii, E ala me ka uhane o ka manaoio.  E kupaa no ke aloha a ko oukou aina ko oukou Moiwahine a me ko oukou hae.

_____

Ka Holomua Kumakaia.

_____

 

                Ua ike makou ma ka Nupepa Holomua o ka la ! o Sepetemaba, ua hele a piha kona mau kelamu a nao lelo hoonaikela i ka pau ana o ke Aupuni M@i o Hawaii wahi ana i a ua hookikina aku hoi oia i na kanaka e hole aku e lawe i ka hookiki e kokua aku i keia aupani Repubalika.   Ua hauoli oia ke lilo na poe Hawaii I mau ka-keo a I poe e honoko aku ana I na manao o na poe aihue Aina.

 

                Aole loa ka Holomua i hooko iki i kaua mea i olelo maa ai e hakaka ai ole e koho balota aku, (fight or vote)  Ke hoololi ae nei oia i ka mea maa i hope, a o ka hope i mea oia hoi e koho ai ole e hakaka (Vote or fight.)

               

                Lauwilia a lapuwale ka Holomua a me kona poe paalalo.  E like no me ko lakou lauwili mai mua mai, pela no keia lauwiliana e hana nei.  O lakou no ke kumu o keia mau lauwili, a ke kapilipili mai nei, na Bush ma a me kona poe.

 

                O ka mea oiaio loa, eia iho no o Peterson a me Colburn ma na kumu o ke ino i hooulu ia ai keia hana hookahuli aupuni, aole loa he hiki ke hooili mai no Bush ma.  Aole hoi e hiki ia Holomua ke olelo mai he hoihope Ka Leo o ka Lahui a me Ka Oiaio;  no ka mea, o Ka Leo o ka Lahui a me Ka Oiaio o lana wale no ia e hooikaika pauaho ole nei no ka peno a ka Lahui Hawaii;  ka aina a me kona Moiwahine.

 

                He mea oiaio, ua hoinoia mai ma kou no ko makou kupaa mahope o ko makou Lahui a me ko makou Moiwahine, aka, aole loa ia he mea no makou e hoi-hope ai a kumakaia aku i ko makou pono kuokoa a ke Akua i haawi mua loa mai ai ia aiakou mamúa loa aku o ka hoea ana mai o ka poe haloe aihue aina a ka Holomua e pailani mai nei, a e hoopunahele nei.

 

                Ua ike pono o Kamaki ma i na mea a na poe haole e hono la iloko o ka Holomua ponoi, he poe haku maluna iho ona e hookauwa ana iaia iho na ka poe ana e kukala nei i mua o ka Lahui, he poe ino loa, he kipi, he hookahuli aupuni, he aihue aina a pela aku.  Alaila, huii ae no oia, a kauona aku la i ka Lahui e hele e hoohiki a e kokua i oa poe ino nei!

 

                Kupaianaha keia!!  Luaole ke ano e!!!-

 

                Kupaianaha maole ka Holomua oeai mahope iho o kona hoomaopope maole ana ika poino a na mamo aihue a na mikanele (wahi ana) i hana ai, aia hoi ua huli koke ae la lia, a koi aku la i ka Lahui e hele a e apono aku i ua ino la, a e noho aku i mau kauwa-kuapaa malalo olakou!

 

                Ua kipe ia a nei ka Holomua no ia hana ana?  Ua kokua anei o Kamaki i ka ae ana e a na iia kona Laui ilalo o ka papaku o ka hana hoopoino pepehi lahu?  Ua aha ia la keia poe, i loli ai ka lakou mau ao ana i keia wa?-

 

                Auhea ko ka Holomua kumu e pale ae ai i na han aino lapuwale loa i kau ia iho maluna o na?

 

                Na ka Lahui Hawaii e lawe i ka noonoo naauao ana e hoopuka ae i ka pono no ka mea pono, ae hoahewa aku hoi i ka mea lawehala a kumakaia i ko kakou Aina.

 

_____

HE MEA HOOWAHAWAHA IA.

_____

                He mea hoowahawaha loa ia, a he mea hoopailua ia, a he hookae loa ia ke kanaka Lumakaia i kona aina Hanau ponoi iwaena o ua lahui naauao a pau loa o ka honua nei;  a pela no hoi, iwaena o na lahui noho pouli.  Ua pau loa ka hilinaiia o ia kanaka, a ua lilo oia me he ano ole maoli la.  O ke kanaka e hiki ke hoolilo i kona noho kuokoa ana no ka waiwai, a no ka hanohano a me ke kala:  ua hiki no ia ke hoolima lima ia me na wahi apa@ i kala uuku loa e @pehi i kona ma @ uakane ponoi, a i kona makuahine ponoi, a i ole ia i kana keiki ponoi no paha.

 

                Ua hoowahiwahi loa ia o Anola e ka laaui Amerika, no ke kumakaia, pela hoi o A. Noa Kepoikai e ko Wailuku, pela hoi o J! H. Boyde ko Honolulu, a pela no hoi na poe kanaka a pau ioa e lawe ana i ka @ ohiki kue i ko lakou Moi a me ko lakou noho aupuni ana, malalo o kekahi ano aupuni okea aku.

 

                He haohao makou i ka hoohiki kua ana o kekahi poe i loaa nui ko lakou pomaikai i ka wa o ke aupuu i Moi.

 

                Me he mea la aole no palia o lakou ahane noonoo.

 

_____

E HELE E HAKAKA ¡!

____

                Mamua aku nei, he nui ka liki ana o ka paoi o ka Holomua e hele ka Lahui e hakaka, aka, o ka mea oiaio, aohe he wai mea kaua mako lakou lima e hakaka ai.  He ole loa ia mea ma ko lakou mau lima a hiki i keia mau la.

                Ina no i ae ka Lahui i ka lakou i na no na lawe ia aku la lakou i mau mohai moe puu ua na enemi-Oia nae ka ka Holomua e olelo nei i ka hewa o Bush ma i ka papa i ka Lahui Hawaii, aole e hele e hakaka me ua maiuu lima a me ua manamana wawae.

                I keia wa nae pohea ua poe nei o ka Holomua?  Ke olelo nei hoy, ua pau loa ka hoihoi Moi, alaila, auhea iho la ka hoi nao lelo liki haanui ana a lakou no ka hele e hakaka?  Auhea hoy ua o Kamaki ma o No@ ma?  He poe hohe wale lakou e pau loa a hiki i keia la.