Ka Oiaio, Volume VII, Number 6, 12 April 1895 — Page 3

Ka Oiaio.

 

HE HOOPII KA ENELANI IA NICARAGUA.

 

            Ua hoopii aku ke Aupuni o Beritania Noi i ke aupuni Nicaragua ma o kona Kuhina e noho ana malaila. He olelo paa kai waiho ia aku i ke aupuni o Nicaragaa, e koi aku ana e uku mai ia aupuni he $75,000 no ke kipakuia ana o Mr. Hatch, ka Agena kanikela Beritania, iloko o na la pilikia o ka makahiki i hala; a e hookohu pu ia kekahi Aha Ko nisina e imi i ka nui o na poho o kona mau kupa e noho la ma Nicaragua. O keia Komisina, he hookahi a ke Aupuni Beritania, hookahi na laua aku e koho aole nae e koho ia kekahi Amerika ma keia Komisina.

            He mea maepopo loa aole e hai mai ana ke koi a ke Aupuni o Beritania Nui.

 

HOOPII NA NA AUPUNI EUROPA.

 

            Ua komo aku hoi ka hoopii koi aie a na aupuni o Europa ia Venezuala no ko lakou aie i na kanaka o ko lakou mau aupuni. Ua ku keia hoopii ma o Enelani no ka hookaa ole o na a@pani Repubalika o ka po@ ho@a hema o Amerika, i ko lakou aie i ka poe mea dala a lak@ i hoaie aku ai. He mea oiaio keia, a he kumu no hoi e alakai ana e homohia p@ aku ke ao iloko o na ul@aoa a me na hookuee kaua. O ka hoomaka ana keia e pupu`a liilii mai neiona hana o ka hopena o keia ao, a kakou e ike lihi nei ma na hana kanawai ole a kekahi lahui i kekahi lahui, e hoike ana na aneane pio ka hoopono a me ka manaoio o ka lahui kanaka o keia poepoe honua. He hoopai aka ka ke Akua nahope o ka ke kanaka mau nana, e like me ia i ke Kaiokahinalii.

 

HOOPONOPONO HOU IA O KAWA.

 

            Eia ke hana hou ia nei kekahi mau lumi pouli ma ka lumi nui malalo po@oi o ke kino o ka Hale Paahao o Kawa. E hapili ia ana keia mau lumi no na keiki hoopaa a hoaano aku ia e Mr. Low a me kona mau hope. Ke hoomaemae h@u ia nei no hoi ua palapu o ka Hale hookolokolo, oiai ke elemakule loa iho la m@hale hoopaa la o ka poe hookeke a kue kanawai.

            Hookahi hemahema nui a makou i hoomaopopo ai, ia makou i hoomalu ia ai no ke kali i ke kau kiure, oia hoi ka mau o ke ano kahiko, o na ki wehewehe o na rumi. Ua hoomanao ae makou i ka pau ana o elua haneri poe pupule i ke alii ma kekahi Hale Hoopaa Pupule ma Quibee, a no ka ike ia o ia hemahema a me ka hoino maewaewa o ka poe i loopia i ka poino ulia mai, na hana ia na laka o na rumi e hiki ai ke wehe ia i @kahi manawa me ka uwila. H@ mea nui ke ola o ke kanaka, a h@mea kupono no hoi e malama na luna aupuni i ke ola o na paahao, oiai lakou e hoopaa ia ana, ma na ano a pau e pakele ai e like me ia ae la, mamua o ka loohia ana i ka ulia poino o ke ahi paha a he kumu he ae. Na na Komosina Hale Paahao nae keia hana e hapai ae.

            Ua nui no na pono hou i hoohana ia e ka Luna Nui Low, iloko o ka malama ana i na mea e pono ai na Paahao, aka, he mau hemahema aku no hoe, i hiki ke pakui mau ia me ke akahele.

            Ua hiki ia makou ke mahalo ae i ke ano o ka hanai ia ana o na paahao. Ua kanana maikai ia ka ai, i hana i@ aoao mai ke m@kini hana poi mai a Maheleolelo Wilikoki, ma Kalihi. Ua lawa mau a lawa pono no hoi i ka herena a me ka palaoa maikai; @pi a me ke kamano maikai, @ e ia a moa maikai. O ke Ki inu a me kahi Kope wale no ka mea a makou i ike ai ua haule iho i ke ana onawaliwali holo wai. Ke hoohalike ia ka noho ana o ka hapanui o na lawehala, me ko lakou wa iwaho nei, he mea kanalua ole ke i ia ae, ua oi aku ka nui o na pono a me na pomaikai o ke ola kino i ko kekahi poe i ko lakou wa e noho lanakila ana, --Koe wale aku no keia, o ka ikiiki i ka hoohaiki ia o ka noho ana a me ka launa ana me ka ohana.

 

NU HOU HOPE LOA.

 

He mau Nuhou Makamaka

hou Ioa o ke ao holookoa.

 

KA MOKUAHI KINA MAI AMERIKA MAI.

 

Na mea hou ano nuu loa mai kela a me keia wahi mai o ka Honua.

 

            Ua oluolu iho ke onawaliwali o Haku Rosbery, Kuhina Nui o Enelani.

 

            Ua holo aku o Naita William Whiteway, ke Kuhina Nui o ke Panalaau o Nu Faunalana, no Otawa, me kona manao e hui aku me ke Aupuni Panalaau o Kanada, a e akaka ai na kumu e komo aku ai ma ka hoohui ana o na Panalaau a pau malalo o ke Panalaau Kanada.

 

            Ua make iho la o Naita Robata Duff, ke kiaaina hou o Wale Hou o ka Hema, Auseteralia, i ka la 16 o Maraki. He kanaka punahele oia i ka lahui Enelani, ma ka home a ma na Panalaau. O kona hoolewa ka oi o ke kelakela i malama ia ma Auseteralia. O Naita Edward Grey, ke Kakauolelo Ahaolelo o ka Oihana o ko na Aina e, ka i olelo ia he pani paha ma ko ka mea make wahi.

 

            He 500,000 ka nui o na kauaka i komohia i ka pilikia mamuli o ka hoole hana a na paahana hana kamaa, a he 200,000 kane, wahine a me keiki limahana i nele i ka hana. Ua hooh@ ka hapanui o na hui hana ka@e pani i ko lakou mau hale hana no eono hebedoma. He $300,000 ka`nui o ka waihona o na Hui a na Paahana Hana Kamaa.

 

            He 230 o ka ekolu haneri paahana eli-nanahu i hioloia a paa iloko o ka lua-nanahu o Karwin, ua hoopakeleia, a ua pio ka manaolana e pakele ana ke koena i koe aku.

 

            He 3000 ka huina o na pio i hoopaahao ia o na kanaka Aremiuia, e ke Aupuni Tureke, no ke kumu manao kalaiaina. He 8 bihopa, he 24 kahunapule, he poe kauka, a he poe Prefesa kekahi, iloko o keia heluna o na pio. Aole lakou i hookolokoloia, a ke hanaiia nei lakou, me 2 paona berena wale no o ka la.

 

            Ua pakele aku hoi o Slatin Bey kekahi o na lu@nela o ka puali koa o Generala Gordon i pepehi powa ia ai e na koa o ka Mahdi ma Soudana. He ewalu ona Loao ana e holomalu a akalu no oia a lanakila ma kona hiki loa ana ma Assouam.

 

            LAPANA:--He ekolu haneri ka nui o na Halepai Nupepa, o ka Hui Maderia, e hoolaha ana i na wa a pau me ke keakea ole ia, iloko o @ela a me keia Keena Oihana, he elua Luna Hooponopono.

 

            M@ ka Malulani o keia kakahiaka, i hola aku ai ko makou hua paaua no ke Kai Malino a Ehu.

            Ua hala aku nei ko makou wiliki helu ekahi o ka papa pai Ka Leo no ke kai lai o Kona, ua hele a ohu ohu i ka lei mili lima a na kaikamahine o Kanekina, ua kohu anela ka ika na aku i ke ku kilakila ma ka palekai.

 

HE LONO ANO NUI.

 

He Hoike na kekahi o na Makai Kiu.

 

Kakau ia maluna o ka Oneki o ka Mokumahu Kinau.

 

            Oiai makou e kamailio ana, ua hele makaikai ae la maua ia loko o ua hale paahao la, me ka ukali pu ia e ka luna o loko a me he mea la he kokoke elua hora paha ko maua noho ana iloko, a ke lohe mau nei hoi au i na leo hauwawa o na makamaka mawaho mai o ka pa, no ka hiaai o ka manao e ike i ua poe keiki la.

            Hookahi a`u wa@ mea ano pahaohao iki, oia hoi o ka hale kuke o keia hale paahao aia mawaho o ka pa, aole hoi maioko, e like me ko Kawa, iloko no na mea a pau.

I ko maua wa i puka aku ai mawaho a ka hale paahao, ua hele a lehau i na kanaka, mai na kane, na wahine a me na keiki, a o ka lakou huaolelo hookahi wale no ma ko lakou mau lehelehe i ka o piopio o na helehelena o keia poe keiki, a me he mea la, ua hoiha maoli ia ka puuwai o na kaikamahine maka onaona o ua aina kaulana la, e na helehelena waianuhea o keia poe opio aloha a@a o ka mokupuni o kakukihewa.

            Ua haalele aku la maua ma ia wahi, a ike iho la au he auwai e moe ana, a nana hoi e hoolawa ana i na ola kino maloko o ua home la o ka ehaeha, i kapa ia o Iauwai a i hoomoe ia mai hoi malalo iho o ka puu o Halai e komo ana iloko o ka pa o ke Kuia Hanai o Hilo, a mai liala mai, a ka home noho o Joaeph Nawahi, a hoea i kai o ka hale pahao.

            Ua hoi aku la maua no ko maua home, me ko`u kamaaina hoi e ukali pu ana, a i ka hoea ana aku, ua makaukau na mea ai, e laa kahi piopio moa, i hakui ia me ka pohaku, a he wahi poi hoi kekahi i hoomoa ia, ua hele a palahe.

            Na na ea aala o keia mau mea ai a ka poe o kauhale, i hooi aku i ka ono o ko`u puu, me he mea la, e i okoa mai ana no ia`u, e kapae na rula, a e lawe i ka rula, maa mau i waena o ka lahui Hawaii, a he mea oiaio, ua hooko aku la au pela.

            Ua alawa koke iho la au i ka poi iloko o kekahi umeke laau nui e ku ana. i hele a palahinu i ka milimimau ia, a ke iho la au, he poi ai lehua ko loko e haaleale ae ana me he lehua la ka ulu.

            Ua kamau iho la au i ko`u hoapo lewalewa me ka hoomaikai pu iho i loko o`u no keia mau lokomaikai i pahola ia mai e ho`u mau makamaka o ka aina malihini.

            Ma keia ia ua hele holoholo aku la au ma na alanui o ke kulanakauhale o Hilo, o ka`u wale no e puana ae ai, ua pomaikai loa au ma ke kau pu ana me keia poe, oia oi ma ka loaa ana ia`u he huakai hoohiwahiwa no ka pono o keia poe i hoopai ia.

            Ua kamoe loa aku la au i ko`u hele ana no ka halepule o Haili a ke ike aku la au he kakaalaueo wale no ka mea i halawai mai me a`u a ke komo mai la iloko o`u ka hoohuoi heaha la ke kumu o ka piha ole o keia halepale laukanaka i na la i hala aku.

            Aka, ua hoomanao ae la au i ko`u lohe @ia Honolulu, oia ke ano kue mawaena o ke kahu a me na hoahanao no na mea e pili ana i @ hoohui aina, a me he mea la, oia io no paha ke kumu o ka hookanuha o na hoahanau, a haalele aku la i ka hoomaalo mau ana aku @a @ paia laahaa o ua hale eohia la, a anoano i ka wa o Koana ke kahuhipa.

            Ua hiki aku la au ma Homelani ka home @ho o kekahi o na alakai o ka lahui, ua apo ia mai la au e ka lokou aikai o ka poe noho hale a ua hoohala ia he manawa no`u malaila, ma ke kamakamailio p@ ana me na kamaaina.

            Ua haalele aku la au ia lakou me na manao ohohia o ka hauoli, a huli hoi aku la au no ka home noho o ko`u kamaaina oiai ola e kali mai ana no ko`u hoi aku, a ua manao oia, ua hele paha au i ka ke au a ka hewahewa.

            Ua hui hou au me kua hoaloha a hahai mai la oia ia`u ua hele ia aku la ka Ilamuku e nonoi e na Komite o ka Hui aloha aina e ae mai i manawa no lakou e haawi ai i mau kokua no keia poe keiki aloha aina i lawe ia mai la no Hilo, a ua kali ia ka pane a no ka la apopo.

            I ke kakahiaka o ka Poakahi, ua holo ae la na lono, ea ae mai la ka Ilamuku i ke noi a na makamaka o Hilo, a e haawi ia hoi na makana e like me ka mea hiki ia lakou ke hana koe na mea e pili ana i ke au puni.

            He mea oiaio, aia na elele mama ke ahai la me ka hikiwawe loa, e kaucha aku ana e awiwi mai a e hoakaka ae ma kahi kupono, no ka lawe ana aku i ka lakau mau makana maloko o ka halepaahao o Kuikeola.

            O keia mau lono awiwi o ke kanoha ma kela a ma keia wahi o ke kulanakauhale, he mea ia i ohohia nui ia e ka lehulehu o na aina la, a ua hooko koke ia ke kauoha me ka hikiwawe loa, me he mea la, iloko o ka imi ana a ka maka.

            Ua hoomoa ia na puaa ai lehua o ua aina malihini la, aia na moa hanaiahuhu a Laieikawai ke hakui ia la iloko o na ipuhao o na amaama kapu hoi keia o na loko a na konohiki mea aina, na hemo wale mai la no ko lakou mau makaha, a ua manawalea wale mai la no na poe keiki aloha a na la o Hilo no na pio aloha aina.

            Oiai keia mau mea a pau e liuliu ia nei, aia na pio aloha aina ke liuliu ala ia lakou iho mamua iho o ko lakou huipu ana aku me keia poe e lawe aku ana i na makana.

            Mamua ae hoi o ka hoea io ana mai o ua manawa ia, ua hoike mua aku la ka Hamuku i ua poe heiki alo ehuehu la o Daimana Hila e hele ia mai ana lakou e ike e na kupa o Hilo, me ka lawe pu aku i na makana na lakou a e hoomanao lakou ua ae ia lakou ma na ano a pau, a koe aku na mea pili aupuni, aole i ae ia lakou, a i ole o ka poe paha mawaho mai e kamailio no ia mau mea.

            Ua lilo no hoi keia mau olelo hoo naauao moa aku ia lakou ia mea maikai, no ka mea ua maopopo ia lakou aohe paha he poe pio ma keia hope aku e hana ia e like me ko lakou ano ka haawi ia aku i manawa no lakou e kaana ai no lakou iho.

            I ke kokoke ana aku e hiki i ka manawa i hoomakaukau ia ai, aia hoi ua hele owaho iho o ka hale paahao o Kuikeole a piha pu i na kanaka, a ke @kokoi aku nei hoi kekahi poe mawaho o ka pani puka me ke ake nui e hemo mai ke pani o ua kakela la, a o ka wa ia o keia lehulehu a pau e komo aku ai, me ka hookoe ole ia iho mawaho e kali ai.

            I ka wa i ha@ i ia mai ai o ke kauoha i ke kiai puka e ku ana ia wa, oia no ka @wehe koko ia mai ai o ke pani a o ka wa no hoi ia i komo aku ai o @ Hui Puuwai Aloha Aina o Hilo, mai na kane, na wahine a me na keiki, me ka lakou mau makana e paa ana ma ko lakou mau @i kohu like hoi me ka hele ana e i@i na alii aimoku o na wa i hala,

            I ka@u hoomaopopo aku, ua hewa i ka wai ka nui o na kanaka, a aole no hoi i ike ia kekahi la kanaka nui o Hilo e @ike me keia @la, mahope iho o ka haule ana o ko aupuni Moi o Hawaii a aole no paha na keia mua aku e loaa ai kekahi la eehia loa o ka ehaeha e like me keia la a na kini e komo nei iloko o ka halepaahao.

            Ua hookaawale ia no hoi ke alanui e komo aku ai iloko e huipu ai me na opio aloha aina, a aia hoi na kulu waimaka o na kamaaina ke hanini la ilalo, i panai pu ia mai la e ua poe opio holo ole la.

            Lawe aku la lakou a hoahu iho la mamua o ke alo o ua poe la, a oiai hoi na ea aala o na lei hala o Pueloa na lehua ula a puakea o Mokaulele, a na maile kupaoa o Panaewa, e kaomi ia iho ana me ka malie ke moani pau ae la hoi me ke ala o na mea ai i hoomoa ia, a he ku maoli no hoi i ka hookelakela keia mau hana a ka Hui aloha aina o Hilo, e hiki ole ai i ka malihini kaahele ke nele kona haawi ana i na mahalo a nui i keia poe, no lakou keia mau makana makamae i haawi wale ia aku la me ke kumukuai ole.

            Oiai ka huakai imua o ke anaina o na opio aloha aina, ua haawi aku la ke Komite o ka Hui aloha aina, he mau olelo e hoomokuhia ai i na auwai waimaka o ua poe aloha la, a ua hiki ole no hoi ia`u ke uumi i ke kahi ana o na huna waimaka e kulu pakahi iho ana maluna o ko`u mau papalina.

            Huli ae la au a nana mao o maanei o ke anaina e kuku nei, aia na haawina like o ka waimaka ke hiolo makawalu io iho la maluna o kela a me keia mea pakahi i komo kela haawina kamahao loa iloko o ka puuwai o keia lahuikanaka, mai kinohi loa mai a hiki ia kakou i keia wa.

            Ka mea hoi a kakou a pau e kaena ai, aole loa e hiki i kamana o kekahi kupua ke hooiolo i ka naau kupaa o na kanaka Hawaii, i omilo ia iloko o ke kaula gula maemae o ke aloha.

            He kupanaha loa no hoi keia haawina, ke hoomaopopo maoli iho kakou, oiai o kela poe keiki a pau, he malihini loa lakou, oiai o kela poe keiki a pau, he malihini loa lakou ia kela aina, aka mamuli o ko lakou ana ana i kekahi hana ku i ka hanohano o ka aina hanau, ua lilo lakou i poe aloha ia ma na wahi a pau a lakou e lawe hele ia ai e ke aupuni.

            I ka pau ana o na huaolelo kaukau ma na aoao o ka Hui aloha aina ua panai mai la ua poe kaeaea la i ke mele lahui o Hawaii Ponoi, ka mea hoi nana i kono aku i na poe a pau o loko e uwe lakou me ka walohia.

            A i ka pau ana o keia mele ua haawi mai la lakou i kekahi mau leo mele hula, e pili ana i ke kahua ulu maika o Daimana Hila, na lae aa o Kaalawai, ka ua Lililehua Palolo Kuahine o Manoa ka Uhiwaio Pauoa Holoakeahole i Nuuanu a me ka wai Puakiki o Kalihi.

            I ka pau ana o ka lakou himeni ana, ua haule iho lakou ma kahi i hoomakaukau ia no lakou no ka ai ai ana i na makana aloha a ko Hilo poe, a aia hoi a manao mahalo iloko o lakou pakahi no keia hoohiwaeiwa i manawalea ia aku ia lakou.

            Ua ike pu aku la hoi au i na makana e ae mawaho o na mea ai, oia hoi na kika puhi baka nau a pela aku.

            Mahope iho o ka pau ana o ko lakou paina ana, ua haawiia ho manawa no ka lehulehu e hele ai e lulu lima aloha pu mamua o ka hookuu ia ana a ua ike aku la no hoi au, hele a wai na lima e halakau ana me ko ua poe keiki la.

            Aloha no a nui no hoi ko mahalo no ia mau hana a ko laila poe.

            I ka pau ana o keia mau hana, ua hookuu ia mai la ka lehulehu e hoi no ko lakou mau home ponoi, mamuli o ka pau e o ka manawa i haawi ia mai no ka lehulehu e luana pu ai me ua poe hanai la a ka lahui.

            A iloko hoi o keia aluka i hemo pu iho ai makou  no ko`u hale kamaaina a ke nana iho la au ia waho o ka pa o ka hale paahao a me na alanui like ole, hewa i ka wai ua mea he kanaka, ua like me ka nonanona ka lehulehu.

            E hele ana i ka akau e iho ana i ka hema, o hoi ana i ka hikina, a e kamoe ana hoi ma ke komohana no na home ponoi, a ku ae la hoi ka`u mau olelo hooheno, aole keia he poe pio aka, he poe alii aimoku maoli no na ka lahui ma ke ano o na hookupu a me ko lakou ike ia ana hoi ma ke ano hoohiwahiwa.

            Oiai makou e hoi pu nei me ka lehulehu o na kamaaina, na lohe aku la au i ka ninau o kekahi poe owai la hoi kela keiki hapahaole nana i pule ka ai ana a lakou, a o kekahi hoi owai la hoi ke keiki nanai pu@ ae la ke mele lahui Hawaii Ponoi, a me kekahi mau ninau he lehulehu a lakou e noko nei i ke kamailio.

            A o ka`u ia i akaaka ai, oiai; he poe wale no keia a pau aole lakou i maopopo i ko lakou mau inoa a i mea hoi e hoopau ia ai ko lakou pohihihi, ua pane aku la au me ka malie, a i wahi hoi e hiki ai ke lohe pono ia mai la e keia lehulehu.

            O John Wise ka mea nana i pule ka lakou ai ana, a o Lutanela Lilikoi hoi ka mea nana i puana ka leo mele lahui. I ka wa i lohe ia ai o keia lehulehu i ko`u hoike ana aku ia lakou i ka inoa o keia mau keiki, ua pohai koke mai la lakou ia`u, a ua ninau koke mai la ia`u pehea oe i ike ai? Ua hoike koke aku la au me ka hookaulua ole.

            Ua kamaaina au ia lakou a pau ma Honolulu, ahiki wale i na hora hahana o ke kaua kuloko, akahi no au a kaawale mai a lakou mai, pela hoi me kela mau keiki a`u i hoike aku la i ko lakou mau inoa, he mau hoa`loha pili paa loa ia no`u a oia ka`u e hoike aku nei me ka oiaio.

 

Ohuohu Halemano i ka ua Lulehua.

 

Ka po lea o Halalii ma ka Hotele Hawaii.

 

NA KEIKI OIWI O HAWAII ME KA LAKOU MAU HOKEO KANO.

 

I 15,000 kanaka a oi aku, oia ka hihimanu ou e Hawaii Aipohaku.

 

KA ULUMAHIEHIE O KE ALOHA.

            Mamua ae o ke kani ana ae o ka hora 7:30 o ke ahiahi Poalima aku nei i hala, Aperila 5, ua lehau ae la ka pa o ka Hotele Hawaii i na poe makaikai, n@ ke ake e ike maka i ka po le`a o Halalii, a e lohe hoi i na leo kani o na keiki ai pohaku o ka Bana Lahui Hawaii Ponoi.

            I ke koele ana ae o ka hamare a ka mea kiai manawa, ua lohe koke ia aku la na leo kani kapalili o ka Apapane mu wai pua lehua, mai na ipu makani mai a na keiki ai pohaku, e houhene mai ana lakou i ke mele mua loa ka paikau ma Daimana Hila.

            Eia ka papa o na leo mele e paani ia aku ana:

1--Grand March . . . . "Diamond Head"

            (new) . . . LIBORNIO, I

2--Overture . . . 'William Tell' . . . ROSSINI

3--Solo Saxophone . . . 'Star' . . . LIBORNIO.

4--Selection . . . . 'Hawaiian Selection' . . . . LIBORNIO.]

SONGS

5--Solo E Clarinet . . . 'Auld Lang Syne'

                        HARTMANN.

            C. PALIKAPU.

6--Waltz . . . 'Among Flowers' . . . HERNDER.

7--Schottische . . . 'Rose and Thorn'

                        VIDERIQUE.]

8--March . . . 'Q. Liliuokalani' . . . LIBORNIO.

                        'HAWAII PONOI.'

            Oia no ka wa i ike ia aku ai, ua hele na alanui, a me na wahi e ae e hoopuni ana i ka pa Hotele Hawaii a piha-u i ka n@i o na makaikai, a ma ko makou koho aku ua oi aku ka huina i hiki ae mamua o ka makou i koho mua ai, oiai, ua pau ae o kane o ka wahine, ua keiki, a me ka bepe iluna ke alo.

            A ma ka hoomaopopo ana, ua oi aku ka piha o keia po, i ko ka po mua loa i wehe ia ai keia puah puhi ohe Lahui.

            Oiai hoi, ua huli pau ia mai na iwa kiani o ka uluniu o Po ka-i, na lehua maka o oi, o ka ehukai o Puaena na moena pawehe o Mokuleia, na Papukanioe, o na Laie el@a, na kupa o ke kaha l@ o Kualoa, n@ ihu pani o kaua poai hala o Kahaluu, na olali o ke ko`a m@kumoku o Heeia-ali a me Hea@ke@, a me ko keiki o ke kipuka ili o ke kula laula o Halemau@ huhu@ ana ua maka i Kou nei.

            A o ka himeni mua loa a ua mau kaeaea ala o na hokeo kani i kuu pau mai ai, oia no kila make@ a oia iho keia.

Elua kupu@ a o ka moana,

A na o-ia e makau eni,

O ka Alebania me ke Senetoa,

Ka uhai loloa mai mahope,

I ahu la oe maanei,

Ke uepa kiani aku au,

O ke kila mak@eki mai @,

Nana e wawahi na pali @

            Nolaila, ke haawi nei makou i na hoomaikai ana i ka Lahui,@ ka malama ia o ka maluhia, a hiki wale i ka pau ana.

            O Hawaii no ka oi.

 

UA MOE KA HOOHUI AINA.

 

            Me ke la ua hoole loa o Amerika i ka hoohui aina ana aku o Hawaii me ia i keia wa, oiai, ke hapai ikaika @a la ka papa hana Kalai-aupuni Monroe.

 

HALAWAI KA AHA HUI EUANELIO.

 

            Ua wehe ia ka halawai hapa-makahik a ka Aha hui, ma ke kakahiaka Poakou nei, ma ka Hale Hoomana o Kaumakapili. Ua wehe ia na hana e ka Rev. J. Kekahuna, a ua koho ia hoi o Rev. E.S. Kimokeo, i luna hoomalu no ka Aha, a o Rev. K. Kavika, ke kakauolelo. Ua waiho ia mai ka hoike a keia a me keia mea i hiki mai e pili ana i ko lakou ekalesia. Hookahi mea nui i lohe nui ia, oia hoi ka like ole o ka noho ana o na ekalesia, a no ia kumu ua kohoia kekahi Komite e hele aku e launa me na haipule e hooponopono i na pilikia. Me he la e hookui ia ana keia Komite e ke kumu nui o ka mokuahana o na hoomana, oia hoi, ka huli ana o na kahunapule e kakoo i ka hoohui-aina a na alakai haole o lakou, ka mea a ka Lahui i hoole loa ai. He pukoa no keia, i like me ke koa i ili aku la o ka mokumahu Pele, a luu poo ka iho i ke kai me ke ahuwale o kona hope i ka la, mamua o kona holoaia maoli ana.

            I ka wa o ka hoomana i komo aku ai i ke aupuni o Kaikera, ia w@ lakou i hoowahawaha ai i ka ko lakou Kumu olelo ao i na Parisaio, ia lakou e imi haia ana iaia, oia keia: "Nolaila e haawi aku ia Kaikera i ka Kaikera, a i ke Akua i ka ke Akua." Ua hoomaopopo loa makou o keia ke kumu nui o ka mokuahana oiai, ia makou ma Kawa, ua ike iho makou i ke Kakauoielo Emersona e ao ana i na paahao i ka ia kapule, la 6 o Ianuari, 1895 e kuhikuhi ana no Karisto, a nona @oi maluna o ke Kea, aka, i ka Poakahi koke iho no, o keia Emersona no kai hoea mai me ka pakaupoohiwi, e alakai pio ana i ka poe hewa hana, me ka pahi-kaua a Peter@, aole hoi me ka pahimakalua a Iehova, ana i ao ai i ka la mamua iho. Like ole ke ao ana me ka hana, ka ke kakauolelo o ka Papa Hawaii, me ka ke Kumu Mai kai. Nolaila, ua puanuanu ka hoomana, a ina aole e mihi, e puai ia mai ana no oia, e like ma ko Laod@kea.

 

HE LUNA ELEU.

 

            Ua hiki mai ka papa inoa o ka poe lawe nupepa a o makou Luna eleu, G.W. Kaona, o Waimea, Kauai. He poe keia i uku mua-mai i ka lakou mau dala, me ka hoololoiahili ole mai me na ninau ano ole, a me ke kali ole. Ua ike keia poe aole lakou i poho i ka nupepa, ka mea hoomalamalama, hoonaauao; a hoonanea i ka noho ana kuaaina. A he mea oiaio no hoi ke olelo ia ae, ua pomaikai ka poe lawe i ka nupepa "Ka OIAIA" no ka uku haahaa loa malalo iho o eha keneta o ke kope hookahi. A he mea hilahila loa no hoi ka oleloia ana o ka poe lawe ole i ka nupepa a me ka poe lawe hoi a hookaa ole he poe nele @e hiki ai ke lawe i ka nupepa, a i lawe hoi me ka hookaa pono ole. Aka, he nui @o ka poe i hookaa pono ole i "Ka OIAIO" iloko o ua makahiki i hala aku, aka, ke hoopono aku nei makou i keia wa@ oiai, he nui ka l@hi a me na @ e ka hoopuka ana i keia mea he nupepa No na k@mu i hoomaopopoia ae ia, ua hauoli makou e hoike @ akku i ka inoa o ka poe i eleu mai i ka hookaa moa ana i ka nupepa, @muli o ka makaala a hoopono o ka Luna. Eia iho ua poe a:

S. Mokuwi. . . . @ . . @2

Kua Opun@i . . . . @2

@. Kaukaa . . . . . . @2

Mrs. Kala@ . . . . . @2

 " Kuk@ A@ . . . .@2

S. M. Makaila . . . .@2

@ Iokama . . . . . .  @2

Mrs. Kap@ . . . . . @2

Kapah@ . . . . . . . @2

L. @ . . . . . . . . . . @2

Mrs. Ma@ . . . . . @2

N@ . . . . . . . . . . .@2

 

            Ma ka Auseteralia i hoi @i nei ko ka@ hou a makamaka W.H. Cornwell mai K@palak@ko mai.