Ka Oiaio, Volume VI, Number 52, 28 December 1894 — Page 3

Nupepa Ka Oiaio.

"O KA PONO KA AIALII E OLA AI KA AINA"

 

He Makai Kiu Iloko o ke Ehuehu.

NA PAKA UA E LOKU ANA

A ME NA

Hihio Iloko o ka Pololei.

NA HOOHENO O KA POHINA UAKEA
O KE KOOLAU.

[Kakauia mai no Ka Leo a me Ka Oiaio.]

[Hoomauia.]

            Mahope iho o ka pau ana o na manao uluaoa mawaena o lakou ua kau ae la lakou maluna o ko lakou mau lio pakahi a haalele aku la i kahi a lakou i huli ai i pa lako kaua a ka poe aloha aina. no ka auwina hou ana aku ma na wahi like ole o ke kulanakauhale

            Ia kakou no hoi a hala aku o ka wa no ia i hiki koke iho ai o ka makai kiu ma ia wahi, a aia hoi iloko o na hene aka ana no ka hoohoka ia ana o na makai kau lio ma keia huakai paoa a lakou.

            E like no hoi me ka haalele ana aku o kela poe me ka waiwai ole. pela no hoi ka makai kiu i haalele like aku ai ia manawa no, no ka hele hoakolo hou ana aku no kekahi mea nao nui ana i makemake ai e hana.

            Hookolo mai la no hoi ma ka meheu o ka poe kau lio e hele kau liilii ala a hiki i kona ike ana ua pau loa lakou i ka nalo mai kona mau maka aku.

            Huli ae la oia a pii ma ke alanui Puoina, a i kona hiki ana i ke ala nui Beritania, hoohuli mai la oia i kona alahele e kamoe ana no ka akau.

            I kona hiki ana mawaho iho o ka pa o Wasinetona Hale kahi hoi a ka hiwahiwa a ka lahui e noho ana me ka maluhia a e pohai ia ana hoi e ka pouliuli o ka ma@malu o na lau laau.

            Aia hoi, ike aku la oia i ka pu a ana ae o ka wena kukaepele, a i kona hoomaopopo aku me he mea la he poe kiai paha e puhi baka ana.

            A no kona makemake nui e ike pono i na hana kiai maluhia a na koa o ke ahi, nolaila hele mai la oia me ka malie a ma ka puka pa iwaena ma ka aoao makai hoomaka ae la oia e pinana maluna o ka pa.

            Maanei i ka mea nona na lima e poahi nei i hoomanao ae ai i keia mau wahi lalani mele a tukutuku ma penei:

            “Pinana aku au iluna o ka pa e-a Pakika mai au eha kuu kuli.”

            Oia ka wa a ka makai kiu i lohe aku ai i ka owe ana mai o kekahi poe iloko o ka mala pua e kamoe mai ana ke alahele no kahi a ka makai kiu e hoao nei i ka makaala o ua poe kiai la i ke ola o ke alii.

            A me ka leo koikoi i o ka mana o ka mea hooko kauoha i pane mai a kekahi mea maloko mai o ka pa, me ka puana pu ana mai o kona alelo i keia mau huaolelo e anuanu ai ka puuwai o ka mea e hoao ana e hana i kekahi hana e hoopilikia ai i ke ola o ke alii aimoku.

            E keia aeahaueae o ka po, heaha kau hana ma kela wahi o ka pa o ke alii?

            E hoao ana anei oe e komo mai e powa i ke ola o ko makou haku.  Ano mai oni oe, o halawai auanei oe me kou mau sekona hope ma keia ili honua.  O ka hoolohe, oia kou pakele, a o ka hookuli oia kou make.

            Hookokoke loa mai la oia ma kahi a’u e pili nei, aia hoi ka waha o kana pu panapana e hamama  pono mai ana mamua o ko’u alo, me kona manao ole ae ua makaukau like maua ma ia apana hana.

            I kona kokoke iki ana mai, akahi no au a pane aku iaia me ka leo malie.

            Aole au he mea powa aole no hoi he aeahaukae, aka he koo au no ke ola a me ka maluhia o ko kakou ahi. Nolaila e hoopau i kou mau manao uluku, a e hoihoi iho i ka waha o kau pu panapana no kona wahi mau.

            I hoike he hoaloha au nou, e nee mai a kokoke i hawanawana aku ai au i mau huaolelo ma kou mau pepeiao.

            I ka lohe pono ana mai o ke kiai maloko mai i keia mau huaolelo a ka makai kiu, ua hoihoi hou iho la oia i ke kiko o kana pu panapana, oiai hoi kona waha e hamama ana, neo mai la oia imua a ninau mai la.

            He hoaloha io anei hoi oe no ma kou  o ili mai auanei ke ko koi o na hoahewa ana a pau maluna iho o ko’u poo, ina au e ae aku ana e hookuu laelae aku ia oe mai keia wahi aku me ke kumu kupono ole.

            He oiaio ka’u mea e olelo aku nei, aole he hoopunipuni.

            Mamuli o ka nui o na wa olelo ana no ka nui o ka poe e hoao nei e paaha i ke ola o ke alii, nolaila ua kono ia ko’u puuwai makee alii, e hele au e ao iloko o ka puali makai kiu o Misouri, kahi hoi a kela makai kiu kupanaha Lau Omaomao, a hone iki iho la ka aka a ua wahi kolohe nei, me ka noonoo ole ae e o ka pehu o ka maka ona i ku ai i ka lala mikinolia.

            Ua aka pu ae la no hoi me kona kokoolua, mamuli o keia mau olelo hoakaka a ua wahi eu nei o ka po puanuanu.

            Ua kuaipau aku la no hoi oia i ke ano o kona lawelawe ana i keia hana mai ka mua a hiki i ka hope, akahi no a hiki i ke koa kiai ke ike, aole ka oia he enemi, aka he kokua a he mea hoopakele no ka wa pilikia.

            Ua kono mai la oia ia’u e komo aku maloko no ka hoolauna pu ana aku me ka Lutanela e ku kiai ana ia wa.

            H wahi ano ohilahila ko’u ia wa mamuli o kela mau kino o ke kahua kaua a’u i alo mua ai, a ua noonoo nui hoi au i ka’u mau olelo pale e hiki ai ia’u ke pane no na ninau a pau e hoea mai au imua o’u.

            Ua ae aku la i ke kono a wehe ia mai la ka puka pa no’u e komo aku ai iloko.  Aohe mea nana au i keakea mai a ua hele aku la au me he mea la ua kamaaina mua.

            I ko maua hiki ana aku ma kahi e kokoke ana i ke kumu laau kahi hoi a ka Lutanela kiai e noho ana iluna o kekahi noho.

            A e pu-a ana hoi i ka uwahi o kona kika, oiai na kui maeele a ke anu e iniki iho ana i ka ili, a hoomanao ae la au, me he mea la, ke kokoke aku nei paha i na hora o ka pili o ke ao.

            Oiai no ke alii ku wati e hoomau ana no i ke puhi ana i kona kik a na pane aku la kahi koa kiai.

            E ke alii e ka manawa, ano ua loaa ia’u ka hanohano o ka hoolauna ana aku ia oe me keia keonimana e ku pu nei me a’u malalo o kekahi hana nui ana e lawelawe nei no ka pono a me ke ola o ke alii.

            Nolaila malalo o ka oihana o ka maluhia, ua kono aku nei au iaia e komo mai iloko nei o ka pa no ka ike ana, a heaha la kau hana pono e ao aku ai iaia mawaho ae o na hana maa mau.

            O ke kino o kahi alii ku wati, he puipui a pokole kahi pauku kino nona ke kiekie o 4 @@puai a me 6 iniha, a he mau wahi maka 001 hoi ke aai mai ana maloko mai o kona mau kuemaka.

            Hooniniu ae la oia i kena wahi noho laau a huli pono mai la kona alo imua o ke kamahele o ka po, a pane mai la:

            Malalo o ka mana i haawi ia mai ia’u no ka malama ana i ke ola o ke alii ua loaa ia’u ke kuleana e hiki ai ke ninaninau aku ia oe, malalo o ko’u manao hoohuoi.

            [Aole i pau.]

            He Paaluhi wahine a me ka Paaluhi kane kai hoea ae i ka Halewai ma ka Poaono nei no  ke kumuhana, na uhaki ia ke kanuku o ka ohe kiwai a ka Paaluhi kane e ka manu kapalulu.  Kupanaha no hoi kela wahi manu, o ka pao ana i ka huewai a ke kanaka.  Ua ola no nae na la kanikoo o ka hapauea o ka ua Kuahine o Manoa. Luhi pono ke kino.

-----

E HOOMANAO MAI I KE OLA O KA WAHA OLELO.

            E na makamaka heluhelu o Ka Leo o ka Lahui, me ka Oiaio aloha oukou.

            Ke aneane aku nei kakou e hoea ka la hope loa o ka makahiki ’94 nei, oia hoi ka Poakahi e hiki mai ana, o kona mau hora o ka malamalama, oia na hora hope loa o ko kakou hanu ana i na ea o keia makahiki, a kunewa aku la oia ma kona ala hele no ka wa mau loa a hoea mai la ka makahiki ’95 me kona nani oi kelakela, a e hauoli ana hoi kakou no ka makahiki hou.

            A no la ke kau leo aku nei makou i ka poe apau e noho aie ana i na kiai eiaio ou e Hawaii oiaio, a me Hawaii Aupuni ‘lii, e hoomanao mai oukou i ko oukou koena i koe, i komo aku ai kakou i ka makahiki hou me ka laelae, a aole hoi na ki naunau o ka makahiki ’94 e paa ana. 

            Nolaila, mai hoopilaleha oukou, mai k’i he, a mai kanalua hoi, a ena iho kahi ka naenae.

            Kulu mai, kulu mai kala paa Manuahi mai, manuahi mai hapalua nui kamau mai hapaha poepoe Kaulele mai kahi hapowalu.

            A oiai hoi ke hoomau aku nei no makou i ka hoonee ana aku i ko kakou mau waha olelo imua me ka hoikaika puu aho ole ana, a ua kapae aku la makou i na hana a ka poe manao ino, a ke ku nei makou a paio no ka pono o ko kakou aina aloha, a hiki i ka lanakila ana o ka pono maluna o ka hewa.

            E na hoaloha ame na makamaka, na hoa kuloha o keia au e nee nei, mai nana maka mai oukou, oiai o ka hana a makou e hana nei no ka lahui holooko’a no ia mai o a o ka aina mai ka mea kiekie a hiki i ka mea haahaa.

            Nolaila, e whee ae i na hipuu a ke aloha, a kuehu pau mai i ko kapuahi, oia ka nani a me ka maikai.

            Haalele ke pi me kaua, o ke komikomi no me ka po’ipo’i Lu ia mai a pau loa mai kaka-ii oukou.

            A e hoomanao pu iho hoi oukou e na makamaka e haupa ana i na ono kuhinia o ka Leo e pili mau aku ana i na la apau.

            O ka Poalua e hiki mai ana oia ka la mua o ka ’95 aole a kakou pepa eia la, oiai hoi, e hauoli ana kakou apapu, no ka loaa ana o ka makahiki hou.

            Aloha Karisimaka oukou apau loa.  Welina pu kakou i ka makahiki hou.  O Ihova ke alakai no ka Lahui Hawaii.

-----

            UA HOOKUU IA.

            Mamua ino o ke kani ana o ka hora 12 o ke awakea Poaono nei, ua lawe ia ae o J. Tinker, kekahi o na lawehala a ke aupuni i hopu ai malae o ke kumu hana he kipi a me ka ohumu kipi i ke Aupuni e ku nei, no ka hookahuli ana i kona kahua i kukula ai.

            Ua noi ka Loio Kuhina e hoopau wale i keia hihia, no ka lawa ole o na kumuhana e hiki ai ke hoopaa ia a hihia, a ua apono ia keia hoopau wale e ka Aha.

            O keia Tinker ka mea i noi aku i ke Aupuni e ae ia mai oia e hookuu malalo o ka bona, i na he $20,000 ka nui e hiki ai iaia ke puka mai mawaho nei, no ka malama ana i kana mau ohana keiki liilii, a no ka hoomau ana aku hoi i kana hana ponoi, e pili ana i ka  oihana kuai bipi, aka.  Aole loa i ae ia mai ia mau noi ana, a hki i ka piha ana o na la eiwa o Kona noho ana iloko o kahi hoopaa lawehala o ke aupuni, a ua loaa ole hoi he mau kumu e hoopilikia ai iaia, nolaila, ua hookuu ia mai la oia me ka laelae, me ke kau wahi kiko ole ma kona lae.

            Ua puili pu ae  oia ma ka lulu lima pu ana me kona mau hoa’loha lehulehu e kakali aku ana me ka hoomanawanui o ka ike i na mea e hana ia ana maluna o ko lakou hoaloha, a i keia la, eia oia ke noho pu noi me kana ohana keiki iloko o na kuwili ana o ke aloha oiaio o ka makua i ke keiki.  E noho ana iloko o ka lanakila, e like me na la i ani aku mamua.  E ai ana hoi i kana wahi apana berena a me ka i’o bipi iloko o ka hauoli.

            Aka, ke hoomanao nei makou, aole no oia e hoopoina ana i ka hoomanao ana ae i kona mau hoa make i komo pu iloko o ka noho pu ana i ka inea, a aia no paha he mau lakokalo ana mai kona mau lehelehe ae, e hookuu pu ia mai kona mau hoa, a e komo pu ilokoo na hauoli palena ole ana o ko ke kanaka ola ana.  Aloha Karisima ka oe e Tinker,

-----

            O KA LA HOPE KEIA.

            I keia la, Dekemaba 24, e haawi mai ai o Lunakanawai Perry o ka Aha Apana o Honolulu nei i kana olelo hooholo, no ka hihia ohumu kipi o Hon. J. E. Bush J. Nawahi.  Mr Crick a me Weed. 

            Oia hoi, na kaa aku la iloko o ka noonoo kaulike ana o ka Lunakanawai Apana na olelo ike a pau o na aoao elua, a nana hoi e kaupaona i ka mea kupono ana e hana ai.  Oiai hoi he elua wale no mahele nui o ka na olelo hooholo e hoopuka mai ai ma keia hihia.

1-       E hookuu ae i ka poe i hoopii ia.

2-       E waiho aku no ka Jiure o ka Aina e hookolokolo, i na ua ike oia e paa ana ka hihia.

Maluna o keia mau mahele e  ku iho ai ke kahu o ka Aha a hoopuka mai i kana olelo hooholo. A he manao lana nae ko makou, e haawi mai ana oia i kana olelo hooholo, maluna o ke kahua o ke kaulike, a me ka hoopono, aka na keia la nae e hoike mai i ka puana a ka moe.

O ka olelo hooholo a Lunakanawai Perry o ka Aha Apana o Honolulu nei, i hoopuka mai ai e pili ana i ka hihia o ka poe i hoopii ia oia keia o Bush, Nawahi, a me Crick, e waiho ia lakou no ke kau Jiure o Feberuari ’95 a o Weed oia kai hookuu ia, ma keia, ua hiki mai la kakou i ka hopena o keia hihia, e pili ana no ko kakou mau alakai, aka e ka lahui, e kupaa iloko o ka lokahi, i hookahi puuwai, hookahi wa kohana, ah iki i ka lanakila ana.

-----

            UA HOOPAU WALE IA.

            Ma ka noho ana o ka Aha Apana i keia kakahiaka, ua hoopuka mai ia ka Lunakanawai Pere i kana olelo hooholo, e hoopau wale ana i ka hihia o Fred Weed, kekahi lawehala a ke aupuni i hopu ai no ke kipi, a e hookuu loa ana hoi iaia mai na umii ana o na ao polului o na la i hala aku la.  He 16 ka nui o na la o kona noho ana he pio, a hiki i ka wa i hoopau wale ia aku la no o kona hihia.

            I ko makou nana ana i na manao o ke kahu o ka Aha malale o kela hihia, aia no he anuu hou aku no kana olelo hooholo e pili ana no na Alakai o ka Lahui, aka, e hoomanawanui  no kakou, aohe a kakou kamailio ana, no ka mea, ua hookuu ia mai la, ua palekaua oia, a ua komo oia i ka poai o kona mau hoaloha me ka hauoli a iloko hoi o ka poli o kona makuahine, me ka hauoli nui.

            Nolaila, aia oia ko noho ula, he opio iloko o ka lanakila kamahao, a aole no paha e nele ana kona kalokalo ana ae i ka Mana o na Lani e hoopakele ae i kona mau hoa mai loko mai o na rumi o ka hono’na  ehaeha.

            Nolaila, ma ka aoao o ka Nupepa KA LEO, ke haawi aku nei makou i ko makou aloha Karisimaka ia oe a mai hoopoina i ka noho aloha ana maawaena o oukou pakahi.

-----

            ALOHA AINA O KOLOA

            Ke hoike aku nei na makaainana o ka Apana o Koloa, i ko lakou aloha me ko lakou mahalo nui loa ia olua e na alakai wiwo ole o ka Lahui; no ko olua pepehi e ana i ka Hanohano i hooili ia mai ia olua ma ke ano epa e na enemi o ke ‘lii, aloha lahui, a aloha aina.

            E hoike ana i ke ao holookoa i ko olua hooikaika nui ana e pale a e ku’e aku i na hana pono ole, e keakea ana a e kaili maoli ana i ke kuleana oiaio o ka noho ‘lii a me ka noho maluhia ana me ka hauoli o ka lahui mamalo o kona malu.

            A e like me kona hiki mua ana mai pela no na lani e malama mai ai ia olua a nana no hoi e hoopakele ae ia olua mai na hoopopilikia wale ia mai e na enemi o ka malu ulu o lele.

            Me ka hauoli Karisimaka a me ka Olioli Hape Nuia makou apau e pahola aku nei ia olua.

A.     K. MIKA.

Koloa Kauai Dec. 22. ‘94

-----

PAHU A KE ALOHA.

            I na makamaka a me na hoa’loha a me ka poe a pau i loaa na haawina o ke aloha iloko o lakkou no ko kakou mau hoa’loha i hoopii ia no ka hewa ohumu kipi; ke hoike ia aka nei ka lohe, e waiho ia ana he

            “PAHU A KE ALOHA”

ma ke pakaukau kuai ia a Mr. C. B. aile, ma Ulakoheo, no keia hana maikai mai keia la 21 aku o Dekemaba 1894. E hookomo ma keia pahu e like me ka mea hiki i kela a me keia mea i aloha io ia oe e Hawaii.  Ma ke Kauoha.

-----

            Dr. S. Kobayashi.

            (Kauka- Iapana.)

Piha loea lawe mikioi.-

            Kou mau kini a pau mai ka hikina a ka la ma Kumukahi aka welna a ka la i Lehua.

            O wau o ko oukou hoa kanaka o ka ili hookahi Mrs. Lilta Kaholua ma o ko’u loaa ana i keia ma’i he puu koko paakiki e holo ana iluna a i lalo i o a ianei ka ma’i hoi i kapaia e ko kakou mau kupuna he puu hele.  Ua loaa keia ma’i iau mai ka M. H. 1887 mai a hiki i keia M. H. 1894.

            Nolaila na piha iau na makahiki he 11 a oi.  O ka hana mao ole aka ea i kana hana maluna a kou wahi kio a ula lilo hoi ke ola maikai o ke kino i mea ole i ka nui aka eha.  Ua noho paa ka eha ina mahina a pau a puni ka makahiki nolaila ua hooikaika au i ka imi ana imua ona kauka Haole no ka lapaau ana a me ke oki ana e like me ka hiki ke loaa mai kahi oluolu.

            Oiai i nae ka eha e pu mahuahua mau ana ma kona ala hele nolaila ua hooholo iho au i kou manao e hoi no ka HALE MAI MOIWAHINE no kou lohe ana ua loaa ke kauka kamai loa ma ka lapaau ana ina ana ma a pau a me na mea oi@ ike oki nolaila ua hoonee awiwi aku au i ko’u alahele imua no ko’u akenui no hoi e loaa na haawina palekana o ke ola a me kahi oluolu. Ua kali hoomanawanui au ma ka inu laau ana iloko o na mahina ekolu, aole i leaa mai ia’u ke kauwahi oluolu, ua pii mahuahua mai ka ikaika o ka eha a ua hiki pu no hoi i’au ke hoomaopopo iho ua haule ia manaolana ana no ka loaa mai o kahi oluolu.

            Oiai ke au o kou manawa e nee awiwi aku ana i ka nawaliwali loa nolaila ua ku ae au a haalele ino i ua HALE MA’I MOIWAHINE nei, ua noho au ma ke Taona nei me ka manao hou ole no ka palekana ae mailoko mai o keia pilikia a ka ma ka lokomaikai o ke Akua mana loa ua loaa ihola iau he kauka Iapana e hiki ai ke hoopauia keia pilikia nui nona kela inoa e kau aela maluna, na ai au i kana laau no na mahine ehiku me kona hoike pu ana mai e oki alo oia i kela puu a lawe ae mai ko u kino aku ke hiki ika wa kupono i ka hiki ana mai nei i Nov, 8 1894 na hooko ia oia i kana mea i olelo ai, ua oki oia iau i kela la hoikeia aela maluna me ka mikioi o kana mau lawelawe ana a pau loa.

            Ua awe ae oia i ua puu ala mai kona wahi i waiho ai ka mai hiki ole hoi i ke kahi mau ike kauka ke uhuki puai mai kona wahi e moe lolii ana no na makahiki he 11, i ka la i hanaia ai keia haus e ke kauka Iapana S. KOBAYASHIH ua nui na poe i akoakoa ae no ke ake e ike maka i keia kupuino o ke aupuni po’opu i ka hema ana o kela puu ua hoikeike mai ke kauka Iapana imua o ka lehulehu i keia mea hou a he mea hou ano nui loa keia i ko ka lehulehu i keia mea hou a he mea hou ano nui loa keia i ko ka lehulehu ike ana ika loaa aka he loea i oi ae maluna o keia ma’i a ua pomaikai me kou no iho Mrs Liha Kaholua ka mea i okiia ua ola au a ua maikai i keia manawa a no oukou kau e hoike aku nei e ou mau kaikuaana a me ou mau kaikaina i loaa i keia ano ma’i hookahi e hele mai oukou a pau imua o keia kauka mamua o ka he e ana i kekahi poe e ae a nana no e hooaha aku i ko oukou manao kaumaha me ka hakalia ole ina wa a pau na makaukau mau ola no ka hana ana aku ina poe i loohia ina pilikia a pau ka poe hoi i manao nui no ke ola.

HALE KAUKA ALANUI BERETANIA KOKOKE I KA HUINA O ALANUI NUUANU.

            Kou Oiaio Ikemaka L Ms. Kaholua

                        Honolulu Kepohoni Nov. 23 1894.

            @ @@@

-----

OLELO HOOLAHA

            E ike auanei na mea a pau, owau ka mea nona ka inoa malao iho, ke hoike aku nei au i ke akea, a e hoolohe mai.  Ma ka la 31 o Ocatoba, 1894.  ua holo mahuka aku kuu kaikamahine nona ka inoa o Miss Kamakawiwoole, a nona hoi na makahiki he 14.  Ma keia ke hoike ia aku nei ka lohe oiaio ia oukou o ka mea a mau mea paha, e hookipa, malama, a hanai ana hoi iaia, e hoopii ia no oia ma ke kanawai. A ke kauoha pu ia nei na luna haawi palapala ae mare, aole e haawi i kekahi palapala hooko mare, i kekahi mea a mau mea paha e hele aku ana ma ka inoa i hoike ia ae la maluna, a ina oukou e hookuli ana e hoopii no au ia oukou.  Owau no

            MR NAHUINA HEKEKIA.

lmd      Honolulu, Nov. 9. 1894.

---

            Olelo Hoolaha

            NO NA OHUA HOLOMOKU.

KE HOIKE IA aku nei ka lohe i kela a me keia mea e holo ohua ana maluna o na mokuahi KINAU a me CALAUDINE, mai Honolulu aku nei.  e kii mua lakou i kikiki ma ke keena, mamua o ka holo ana.  A o ka mea e kue ana i keia, e hooku ia no oia he 25 pa-keneta o kela a me keia dala, o ka uku maa mau o na ohua.

            E hoomaka ana keia RULA mai a mahope aku o Ianuari 1, 1895.  No ka pomaikai o na ohua, e wehe ia no ke Keena o ka uapo i na auina la a pau e holo ai keia mau moku, a malaila e loaa ai na kikiki.  HUI MOKUAHI O

Honolulu Dec. 6, 1894.  WAILA MA lmd.

-----

B.      F. Ehlers& Co. (Painapa Ma.)

-----

KO

Na Lede Kolamu.

            Ke makemake nei makou e kokua aku ia oe ma ke kuai ana i na waiwai Karisimata; ma ka hookoe ana i kekahi mau kala ma kou pakeke no kala a me keia mea au i kuai mai ai me makou, no keia mau la kulaia He nui a lehulehu loa na waiwai kupono o kela a me keia aho i makemake e hoohana i na la a pau. a aole hoi e emi iho ana ko lakou waiwai io ma kou haawi ana aku i Makana Karisimata.

            Ua hiki ia makou ke haawi wale aku i piano, a waiwai kumukuai nui e ae paha ma ke ano i kumu e hele nui mai ai oukou e kuai; aka ma kahi o ia mau waiwai haawi wale e hoemi loa ia iho ana ke kumukuai o na waiwai a pau loa, i wahi e loaa like ai ka pomaikaikai i na mea a pau mamua o ka lilo wale ana no i ka mea hookahi.

            He elua ana mau pakaukau kuai maloko nei o ko makou Halekuai e hoomakaukau ana me na waiwa ma na kumukuai Kuikawa o ka haahaa loa.

            Ua loaa mai ia makou he mau waiwai hou loa ma ka mokuahi Oceanica mai nei, a oia ka makou e hoike aku nei, e hooliloia aku ana keia mau waiwai a pau loa ma ka makou mau kumukuai haahaa loa no ka manawa wale no Eke Silika, Pakupukaaniani, Mamalu, Pahoehoe, Keokeo, Lilinna a me na waiwai i hiki ole ke heluia aku, e kuai ia aku ana ma na kumukuai e hoo hauoli ai i ka poe o kuai ana ia mau waiwai, i kupono loa i mana me ka la Karisimaka.

            E hoomanao, e wehe ana makou i na ahiahi a pau, me na kukuiwila hou, a ua hiki ke nana ia na waiwai me he ala, aia no i ke ao.

            E malama i kau mau kikiki a pau no ka Luaopele, a e hoouna mai ma ko makou nei Halekuai mamamua ae o ka hora 12 o ka la 26 Dekemaba, a e loaa ana hoi he kikiki holo kaapuni i ka mea i loaa ka heluna nui o na kikiki i kuai ia aku

            B.F. EHLERS & Co.

                        (Painapa Ma)

            Alanui Papu lw-dig

-----

Umeke! Umeke!! Umeke!!!

O ka poe a pau e makemake ana mau UMEKE POHUE, mai ka mea nunui a ka mea liilii a me na UMEKE LIILII loa i kupono no ka ahaaina, mai ka hookahi kakini a pii aku, e loaa ma ke kumukuai haahaa loa, ke hele mai kuai me a’u ma ka Makeke o Ulakoheo.  Ke kono aku nei au i ka poe a pau e makemake ana e ike pono i na kumukuai, e hele e ninau, a e hoike ia aku no me ka hauoli nui.

            Ua loaa mai ia’u he mau pahu Kamanao hou loa he nunui ka ia me ka momona pu, a i oi loa aku hoi i ke oki ole ia ana o ke poo o ke Kamano.

            E naue mai e na makamaka i ike pono i ke olu waipahe o na kumukuai.

                        D. W. KUALAKU,

            Honolulu, Sept. 24. ’94 1m dly

-----

KA POMAIKAI NUI

            He ekolu makahiki o ko mana noho ana, aole i loaa ia mana he hua ohaha mai ko mana puhaka aku: a no ia nele, ua konoia ko maua noonoo e hoao i ka LAAU HOOHAPAI KEIKI a Kauka Apana e hoolaha nei; a i hooiaia mai e kekahi poe i  ai mua i keia laau mamuli o ko la kou hanai ana a hanau mai me ka maikai. Ma ka ai io ana i keia laau hoohapai keiki ua hooko io  ia ko maua makemake; mamuli o ka ha pai ana a hiki i ka hanau ana o ka maua keiki me ke ola maikai i keia mauawa.

            No ka loaa ana o keia pomaikai nui ia maua, ke hoike aku nei imua o ke akea ma ka hooia ana aku i ka Waiwai io o keia laau hoohapai keiki a Kauka Apana; a ke kono aku nei i ka poe apau i hooneleia me keia haawina makamae e hele ae ia Kauka Apana;; no ka ai ana i kana laau hoohapai keiki kaulana a e hookoia na ko oukou man iini i na manawa apau.

            MRS MALAEA KAOPUA.

            Alanui Rikeke, Honolulu.

                        Oct. 15, 3d.

-----

HOOLAHA A KA MEA MORAKI I KONA MANAO E HOOKO I KA MORAKI A E KUDALA LA.

            I kulike ai me na olelo o kekahi Palapala Moraki i hanaia e Charles b. Wilson, o Honolulu, Oahu, ia George P. Towsend, o Honolulu i oleloia i hanaia i ka la 9 o Augate, A. D. 1894, a i hoopaa ia iloko o ke Keena o ka Luna Kakau Kope, ma ka Buke 147 Aoao 478, 479 a me 480.

            Ke hoolaha ia aku nei ma keia ke manao nei o George P. townsend, ka Mea Moraki, e hooko i ua moraki la no ka ha ki ana o na olelo o na palapala moraki la oia keia: Ka hookaa ole ia o ke kumup@a i kona wa e hookaa ia ai.

            Ke hoolaha pu ia aku nei hoi e kuai kudala ia ana ka waiwai i hoike ia ma na palapala moraki la, ma ke Keena Kudala o James F. Morgan, ma Honolulu i oleloia, ma ka Poano, ka la 22 o Dekemaba, A. D. 1894, ma ka hora 12 awakea.  Penei ka hoakaka ana o ka waiwai i hoike ia ma na palapala moraki la, ma ke Keena Kudala o James F. Morgan, ma Honolulu i oleloia , ma ka Poaono, ka la 22 o Dekemaba, A.D. 1894, ma ka hora 12 awakea.  Penei ka hoakaka ana o ka waiwai maloko o ua palapala moraki la. O kela wahi a@@@a aina hoi e waiho la ma Kulaokahua, ma Honolulu i oleloia ae la, i ana ia kona mau palena, penei: E hoomaka ana a ke kioi mauka o Alanui Young a me Piikoi, a e holo ana ma ka moe ana hikina ma Alanui young 249.8 kapuai, mailaila aku ma ka moe ana akau 150 kapuai, malaila aku ma ka moe ana Hema ma Alanui Piikoi 130.3 kapuai, a kahi i hoomaka, @@@@ @@ nona hoi ka iliaina o 731-1000 o ka eka.

            GEORGE P. TOWNSEND,

                        Mea Moraki.

            No na mea hou aku i koe e pili ana i keia e ninau ia W. A. Kinnev,  Loio o ka Mea Moraki, Helu 318 Alanui Papu, Honolulu.

            nov22 lmdiv

-----

OLELO HOOLAHA.

            E ike auanei na kanaka a pau ma keia owau o Mrs. Keawa Awa, no kalema, Hanalei, Kapai ke kauoha aku nei au i kuu kane mai ia Awa Pake, ina oia ma Hawaii nei a i ola na mahuka loa oia i na aina e alaila e hoi koke  mai oia e malama i kuu ola a me na keiki a mana a hala na mahina elua mai keia la aku, alaila manao au ua make oia alaila a are hou au i kane na’u i ola au a me na keiki a maua @@@ ua haalele mai oia ia’u iloko o na makahiki loihi elima, a ua kahi au iaia iloko o kela mau makahiki loihi loa a pa manao au ua make ia oia

                        MRS. KEAWA AWA.

            Kalema, Hanalei, Kauai.  Novemaba 3, 1894.  nov 16 lmwkly.