Ka Oiaio, Volume VII, Number 2, 15 March 1895 — Page 1

NUPEPA KA OIAIO

“O KA PONO KA AIALII E OLA AI KA AINA

BUKE VII                                                              HONOLULU MARAKI 15, ’95                                                        HELU 2

 

Ka Makai Kiu

Lau Omaomao

Ke kaeaea o na kakai pali nihoniho o Misouri

KA MEA NANA I HOOHOKA KA POWA IEKE A ME KONA PUALI HOLOKOA

A I OLE

Ke Aka kino wailua o ke kuinuainoe

KA MEA NANA I HOOPAKELE

NA KAMAHELE O KA PO

Ka mea nona ka Ipu kukui ku mahao ina oe

MOKUNA III

                Ka hanu ana o ka Makai Kiu i ku mehea e loaa ai ka ui Mehaka Kona loaa ana iloko o ke ana huna o na powa, komo kino ka Makai Kiu iloko ona paio hahana ana.  Lanakila ka Makai Kiu, ho@hoka ia na poa @iio ka Makai Kiu i mea weliwelinui ia nei loa ia e na poe haihai kanawai a pau, ma keia huakai ua loaa pu i ka Makai Kiu Lau Omaomao, ka mea na na i pepei hoomainoino i ko na makuahine, oiai kona mau la opio, paa i ka hopu pio ia ke kalohe o lawe ia no Misouri ike hou ka ui Mehaka i ke ao aina, mohala pono kanani oia pua.

                I ke kani ana o ka hora 2 oia ka kahiaka ua ala aeia ke kuene nui a hele aku la e hoala i ke kuke a me ka poe lawelawe pu maia hana i a i kona komo ana mai iloko o ka rumi aina ona Towela nei na ike koke mai a oia i kekahi kanaka e holoholo ana mawaho o ka lanai ona hale aia a oia kana i ninau mai ai o wai kela uawaho.

                O wau no ka Makai Kiu wahi a ka pane a heaha la kou makemake iau.

                I ka lohe ana o ke kuene i keia pane ua hele koke aku la oia a hiki ma ka rumi o ko lakou.  Haku a hoala aku la iaia ma ke kikeke anaaku i ka paka.

                I ka lohe ana o ka mea e moe ana iloko i keia kikeke ua ninau koke maila oia owai kela.

                O wau no o Keoki Lauuliuli kau kauwa hoolohe.

A i kela wa ua hemo koke mau ka puka o ka rumi a ninau koke mai la heaha kapilikia au uke ai au hoi e hanaaku ai nou.

Pane aku la o Keoki Lauuliuli aole he pilikia a ka ua haohao au i kou ike ana aku nei i kekahi kino kanak e holoholo ana me waho o ka lanai a i kou ninau ana aku nei ua pane mai nei o ka Makai Kiu ka a oia kou kumu i hele mai nei a hoala ia oe oiaio paha aole paha.

I ka lohe ana o kona haku i kana hoike ua pelu hope akula oia a loaa kana pu panapana a puka maila iwaho a hele aku la no waho o ka hale.

Ia laua i hookoke aku ai e hoea i ka lanai ua ike koke aku la laua i kekahi kino kanaka e holoholo ana me ke kika puhi ma kona waha a e pua ana hoi ka uahi.

                Ua pane koke aku la ka ona hale owai keia Kiu o ka wanao i kou wahi nei.

                H@ ma Kamepela kou hoaloha heaha ka pilikia e kuu hoaloha o kou puiwa ana o keia wanaao.

                Auwe ooe no ka ia e kuu hoaloha Lau Omaomao.

                A e owau no keia kou hoaloha oiaio

Auwe ke ala nei no ka oe aole oe i moe i keia po a o ke ao wale ae no koe.

                A e oia no kau hana a ole au i makemake e hia moe a hiki i ka hiki ana i Misouri oiai ua hooholo au pela.

                A noia kumu kou ae ole ana aku ia oe e ku kiai kou mau kanaka oiai ua lawa no iau ia hana me ka pilikia ole.

                Ua hauoli loa ia ka ona nona ua Towela ala a noia kumu ua pane koke aku la oia aole au uke i kekahi kanaka makaaa e like me oe ke ano ana kupono maoli no ke kulana o ka oihana maluna ou.

                Ua pane aku la ka Makai Kiu e kuu hoaloha o ke kanaka e makemake ana e lawe i keia oihana ano nui e kapae mua oia i ka hia moe mai kona mau lihilihi maka aku a e kiola hoi i ka manao makau wale mai kou houpo aku a e hookomo i ka manao koa a me ka wiwo ole ka eleu a me ka makaukau piha alaila pono oia ke ano o keia hana au i lawelawe.

                Pane aku la ka ona ona Towela e kuu maamaka oiaio a hoaloha pili paa hoi nou no ka wa mau loa e ae mai oe ai u e ninau aku ia oe i kekahi mea.

                E ninau mai a nau e pane aku ka haina wahi aka Makai Kiu i pane aku ai.

O ka oihana Makai Kiu au e lawelawe nei he@ hana a nei ia nau ponoi no i koho@ a i ole na kekahi mea paha i hookikina ia oe e hana.

                E Mr. Kamepela ua maikai kau ninau a nau hoi e pane aku no kou noonoo pono i no i koho iho malalo o kekahi kumu a oia keia.

                I kou mau la opio e noho a nau me kuu makuahine makahi kauhale o Lama o naaua wale, me ka hele mau ana ou i ke kula i Misouri.

                A i kekahi la au i hoi aku ai aia hoi ua ike koke aku la wau i ke kino kupapau o kou mama aloha e waiho mai ana me ka manaonao ma ka puka ponoi no o ko maua wahi pupupu hale a ua ike iho la wau i  kou pilikia oiai he eiwa wale no ou mau makahiki ia wa.

                Aka aole loa kou mau waimaka i hookahe ia no kuu mama aloha a ka ua kii aku @ i ka poe e noho kokoke mai ana e hele mai e kokua iau ke keiki makua ole.

                A mai loko mai oia wa ua hoohiki paa loa wau aole au e hoomaha ana a hiki i ka loaa ana iau o ka mea nana i pepehi hoowainoino i kou mama aloha.

                A noia kumu ua haalele koke au i kahi kauhale o Lama a hele aku au no Nu Ioka no ke ao ana i ka oihana au elawelawe nei a hiki i kou puka ana iloko o eiwa makahiki o kou ao ana a hoi mai au no kahi pupupu hale kahiko o maua ma kahi kau hale o Lama.

                I kela wa ninau koke aku la o Mr. Kamepela pehea ua loaa ia nae paha ka mea nana i pepehi i kou makuahine.

                Ae ua loaa oia iau a he pio oia mau i keia la a hiki i kona make ana

Aia oia i hea i keia wa kahi i paa ai.

                Eia iloko o kou Towela nei a oia kekahi la’a o ka hui Powa o Ieke.

                Me ka manao pihoihoi ua ku na hihi aela na hiohiona na ona Kamepela nei a pane mai la i na eia oia iloko o kela poe Ilio omo koko he pono e make koke oia ano.

                I kela wa pane aku la ka Makai Kiu aole au i manao pela a ka ua makemake au e hoihoi aku i a lakou a pau ahiki i Misouri a lawe loa aku au iaia no no kou hale kahi hoi ana i pepehi ai i kuu mama aloha like pono ai oia i ke ano o ka mea ana i hana ai a ma ia hope iho e pepehi aku ai au iaia a make loa me kou lima ponoi i kulike ai me kau i lawe ai i ka hoohiki a oia kau e hoike aku nei ia oe e kuu hoaloha.

                Pane hou aku la o Mr. Kamepela e kuhikuhi mai oe iau i na wahi ilio ala like pono ai au i kona mau hiohiona.

                Ae wahi a ka pane a ka Makai Kiu aia hoi a ala nui mai alaila kuhikuhi aku wa ia oe.

                Pane hou aku la o Mr. Kamepela pehea la e oluolu ana a nei oe owau pu kekahi e u  kali aku i ka oukou huakai a hiki i Misouri.

                Ae i na ua makemake oe @ hele e hoomaha malaila ua hiki no a i na no o oukou a pau aole ia he mea pilikia oiai o ka la e kau ai ka hoopai o ka make maluna o na poe powa oia kekahi la ano nui loa ma Misouri a he la hoiia no ka hauoli o na oia a pau.

                I ke la wa ua ku koke aela o Kamepela iluna a hele holoholo aku la me ka leo o ka hauoli ua kauoho koke aku la oia i kona kahu lio e hoomakaukau ia no mea a pau e pili ana i kona pono hololio a me kana Lede a me ka laua kaikamahine a ua kauoha pu ia aku no hoi ka lio o na powa e hoomakaukau pu ia mai a pela pu ko ka Makai Kiu.

                I ke kani ana o ka hora ehiku oia kakahiaka ua hoi aku la lakou e ai i ko lakou aina kakahiaka a i ka pau ana ua liuliu koke aela lakou no ka lako i huakai hele e hoonee aku i mua ma ke ala e hiki aku ai i Misouri.

                I ka hora 9 ponoi no oia kakahiaka ua hoomaka aku la lakou e hele a e like no me ko lakou kulana mua i hele mai ai pela no keia e nee nei.

                I ke kani ana o ka hora 12 oia la aia lakou a pau i ka waena konu o ka ulu laau kahi i hele ai oiai ka wa o ka Makai Kiu i pane aku ai i kona mau hoaloha a me na powa e hoowaha lakou oiai ua maluhiluhi loa ia na Lede mo keia huakai loihi a ua ae mai la lakou a hoomaha iho la.

                Ua hoomakaukau iho la lakou no ko lakou paina awakea i na mea ai a lakou i lawe pu mai ai a hiki i ka lawa ana o ka lua o ka inaina a nana i hoopau mai.

                I ka hora 1 ponoi oia auina la ua haalele iho la lakou ia wai a hoomaka hou aku la e hele no mua.

                Ma keia hele ana na ninau aku la o Kamepele i ka Makai Kiu.

                Pehea la e hiki ana no anei kakou i Misouri i keia auina la a i ole i keia po paha.

                Pane aku la ka Makai Kiu aole aia a ka ia apopo hora 12 ponoi o ke awakea alaila hiki pono kakou i kauhale.

Pehea e moe ana a nei kakou iloko o keia ulu laau i keia po.

                Aole e hoea aku ana kakou i kekahi hale hooluolu o Pilipo i ka hora 6 o keia ahiahi a malaila kakou e moe ai.

                Ua hoomaka aku la la ou i ka hele ana a hiki i ka puka ana iwaho o ka ululaau, o ka hora 5 ia o ke ahiahi.

Ike aku la lakou i kekahi hale e ku mai ana ma kahi mamao, he aneane 10 mile mai a lakou aku.

                Ua ninau hou aku la o Mr. Kamepela:

                No wai hoi kela hale e ku mai la i ke kula?

                No Pilipo, wahi a ka pane a ka Makai Kiu Lau Omaomao.

                Oia anei ka hale o kakou e moe ai o keia po?

                Ae, oia no.

                Apopo hoi kakou no kai o ke ku lanakauhale.

                Pehea, he poe malama hale no nae paha kekahi o kela hale?

                Pela ko’u manao, ke ole nae e hoi no kai o ke Kaona.

                Ua hoomau aku la lakou i ka hele ana a hiki i ua h@le ala, aohe kanaka aia i Mana.

                Aka, ua hele aku no nae lakou a hiki i ka hale, a na ka ui Meliaka i wehe i na puka o ua hale ala.

                Oiai, o kona hale ia i hanai ia ai i kona mau la opio, a ua kamaaina oia i na wai a pau o ua hale ala.

                I ka hemo ana o ka puka, ua eleu koke aku la no ka ui Meliaka ma ka ho’a ana i na kukui o ua hale ala, mai luna a lalo.

                O ke kiekie okeia hale, he eha hale ia, a aia ina kona kikowaena kekahi puoa kiekie i huki aku i ke 50 kapuai.

                I kela wa, ua hoike mai la kona kulana, ua hele a kauluwela i ke ahi a Lonomakua.

                A mamuli o na kihikuhi ana a ka ui Meliaka i na mea ai, pela i lawa ai ko lakou paina ahiahi.

                Ua hoomaka ko lakou paina i ka hora 7:30 oia ahiahi, a pau i ka hapalua o ka hora 8.

                I ko lakou maona ana, ua haawi aku la ka Makai Kiu Lau Omao mao i ke kauoha ia Keoki Lineko na, e kiai oia i ka laua mau pio a hiki i kona hoi ana mai.

                Ma keia wai ke hoakaka aku nei ka mea kakau moolelo i kahi a ka Makai Kiu i hele ai, a oia iho keia:

                Ua noi aku ka makai Kiu i ka ui Meliaka, e ae mai iaia a me Kamepela, e pii laua iluna o ka aleo no kekahi hana a’u i makemake ai e hana.

                Ua ae koke mai la ka ui Meliaka me ka hoike pu mai, ua noa keia hale holookoa ia oe, a hoea loa aku i ke kai kapu a ke konohiki, aole he mea nana e keakea mai.

                Iloko oia wa ua kii koke aku la ka Makai Kiu, a wehe ao la i kona eke hele kuahiwi, a wehe ae ia, a lawe ae la oia i ua eke ala a paa ae la oia he owili pepa.

                A hoomaka aku la e hele a pii aku la no ka hale e luna me Mr. Kamepela.

 

He Moolelo Kaulana

NO

OPERIA

Ka Eueu o Aitiopia

A ME

APERODIATE

Ka Mahina Piha o Iopa   Ka Oiwi nona ka Ui a me ka Nani, i oi aku i ko

ALIOPE

Ka Moiwahine o na I’a o ke Kai

                Aka ulu hou mai la iloko ona na hoomaoao ana he hana kupono ole nana ka noho ekemu ole ana.

                Nolaila pane aku ia oia me ka malie a me ka waianuhea hoi o kana mau olelo penei.

                Ano ua aie nui au i kau mau mea a pau i kamailio mai nei a ke ike nei no hoi au ua pono kau mau hoikeike ana a pau i kau mea i ike ai e pili ana nou.

                Ua like no hoi ia me ka olelo aelike i hana ia mawaena ou a me au a oiai hoi o kana wale no ma keia wahi mehameha aohe mea e ae mawaho e kaua ke hoike aku nei au ia oe me ka hookamai ole o na kamailio ana ma na mea mawaho ae o ko kaua mau kino e hoopau loa aku kaua i ka noonoo one ia.

                O kau wale no e noi aku nei ia oe a e pono oe e hoike mai me ka oiaio.

                He oiaio anei aia kou mau hilinai ana a pau maluna ou a ina pela ke noi aku nei au ia oe o ka wa keia a kaue e hana ai i kekahi aelike mamua o ko kaua kaawale ana no kekahi manawa i maopopo ole iau.

                Na keia mau huaolelo i hoopuiwa aku i ka noonoo o ua kaikamahine la a me he mea la ua uluahewa kona noonoo.

                Pane mai la oia me ka puili ana ao o kona mau lima a i elua i ka i ana mai.

                He oiaio na kou uhane i hoanoe i kou noho ana iloko o ka uluwehiwehi o na mea hoonani o kou halealii a auwana mai la au mai ka hohonu lipolipo mai o ka moana no ka imi ana ia oe.

                Ua hele huli kino wahine mai au a ike maka i kou mau helehelna mamuli o ka naauaua i ke aloha.

                O ka ono o na mea ai ua like ia ua like ia me he mau mea maloohana la a o ka ono hoi o ka wai ua like ia me he mea hoopailua la.

                O na kuhikuhi a ka moe oia kou alakai o keia hele huli ana mai nei ia oe a ke hooiaio nei au i ka pololei loa o na kuhikuhi ana a hiki i kou loaa ana iho la.

                No kau noi e hana kaua i aelika hoopaa no ka kaua mau olelo i hoike oiaio hoi mawaena ou a me au no ka haawi ana i na huaolelo makia ana mawaena ou a me au.

                Ke ae aku nei au la mau mea a pau a ke hooia pu aku nei hoi he hana oi loa aku ia o ka maemae mamua o na mea e ae.

                I keia wa aole e hiki la Operia kekamailio hou no @ @ @ aku la ka kamailio ana o na mea a pau i ka nohea o ka moana.

                O kau hoopaa oia keia wahikomo nemonemo i hookipa hinohi ole ia ia ka wai hulali o ke gula a me ke daimana.

                Aka, e hoomanao oe aia he hana nui iloko  o kona wahi pauku kino kahi i waiho ai.

                O ko’u kino  aka keia, i na mana wa a pau au e makemake ai e ike ia’u, aia wau iloko o keia wahi ko mo ano ole kahi i noho ai a o ko’u halealii no hoi ia.

                Ina oe e makemake no kekahi mau kokua ana, aia no iloko o keia komo he hiki ke haawi ina hoopakele ana ina aia oe me ke kae o ka make.

                O na hooko ana i ka pololei o ke mau hoakaaka ana e ike no oe me kou mau maka ponoi.

                I ka pau ana no o keia mau olelo a ua nohea nei, o ke kai uli kai lipo lipo o ka wa koke no ia i nalo aku aku ai na helehelena kanaka ona kaikamahine nei a ma kahi ana i kamaiho mai ai, aia he halealii na an i ke ku maila, a e maalo alo ana hoi kanaka io a ia nei, e like me ke ano mau.

                Huli ae la na maka o ua Operia nei a nana aku la i ka hulali mai o na puka aniani o ua halealii la, oiai hoi na kukumna o ka la e pa alohi iho ana maluna o ua halealii kamahao la.

                Namunamu iho la ua koa opio nei me ka hoopuka pu ana ae i keia mau olelo.

                Kupanaha maoli no hoi oe e ua hoa kamailio nei aole hoi i pau pono ka kaua kamailio ana o kou haa lele mai nei no ka ia ia’u.

                Iloa no a pau keia mau kamailio ana a Operia o ka wa koke noia i pa e mai ai o ka o ua kaikamahine la, i ka i ana mai penei:

                Ano mai hoolilo i kou manawa ma ke kamailio wale ana no, no ka mea e hoolana i kou manao oiai o keia mau mea a pau nou wale no ia aole no kahi mea e aku.

I keia a i ninau aku ai o Operia i ka mea nona ka leo e pa e mai nei.

                Alaila ua kuleana anei au e hele pololei aku ma kela hale e ku maila mao me ke keakea ole ia, oiai he mea makehewa paha ko’u mahaoi aku me ka mea ole ia mai e hele aku.

                O keia mau olelo a Operia i ninau aku ai i ka nohea Aliope o ka moana aole ia ma ke ano hoohuahualau.

                Aka mailoko o ka lilo mai no ia o kona puuwai e ake ana e loaa mai ka pane kupono.

                I kela wa no hoi i loaa mai ai ia ia ka pane pololei ana mai me ka i mai.

                O keia mau mea a pau au e ike aku la nou ia aole no hai.

                Nolaila, e komo mai iloko nei o kona maluinalu, a a kaaiia pu me au maluna o ka papaaina i hoomakaukau ia nou.

                Mai kanalua oe, no ka mea, aole no hai ia kuleana, aka, nou a me kau mau manao mahope ou.

A kahi no e maopopo iaia, ua hamama mua ka i puka o @ ia halealii nona.

Hele pololei aku la oia no ka hele alii e ku mai ana mamoa o kona, alo, a aia hoi na mea a pau e holo ke ana io aia nei me ka piha ika hauoli nui.

@ like me na olelo kanoha a ko lakou haku i haawi mai ai, pela lakou i hana ai me ka hoohiwahiwanui.

I kona kaalo ana iho mamua o na kiai o ka halealii, haawi mai la lakou i na hoailona ulua ahi ale o ka hauoli.

Pii aku la oia ma na @ o ke alapii o ua hale alii la @ @ nui ua ai puupuu o ua hale la me na aahu like ole, e hoohehelo mai ana mamua o kona alo, me kona me kona nana ole aku i keia mau mea komo aku la oia iloko maoli o ke kino o ua hale la, me ka mea ole nana i keakea mai iaia.

He mehameha pu aku o loko o na rumi, a o ka hulali o na mea hoonani o kapaia o ua hale alii la oia ka mea e ku mai nei imua o kona alo me he aniani kiiohila.

Huli ae la oia maanei aole kona kamaaina nana hoi i kono mai iaia e komo aku.

A ke ake nei hoi oia e halawai a kuka kamailio pu hou la ua like me ka wa i kinohi.

Kona ake nui loa e kooko ia kona mau iini, ua komo aku la oia i loko o ka rumi hookipa nui o ua hale ala, me ka manao, aia paha ilaila ke ala kahi i noho ai.

Aka, o ka mea i ike ia aole he leo, aole hoi he hawanawana, a aole no hoi he mau kahoaka o kekahi mea e hoohauoli mai ai iaia oiai he malihini i maopopo ole iaia na poopoo oia wahi.

Ku malie iho la oia me ka nee ole aku o kona mau kapuai wa wae a ua piha pu hoi kona naau i kekahaha no ke hamaaina ole nana e hookipa aku iaia iloko o keia mau oaoi ana e ike nei.

I kona ku loihi ana malaila, aole mea nana e hoohauoli mai i kona noonoo, ma ke kamailio ana ai ole ma kekahi ano okoa ae paha.

Oiai o na kauwa lawelawe e holoke nei io a ianei he poe leo ole lakou a pau e aiki ai ia lakou a pau e hiki ai ia lakou ke puana mai hookahi wahi mamala olelo.

Pane ae la oia i keia mau huaolelo kaukau i kona hoa kuka o ka Pohina Uakea, ao ka laweia kihene hoi o ka naele.

Heaha la hoi ua hooko mai nei au i kau kanoha e kuu hoa uhai a holo o kahi mehameha me kuu manao la hoi e hui kino hou ana kaua ae puili pu hoi iloko o na kiaha haaleale o ka hauoli, ma ke ano he makamaka a he kamaaina hoi oe no keia aina malihini.

Eia ka aole, e hoao mai ana anei oe e wawahi i ko’u puuwai, me kau hamare kaumaha o ke aloha.

Aole loa noi e hiki i ke koikoi o ka mea ana paona ke hoohuli hope hu ae ia’u oia ke ala hele a’u i hele mai ai me ka nele o ku’u mau maka i ka ike hou aku i kou mau helehelena i aahu ia e ka ula ohelo helo o kona nani.

O kau mau huaolelo i pane mai ai ia u me ka oluolu ua like ia me ke komo olu la ana aku e ke onaona o ke kiaha waina iloko o ko’u wih@na puumonial, me ka hoopono ole ia o ka’a kina.

A ina me keia oe e hana ai alai la e aho ko’u waiho ana iho i ka ihiihi e kou halealii me la loaa ole he wahi kuia e hiki ai ia oe ke hoi mai oe ia’u ma na ano a pau.

Nolaila ke haawi aku nei au i ko’u hoomaikai palena ole maluna oa, no kau makane makamae i ha awi mai na’u e lei.

 Ke manao nei au e hoi hoi hou aku i kau mea i manawalea mai ai, i lei a i na’u e malama ai i na wa a pau.

                                                                                                Aole o pau